Kannada

Package of practices of Paddy

Submitted by naipagropediaraichur on Wed, 23/10/2013 - 10:10

Posted in

Login to post comments
3194 reads

Package of practice for Urd

Submitted by naipagropediaraichur on Mon, 28/01/2013 - 17:05

Posted in

Introduction

ಉದ್ದು

ಉದ್ದು ಉತ್ತರ ಕರ್ನಾಟಕದ ಮುಖ್ಯವಾದ ದ್ವಿದಳಧಾನ್ಯದ ಬೆಳೆಯಾಗಿದ್ದು ಇದನ್ನು ಬೀದರ್, ಕಲಬುರ್ಗಿ, ಬೆಳಗಾವಿ, ಧಾರವಾಡ ಮತ್ತು ಹಾವೇರಿ ಜಿಲ್ಲೆಗಳಲ್ಲಿ ಬೆಳೆಯಲಾಗುತ್ತಿದೆ. ಈ ಬೆಳೆಯನ್ನು ರಾಜ್ಯದಲ್ಲಿ 1.27 ಲಕ್ಷ ಹೆಕ್ಟೇರಗಳಲ್ಲಿ ಬೆಳೆಯುತ್ತಿದ್ದು 0.44 ಲಕ್ಷ ಟನ್ ಉತ್ಪಾದನೆಯಾಗುತ್ತಿದೆ.

Varieties

ತಳಿಗಳ ವಿವರ

ತಳಿಗಳು

ವಲಯಮತ್ತುಸನ್ನಿವೇಶ

ಬಿತ್ತನೆಕಾಲ

ಅವಧಿ (ದಿನಗಳು)

ಡಿಯು-1

1,2 ಮತ್ತು 8 ಮಳೆಯಾಶ್ರಿತ

ಮುಂಗಾರು-ಜೂನ್ ಕೊನೆಯವರೆಗೆ

75-80

ಟಿ.ಎ.ಯು-1

-ಸದರ-

-ಸದರ-

75-80

Cropping system

ಅಂತರ ಬೇಸಾಯ

40 ದಿವಸಗಳೊಳಗಾಗಿ ಎರಡು ಸಾರಿ ಅಂತರ ಬೇಸಾಯ ಮಾಡಬೇಕು.

Seed & Sowing

ಬಿತ್ತನೆಗೆ ಬೇಕಾಗುವ ಸಾಮಗ್ರಿಗಳು (ಪ್ರತಿ ಹೆಕ್ಟೇರಿಗೆ)

ಬೀಜ

ಡಿಯು-1

15-18 ಕಿ.ಗ್ರಾಂ

ಟಿ.ಎ.ಯು-1

15-16 ಕಿ.ಗ್ರಾಂ

ಸಾವಯವಗೊಬ್ಬರ

ಕೊಟ್ಟಿಗೆ ಗೊಬ್ಬರ

5.0 ಟನ್

ಜೈವಿಕಗೊಬ್ಬರ

ರೈಜೋಬಿಯಂ

500 ಗ್ರಾಂ

ರಂಜಕ ಕರಗಿಸುವ ಅಣುಜೀವಿ

500 ಗ್ರಾಂ

ರಾಸಾಯನಿಕಗೊಬ್ಬರ

ವಲಯ 1,2, ಮತ್ತು 8

ಸಾರಜನಕ

25 ಕಿ.ಗ್ರಾಂ

ರಂಜಕ

50 ಕಿ.ಗ್ರಾಂ

ಬಿತ್ತನೆ

ಬೀಜ ಮತ್ತು ರಾಸಾಯನಿಕ ಗೊಬ್ಬರಗಳನ್ನು ಏಕಕಾಲಕ್ಕೆ ಬಿತ್ತನೆ ಮಾಡುವ ಕೂರಿಗೆಯನ್ನು ಉಪಯೋಗಿಸಿ ಶಿಫಾರಸಿದ ಎಲ್ಲ ರಾಸಾಯನಿಕ ಗೊಬ್ಬರವನ್ನು ಬಿತ್ತನೆ ಮಾಡುವಾಗ ಹಾಕಬೇಕು. ಬಿತ್ತುವ ಪೂರ್ವದಲ್ಲಿ ಬೆಳೆಯ ಬರ ನಿರೋಧಕ ಗುಣ ಹೆಚ್ಚಿಸಲು ಬೀಜವನ್ನು ಶೇ. 2ರ ಕ್ಯಾಲ್ಸಿಯಂ ಕ್ಲೋರೈಡ್ ದ್ರಾವಣವನ್ನು ಅರ್ಧ ಗಂಟೆ ನೆನೆಸಿ, ನಂತರ ನೆರಳಿನಲ್ಲಿ ಕನಿಷ್ಠ 7 ಗಂಟೆ ಒಣಗಿಸಬೇಕು. ನಂತರ ರೈಜೋಬಿಯಂ ಜೀವಾಣುಗಳಿಂದ ಉಪಚರಿಸಿ, ಸಾಲಿನಿಂದ ಸಾಲಿಗೆ 30 ಸೆಂ.ಮೀ. ಮತ್ತು ಬೀಜದಿಂದ ಬೀಜಕ್ಕೆ 10 ಸೆಂ.ಮೀ. ಅಂತರವಿರುವಂತೆ ಬಿತ್ತನೆ ಮಾಡಬೇಕು.

Weed management

ಕಳೆ ನಿಯಂತ್ರಣ

ಬೀಜ ಬಿತ್ತಿದ ಎರಡು ದಿನಗಳ ಒಳಗಾಗಿ ಪ್ರತಿ ಹೆಕ್ಟೇರ್‍ಗೆ 3 ಲೀ. ಪ್ಲುಕ್ಲೋರಾಲಿನ್ 45 ಇ.ಸಿ. ಅಥವಾ 4 ಲೀ. ಅಲಾಕ್ಲೋರ್ 50 ಇ.ಸಿ ಕಳೆನಾಶಕಗಳನ್ನು 1000 ಲೀಟರ್ ನೀರಿನಲ್ಲಿ ಕರಗಿಸಿ ಸಿಂಪಡಿಸಿ. ಸಿಂಪರಣೆ ಸಮಯದಲ್ಲಿ ಮಣ್ಣು ಹುಡಿಯಾಗಿದ್ದು, ಸಾಕಷ್ಟು ತೇವಾಂಶ ಹೊಂದಿರಬೇಕು.

ಉದ್ದು ಬೆಳೆಯ ಬೆಳವಣಿಗೆಯ ಮೊದಲ ಹಂತದಲ್ಲಿ ಅಂದರೆ ಉದ್ದು ಬಿತ್ತಿದ 25 ರಿಂದ 30 ದಿವಸಗಳ ನಂತರ ಕಂಡು ಬರುವ ಬೀಜದಿಂದ ವೃದ್ಧಿಯಾಗುವ ಏಕವಾರ್ಷಿಕ ಹುಲ್ಲಿನ ಜಾತಿಗೆ ಸೇರಿದ ಕಳೆಗಳ ಹತೋಟಿಗೆ ಪ್ರತಿ ಹೆಕ್ಟೇರಿಗೆ 50 ಗ್ರಾಂ ಕ್ವಿಝಾಲೋಫಾಪ್ ಇಥೈಲ್ 5 ಇ.ಸಿ. (ಅಂದರೆ ಪ್ರತಿ ಲೀಟರ್ ನೀರಿಗೆ 1.40 ಮಿ.ಲೀ. ತರಗಾ ಸುಪರ್ 5 ಇ.ಸಿ.) ಅಥವಾ 50 ಗ್ರಾಂ ಪ್ರೊಪಾಕ್ವಿಝಾಫಾಪ್ 10 ಇ.ಸಿ. (ಅಂದರೆ ಪ್ರತಿ ಲೀಟರ್ ನೀರಿಗೆ 0.70 ಮಿ.ಲೀ. ಸೊಸೈಟಿ 10 ಇ.ಸಿ.) ಕಳೆನಾಶಕವನ್ನು ಬೆಳೆಯಲ್ಲಿರುವ ಕಳೆಗಳಿಗೆ ಸಿಂಪಡಿಸಬೇಕು. ಈ ಕಳೆನಾಶಕಗಳನ್ನು ಬಳಸಸುವಾಗ ಪ್ರತಿ ಲೀಟರ್ ಕಳೆನಾಶಕ ಸಿಂಪರಣಾ ದ್ರಾವಣಕ್ಕೆ ಒಂದು ಮಿ.ಲೀ. ಇಂಡಟ್ರಾನ್ ಎ.ಇ. ಅಥವಾ ಒಂದು ಮಿ.ಲೀ. ಧನುಮಿಟ್ ಎಂಬ ಅಂಟು ದ್ರಾವಣವನ್ನು ಬೆರೆಸಿ ಬೆಳೆಯಲ್ಲಿರುವ ಕಳೆಗಳಿಗೆ ಸಿಂಪಡಿಸಬೇಕು.

Disease management

ಕೋಷ್ಟಕ: ಉದ್ದು ಬೆಳೆಯಲ್ಲಿ ಸಸ್ಯ ಸಂರಕ್ಷಣಾ ಕ್ರಮಗಳು (ಪ್ರತಿ ಹೆಕ್ಟೇರಿಗೆ 500 ಲೀ. ಸಿಂಪರಣಾ ದ್ರಾವಣ ಬೇಕಾಗುತ್ತದೆ.)

ರೋಗಗಳು

1.

ಎಲೆಚುಕ್ಕೆ ರೋಗ

ಎಲೆಗಳ ಮೇಲೆ ಪ್ರಥಮವಾಗಿ ಸಣ್ಣ ಚುಕ್ಕೆಗಳು ಕಾಣಿಸಿಕೊಂಡು ನಂತರ ಒರಟಾಗುತ್ತವೆ. ಎಲೆಗಳ ದೇಟಿನ ಮೇಲೆ ಕಂದು ಬಣ್ಣದ ಚುಕ್ಕೆ ಅಥವಾ ಉದ್ದನೆಯ ಗೆರೆ ಕಾಣಬಹುದು.

ರೋಗ ಲಕ್ಷಣ ಕಂಡಕೂಡಲೇ 2.0 ಗ್ರಾಂ ಮ್ಯಾಂಕೋಜೆಬ್ 75 ಡಬ್ಲೂ.ಪಿ. ಅಥವಾ 3.0 ಗ್ರಾಂ ತಾಮ್ರದ ಆಕ್ಸಿಕ್ಲೋರೈಡ್ 50 ಡಬ್ಲೂ.ಪಿ ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.

2.

ಬೂದಿ ರೋಗ

ಎಲೆಯ ಮೇಲ್ಭಾಗ ಹಾಗೂ ಕೆಳಭಾಗದಲ್ಲಿ ಕೆಲವೊಮ್ಮೆ ಕಾಂಡದ ಮೇಲೆ ಬಿಳಿ ಹಿಟ್ಟಿನಂತಹ ಶಿಲೀಂಧ್ರದ ಬೆಳವಣಿಗೆ ಕಾಣುತ್ತದೆ. ನಂತರ ಎಲೆಗಳು ಹಳದಿ ಬಣ್ಣಕ್ಕೆ ತಿರುಗಿ, ಉದುರಿ ಬೀಳುತ್ತವೆ. ಕಾಯಿ ಮತ್ತು ಕಾಂಡ ನೇರಳೆ ಬಣ್ಣಕ್ಕೆ ತಿರುಗುತ್ತವೆ. ಕಾಯಿಗಳು ಸಣ್ಣದಾಗಿ ವಿಕಾರಗೊಂಡು ಮಾಗುವುದಕ್ಕಿಂತ ಮೊದಲೆ ಒಣಗುತ್ತವೆ.

