Please note that this site in no longer active. You can browse through the contents.
ಬರ್ಡ್ ಆಫ್ ಪ್ಯಾರಡೈಸ್
ಬರ್ಡ್ಆಫ್ ಪ್ಯಾರಡೈಸ್ ಒಂದು ವಿಶಿಷ್ಟ ಹೂವಾಗಿದ್ದು, ಇದನ್ನು ಕತ್ತರಿಸಿದ ಹೂವ್ರ, ಹೂವಿನ ಅಲಂಕಾರಗಳಿಗಾಗಿ ಹಾಗೂ ಉದ್ಯಾನಗಳಲ್ಲಿ ಬೆಳೆಯಲಾಗುತ್ತಿದೆ.
ಮಣ್ಣು
ಇದನ್ನು ಎಲ್ಲ ವಿಧದ ಮಣ್ಣಿನಲ್ಲಿ ಬೆಳೆಯಬಹುದಾಗಿದ್ದು, ಫಲವತ್ತಾದ ಕೆಂಪು ಗೋಡು ಮಣ್ಣು ಈ ಬೆಳೆಗೆ ಹೆಚ್ಚು ಸೂಕ್ತ.
ಬಿತ್ತನೆ ಕಾಲ
ಇದೊಂದು ಬಹುವಾರ್ಷಿಕ ಸಸ್ಯವಾಗಿದ್ದು, ತಂಪಾದ ಒಣ ಹವೆ ಈ ಬೆಳೆಗೆ ಬಹಳ ಉತ್ತಮವಾದುದು. ಚೆನ್ನಾಗಿ ಬೆಳಕು ಮತ್ತು ಬಿಸಿಲು ಇರುವ ಪ್ರದೇಶವ್ರ ಈ ಬೆಳೆಗೆ ಪೂರಕವಾದುದು. ಬೆಳೆ ನಾಟಿಗೆ ಜೂನ್ - ಅಕ್ಟೋಬರ್ ಅತಿ ಸೂಕ್ತ.
ಬೇಸಾಯ ಕ್ರಮಗಳು
ನಾಟಿ ಮಾಡುವ್ರದು: ಭೂಮಿಯನ್ನು ಚೆನ್ನಾಗಿ ಉಳುಮೆ ಮಾಡಿ ಹದ ಗೊಳಿಸಿ 60 ಘನ ಸೆಂ.ಮೀ. ಗಾತ್ರದ ಗುಣಿಗಳನ್ನು 1 ಮೀ. x 1 ಮೀ. ಅಂತರದಲ್ಲಿ ತೆಗೆದು ಮೇಲ್ಮಣ್ಣಿನ ಜೊತೆಗೆ 10-15 ಕಿ.ಗ್ರಾಂ ಉತ್ತಮ ಕೊಟ್ಟಿಗೆ ಗೊಬ್ಬರವನ್ನು ಪ್ರತಿ ಗುಣಿಗೆ ತುಂಬಿ ನಾಟಿಮಾಡಿ ಕೋಲಿನ ಆಶ್ರಯವನ್ನು ಕೊಡಬೇಕು.
ನೀರಾವರಿ ಮತ್ತು ಅಂತರ ಬೇಸಾಯ
8-10 ದಿನಗಳಿಗೊಮ್ಮೆ ಮಣ್ಣು ಮತ್ತು ಹವಾಗುಣವನ್ನನುಸರಿಸಿ ನೀರು ಹಾಕಬೇಕು. ಬೆಳೆಗಳಿಗೆ ಅನುಗುಣವಾಗಿ 50-100 ಕಿ.ಗ್ರಾಂ ಸಾರಜನಕ, ರಂಜಕ, ಪೊಟ್ಯಾಷ್ ಒದಗಿಸುವ ಸಂಯುಕ್ತ ರಾಸಾಯನಿಕ ಗೊಬ್ಬರ ಕೊಡಬೇಕು. ರಾಸಾಯನಿಕ ಗೊಬ್ಬರಗಳನ್ನು ಹಂತಹಂತವಾಗಿ ನೀಡುವ್ರದು ಬಹಳ ಉತ್ತಮ. ನಿಯಮಿತವಾಗಿ ಕಳೆಗಳನ್ನು ತೆಗೆದು ಪಾತಿಗಳನ್ನು ಸ್ವಚ್ಛವಾಗಿಡಬೇಕು.
ಸಸ್ಯ ಸಂರಕ್ಷಣೆ
ಕೀಟಗಳು: ಶಲ್ಕ ಕೀಟ ಮತ್ತು ಹಿಟ್ಟು ತಿಗಣೆ.
ಹತೋಟಿ ವಿಧಾನ:
ಕೀಟಬಾಧೆ ಕಂಡುಬಂದಾಗ 1 ಮಿ.ಲೀ. ಮೀಥೈಲ್ ಪ್ಯಾರಾಥಿಯಾನ್ ಅಥವಾ 2 ಮಿ.ಲೀ. ಆಕ್ಸಿಡೆಮೆಟಾನ್ ಮೀಥೈಲ್ ಇಲ್ಲವೆ 1.5 ಮಿ.ಲೀ. ಮಾನೋಕ್ರೋಟೋಫಾಸ್ ಅನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಬೆಳೆಗೆ ಸಿಂಪಡಿಸಿ.
ಇಳುವರಿ
ನಾಟಿ ಮಾಡಿದ 1-11/2 ವರ್ಷಗಳ ನಂತರ ಗಿಡಗಳು ಹೂ ಕೊಡಲು ಪ್ರಾರಂಭಿಸುತ್ತವೆ. ಪ್ರತಿ ಗಿಡದಿಂದ 6-8 ಹೂಗಳನ್ನು ಪಡೆಯಬಹುದು.
Download POP AppView POP website
Hemant Sharma
A User from Hanumangarh, Rajasthan,India
His contributions to agropediaOther ContributorsHistory
KVK-NetvKVKagropedia images New in agropedia Multilingual Editor