ಕ್ರ.ಸಂ

ಪೀಡೆ

ಲಕ್ಷಣಮತ್ತುಹಾನಿ

ನಿರ್ವಹಣಾಕ್ರಮಗಳು

1.

ಸಸಿಕೊಳೆರೋಗ

ಈ ರೋಗವು ಸಸಿ ಮಡಿಗಳಲ್ಲಿ ಮುಖ್ಯವಾದ ಸಮಸ್ಯೆಯಾಗಿದೆ. ಬೀಜ ಮೊಳಕೆಯೊಡೆಯುವುದಕ್ಕಿಂತ ಮುಂಚೆ ಅಥವಾ ಹುಟ್ಟಿದ ನಂತರ ಸುಮಾರು 30 ದಿನಗಳವರೆಗೆ ಕೊಳೆಯುತ್ತವೆ. ಪ್ರತಿಕೂಲಕರ ವಾತಾವರಣದಲ್ಲಿ ಈ ರೋಗದ ಬಾಧೆಯಿಂದ ಶೇ. 80-100 ರ ವರೆಗೆ ಹಾನಿ ಕಾಣಬಹುದು.

ಸಸಿ ಮಡಿಯು ಸ್ಥಳವನ್ನು ಬೇಸಿಗೆ ಕಾಲದಲ್ಲಿ ಆಳವಾಗಿ ಉಳುಮೆ ಮಾಡಬೇಕು ನೀರು ಬಸಿದು ಹೋಗುವಂತಹ ಎತ್ರ ಪ್ರದೇಶವನ್ನು ಸಸಿ ಮಡಿ ತಯರಿಸಲು ಆಯ್ಕೆ ಮಾಡಬೇಕು. ಸಸಿ ಮಡಿಯನ್ನು ತರಕಾರಿ ಮತ್ತು ತಂಬಾಕನ್ನು ಬೆಳೆದ ಸ್ಥಳಗಳಲ್ಲಿ ಮಾಡಬಾರದು. ಹತ್ತು ಸೆಂ.ಮೀ. ಎತ್ರ ಮಡಿಯನ್ನು ತಯಾರಿಸಬೇಕು. ಬೀಜ ಬಿತ್ತುವುದಕ್ಕಿಂತ ಒಂದು ದಿನ ಮುಂಚೆ ಶೇ. 0.25ರ ತಾಮ್ರದ ಆಕ್ಸಿಕ್ಲೋರೈಡ್ 50 ಡಬ್ಲೂ.ಪಿ ಅಥವಾ ಶೇ. 0.25 ಮೆಟಲಾಕ್ಸಿಲ್ ಎಂ.ಝಡ್ 72 ಡಬ್ಲೂ.ಪಿ ಅಥವಾ ಶೇ. 0.25 ರ ಮೆಟಲಾಕ್ಸಿಲ್ ಎಂ.ಝಡ್ 68 ಡಬ್ಲೂ.ಪಿ ಅಥವಾ ಶೇ. 0.5 ಬೋರ್ಡೊ ದ್ರಾವಣಗಳಿಂದ ಸಸಿ ಮಡಿಗಳನ್ನು ನೆನೆಸಬೇಕು. ಅವಶ್ಯಕತೆ ಅನುಸಾರವಾಗಿ ಬೀಜ ಬಿತ್ತಿದ 2,3,4 ಮತ್ತು 5ನೇ ವಾರಗಳಲ್ಲಿ ಮೇಲೆ ತಿಳಿಸಿದ ಶಿಲೀಂಧ್ರನಾಸಕಗಳ ದ್ರಾವಣದಿಂದ ಸಸಿ ಮಡಿಯನ್ನು ಸಿಂಪಡಿಸಬೇಕು. ಪ್ರತಿ ಚದುರು ಮೀಟರಿಗೆ 0.5 ಗ್ರಾಂ ಪ್ರಮಾಣದಂತೆ ಬೀಜ ಬಿತ್ತಬೇಕು. ಸಸಿ ಮಡಿಯಲ್ಲಿ ಹೆಚ್ಚು ನೀರು ನಿಲ್ಲದಂತೆ ನೋಡಿಕೊಳ್ಳಬೇಕು.