ರೋಗದ ಲಕ್ಷಣ ಕಂಡ ತಕ್ಷಣ 3.0 ಗ್ರಾಂ ಶೇ. 80 ರ ನೀರಿನಲ್ಲಿ ಕರಗುವ ಗಂಧಕ ಅಥವಾ 1.0 ಗ್ರಾಂ ಕಾರ್ಬನ್‍ಡೈಜಿಮ್ 50 ಡಬ್ಲೂ.ಪಿ ಅಥವಾ 1.0 ಮಿ.ಲೀ. ಹೆಕ್ಸಾಕೋನಾಜೋಲ್ 5 ಇ.ಸಿ ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು

3.

ನಂಜು ರೋಗ

ನಂಜು ತಗುಲಿದ ಎಲೆಗಳ ಮೇಲೆ ಹಸಿರು ಹಳದಿ ಬಣ್ಣದ ಉದ್ದನೆಯ ಪಟ್ಟಿಗಳು ಕಾಣಿಸುತ್ತವೆ. ಸಣ್ಣ ಎಲೆಗಳ ಮೇಲೆ ಹೆಚ್ಚಾಗಿ ಈ ಲಕ್ಷಣಗಳು ಕಾಣಿಸುತ್ತವೆ. ಈ ರೋಗವು ಬಿಳಿನೊಣದಿಂದ ಗಿಡದಿಂದ ಗಿಡಕ್ಕೆ ಹರಡುತ್ತದೆ.

ಈ ರೋಗ ಹರಡುವುದನ್ನು ತಡೆಯಲು 1.7 ಮಿ.ಲೀ. ಡೈಮೆಥೋಯೇಟ್ 30 ಇಸಿ ಅಥವಾ 0.5 ಮಿ.ಲೀ. ಫಾಸ್ಫಾಮಿಡಾನ್ 85 ಡಬ್ಲು.ಎಸ್‍ಸಿ ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು ರೋಗ ಬಾಧಿತ ಗಿಡಗಳನ್ನು ಕಿತ್ತು ನಾಶಪಡಿಸಬೇಕು.

Insect pest management

ಕ್ರ.ಸಂ.

ಪೀಡೆ

ಲಕ್ಷಣಮತ್ತುಹಾನಿ

ನಿರ್ವಹಣಾಕ್ರಮಗಳು

ಕೀಟಗಳು

1.

ಅಗ್ರೋಮೈಜಿಡ್ ನೊಣ

ಇದು ಸಣ್ಣ ನೊಣ, ಎಳೆ ಭಾಗಗಳ ಮೇಲೆ ಇಟ್ಟು ಮೊಟ್ಟೆಯಿಂದ ಹೊರಬಂದ ಮರಿಗಳು ಕಾಂಡವನ್ನು ಕೊರೆಯುತ್ತವೆ. ಕೊರೆದ ಕಾಂಡ ಬಾಡುತ್ತದೆ.

ಮುಂಚಿತವಾಗಿ ಬಿತ್ತನೆ ಮಾಡುವುದು, ಬಾಡುತ್ತಿರುವ ಸಸಿಗಳನ್ನು ಕಿತ್ತು ನೆಲದ್ಲಲಿ ಹೂಳಿದರೆ ಮುಂದಿನ ಪೀಳಿಗೆಯನ್ನು ತಡೆಗಟ್ಟಬಹುದು. ಕೀಟನಾಶಕಗಳಾದರೆ ಪ್ರತಿ ಲೀಟರ್ ನೀರಿನಲ್ಲಿ 1.7 ಮಿ.ಲೀ. ಡೈಮಿಥೊಯೇಟ್ 30 ಇ.ಸಿ. ಅಥವಾ 0.5 ಮಿ.ಲೀ. ಫಾಸ್ಫಾಮಿಡಾನ್ 85 ಡಬ್ಲೂ.ಎಸ್.ಸಿ. ಅಥವಾ 0.20 ಗ್ರಾಂ ಥೈಯಾಮೆಥಾಕ್ಸಾಮ್ ಅಥವಾ 0.3 ಮಿ.ಲೀ. ಇಮಿಡಾಕ್ಲೋಪ್ರಿಡ್ ಬೆರೆಸಿ ಸಿಂಪಡಿಸಬೇಕು.

2.

ಸಸ್ಯ ಹೇನು

ಬೆಳೆಯ ಎಳೆಯ ಭಾಗದಿಂದ ಮರಿಗಳು ಮತ್ತು ಬೆಳೆದ ಹೇನುಗಳು (ಏಫಿಡ್) ರಸವನ್ನು ಹೀರಿ ಬೆಳೆಯನ್ನು ಕುಗ್ಗಿಸುತ್ತವೆ. ಸಿಹಿ ಅಂಟನ್ನು ವಿಸರ್ಜಿಸುವುದರಿಂದ ಕಪ್ಪು ಬೂಸ್ಟ್ ಬೆಳೆಯುತ್ತದೆ. ಚಿಗುರೆಲೆ ಮತ್ತು ಕಾಯಿಗಳಿಂದ ಕೊಡರಸ ಹೀರುತ್ತವೆ. ಕಾಯಿಗಳು ಜೊಳ್ಳಾಗುತ್ತವೆ.

1.7 ಮಿ.ಲೀ. ಡೈಮಿಥೋಯೇಟ್ 30 ಇ.ಸಿ ಅಥವಾ 1.0 ಮಿ.ಲೀ. ಮಿಥೈಲ್ ಪ್ಯಾರಾಥಿಯಾನ್ 50 ಇಸಿ ಯನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪಡಿಸಬೇಕು.

3.

ಥ್ರಿಪ್ಸ್

ಚಿಗುರೆಲೆ ಮತ್ತು ಕಾಯಿಗಳಿಂದ ರಸ ಹೀರುತ್ತವೆ. ಕಾಯಿಗಳು ಜೊಳ್ಳಾಗುತ್ತವೆ.

ಪ್ರತಿ ಲೀಟರ್ ನೀರಿಗೆ 1 ಮಿ.ಲೀ. ಮಿಥೈಲ್ ಪ್ಯಾರಾಥಿಯಾನ್ 50 ಇ.ಸಿ ಅಥವಾ 1 ಮಿ.ಲೀ. ಮೊನೊಕ್ರೋಟೋಫಾಸ್ 36 ಎಸ್.ಎಲ್. ಅಥವಾ 1.7 ಮಿ.ಲೀ. ಡೈಮಿಥೋಯೇಟ್ 30 ಇ.ಸಿ. ಬೆರೆಸಿ ಸಿಂಪಡಿಸಬೇಕು 1.0 ಮಿ.ಲೀ. ಮಿಥೈಲ್ ಪ್ಯಾರಾಥಿಯಾನ್ 50 ಇಸಿ ಯನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪಡಿಸಬೇಕು.

4.

ಕಾಯಿ ಕೊರೆಯುವ ಹುಳು

ಈ ಹುಳು ಕಾಯಿಯಲ್ಲಿ ಬೆಳೆಯುತ್ತಿರುವ ಕಾಳಿನ ಪಕ್ಕದಲ್ಲಿ ರಂಧ್ರ ಕೊರೆದು ಮೊಟ್ಟೆಯನ್ನಿಡುತ್ತದೆ. ಮೊಟ್ಟೆಗಳಿಂದ ಹೊರಬಂದ ಹುಳುಗಳು ಹಸಿರು ಬೀಜವನ್ನು ತಿನ್ನುತ್ತವೆ. ಕಾಯಿಗಳ ಮೇಲೆ ರಂಧ್ರಗಳನ್ನು ಕಾಣಬಹುದು.

-ಸದರ-

5.

ಮೂತಿ ಹುಳು

ಮರಿ ಹುಳು ಕಾಳುಗಳನ್ನು ತಿನ್ನುವುದರಿಂದ ಇಳುವರಿ ಕಡಿಮೆ ಆಗುತ್ತದೆ.

-ಸದರ-

Yield

ಇಳುವರಿ (ಹೆಕ್ಟೇರಿಗೆ)

ತಳಿಗಳು

ಕ್ವಿಂಟಲ್

ಡಿಯು-1

8-10

ಟಿಎಯು-1

7.5-10

Login to post comments
3082 reads

Package of practice for Pigeonpea

Submitted by naipagropediaraichur on Mon, 21/01/2013 - 12:20

Posted in

Introduction

ತೊಗರಿ

ತೊಗರಿ, ಉತ್ತರ ಕರ್ನಾಟಕದ ಬಹು ಮುಖ್ಯವಾದ ದ್ವಿದಳ ಧಾನ್ಯದ ಬೆಳೆಯಾಗಿದೆ. ಇದನ್ನು ರಾಜ್ಯದಲ್ಲಿ 6 ಲಕ್ಷ ಹೆ. ಕ್ಷೇತ್ರದಲ್ಲಿ ಬೆಳೆಯುತ್ತಿದ್ದು 2.8 ಲಕ್ಷ ಟನ್ ಉತ್ಪಾದನೆ ಪಡೆಯುಲಾಗುತ್ತಿದೆ. ಇದನ್ನು ಕಲಬುರ್ಗಿ ಜಿಲ್ಲೆಯಲ್ಲಿ ಇಡೀ ಬೆಳೆಯಾಗಿ ಮತ್ತು ಇತರ ಪ್ರದೇಶಗಳಲ್ಲಿ ಹೆಸರು, ಉದ್ದು, ಎಳ್ಳು, ಜೋಳ ಮತ್ತು ಸಜ್ಜೆ ಬೆಳೆಗಳಲ್ಲಿ ಅಂತರ ಬೆಳೆಯಾಗಿ ಬೆಳೆಯಲಾಗುತ್ತಿದೆ.

Varieties

ತಳಿಗಳ ವಿವರ

ತಳಿಗಳು	ವಲಯಮತ್ತುಸನ್ನಿವೇಶ	ಬಿತ್ತನೆಕಾಲ	ಅವಧಿ (ದಿನಗಳಲ್ಲಿ)/ ವಿಶೇಷತೆ
ಮಧ್ಯಮಾವಧಿತಳಿಗಳು
ಮಾರುತಿ (ಐಸಿಪಿ - 8863)	1,2,3 ಮತ್ತು 8	ಜೂನ್-ಜುಲೈ	170-175/ ಕೆಂಪು ಬಣ್ಣದ ಕಾಳುಗಳು, ಸಿಡಿ ರೋಗ ನಿರೋಧಕ ತಳಿ, ಕಡಿಮೆ ಆಳದ ಮಣ್ಣನ್ನು ಹೊರತುಪಡಿಸಿ ಎಲ್ಲ ರೀತಿಯ ಮಣ್ಣುಗಳು ಸೂಕ್ತ. ಗೊಡ್ಡು ರೋಗ ಪೀಡಿತ ಕ್ಷೇತ್ರಗಳಲ್ಲಿ ಬೆಳೆಯಬಾರದು.
ಆಶಾ (ಐಸಿಪಿಎಲ್-87119)	-ಸದರ-	-ಸದರ-	180-200/ ಸಿಡಿ ಹಾಗೂ ಗೊಡ್ಡು ರೋಗ ನಿರೋಧಕ ತಳಿ. ಆಳವಾದ ಕಪ್ಪು ಮಣ್ಣು/ ನೀರಾವರಿ
ಟಿಎಸ್-3	-ಸದರ-	-ಸದರ-	180-190/ ಬಿಳಿ ಮತ್ತು ದಪ್ಪ ಕಾಳು.
ಡಬ್ಲೂಆರ್‍ಪಿ-1	2/ ಮಳೆಯಾಶ್ರಿತ ಕಡಿಮೆ ಆಳದ ಮಣ್ಣಿಗೆ ಸೂಕ್ತ	-ಸದರ-	155-160/ ಬಿಳಿ ಕಾಳು, ಸಿಡಿ ರೋಗ ನಿರೋಧಕ ತಳಿ ಗೊಡ್ಡು ರೋಗ ಪೀಡಿತ ಪ್ರದೇಶದಲ್ಲಿ ಬೆಳೆಯಬಾರದು.
ಟಿಎಸ್-3 ಆರ್	2	-ಸದರ-	145-150/ ನೆಟೆ ರೋಗಕ್ಕೆ ನಿರೋಧಕತೆ, ದಪ್ಪ ಕಾಳಿನ ಗಾತ್ರ ಗುಲ್ಯಾಳ ಲೋಕಲ್ ತಳಿಗೆ ಪರ್ಯಾಯ ತಳಿಯಾಗಿದೆ.
ಎಸ್-1	8/ಮಳೆಯಾಶ್ರತ	-ಸದರ-	180-190/ ಬಿಳಿ ಹಆಗೂ ದಪ್ಪ ಕಾಳು
ಅಲ್ಪಾವಧಿತಳಿಗಳು
ಪ್ರಗತಿ (ಐಸಿಪಿಎಲ್-87)	1,2,3 ಮತ್ತು 8	-ಸದರ-	120-130/ ಕೊಳೆ ಬೆಳೆ, ಹಾಗೂ ಬಹು ಬೆಳೆ ಯೋಜನೆಗೆ ಸೂಕ್ತ.
ಈಸಿ-11-39	2/ನೀರಾವರಿ	-ಸದರ-	125-135/ ಮಧ್ಯಮ ಗಾತ್ರದ ಕೆಂಪು ಬಣ್ಣದ ಕಾಳುಗಳು, ಬಹು ಬೆಳೆಯೋಜನೆಗೆ ಸೂಕ್ತ
ಬಿ.ಎಸ್.ಎಂ ಆರ್-736	1,2/ ಮಳೆಯಾಶ್ರಿತ	-ಸದರ-	180/ ಗೊಡ್ಡು ರೋಗ, ನೆಟೆ ರೋಗ ನಿರೋಧಕ ತಳಿ, ಕಂದು ಬಣ್ಣದ ಕಾಳುಗಳು

Cropping system

ಅಂತರ ಬೇಸಾಯ

15 ರಿಂದ 20 ದಿನಗಳ ಅಂತರದಲ್ಲಿ 2-3 ಬಾರಿ ಅಂತರ ಬೇಸಾಯ ಮಾಡಬೇಕು.

ಮಿಶ್ರ ಬೆಳೆ

ಕಡಿಮೆ ಆಳದ ಕಪ್ಪು ಭೂಮಿಯಲ್ಲಿ ತೊಗರಿಯನ್ನು ನವಣೆಯೊಂದಿಗೆ 2:1 ಸಾಲುಗಳ ಅನುಪಾತದಲ್ಲಿ ಅಂತರ ಬೆಳೆಯಾಗಿ ಬೆಳೆಯುವುದು ಸೂಕ್ತ (ನವಣೆಗೆ 45 ಸೆಂ.ಮೀ. ಸಾಲಿನ ಅಂತರ).

ತೊಗರಿಯಲ್ಲಿ ಕುಡಿ ಚಿವುಟುವದು

ತೊಗರಿಯನ್ನು ಬಿತ್ತನೆ ಮಾಡಿದ 50 ದಿನಗಳಲ್ಲಿ ಬೆಳೆ ಮೇಲ್ಭಾಗದ ಕುಡಿಯನ್ನು 5-6 ಸೆಂ.ಮೀ. ದಷ್ಟು ಕುಡಿ ಚಿವುಟುವದರಿಂದ ಹೆಚ್ಚಿನ ಸಂಖ್ಯೆಯಲ್ಲಿ ಕವಲೊಡೆದು, ಕಾಯಿಗಳ ಸಂಖ್ಯೆ ಹೆಚ್ಚಾಗಿ ಇಳುವರಿ ಹೆಚ್ಚಾಗುತ್ತದೆ.

ಇತರೆ ಕ್ರಮಗಳು

1. ಮೋಡ ಕವಿದ ವಾತಾವರಣವಿದ್ದಲ್ಲಿ ಎನ್.ಪಿ.ವಿ. ಬಳಕೆಯನ್ನು ಒಂದಕ್ಕಿಂತ ಹೆಚ್ಚು ಬಾರಿ ಉಪಯೋಗಿಸುವುದು ಸೂಕ್ತ.
2. ಒಂದು ಬಾರಿ ಉಪಯೋಗಿಸಿದ ರಾಸಾಯನಿಕ ಕೀಟನಾಶಕಗಳನ್ನು ಪದೇ ಪದೇ ಬಳಸಬಾರದು.
3. ಶಿಫಾರಸ್ಸು ಮಾಡಿದ ಪ್ರಮಾಣದ ಕೀಟನಾಶಕಗಳ ಜೊತೆ ಪುಂಡಿ ಅಥವಾ ಎಳ್ಳೆಣ್ಣೆಯನ್ನು 1:1 ರ ಪ್ರಮಾಣದಲ್ಲಿ ಬೆರಸಿ ಸಿಂಪಡಿಸಬೇಕು.
4. ಹೆಕ್ಟೇರಿಗೆ 1000 ಲೀಟರ್ ಸಿಂಪರಣಾ ದ್ರಾವಣ ಸಿಂಪಡಿಸಬೇಕು.
5. ಸಿಂಪರಣೆಗೆ ಬ್ಯಾಟರಿ ಚಾಲಿತ ಸಿಂಪರಕಗಳನ್ನು ಬಳಸಬಾರದು.

ಖರ್ಚು ಇಲ್ಲದ ಬೇಸಾಯ ಕ್ರಮಗಳು

• ಆಯಾ ವಲಯ ಪ್ರದೇಶಕ್ಕೆ ಶಿಫಾರಸ್ಸು ಮಾಡಿದ ತಳಿಗಳನ್ನೇ ಬಿತ್ತನೆಗೆ ಬಳಸುವುದು ಸೂಕ್ತ.
• ತೊಗರಿಯನ್ನು ಜೂನ್ ಎರಡನೆ ಪಕ್ಷದಲ್ಲಿ 90 ಸೆಂ.ಮೀ. ಅಂತರದ ಹರಿಗಳಲ್ಲಿ ಒಣ ಬಿತ್ತನೆ ಮಾಡುವುದರಿಂದ ಬಿತ್ತನೆ ಕಾಲವನ್ನು ಕಾಯ್ದುಕೊಳ್ಳುವುದಲ್ಲದೇ, ಹರಿಗಳಲ್ಲಿ ತೇವಾಂಶ ಸಂಗ್ರಹಣೆಗೆ ಅನುಕೂಲವಾಗಿ ಬಿಝದ ಮೊಳಕೆ ಪ್ರಮಾಣವನ್ನು ಹೆಚ್ಚಿಸುತ್ತದೆ. ಇದರಿಂದ ತೊಗರಿಯ ಕಾಯಿಕೊರಕದ ಬಾಧೆಯನ್ನು ಮುಂಬರುವ ದಿನಗಳಲ್ಲಿ ತಕ್ಕಮಟ್ಟಿಗೆ ತಪ್ಪಿಸಬಹುದು.
• ಅವಶ್ಯಕತೆಗನುಗುಣವಾದ, ಸಮಯೋಚಿತ ಸಸ್ಯ ಸಂರಕ್ಷಣೆ ಕ್ರಮಗಳು ಹೆಚ್ಚು ಲಾಭದಾಯಕ.

Seed & Sowing

ಬಿತ್ತನೆಗೆ ಬೇಕಾಗುವ ಬೇಸಾಯ ಸಾಮಗ್ರಿಗಳು (ಪ್ರತಿ ಹೆಕ್ಟೇರಿಗೆ)

ಬೀಜ: 10-12 ಕಿ.ಗ್ರಾಂ
ಇಡೀ ಬೆಳೆ: 6-8 ಕಿ.ಗ್ರಾಂ
ಮಿಶ್ರ ಬೆಳೆ :
ಜೈವಿಕ ಗೊಬ್ಬರ:
ರೈಜೋಬಿಯಂ: 500 ಗ್ರಾಂ
ವಲಯ 3: ಸಿಸಿ-1
ವಲಯ 1 ಮತ್ತು 2: ಜಿ.ಬಿ-1 ಅಥವಾ ಜಿ.ಬಿ. -2

ಬಿತ್ತನೆ

ಬೀಜ ಮತ್ತು ರಾಸಾಯನಿಕ ಗೊಬ್ಬರಗಳನ್ನು ಏಕಕಾಲಕ್ಕೆ ಬಿತ್ತುವ ಕೂರಿಗೆಯಿಂದ ಬಿತ್ತಬೇಕು. ಬಿತ್ತುವಾಗ ಶಿಫಾರಸಿದ ಎಲ್ಲ ರಸಗೊಬ್ಬರಗಳನ್ನು ಹಾಕಬೇಕು. ಬೀಜಗಳಲ್ಲಿ ಬರ ನಿರೋಧಕತೆ ಹೆಚ್ಚಿಸಲು ಬೀಜಗಳನ್ನು ಶೇ. 2 ರ ಕ್ಯಾಲ್ಸಿಯಂ ಕ್ಲೋರೈಡ್ ದ್ರಾವಣದಲ್ಲಿ 1 ತಾಸು ನೆನೆಸಿ, ನಂತರ ನೆರಳಿನಲ್ಲಿ ಕನಿಷ್ಠ 7 ತಾಸು ಒಣಗಿಸಬೇಕು. ಈ ರೀತಿ ಕಠಿಣಗೊಳಿಸಿದ ಬೀಜವನ್ನು ರೈಜೋಬಿಯಂ ಅಣುಜೀವಿ ಗೊಬ್ಬರದಿಂದ ಉಪಚರಿಸಬೇಕು. ವಲಯ 1 ಮತ್ತು 2 ರಲ್ಲಿ ಜಿ.ಬಿ. 2 ಹಾಗೂ ವಲಯ 3 ರಲ್ಲಿ ಸಿಸಿ-1 ರೈಜೋಬಿಯಂ ಜೈವಿಕಗೊಬ್ಬರದಿಂದ ಬೀಜೋಪಚಾರ ಮಾಡುವುದರಿಂದ ಬೆಳೆಗೆ ಶಿಫಾರಸ್ಸು ಮಾಡಿದ ಶೇ. 50 ರಷ್ಟು ಸಾರಜನಕವನ್ನು ಉಳಿತಾಯ ಮಾಡಬಹುದು. ಅಲ್ಪಾವಧಿ ತಳಿಗಳಾದಲ್ಲಿ ಬೀಜವನ್ನು 45 ಸೆಂ. ಮೀ. ಅಂತರದ ಸಾಲುಗಳಲ್ಲಿ ಬಿತ್ತಿ, ಸಾಲಿನಲ್ಲಿ 10 ಸೆಂ.ಮೀ. ಗೆ ಒಂದರಂತೆ ಸಸಿ ಉಳಿಸಿಕೊಂಡು ಉಳಿದ ಸಸಿಗಳನ್ನು ಕಿತ್ತು ಹಾಕಬೇಕು. ಮಧ್ಯಮಾವಧಿ ತಳೀಗಳಾದಲ್ಲಿ ಬೀಜವನ್ನು 90 ಸೆಂ. ಮೀ. ಅಂತರದ ಸಾಲುಗಳಲ್ಲಿ ಬತ್ತಿ, ಪ್ರತಿ 30 ಸೆಂ.ಮೀ. ಗೆ ಒಂದರಂತೆ ಸಸಿ ಉಳಿಸಿಕೊಂಡು ಉಳಿದ ಸಸಿಗಳನ್ನು ಕಿತ್ತು ಹಾಕಬೇಕು. ಬಿತ್ತಿದ 20-25 ದಿನಗಳ ನಂತರ ಸತುವಿನ ಸಲ್ಫೇಟ್‍ನ್ನು ಪುಡಿ ಮಾಡಿದ ಕೊಟ್ಟಿಗೆ ಗೊಬ್ಬರದ ಜೊತೆಗೆ ಸಮ ಪ್ರಮಾಣದಲ್ಲಿ ಕೂಡಿಸಿ ಮಣ್ಣಿನಲ್ಲಿ ಬೆರೆಸಬೇಕು. ಬಿತ್ತನೆ ಮಾಡಿದ 30 ದಿನಗಳ ನಂತರ 2 ಸಾಲುಗಳ ಮಧ್ಯ ಕಟ್ಟಿಗೆ ರೆಂಟೆಯಿಂದ ಹರಿಗಳನ್ನು ತೆಗೆಯುವುದರಿಂದ ಹೆಚ್ಚಿನ ತೇವಾಂಶ ಸಂಗ್ರಹಣೆಯಾಗಿ ಅಧಿಕ ಇಳುವರಿಯನ್ನು ಪಡೆಯಬಹುದು.