2.

ಕಪ್ಪುಕಾಂಡರೋಗ (ಬ್ಲ್ಯಾಕ್‍ಶಾಂಕ್)

ಮಣ್ಣಿನಲ್ಲಿರುವ ಶಿಲೀಂಧ್ರದಿಂದ ರೋಗ ಉಂಟಾಗುತ್ತದೆ. ಎಲೆಗಳು ಹಳದಿ ಬಣ್ಣಕ್ಕೆ ತಿರುಗಿ, ತಂಬಾಕು ಮಾಗುವುದಕ್ಕಿಂತ ಮುಂಚೆ ಗಿಡಗಳು ಒಣಗುತ್ತವೆ. ಬೇರು ಮತ್ತು ಕಾಂಡ ಕಪ್ಪು ಬಣ್ಣಕ್ಕೆ ತಿರುಗುತ್ತವೆ.

ತಂಬಾಕು ನಾಟಿ ಮಾಡುವ ಹೊಲವನ್ನು ಬೇಸಿಗೆ ಕಾಲದಲ್ಲಿ ಆಳವಾಗಿ ಉಳುಮೆ ಮಾಡಬೇಕು. ರೋಗಕ್ಕೆ ತುತ್ತಾದ ಸಸಿಗಳನ್ನು ನಾಟಿ ಮಾಡಬಾರದು. ರೋಗ ತಡೆದುಕೊಳ್ಳುವಂಥಹ ತಳಿಯಾದ ಭಾಗ್ಯಶ್ರಿಯನ್ನು ಉಪಯೋಗಿಸಬೇಕು ಬೆಳೆ ಪರಿವರ್ತನೆ ಮಾಡಬೇಕು. ತಂಬಾಕಿನ ಬದಲು ಶೇಂಗಾ, ಸೋಯಾಅವರೆ, ಹಿಂಗಾರಿಜೋಳ ಮತ್ತು ಕಬ್ಬು ಬೆಳೆಗಳನ್ನು ಬೆಳೆಯಬಹುದು. ಹೊಲದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ನೀರು ನಿಲ್ಲದಂತೆ ನೋಡಿಕೊಳ್ಳಬೇಕು. ಸಾಧ್ಯವಾದರೆ ಗುಣಿಗೆ ನಾಟಿ ಮಾಡುವಾಗ ಶೇ. 0.2 ಮೆಟಾಲಾಕ್ಸಿಲ್ ಎಂ.ಝಡ್ 72 ಡಬ್ಲೂ.ಪಿ ಅಥವಾ ಶೇ. 0.2 ತಾಮ್ರದ ಆಕ್ಸಿಕ್ಲೋರೈಡ್ 50 ಡಬ್ಲೂ.ಪಿ ಅಥವಾ ಶೇ. 0.5 ಬೋರ್ಡೊ ದ್ರಾವಣವನ್ನು ಹಾಕಬೇಕು. ಸಸಿಗಳನ್ನು ಸಾಧ್ಯವಾದರೆ ಮೇಲಿನ ಶಿಲೀಂಧ್ರನಾಸಕಗಳ ದ್ರಾವಣದಲ್ಲಿ ಅದ್ದಿ ನಾಟಿ ಮಾಡಬೇಕು. ರೋಗಕ್ಕೆ ತುತ್ತಾದ ಸಸಿಗಳನ್ನು ನಾಶಪಡಿಸಬೇಕು.

3.