Transplanting

Transplanting:

ನಾಟಿ ಪದ್ಧತಿಯಲ್ಲಿ ತೊಗರಿ ಬಿತ್ತನೆ

ವಲಯ-1 ರಲ್ಲಿ ಮೇ ತಿಂಗಳ 2 ನೇ ವಾರದಲ್ಲಿ ಹಾಗೂ ವಲಯ 2 ರಲ್ಲಿ ಜೂನ್ ತಿಂಗಳ 2 ನೇ ವಾರದಲ್ಲಿ ತೊಗರಿಯ ಬೀಜಗಳನ್ನು ಪಾಲಿಥೀನ್ ಚೀಲದಲ್ಲಿ (5” x 4”) ಹಾಕಿ ಸಸಿಗಳನ್ನು ತಯಾರಿಸಿ 25-30 ದಿನಗಳ ಅವಧಿಯ ಸಸಿಗಳನ್ನು ಹದವಾಗಿ ಮಳೆಯಾದ ತಕ್ಷಣ ಅಥವಾ ತಡವಾಗಿ ಮಳೆ ಬಂದಲ್ಲಿ ಸಸಿ ಹಚ್ಚುವ ಸ್ಥಳದಲ್ಲಿ ನೀರು ಕೊಟ್ಟು ಬೆಳೆಯನ್ನು ಲಾಭದಾಯಕವಾಗಿ ಬೆಳೆಯಬಹುದು.

Nutrient management

ಸಾವಯವ ಗೊಬ್ಬರ

ಕೊಟ್ಟಿಗೆ ಗೊಬ್ಬರ ಅಥವಾ ಕಾಂಪೋಸ್ಟ್ 6 ಟನ್

ಅಥವಾ

ರಂಜಕಯುಕ್ತ ಕಾಂಪೋಸ್ಟ್ ಗೊಬ್ಬರ 2.5 ಟನ್

(ರಂಜಕಯುಕ್ತ ಕಾಂಪೋಸ್ಟ್ ಗೊಬ್ಬರ ಹಾಕುವುದರಿಂದ ಶೇ. 50 ರಷ್ಟು ರಾಸಾಯನಿಕ ಗೊಬ್ಬರಗಳನ್ನು ಉಳಿತಾಯ ಮಾಡಬಹುದು)

ರಾಸಾಯನಿಕ ಗೊಬ್ಬರಗಳು

ಸಾರಜನಕ	25 ಕಿ.ಗ್ರಾಂ
ರಂಜಕ	50 ಕಿ.ಗ್ರಾಂ
ಗಂಧಕ	20 ಕಿ.ಗ್ರಾಂ
ಪೋಟ್ಯಾಷ್ (ಕೆಂಪು ಮಣ್ಣಿಗೆ ಮಾತ್ರ)	125 ಕಿ.ಗ್ರಾಂ
ಸತುವಿನ ಸಲ್ಫೇಟ್	15 ಕಿ.ಗ್ರಾಂ

Weed management

ಕಳೆ ನಿಯಂತ್ರಣ

ಬಿತ್ತಿದ ದಿನ ಅಥವಾ ಮರುದಿನ ಪ್ರತಿ ಲೀಟರ್ ನೀರಿಗೆ 3 ಮಿ.ಲೀ. ಪೆಂಡಿಮಿಥೆಲಿನ್ ಅಥವಾ 2.2 ಮಿ.ಲೀ. ಅಲಾಕ್ಲೋರ್ ಕಳೆನಾಶಕವನ್ನು ಬೆರೆಸಿ ಸಿಂಪಡಿಸಬೇಕು. ಪ್ರತಿ ಹೆಕ್ಟೇರಿಗೆ 1000 ಲೀಟರ್ ಸಿಂಪರಣಾ ದ್ರಾವಣವನ್ನು ಬಳಸಬೇಕು. ಕಳೆನಾಶಕವನ್ನು ಸಿಂಪಡಿಸುವಾಗ ಮಣ್ಣಿನಲ್ಲಿ ಸಾಕಷ್ಟು ತೇವಾಂಶವಿರಬೇಕು ಅಥವಾ ಬಿತ್ತನೆ ಮಾಡಿದ 3 ವಾರಗಳ ನಂತರ (ಕಳೆಗಳು 3 ರಿಂದ 5 ಎಲೆಗಳ ಹಂತದಲ್ಲಿದ್ದಾಗ) ಪ್ರತಿ ಲೀಟರ್ ನೀರಿಗೆ 1.0 ಮಿ.ಲೀ. ಇಮ್ಯಾಝೆತಾಪೈರ್ ಕಳೆನಾಶಕವನ್ನು ಸಿಂಪಡಿಸಬೇಕು ಜೊತೆಗೆ ಬಿತ್ತನೆ ಮಾಡಿದ 6 ವಾರಗಳ ನಂತರ ಎರಡು ಸಾಲುಗಳ ಮಧ್ಯೆ ಸ್ಟ್ರೆಹುಡ್‍ನ್ನು ಉಪಯೋಗಿಸಿ ಪ್ರತಿ ಲೀಟರ್ ನೀರಿಗೆ 2.0 ಮಿ.ಲೀ. ಪ್ಯಾರಾಕ್ವಾಟ್ ಕಳೆನಾಶಕ ಬೆರೆಸಿ ಕಳೆಗಳ ಮೇಲೆ ಮಾತ್ರ ಸಿಂಪರಣೆ ಮಾಡಬೇಕು.

ಮಿಶ್ರ ಬೆಳೆಗಳಲ್ಲಿ ಕಳೆಗಳ ಹತೋಟಿ (ವಲಯ 1)

ತೊಗರಿ ಮೂಲಾಧಾರಿತ ಮಿಶ್ರ ಬೆಳೆ ಯೋಜನೆಗಳಾದ ತೊಗರಿ + ಉದ್ದು, ತೊಗರಿ + ಹೆಸರು, ತೊಗರಿ + ಜೋಳ, ತೊಗರಿ + ಎಳ್ಳು ಇವುಗಳಲ್ಲಿ ಬಿತ್ತಿದ ದಿನ ಅಥವಾ ಬಿತ್ತಿದ ಮರುದಿನ 2.7 ಮಿ.ಲೀ. ಪ್ಲುಕ್ಲೋರಾಲಿನ್ ಶೇ. 45 ಅಥವಾ 4 ಮಿ.ಲೀ. ಅಲಾಕ್ಲೋರ್ ಶೇ. 50 ನ್ನು ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಮಣ್ಣಿನ ಮೇಲೆ ಸಿಂಪಡಿಸಬೇಕು. ಸಿಂಪರಣೆಯ ಸಮಯದಲ್ಲಿ ಮಣ್ಣು ಹುಡಿಯಾಗಿದ್ದು, ಸಾಕಷ್ಟು ತೇವದಿಂದ ಕೂಡಿರಬೇಕು. ಹೆಕ್ಟೇರಿಗೆ 1000 ಲೀಟರ್ ಸಿಂಪರಣಾ ದ್ರಾವಣ ಉಪಯೋಗಿಸಬೇಕು.

ಸೂಚನೆ

1. ಅನವಶ್ಯಕ ಬೆಳವಣಿಗೆಯನ್ನು ಕುಂಠಿತಗೊಳಿಸಲು ಬಿತ್ತಿದ 70 ದಿನಗಳ ನಂತರ 3 ಮಿ.ಲೀ. ಮೆಪಿಕ್ವಾಟ್ ಕ್ಲೋರೈಡ್‍ನ್ನು ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.

2. ಮೊಗ್ಗು, ಹೂ ಮತ್ತು ಕಾಯಿ ಉದುರುವಿಕೆ ತಡೆಗಟ್ಟಲು ಬೆಳೆಯು ಮೊಗ್ಗು ಹಂತದಲ್ಲಿದ್ದಾಗ 20 ಪಿಪಿಎಂ (100 ಲೀ. ನೀರಿನಲ್ಲಿ 2 ಮಿ.ಲೀ. ಎನ್‍ಎಎ ಬೆರೆಸುವುದು) ನ್ಯಾಪ್ತಲೀನ್ ಅಸಿಟಿಕ್ ಅಸಿಡ್ ಆಮ್ಲವನ್ನು 15 ದಿನಗಳ ಅಂತರದಲ್ಲಿ 3 ಬಾರಿ ಸಿಂಪಡಿಸಬೇಕು.

3. ತೊಗರಿ ಇಳುವರಿ ಹೆಚ್ಚಿಸಲು ಟ್ರೈಕಾಂಟಿನಾಲ್ ಸಸ್ಯವರ್ಧಕವನ್ನು ಪ್ರತಿ ಲೀಟರ್ ನೀರಿಗೆ 0.5 ಮೀ. ಬೆರೆಸಿ ಬೆಳೆ ಹೂವಾಡುವಾಗ (ಬಿತ್ತಿದ 75 ದಿನಗಳ ನಂತರ) ಹಾಗೂ ಕಾಯಿ ಕಟ್ಟುವಾಗ (ಬಿತ್ತಿದ 90 ದಿನಗಳ ನಂತರ) ಸಿಂಪಡಿಸಬೇಕು.

Disease management

ರೋಗಗಳು
1	ನೆಟೆ ರೋಗ/ ಸಿಡಿ ರೋಗ/ ಸೊರಗು ರೋಗ	ರೋಗ ಬಾಧಿತ ಗಿಡದ ಎಲೆಗಳು ಹಳದಿಯಾಗಿ. ಬಾಡಿ ಜೋತು ಬಿದ್ದು ಒಣಗಿ ಉದುರದೆ ಗಿಡಕ್ಕೆ ಅಂಟಿಕೊಂಡಿರುತ್ತವೆ. ಗಿಡದ ಬೇರುಗಳೂ ಪೂರ್ತಿಯಾಗಿದ್ದು ಕೊಳೆಯದೆ ಆರೋಗ್ಯವಾಗಿರುವಂತೆ ಕಾಣುತ್ತವೆ. ಕಾಂಡವನ್ನು ಉದ್ದವಾಗಿ ಸೀಳಿ ನೋಡಿದಾಗ ನೀರು ಸಾಗಾಣಿಕೆಯ ಅಂಗಾಂಶವು ಕಪ್ಪಾಗಿರುವುದು ನಿಖರವಾಗಿ ಕಂಡು ಬರುತ್ತದೆ. ತಂಪಾದ ವಾತಾವರಣದಲ್ಲಿ ಒಣಗಿದ ಗಿಡದ ಕಾಂಡದ ಮೇಲೆ ಗುಲಾಬಿ ಬಣ್ಣದ ಶಿಲೀಂದ್ರದ ಬೆಳೆವಣಿಗೆ ಕಾಣಿಸುವುದು ಅರ್ಧ ಸಿಡಿಯಾದ ಗಿಡದ ಕಾಂಡದ ಮೇಲೆ ಕಂದು ಅಥವಾ ಕಡು ನೇರಳೆ ಬಣ್ಣದ ಪಟ್ಟಿಗಳು ಭೂಮಿಯ ಮಟ್ಟದಿಂದ ಮೇಲಕ್ಕೆ ಹಬ್ಬಿರುವುದು ಕಂಡು ಬರುವುದು. ಈ ರೋಗವು ಶೇ. 10-80 ರಷ್ಟು ಹಾನಿಮಾಡುತ್ತದೆ.	ಪ್ರತಿ ಕಿ.ಗ್ರಾಂ ಬೀಜಕ್ಕೆ 2 ಗ್ರಾಂ ಕ್ಯಾಪ್ಟಾನ್ 80 ಡಬ್ಲೂ.ಪಿ ಅಥವಾ ಥೈರಾಮ್ 75 ಡಬ್ಲೂ.ಪಿ ಅಥವಾ 2.5 ಗ್ರಾಂ ಕಾರ್ಬಾಕ್ಸಿನ್ 75 ಡಬ್ಲೂ.ಪಿ ಅಥವಾ 4 ಗ್ರಾಂ ಟ್ರೈಕೋಡರ್ಮಾ ಜೈವಿಕ ಶಿಲೀಂಧ್ರದಿಂದ ಬೀಜೋಪಚಾರ ಮಾಡಬೇಕು. ರೋಗ ಪೀಡಿತ ಗಿಡಗಳನ್ನು ಕಿತ್ತು ನಾಶ ಮಾಡಬೇಕು. ಸೊರಗು ರೋಗ ಪೀಡಿತ ಕ್ಷೇತ್ರದಲ್ಲಿ ಮಾರುತಿ, ಆಶಾ ಅಥವಾ ಡಬ್ಲು ಆರ್ ಪಿ-1 ತಳಿಗಳನ್ನು ಬಿತ್ತನೆಗೆ ಉಪಯೋಗಿಸಬೇಕು. ಜೋಳ ಅಥವಾ ಮುಸುಕಿನ ಜೋಳ ಮತ್ತು ತೊಗರಿ ಮಿಶ್ರ/ಅಂತರ ಬೆಳೆಯಲ್ಲಿ ಸೊರಗು ರೋಗ ಬಾಧೆ ಕಡಿಮೆ.
2.	ಗೊಡ್ಡು ರೋಗ	ರೋಗ ಬಂದ ಗಿಡಗಳು ಸಣ್ಣ ಗಾತ್ರದ, ಮೇಲ್ಭಾಗದಲ್ಲಿ ತಿಳಿ ಮತ್ತು ದಟ್ಟ ಹಳದಿ ಬಣ್ಣದ ಮೋಜಾಯಿಕ್ ತರಹದ ಮಚ್ಚೆಗಳನ್ನು ಹೊಂದಿ ಮುಟುರಿಕೊಂಡಿರುವ, ಹೆಚ್ಚಿನ ಸಂಖ್ಯೆಯ ಎಲೆಗಳನ್ನು ಹೊಂದಿ ಹೂ ಕಾಯಿಗಳಿಲ್ಲದೆ ಗೊಡ್ಡಾಗಿ ಉಳಿಯುತ್ತವೆ. ಬೆಳೆಯ ಎಳೆಯ ವಯಸ್ಸಿನಲ್ಲಿ ಈ ರೋಗ ಬಂದರೆ ಕಾಂಡವು ಉದ್ದವಾಗಿ ಬೆಳೆಯದೆ ಸಣ್ಣ ಟೊಂಗೆಗಳು ಹಾಗೂ ತಿಳಿ ಹಳದಿ ಬಣ್ಣದ ಚಿಕ್ಕ ಗಾತ್ರದ ಮುಟುರಿಕೊಂಡಿರುವ ಎಲೆಗಳ ಗುಂಪಿನಿಂದ ಕೂಡಿ ಕಂಟಿಯಂತಾಗಿ ಗೊಡ್ಡು ಆಗುವುದು. ಈ ರೋಗವು ಶೇ. 30 ರಷ್ಟು ಹಾನಿ ಮಾಡುತ್ತದೆ.	ರೋಗ ಬಂದ ಗಿಡಗಳನ್ನು ಕಿತ್ತು ನಾಶಮಾಡಬೇಕು. ರೋಗಾಣುವಿನ ಆಸರೆ ಸಸ್ಯಗಳಾದ ಬಹುವಾರ್ಷಿಕ ತೊಗರಿ ಮತ್ತು ಕೊಳೆ ತೊಗರಿ ಬೆಳೆಯನ್ನು ಕಿತ್ತು ನಾಶಮಾಡಬೇಕು. ನುಶಿ ನಾಶಕಗಳಾದ ಡಿಕೋಫಾಲ್ 18.5 ಇ.ಸಿ ಪ್ರತಿ ಲೀ. ನೀರಿಗೆ 2.5 ಮಿ.ಲೀ. ಅಥವಾ ಆಕ್ಸಿಡೆಮಟಾನ್ ಮಿಥೈಲ್ 50 ಇಸಿ ಪ್ರತಿ ಲೀಟರ್ ನೀರಿಗೆ 1.5 ಮಿ.ಲೀ. ಬೆರೆಸಿ ಬೆಳೆಯ ಮೇಲೆ ಸಿಂಪರಿಸಿ ರೋಗವಾಹಕ ನುಶಿಗಳ ನಿಯಂತ್ರಣ ಮಾಡಬೇಕು. ರೋಗ ಪೀಡಿತ ಕ್ಷೇತ್ರದಲ್ಲಿ ರೋಗ ನಿರೋಧಕ ತಳೀ ಐಸಿಪಿಎಲ್-87119 (ಆಶಾ) ಬಿತ್ತನೆ ಮಾಡಬೇಕು.
3.	ಫೈಟೊಪ್ತೆರಾ ಮಚ್ಚೆ ರೋಗ	ರೋಗಕ್ಕೆ ತುತ್ತಾದ ಎಳೆ ಸಸಿಗಳ ಬೆಳೆಯುವ ತುದಿ ಕೊಳತು, ನಾಶವಾಗಿ ಭೂಮಿಯ ಮೇಲೆ ಬೀಳುವವು ರೋಗಬಂದ ಗಿಡದ ಎಲೆಗಳ ಮೇಲೆ ನೀರಿನಿಂದ ನೆನೆದಂತಹ ಮಚ್ಚೆಗಳು ಕಾಣಿಸಿಕೊಂಡು ನಂತರ ನಾಶಹೊಂದಿದ ಭಾಗಗಳಾಗಿ ಪರಿವರ್ತನೆ ಹೊಂದುವವು. ಮುಖ್ಯಕಾಂಸ, ಟೊಂಗೆಗಳು ಮತ್ತು ಎಲೆಯ ತೊಟ್ಟಿನ ಮೇಲೆ ಕಂದು ಬಣ್ಣದಿಂದ ಕಡುಕಂದು ಬಣ್ಣದ ಮಚ್ಚೆಗಳು ಕಾಣಿಸುವವು. ಕಾಂಡದ ಮೇಲಿನ ಮಚ್ಚೆಗಳ ಭಾಗದಲ್ಲಿ ತಗ್ಗುಗಳಾಗಿ ಕಾಂಡವು ಮುರಿದು ಬೀಳುವುದು ಮತ್ತು ಮಚ್ಚೆಗಳ ಕೊನೆಯಲ್ಲಿ ಉಬ್ಬಿ ಕಜ್ಜಿಯ ಆಕಾರ ಹೊಂದುವುದು. ಈ ರೋಗವು ಕಡಿಮೆ ಪ್ರಮಾಣದಲ್ಲಿ ಬರುತ್ತಿದ್ದು, ಶೇ. 5 ರಿಂದ 10 ರಷ್ಟು ಹಾನಿಮಾಡುತ್ತದೆ.	ಪ್ರತಿ ಕಿ.ಗ್ರಾಂ ಬೀಜಕ್ಕೆ 4 ಗ್ರಾಂ ಮೆಟಲಾಕ್ಸಿಲ್ ಎಮ್.ಝಡ್ 72 ಡಬ್ಲೂಪಿ ಶಿಲೀಂಧ್ರನಾಶಕದಿಂದ ಬೀಜೋಪಚಾರ ಮಾಡಬೇಕು. ಹೊಲದಲ್ಲಿ ನಿಂತ ನೀರನ್ನು ಬಸಿದು ಹೋಗುವಂತೆ ಮಾಡಬೆಕು. ರೋಗ ಬಂದ ಗಿಡಗಳನ್ನು ಕಿತ್ತು ನಾಶಮಾಡಬೇಕು. ಬೇಸಿಗೆಯಲ್ಲಿ ಆಳವಾಗಿ ಮಾಡುವುದು ಸೂಕ್ತ.
4.	ಎಲೆ ಚುಕ್ಕೆ ರೋಗ	ಸಣ್ಣ ಗೋಲಾಕಾರದ ಕಂದು ಬಣ್ಣದ ಚುಕ್ಕೆಗಳು ಎಲೆಯ ಮೇಲೆ ಕಂಡು ಬರುತ್ತವೆ. ನಂತರ ಈ ಚುಕ್ಕೆಗಳ ಸಂಖ್ಯೆ ಮತ್ತು ಗಾತ್ರದಲ್ಲಿ ಬೆಳೆದು ಒಂದನ್ನೊಂದು ಕೂಡಿಕೊಂಡು ಎಲೆಯ ಬಹುಭಾಗವನ್ನು ಆವರಿಸುವವು. ರೋಗದ ತೀವ್ರತೆ ಹೆಚ್ಚಿದಾಗ ಎಲೆಗಳು ಸಸ್ಯದಿಂದ ಉದುರಿ ಎಲೆ ರಹಿತವನ್ನಾಗಿ ಮಾಡುವವು. ಈ ರೋಗವು ಕಡಿಮೆ ಪ್ರಮಾಣದಲ್ಲಿ ಬರುತ್ತಿದ್ದು, ಪ್ರತಿಶತ 5-10 ರಷ್ಟು ಹಾನಿ ಮಾಡುತ್ತದೆ.	ಪ್ರತಿ ಕಿ.ಗ್ರಾಂ ಬೀಜಕ್ಕೆ 2 ಗ್ರಾಂ ಕ್ಯಾಪ್ಟಾನ್ 80 ಡಬ್ಲುಪಿ ಅಥವಾ ಥೈರಾಮ್ 75 ಡಬ್ಲೂ.ಪಿ ದಿಂದ ಬೀಜೋಪಚಾರ ಮಾಡಬೇಕು.
5.	ಕೋಶ ಜಂತು ರೋಗ	ರೋಗ ಪೀಡಿತ ಸಸಿ/ಸಸ್ಯಗಳು ಸ್ವಲ್ಪ ಗಿಡ್ಡದಾಗಿರುತ್ತವೆ. ಮೇಲ್ನೋಟಕ್ಕೆ ಬೇರೆ ಯಾವ ಲಕ್ಷಣಗಳನ್ನು ರೋಗ ಪೀಡಿತ ಗಿಡಗಳು ತೋರಿಸುವುದಿಲ್ಲ. ಬೆಳೆಯಲ್ಲಿ ಮೇಲ್ಮೈ ಏರಿಳಿತಗಳನ್ನು ಕಾಣಬಹುದು. ಸುಮಾರು 40-45 ದಿನಗಳ ಗಿಡವನ್ನು ಬೇರು ಸಮೇತವಾಗಿ ನಿಧಾನವಾಗಿ ಕಿತ್ತು ಬೇರನ್ನು ಸೂಕ್ಷ್ಮವಾಗಿ ಪರೀಕ್ಷಿಸಿದರೆ, ಬೇರಿನ ಮೇಲೆ ಅಲ್ಲಲ್ಲಿ, ಬಿಳಿ ಮುತ್ತಿನಂತಹ ಜಂತಿನ ಕೋಶಗಳು ಬರಿಗಣ್ಣಿಗೆ ಕಾಣಿಸುತ್ತವೆ. ಇದರಿಂದ ಈ ರೋಗವನ್ನು ನಿಖರವಾಗಿ ಗುರುತಿಸಬಹುದು.	ಪ್ರತಿ ಕಿ.ಗ್ರಾಂ ಬೀಜಕ್ಕೆ 50 ಗ್ರಾಂ ಬೇವಿನ ಬೀಜದ ಪುಡಿ ಲೇಪನ ಮಾಡಿ ಬಿತ್ತುವುದರಿಂದ ಈ ರೋಗವನ್ನು ಹತೋಟಿ ಮಾಡಬಹುದು.