ಬೇರಿನಗಂಟುರೋಗ

ರೋಗಕ್ಕೆ ತುತ್ತಾದ ತಂಬಾಕಿನ ಗಿಡದ ಎಲೆಗಳು ಹಳದಿ ಬಣ್ಣಕ್ಕೆ ತಿರುಗಿ ಕ್ರಮೇಣ ಒಣಗುತ್ತವೆ. ಎಲೆ ಮತ್ತು ಗಿಡದ ಬೆಳವಣಿಗೆ ಕುಂಠಿತಗೊಳ್ಳುತ್ತದೆ. ಬೇರಿನ ಮೇಲೆ ವಿವಿಧ ಗಾತ್ರದ ಗಂಟುಗಳು ಕಾಣಿಸಿಕೊಳ್ಳುತ್ತವೆ. ಈ ಗಂಟುಗಳು ಕ್ರಮೇಣ ಕೂಡಿಕೊಂಡು ದೊಡ್ಡಗಾತ್ರದ ಗಂಟುಗಳಾಗಿ ಪರಿವರ್ತನೆ ಹೊಂದುತ್ತವೆ. ಇಂತಹ ಗಿಡಗಳು ತಂಬಾಕು ಮಾಗುವುದಕ್ಕಿಂತ ಮುಂಚೆ ಒಣಗುತ್ತವೆ ಹಾಗೂ ಕಿತ್ತಾಗ ಅವು ಸುಲಭವಾಗಿ ಭೂಮಿಯಿಂದ ಬೇರ್ಪಡುತ್ತವೆ.

ತಂಬಾಕು ನಾಟಿ ಮಾಡುವ ಹೊಲವನ್ನು ಬೇಸಿಗೆ ಕಾಲದಲ್ಲಿ ಆಳವಾಗಿ ಉಳುಮೆ ಮಾಡಬೇಕು. ತಂಬಾಕು ನಾಟಿ ಮಾಡುವ ಮೊದಲು ಸಣಬಿನ ಹಸಿರೆಲೆ ಗೊಬ್ಬರ ಮಣ್ಣಿಗೆ ಸೇರಿಸಬೇಕು. ನಾಟಿ ಮಾಡುವ ಮೊದಲು ಪ್ರತಿ ಹೆಕ್ಟೇರಿಗೆ 10 ಟನ್ ಕೋಳಿ ಗೊಬ್ಬರ ಮಣ್ಣಿನಲ್ಲಿ (ಡೀಪ್ ಲಿಟರ್ ಪದ್ಧತಿಯಿಂದ ಪಡೆದದ್ದು) ಮಿಶ್ರ ಮಾಡಬೇಕು. ನಾಟಿ ಮಾಡುವ ಮೊದಲು ಪ್ರತಿ ಹೆಕ್ಟೇರಿಗೆ 25-30 ಕಿ.ಗ್ರಾಂ ಕಾರ್ಬೋಪ್ಯೂರಾನ್ ಅಥವಾ 10 ಕಿ.ಗ್ರಾಂ ಎಬುಫಾಸ್ ಮಣ್ಣಿಗೆ ಸೇರಿಸಬೇಕು. ಅಥವಾ ನಾಟಿ ಮಾಡುವ ಮೊದಲು ಪ್ರತಿ ಹೆಕ್ಟೇರಿಗೆ ಒಂದು ಟನ್ ಕೋಳಿಗೊಬ್ಬರ + 5 ಕಿ.ಗ್ರಾಂ ಕಾರ್ಬೋಫ್ಯುರಾನ್ 3 ಜಿ. ಮಿಶ್ರಣವನ್ನು ಪ್ರತಿ ನಾಟಿ ಗುಣಿಗೆ ಸುಮಾರು 100 ಗ್ರಾಂ ಹಾಕಬೇಕು. ರೋಗ ತಡದುಕೊಳ್ಳುವಂಥ ತಳಿಯಾದ ಭಾಗ್ಯಶ್ರೀಯನ್ನು ಉಪಯೋಗಿಸಬೇಕು. ಬೆಳೆ ಪರಿವರ್ತನೆ ಮಾಡಬೆಕು, ತಂಬಾಕಿನ ಬದಲು ಸೇಂಗಾ, ಸೋಯಾಆವರೆ, ಹಿಂಗಾರಿ ಜೋಳ ಮತ್ತು ಕಬ್ಬು ಬೆಳೆಯಬಹುದು.

4.