ಮೆಣಸಿನಕಾಯಿ ಮತ್ತು ಬೆಳ್ಳುಳ್ಳಿ ಕಷಾಯ ತಯಾರಿಸುವ ವಿಧಾನ

2.5 ಕಿ.ಗ್ರಾಂ ಬೆಳ್ಳುಳ್ಳಿಯನ್ನು 250 ಮಿ.ಲೀ. ಸೀಮೆ ಎಣ್ಣೆಯಲ್ಲಿ ನೆನೆಸಿ ರುಬ್ಬಿ 2 ಲೀಟರ್ ದ್ರಾವಣ ಹಾಗೂ 5 ಕಿ.ಗ್ರಾಂ ಮೆಣಸಿನಕಾಯಿಯನ್ನು ರುಬ್ಬಿ 3 ಲೀಟರ್ ದ್ರಾವಣ ತಯಾರಿಸಬೇಕು. ಎರಡು ದ್ರಾವಣಗಳನ್ನು ಒಂದು ಸಾವಿರ ಲೀಟರ್ ನೀರಿನಲ್ಲಿ ಬೆರೆಸಿ ಒಂದು ಹೆಕ್ಟೇರ್ ಕ್ಷೇತ್ರದಲ್ಲಿನ ಬೆಳೆಗೆ ಸಿಂಪರಣೆಗಾಗಿ ಉಪಯೋಗಿಸಬೇಕು.

ಬೇವಿನ ಬೀಜದ ಕಷಾಯ ತಯಾರಿಸುವ ವಿಧಾನ

50 ಕಿ.ಗ್ರಾಂ ಪುಡಿ ಮಾಡಿದ ಬೇವಿನ ಬೀಜವನ್ನು ಬಟ್ಟೆಯಲ್ಲಿ ಕಟ್ಟಿ ನೀರಿನಲ್ಲಿ 10 ಗಂಟೆಗಳ ಕಾಲ ನೆನೆಸಿಡಬೇಕು. ಈ ದ್ರಾವಣಕ್ಕೆ 250 ಗ್ರಾಂ ಸಾಬೂನಿನ ಪುಡಿಯನ್ನು ಬೆರೆಸಿ ಒಂದು ಸಾವಿರ ಲೀಟರ್ ನೀರಿನಲ್ಲಿ ಬೆರೆಸಿ ಒಂದು ಹೆಕ್ಟೇರ್ ಕ್ಷೇತ್ರದಲ್ಲಿನ ಬೆಳೆಗೆ ಸಿಂಪಡಿಸಬೇಕು.

Insect pest management

ಕ್ರ.ಸಂ.	ಪೀಡೆಕೀಟಗಳು	ಲಕ್ಷಣ ಮತ್ತು ಹಾನಿ	ನಿರ್ವಹಣಾ ಕ್ರಮಗಳು
1.	ಕಾಯಿಕೊರಕ (ಹೆಲಿಕೋವರ್ಪಾ)	ಮೊಟ್ಟೆಗಳನ್ನು ಬಿಡಿ ಬಿಡಿಯಾಗಿ ಇಡುತ್ತದೆ. ಹಳದಿ ಬಣ್ಣದ ತತ್ತಿಗಳು ದುಂಡಾಗಿದ್ದು, ಸುತ್ತಲೂ ಮೇಲಿಂದ ಕೆಳಗಿನವರೆಗೆ ದಿಂಡುಗಳಿಂದ ಕೂಡಿರುತ್ತವೆ. ಮರಿ ಹುಳುಗಳು ಪ್ರಾರಂಭದಲ್ಲಿ ಹಸಿರು ಭಾಗವನ್ನು ಕೆರೆದು ತಿನ್ನುತ್ತಾ ನಂತರ ಹೂವು, ಮೊಗ್ಗು ಮತ್ತು ಕಾಯಿಗಳನ್ನು ಕೊರೆಯುತ್ತವೆ. ಮೊಗ್ಗು ಮತ್ತು ಹೂಗಳನ್ನು ಕೊರೆಯುವುದರಿಂದ ಅವು ಉದುರಿ ಕಾಯಿ ಕಟ್ಟುವುದು ಕಡಿಮೆಯಾಗುತ್ತದೆ. ಬಲಿತ ಹುಳುಗಳು ದೇಹದ ಅರ್ಧ ಭಾಗವನ್ನು ಕಾಯಿಯೊಳಗೆ ತೂರಿಸಿ ಕಾಯಿತಿನ್ನುವುದು ಸಾಮಾನ್ಯ ಈ ಕೀಡೆಯು ತೊಗರಿಯಲ್ಲಿ ಶೇ. 50-70 ರಷ್ಟು ಹಾನಿ ಮಾಡುತ್ತದೆ. ಬಾಧಿತ ಕಾಯಿಗಳಲ್ಲಿ ರಂಧ್ರವನ್ನು ಕಾಣಬಹುದು.	ಶೇ. 25-50 ರಷ್ಟು ಹೂ ಬಿಡುವ ಸಮಯದಲ್ಲಿ ಪ್ರತಿ ಗಿಡದಲ್ಲಿ 2 ತತ್ತಿ ಅಥವಾ ಒಂದು ಕೀಡೆ ಕಾಣಿಸಿಕೊಂಡರೆ ಮೊದಲನೆ ಸಿಂಪರಣೆಯಾಗಿ ತತ್ತಿ ನಾಶಕಗಳಾದ ಥೈಯೋಡಿಕಾರ್ಬ 75 ಡಬ್ಲೂ.ಪಿ. 0.6 ಗ್ರಾಂ. ಅಥವಾ 2. ಮಿ.ಲೀ. ಪ್ರೋಪೆನೋಫಾಸ್ 50 ಇ.ಸಿ. ಅಥವಾ 0.6 ಗ್ರಾಂ ಮಿಥೋಮಿಲ್ 40 ಎಸ್.ಪಿ. ಯನ್ನು ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು. ಎರಡನೇ ಸಿಂಪರಣೆಯಾಗಿ: ಶೇ. 5ರ ಬೇವಿನ ಬೀಜದ ಕಷಯ ಅಥವಾ ಮೆಣಸಿನಕಾಯಿ (0.5%) ಮತ್ತು ಬೆಳ್ಳುಳ್ಳಿ (0.25%) ಕಷಾಯ ಬಳಸಬೇಕು. ಬೇವಿನ ಬೀಜದ ಲಭ್ಯತೆ ಇಲ್ಲದಿದ್ದಲ್ಲಿ ಬೇವಿನ ಬೀಜ ಮೂಲ ಕೀಟನಾಶಕಗಳನ್ನು ಪ್ರತಿ ಲೀ. ನೀರಿಗೆ 2 ಮಿ.ಲೀ. ನಂತೆ ಉಪಯೋಗಿಸಬಹುದು. ಮೂರನೆ ಸಿಂಪರಣೆಯಾಗಿ ಹೆಲಿಕೋವರ್ಪಾ ಎನ್.ಪಿ.ವಿ ನಂಜಾಣವನ್ನು ಹೆಕ್ಟೇರಿಗೆ 250 ಎಲ್. ಇ.ಯಂತೆ ಅಂದರೆ ಪ್ರತಿ ಲೀಟರ್ ನೀರಿಗೆ 0.75 ಮಿ.ಲೀ. ನಂತೆ ಬೆರೆಸಿ ಸಿಂಪಡಿಸಿ. ಒಂದು ಹೆಕ್ಟೇರಿಗೆ ಬೇಕಾದ ಸಿಂಪರಣಾ ದ್ರಾವಣಕ್ಕೆ 250 ಗ್ರಾಂ ನೀಲಿ ಪುಡಿ ಮತ್ತು 1250 ಗ್ರಾಂ ಬೆಲ್ಲ ಸೇರಿಸಿ ಸಿಂಪರಣೆಯನ್ನು ಸಾಧ್ಯವಾದಷ್ಟು ಬೆಳಗಿನ ಜಾವ ಅಥವಾ ಸಾಯಂಕಾಲ ಮಾಡುವುದು ಸೂಕ್ತ. ಎನ್.ಪಿ.ವಿ. ಬಾಧೆಗೊಳಗಾದ ಹೆಲಿಕೋವರ್ಪಾ ಕೀಟಗಳು ತಲೆ ಕೆಳಗಾಗಿ ಗಿಡಕ್ಕೆ ಅಂಟಿಕೊಂಡು ಜೋತಾಡುತ್ತಿರುತ್ತವೆ. ಹೀಗೆ ಎನ್.ಪಿ.ವಿ. ನಂಜಾಣುವಿನಿಂದ ಸತ್ತ ಸುಮಾರು 750 ಕೀಡೆಗಳನ್ನು ಅರೆದು ಅದರಿಂದ ಬಂದ ರಸವನ್ನು ಮತ್ತೊಮ್ಮೆ ಒಂದು ಹೆಕ್ಟೇರ್‍ಗೆ ಸಿಂಪರಣೆಯಾಗಿ ಉಪಯೋಗಿಸಬಹುದು. ನಾಲ್ಕನೆ ಸಿಂಪರಣೆಗಾಗಿ 0.15 ಮಿ.ಲೀ. ರೆನಾಕ್ಸಿಪಿಯರ್ 20 ಎಸ್.ಸಿ ಅಥವಾ 0.075 ಮಿ.ಲೀ. ಫ್ಲೂಬೆಂಡಿಯಾಮೈಡ್ 480 ಎಸ್.ಸಿ ಅಥವಾ 0.2 ಗ್ರಾಂ ಇಮಾಮೆಕ್ಟಿನ್ ಬೆಂಜೋಯೇಟ್ 0.5 ಎಸ್.ಜಿ.ಅಥವಾ 0.3 ಮಿ.ಲೀ. ಇಂಡಾಕ್ಸಿಕಾರ್ಬ 14.5 ಎಸ್.ಸಿ. ಅಥವಾ 0.1 ಮಿ.ಲೀ. ಸ್ಫೈನೊಸಾಡ್ 45 ಎಸ್.ಸಿ. ಅಥವಾ 0.75 ಮಿ.ಲೀ. ನೊವಲ್ಯುರಾನ್ 10 ಇ.ಸಿ. ಅಥವಾ 1 ಮಿ.ಲೀ. ಮೊನೊಕ್ರೋಟೊಫಾಸ್ 36 ಎಸ್.ಎಲ್ ಅಥವಾ 2.5 ಮಿ.ಲೀ. ಕ್ಲೋರ್‍ಪೈರಿಫಾಸ್ 20 ಇ.ಸಿ. ಅಥವಾ 2. ಮಿ.ಲೀ. ಕ್ವಿನಾಲ್‍ಫಾಸ್ ಪ್ರತಿ ಲೀಟರ್ ನೀರಿನಲ್ಲಿ ಬಎರೆಸಿ ಸಿಂಪಡಿಸಿರಿ. ಹೆಕ್ಟೇರಿಗೆ 1000 ಲೀಟರ್ ಸಿಂಪರಣಾ ದ್ರಾವಣವನ್ನು ಬಳಸಿ. ಅವಶ್ಯಕತೆ ಕಂಡು ಬಂದಲ್ಲಿ ಐದನೇ ಸಿಂಪರಣೆಗಾಗಿ 0.5 ಮಿ..ಲೀ. ಫೆನ್‍ವಲರೇಟ್ 20 ಇ.ಸಿ. ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಿರಿ ಅಥವಾ ನೀರಿನ ಅಭಾವವಿರುವ ಕಡೆ ಧೂಳಿಕರಣಕ್ಕಾಗಿ ಅನುಕ್ರಮವಾಗಿ ಕ್ವಿನಾಲ್‍ಫಾಸ್ ಶೇ. 1.5 ಅಥವಾ ಮೆಲಾಥಿಯಾನ್ ಶೇ. 5ರ ಪುಡಿಯನ್ನು ಹೆಕ್ಟೇರಿಗೆ 25 ಕಿ.ಗ್ರಾಂ ನಂತೆ ಬಳಸಬೇಕು. ಮೇಲೆ ಶಿಫಾರಸ್ಸು ಮಾಡಿದ ರಾಸಾಯನಿಕ ಕೀಟನಾಶಕಗಳ ಜೊತೆ ಪುಂಡಿ ಅಥವಾ ಎಳ್ಳೆಣ್ಣೆಯನ್ನು 1:1 ರ ಪ್ರಮಾಣದಲ್ಲಿ ಬೆರೆಸಿ ಸಿಂಪಡಿಸಿ.
2.	ಚುಕ್ಕೆ ಕಾಯಿಕೊರಕ/ ಬಲೆ ಕಟ್ಟುವ ಕೀಟ	ಬೆಳೆಯ ಮೊಗ್ಗು ಹಾಗೂ ಹೂವು ಬಿಡುವ ಹಂತದಲ್ಲಿದ್ದಾಗ ಕೀಟದ ಮರಿ, ಹೂ-ಮೊಗ್ಗು ಹಾಗೂ ಎಲೆಗಳನ್ನು ಕೂಡಿಸಿ ಬಲೆಯನ್ನು ಕಟ್ಟುತ್ತದೆ. ನಂತರ ಬಲೆಯೊಳಗೆ ಇದ್ದು ತಿನ್ನುವುದರಿಂದ ಇಳುವರಿ ಕಡಿಮೆ ಆಗುತ್ತದೆ.	ಬೆಳೆಯು ಮೊಗ್ಗು ಹಾಗೂ ಹೂ ಬಿಡುವ ಸಮಯದಲ್ಲಿದ್ದಾಗ 2.0 ಮಿ.ಲೀ. ಪ್ರೊಫೆನೊಫಾಸ್ 50 ಇ.ಸಿ. ಹಾಗೂ 0.5 ಮಿ.ಲೀ. ಡಿ.ಡಿ.ವಿ.ಪಿ. 76 ಇ.ಸಿ. ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪಡಿಸಬೇಕು.
3.	ಕಾಯಿ ನೊಣ	ಬೆಳೆಯು ಕಾಯಿಯಾಗುವ ಹಂತದಲ್ಲಿದ್ದಾಗ ಕಾಯಿಯ ಒಳಪದರಿನಲ್ಲಿಟ್ಟ ತತ್ತಿಯಿಂದ ಹೊರಬಂದ ನೊಣದ ಮರಿಗಳು ಕಾಳು ತಿನ್ನುವುದರಿಂದ ಕಾಳು ತುಂಡಾಗಿ ಇಳುವರಿ ಕಡಿಮೆಯಾಗುತ್ತದೆ.	0.6 ಗ್ರಾಂ ಮಿಥೋಮಿಲ್ 40 ಎಸ್.ಪಿ + ಬೆಲ್ಲ 10 ಗ್ರಾಂ/ಲೀ. ನೀರಿಗೆ ಬೆರೆಸಿ ಕಾಯಿ ಕಟ್ಟುವ ಹಂತದಲ್ಲಿ ಹಾಗೂ 15 ದಿನಗಳ ನಂತರ 0.2 ಗ್ರಾಂ ಥಯಾಮಿಥಾಕ್ಸಾಮ್ 25 ಡಬ್ಲೂ.ಜಿ. + 10 ಗ್ರಾಂ ಬೆಲ್ಲ ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪಡಿಸಬೇಕು.

Harvesting & Threshing

ಕಟಾವು ಮತ್ತು ಒಕ್ಕಣೆ

ವಾಣಿಜ್ಯ ಹಾಗೂ ಬೀಜೋತ್ಪಾದನಾ ಕ್ಷೇತ್ರದಲ್ಲಿ ಸಂಯುಕ್ತ ಕಟಾವು ಹಾಗೂ ಒಕ್ಕಣೆ ಯಂತ್ರವನ್ನು ಬಳಸುವುದರಿಂದ ಕಾಳು/ಬೀಜ ಗುಣ ಲಕ್ಷಣಗಳಿಗೆ ಯಾವುದೇ ರೀತಿಯಲ್ಲಿ ಹಾನಿಯಾಗುವುದಿಲ್ಲ ಹಾಗೂ ಆರ್ಥಿಕವಾಗಿ ಹೆಚ್ಚಿನ ಲಾಭವನ್ನು ಪಡೆಯಬಹುದು. ಇದಲ್ಲದೇ ಈ ರೀತಿ ಪಡೆದಂತಹ ಬೀಜವನ್ನು 9 ತಿಂಗಳವರೆಗೆ ಶೇಖರಿಸಿದರೂ ಸಹ ಗುಣಮಟ್ಟದಲ್ಲಿ ಯಾವುದೇ ವ್ಯತ್ಯಾಸ ಕಂಡುಬರುವುದಿಲ್ಲ.

Yield

ಇಳುವರಿ

ಹೆಕ್ಟೇರಿಗೆ 10-12 ಕ್ವಿಂಟಾಲ್ ಇಳುವರಿ ಪಡೆಯಬಹುದು.

Login to post comments
4327 reads

Package of practice for Sugarcane

Submitted by naipagropediaraichur on Thu, 17/01/2013 - 17:00

Posted in

Introduction

ಕಬ್ಬು

ಕಬ್ಬು ರಾಜ್ಯದ ಪ್ರಮುಖ ವಾಣಿಜ್ಯ ಬೆಳೆಯಾಗಿದ್ದು, ನೀರು ಬಸಿದು ಹೋಗುವಂತಹ ಮಧ್ಯಮ ಕಪ್ಪುಮಿಶ್ರಿತ ಮಣ್ಣು ಈ ಬೆಳೆಗೆ ಸೂಕ್ತವಾಗಿದ್ದು ರಸಸಾರ 6.5 ರಿಂದ 7.5 ಸೂಕ್ತ.

Varieties

ತಳಿಗಳ ವಿವರ

ತಳಿಗಳು

ಅವಧಿ (ತಿಂಗಳು)

ನಾಟಿಮಾಡುವಕಾಲ

ಸಿಓಸಿ-671

ಅಲ್ಫಾವಧಿ

ಅಕ್ಟೋಬರ್-ನವ್ಹೆಂಬರ್

ಸಿಓ-94012

10-11

ಜುಲೈ-ಅಗಸ್ಟ್

*ಎಸ್‍ಎನ್‍ಕೆ-044

-ಸದರ-

-ಸದರ-

ಸಿಓ-8014 (ಮಹಾಲಕ್ಷ್ಮಿ) (ವಲಯ 8.3)

ಮಧ್ಯಮಾವಧಿ (12-13)

ಆನವರಿ-ಫೆಬ್ರುವರಿ

ಸಿಓ-86032

ಮಧ್ಯಮಾವಧಿ

ಜುಲೈ-ಅಕ್ಟೋಬರ್

(ನಯನ)

(12-14)

ನವ್ಹೆಂಬರ್-ಫೆಬ್ರುವರಿ

ಸಿಓ-740

ದೀರ್ಘಾವಧಿ (12-15)

ಅಕ್ಟೋಬರ್-ನವ್ಹೆಂಬರ್ ಜನವರಿ-ಫೆಬ್ರುವರಿ

* ಬಿಳಿ ಉಣ್ಣೆ ಹೇನು ನಿರೋಧಕ ತಳಿ

ಸೂಚನೆ: ಮಾರ್ಚ್‍ದಿಂದ ಜೂನ್ ತಿಂಗಳವರೆಗೆ ನಾಟಿಮಾಡುವುದು ಸೂಕ್ತವಲ್ಲ.

ಅರೆ ಮಲೆನಾಡು ಪ್ರದೇಶದಲ್ಲಿ ಮಳೆಯಾಶ್ರಿತ ಕಬ್ಬು

ಕೃಷಿ ವಲಯ 8ರ ಬೆಳಗಾವಿ ಮತ್ತು ಧಾರವಾಡ ಜಿಲ್ಲೆಗಳಲ್ಲಿ ಖುಷ್ಕಿಯಲ್ಲಿ ಕಬ್ಬಿನ ಬೆಳೆ ಬೆಳೆಯಲಾಗುತ್ತಿದ್ದು, ಈ ಕೆಳಗಿನ ತಳಿಗಳು ಸೂಕ್ತವಾಗಿವೆ.

ತಳಿಗಳು

ಅವಧಿ (ತಿಂಗಳು)

ಸಿಓ-740

12-14

ಸಿಓಸಿ-671

10-11

ಸಿಓ-94012

10-11

ಎಸ್‍ಎನ್‍ಕೆ-044

10-11

ಸಿಓ-88028

12-14

ಸಿಓ-86032

12-14

Cropping system

ಅಂತರ ಬೇಸಾಯ

ನಾಟಿ ಮಾಡಿದ 50,65,80 ಮತ್ತು 95 ನೆಯ ದಿನದಿಂದ ಬೋದುಗಳಲ್ಲಿ ಹಗುರವಾಗಿ ಕುಂಟಿ ಹಾಯಿಸಬೇಕು. ನಂತರ 120 ನೆಯ ದಿನಕ್ಕೆ ಆಳವಾಗಿ ಹರಗಿ ಕಬ್ಬಿನ ಎರಡು ಮಗ್ಗಲು ಮಣ್ಣು ಏರುವಂತೆ ಮಾಡಬೇಕು.
ಮಿಶ್ರ ಬೆಳೆಗಳು
 ನಾಟಿ ಮಾಡಿದ 8-10 ದಿನಗಳ ನಂತರ ಹುಳಿ ನೀರಿನ ಸಮಯದಲ್ಲಿ ಉಳ್ಳಾಗಡ್ಡೆಯ ಸಸಿಗಳನ್ನು ಬೋದಿನ ಎರಡು ಮಗ್ಗಲು ಹಚ್ಚಬೇಕು. ಇದು ಬೋದು ಒಡೆಯುವುದರ ಒಳಗೆ ಮಾಗುವುದು. ಇದರಿಂದ ಶೇ. 20-22 ರಷ್ಟು ಹೆಚ್ಚಿನ ಆದಾಯ ಪಡೆಯಬಹುದು.
ಅಥವಾ
 ಉಳ್ಳಾಗಡ್ಡೆ ಬದಲಾಗಿ ಸೋಯಾಅವರೆಯನ್ನು ಬೋದಿನ ಒಂದೇ ಮಗ್ಗಲಿಗೆ ಹಾಕುವುದರಿಂದ ಎಕರೆಗೆ 4-5 ಕ್ವಿಂಟಾಲ್ ಸೋಯಾಅವರೆಯನ್ನು ಮೊದಲ 90 ದಿನಗಳಲ್ಲಿ ಪಡೆಯಬಹುದು.