ನಂಜುರೋಗ (ಟಿಎಮ್‍ವಿ)

ಬೆಳೆಯ ಯಾಔಉದೇ ಹಂತದಲ್ಲಿ ಈ ರೋಗ ಕಾಣಿಸಿಕೊಳ್ಳಬಹುದು. ಆದರೆ ಇದರ ತೀವ್ರತೆ ಬೆಳೆಯ ಮೊದಲ ಹಂತದಲ್ಲಿ ಹೆಚ್ಚಿನ ಪ್ರಮಾಣದಲ್ಲಿ ಕಾಣಿಸಿಕೊಳ್ಳುತ್ತದೆ. ಎಲಗಳಲ್ಲಿ ಹಳದಿ ಮತ್ತು ಹಸಿರು ಮಿಶ್ರಿತ ಗೆರೆಗಳನ್ನು ಕಾಣಬಹುದು. ಎಲೆಗಳ ರೂಪ ಮತ್ತು ಗಾತ್ರ ಪರಿವರ್ತನೆ ಹೊಂದುತ್ತದೆ. ಎಲೆಗಳ ಮೇಲೆ ಅಲ್ಲಲ್ಲಿ ಗುಳ್ಳೆಗಳ ತರಹ ಉಬ್ಬುವಿಕೆ ಕಾಣಿಸಿಕೊಳ್ಳುತ್ತದೆ. ತಂಬಾಕಿನ ಇಳುವರಿ ಮತ್ತು ಗುಣಮಟ್ಟ ಕಡಿಮೆಯಾಗುತ್ತದೆ.

ರೋಗ ರಹಿತ ಸಸಿಗಳನ್ನು ನಾಟಿ ಮಾಡಬೇಕು. ರೋಗದ ಹೆಚ್ಚು ತೀವ್ರತೆ ಹೊಂದಿದ ಗಿಡಗಳನ್ನು ನಾಶಮಾಡಬೇಕು. ರೋಗಗ್ರಸ್ಥ ಗಿಡಗಳನ್ನು ಮಟ್ಟದ ನಂತರ ರೋಗರಹಿತ ಗಿಡಗಳನ್ನು ಮುಟ್ಟಬಾರದು. ಶೇ. 2 ರ ಬೇವಿನ ಎಲೆರಸವನ್ನು ಬೆಳೆಗೆ ಸಿಂಪಡಿಸುವುದರಿಂದ ರೋಗವನ್ನು ಸ್ವಲ್ಪ ಮಟ್ಟಿಗೆ ಹತೋಟಿಯಲ್ಲಿಡಬಹುದು.

5.

ಎಲೆಮುಟುರುರೋಗ

ಈ ರೋಗವು ನಂಜಾನುವಿನಿಂದ ಬರುತ್ತದೆ ಮತ್ತು ಬಿಳಿ ನೊಣಗಳಿಂದ ಪ್ರಸಾರ ಹೊಂದುತ್ತದೆ. ಎಲೆಗಳ ರೂಪ ಮತ್ತು ಗಾತ್ರ ಪರಿವರ್ತನೆ ಹೊಂದುತ್ತದೆ. ಎಲೆಗಳು ಕೆಳಮುಖವಾಗಿ ಮುರುಟುಗೊಂಡು ದಪ್ಪವಾಗಿ ವಿಕೃತಗೊಳ್ಳುತ್ತವೆ. ತೀವ್ರತೆ ಹೆಚ್ಚಾದಾಗ ಗಿಡದ ಬೆಳವಣಿಗೆ ಬಹಳಷ್ಟು ಕುಂಠಿತಗೊಳ್ಳುತ್ತದೆ.

ರೋಗರಹಿತ ಸಸಿಗಳನ್ನು ನಾಟಿ ಮಾಡಬೇಕು. ರೋಗಪೀಡಿತ ಗಿಡಗಳನ್ನು ನಾಶಮಾಡಬೇಕು ರೋಗವು ಬಿಳಿ ನೊಣಗಳಿಂದ ಹರಡುವುದರಿಂದ ಅವುಗಳನ್ನು ಕೀಟನಾಶಕಗಳಿಂದ ನಾಶಪಡಿಸಬೇಕು.

6.

ಎಲೆಚುಕ್ಕೆರೋಗಗಳುಕಪ್ಪೆಕಣ್ಣಿನಎಲೆಚುಕ್ಕೆರೋಗ (ಸರ್ಕೋಸ್ಫೋರಾ)

ಎಲೆಗಳ ಮೇಲೆ ಚುಕ್ಕೆಗಳು ಮೊದಲು ಕೆಳಭಾಗದಲ್ಲಿ ಕಾಣಿಸಿಕೊಂಡು ಮೇಲ್ಭಾಗಕ್ಕೆ ಹರಡುತ್ತವೆ. ಚುಕ್ಕೆಗಳು ವೃತ್ತಾಕಾರವಿದ್ದು ಖಾಕಿ ಬಣ್ಣದಾಗಿದ್ದು, ಮಧ್ಯದಲ್ಲಿ ಕಪ್ಪು ಚುಕ್ಕೆಗಳಿರುತ್ತವೆ. ಚುಕ್ಕೆಗಳು ದೂರದಿಂದ ಕಪ್ಪೆ ಕಣ್ಣಿನಂತೆ ಗೋಚರಿಸುತ್ತವೆ. ರೋಗದ ತೀವ್ರತೆ ಹೆಚ್ಚಾದಾಗ ಈ ಚುಕ್ಕೆಗಳು ಕೂಡಿ ಕೊಂಡು ಎಲೆಗಳೂ ಒಣಗುತ್ತವೆ. ತಂಬಾಕಿನ ಗುಣಮಟ್ಟ ಕೆಡುತ್ತದೆ.

ಶೇ. 0.1 ಕಾರ್ಬೆನ್‍ಡೈಜಿಮ್ 50 ಡಬ್ಳು.ಪಿ (1 ಗ್ರಾಂ/ಲೀ. ನೀರಿನಲ್ಲಿ) ಅಥವಾ ಶೇ. 0.1 ರ ಹೆಕ್ಸಾಕೊನೊಜೋಲ್ (1 ಮಿ.ಲೀ./ಲೀಟರ್ ನೀರಿನಲ್ಲಿ) ದ್ರಾವಣವನ್ನು ರೋಗ ಕಂಡ ಕೂಡಲೇ ಸಿಂಪಡಿಸಬೇಕು. ಹೆಚ್ಚಿನ ಪ್ರಮಾಣದಲ್ಲಿ ನೀರು ಹಾಯಿಸಬಾರದು. ರೋಗ ತಡೆದುಕೊಳ್ಳುವಂತಹ ತಳಿಯಾದ ಭವ್ಯಶ್ರೀಯನ್ನು ಬೆಳೆಯಬೇಕು.

7

ಆಲ್ಟರನೇರಿಯಾಎಲೆಚುಕ್ಕೆರೋಗ

ಸಣ್ಣ ಪ್ರಮಾಣದ ಬಹಳಷ್ಟು ವೃತ್ತಾಕಾರದ ಚುಕ್ಕೆಗಳು ಕೆಳಮಟ್ಟದ ಎಲೆಗಳಲ್ಲಿ ಮೊದಲು ಕಾಣಿಸಿಕೊಂಡು ನಂತರ ಮೇಲ್ಭಾಗದ ಹೊಸ ಎಲೆಗಳಿಗೆ ಪ್ರಸಾರ ಹೊಂದುತ್ತವೆ ಕ್ರಮೇಣ ಈ ಚುಕ್ಕೆಗಳು ಗಾತ್ರದಲ್ಲಿ ವೃದ್ಧಿಯಾಗಿ ಖಾಕಿ ಬಣ್ಣಕ್ಕೆ ತಿರುಗುತ್ತವೆ. ಚುಕ್ಕೆಗಳ ಸುತ್ತ ಹಳದಿ ಬಣ್ಣವಿರುತ್ತದೆ. ರೋಗದ ತೀವ್ರತೆ ಹೆಚ್ಚಿದಾಗ ಎಲೆಗಳು ಒಣಗುತ್ತವೆ. ತಂಬಾಕಿನ ಇಳುವರಿ ಮತ್ತು ಗುಣಮಟ್ಟ ಕಡಿಮೆಯಾಗುತ್ತದೆ.

ಶೇ. 0.2 ರ ಮ್ಯಾಂಕೋಜೆಬ್ 75 ಡಬ್ಲೂ.ಪಿ (2 ಗ್ರಾಂ/ಲೀಟರ್ ನೀರಿನಲ್ಲಿ) ದ್ರಾವಣವನ್ನು ರೋಗ ಕಂಡ ಕೂಡಲೇ ಸಿಂಪಡಿಸಬೇಕು.