Field preparation

ಖರ್ಚು ಇಲ್ಲದ ಬೇಸಾಯ ಕ್ರಮಗಳು

• ಸೂಕ್ತ ಸಮಯದಲ್ಲಿ ಶಿಫಾರಸ್ಸು ಮಾಡಿದ ಕಬ್ಬಿನ ತಳೀ ನಾಟಿ ಮಾಡುವುದು (ಅಕ್ಟೋಬರ್, ನವ್ಹೆಂಬರ್, ಜನವರಿ, ಫೆಬ್ರುವರಿ)

• 8-10 ತಿಂಗಳ ರೋಗ ರಹಿತ ಬೀಜದ ತುಂಡುಗಳನ್ನು ಆಯ್ಕೆ ಮಾಡುವುದು.

• ಸೂಕ್ತ ಸಮಯದಲ್ಲಿ (90-120 ದಿನಗಳೊಳಗಾಗಿ) ಮಣ್ಣು ಏರಿಸುವುದು.

Seed & Sowing

ಬಿತ್ತನೆಗೆ ಬೇಕಾಗುವ ಬೇಸಾಯ ಸಾಮಗ್ರಿಗಳು (ಪ್ರತಿ ಹೆಕ್ಟೇರಿಗೆ)

ನಾಟಿ: ಅಕ್ಟೋಬರ್-ನವ್ಹೆಂಬರ್, ಜನವರಿ-ಮಾರ್ಚ್ ತಿಂಗಳುಗಳೂ ನಾಟಿ ಮಾಡಲು ಸೂಕ್ತ.

ಅ. ಬೀಜದ ತುಂಡುಗಳು

1. 8-10 ತಿಂಗಳ ರೋಗರಹಿತ ನಾಟಿ ಕಬ್ಬಿನ ತುಂಡುಗಳನ್ನು ಉಗಿ ಉಷ್ಣೋಪಚಾರ ಎ.ಎಸ್.ಟಿ. ಘಟಕದಲ್ಲಿ 500 ಸೆಂ. ನಲ್ಲಿ ಒಂದು ತಾಸು ಉಪಚರಿಸಿ ಉಪಯೋಗಿಸಬೇಕು ಅಥವಾ ಉಪಚರಿಸಿ ಬೆಳೆಸಿದ ನಾಟಿ ಕಬ್ಬಿನಿಂದ ತುಂಡುಗಳನ್ನು ಆಯ್ಕೆ ಮಾಡಬೇಕು.
2. ಕಾರ್ಬನ್‍ಡೈಜಿಮ್ 100 ಗ್ರಾಂ + ಕ್ಲೋರ್‍ಪೈರಿಪಾಸ್ 100 ಮಿ.ಲೀ. + ಯೂರಿಯಾ 100 ಗ್ರಾಂ. ಇವುಗಳನ್ನು 100 ಲೀಟರ್ ನೀರಿನಲ್ಲಿ ಹಾಕಿ 10 ನಿಮಿಷ ಬೀಜೋಪಚಾರ ಮಾಡಬೇಕು.
3. ಹೆಕ್ಟೇರಿಗೆ 25,000 ದಿಂದ 35,000 ಮೂರು ಕಣ್ಣಿನ ತುಂಡುಗಳು ಬೇಕಾಗುತ್ತವೆ.

ನಾಟಿ ಮಾಡುವುದು

ಭೂಮಿಯನ್ನು ಎರಡು ಮೂರು ಬಾರಿ ಚೆನ್ನಾಗಿ ಉಳುಮೆ ಮಾಡಿ ನಾಟಿಗೆ ಸಿದ್ಧಪಡಿಸಿ 90 ಸೆಂ.ಮೀ. ಅಂತರದ 15-25 ಸೆಂ.ಮೀ. ಆಳವಾದ ಸಾಲು ಮತ್ತು ಬೋದುಗಳನ್ನು ಮಾಡಬೇಕು. ನಂತರ ಬೀಜೋಪಚಾರ ಮಾಡಿದ ಉತ್ತಮ ಕಣ್ಣುಗಳುಳ್ಳ ತುಂಡುಗಳನ್ನು ಸಾಲಿಗೆ ನೀರು ಬಿಟ್ಟು ಸಾಲಿನಲ್ಲಿ ತುಳಿಯಬೇಕು.

ನಾಟಿ ಪದ್ಧತಿಗಳು

• ಆಳವಾದ ಕಪ್ಪು ಭೂಮಿಯಲ್ಲಿ 90 ಸೆಂ.ಮೀ. ಅಂತರದ ಬೋದು ಮತ್ತು ಸಾಲುಗಳನ್ನು ಮಾಡುವುದು ಉತ್ತಮ.
• ಮಧ್ಯಮ ಆಳದ ಕಪ್ಪು ಭೂಮಿಗೆ 60 ಅಥವಾ 90 ಸೆಂ.ಮೀ. ಸಾಲುಗಳನ್ನು ಮಾಡಿ, ಎರಡು ಸಾಲು ನಾಟಿ ಮಾಡಿ ಒಂದು ಸಾಲು ಹುಸಿ ಬಿಡಬೇಕು. ಅದರಲ್ಲಿ ಅಂತರ ಬೆಳೆಗಳನ್ನು ಲಾಭದಾಯಕವಾಗಿ ಬೆಳೆಯಬಹುದು. ಈ ಪದ್ಧತಿಯಲ್ಲಿ ಇಳುವರಿ ಕಡಿಮೆಯಾಗದೆ, ಅಂದಾಜು ಶೇ. 40 ರಷ್ಟು ನೀರಿನ ಉಳಿತಾಯ ಮಾಡಬಹುದು.
• ಕೆಂಪು ಭೂಮಿ ಮತ್ತು ನೀರಿನ ಕೊರತೆಯಿದ್ದಲ್ಲಿ ಗುಣಿ ನಾಟಿ ಪದ್ಧತಿ ಲಾಭದಾಯಕ. ಒಂದು ಮೀಟರ್ ಉದ್ದ, ಒಂದು ಮೀಟರ್ ಅಗಲ ಮತ್ತು 45 ಸೆಂ.ಮೀ. ಆಳದ ಗುಣಿಗಳನ್ನು ತೆಗೆಯಬೇಕು. ಗುಣಿಗಳು ಸಾಲಿನಿಂದ ಸಾಲಿಗೆ 90 ಸೆಂ.ಮೀ. ಹಾಗೂ ಸಾಲಿನಲ್ಲಿ 45 ಸೆಂ.ಮೀ. ಅಂತರ ಇರುವಂತೆ ನೋಡಿಕೊಳ್ಳಬೇಕು. ಗುಣಿಯ ತಳ ಭಾಗದಲ್ಲಿ 15 ಸೆಂ.ಮೀ. ಮಣ್ಣನ್ನು ಹಾಕಿ ನಂತರ 15 ಸೆಂ.ಮೀ. ದಪ್ಪ 4 ಸೆಂ.ಮೀ. ಕಾಂಪೋಸ್ಟ್ ಮತ್ತು ಹಸಿರೆಲೆ ಗೊಬ್ಬರ ಹಾಕಬೇಕು. ಇನ್ನುಳಿದ 15 ಸೆಂ.ಮೀ. ಸ್ಥಳದಲ್ಲಿ ಉಳಿದ ಮಣ್ಣು, 150 ಗ್ರಾಂ ಯೂರಿಯಾ, 130 ಗ್ರಾಂ ಸೂಪರ್ ಫಾಸ್ಪೇಟ್ ಮತ್ತು 85 ಗ್ರಾಂ ಮ್ಯುರೇಟ್ ಆಫ್ ಪೋಟ್ಯಾಷ್‍ಗಳನ್ನು ಸೇರಿಸಬೇಕು. ಇಂತಹ ಪ್ರತಿಯೊಂದು ಗುಣಿಯಲ್ಲಿ ನಾಟಿ ಮಾಡಲು ಎರಡು ಕಣ್ಣುಗಳುಳ್ಳ 20 ಬೀಜದ ತುಂಡುಗಳನ್ನು ಉಪಯೋಗಿಸಬೇಕು. ಸಾಲಿನಿಂದ ಸಾಲಿಗೆ ಇರುವ 90 ಸೆಂ.ಮೀ. ಸ್ಥಳವನ್ನು ನೀರು ಬಿಡಲು ಕಾಲುವೆಯನ್ನಾಗಿ ಬಳಸಬೇಕು. ಪ್ರತಿ ಎರಡು ಗುಣಿ ಸಾಲುಗಳ ನಂತರ ಕಾಲುವೆಯನ್ನು ಮಾಡಿ ಉಪಯೋಗಿಸಬೇಕು. ಒಂದು ಎಕರೆಗೆ ಸುಮಾರು 1460 ಗುಣಿಗಳು ಬೇಕಾಗುತ್ತವೆ.

ಕೊಳೆ ಕೊಬ್ಬು ನಿರ್ವಹಣೆ

1. ಉತ್ತಮ ಕುಳೆ ಕಬ್ಬಿನ ಇಳುವರಿಗಾಗಿ ಈ ಕೆಳಗಿನ ಅಂಶಗಳನ್ನು ಗಮನದಲ್ಲಿಡಬೇಕು.
ಅ. ನಾಟಿ ಕಬ್ಬು ಆರೋಗ್ಯಯುತವಾಗಿರಬೇಕು.
ಬ. ನಾಟಿ ಕಬ್ಬನ್ನು ಏಪ್ರಿಲ್‍ದಿಂದ ಆಗಸ್ಟ್ ತಿಂಗಳಲ್ಲಿ ಕಟಾವು ಮಾಡುವುದನ್ನು ಬಿಟ್ಟು ಉಳಿದ ತಿಂಗಳುಗಳಲ್ಲಿ ಕಟಾವು ಮಾಡಬಹುದು.
ಕ. ನಾಟಿ ಕಬ್ಬನ್ನು ಕಟಾವು ಮಾಡುವುದನ್ನು ಒಂದೇ ವಾರದಲ್ಲಿ (8-10 ದಿನಗಳ) ಮುಗಿಸಬೇಕು. ಕಟಾವು ಪೂರ್ವದಲ್ಲಿ (15 ದಿನ) ಬೆಳೆಗೆ ನೀರು ಹಾಯಿಸಬೇಕು.
2. ಕೋಲಿ ಸವರುವುದು
ಹರಿತವಾದ ಸಲಿಕೆ ಅಥವಾ ಕೊಯ್ತ (ಕುಡಗೋಲು) ದಿಂದ ಕಬ್ಬು ಕಡಿದ ನಂತರ ಉಳಿದಿರುವ ಉದ್ದ ಕೋಲಿಗಳನ್ನು ನೆಲಸಮನಾಗಿ ಕತ್ತರಿಸಬೇಕು. ಇದರಿಂದ ಒಂದೇ ಸಮನಾದ ಕೊಳೀಕೆ ಬರುತ್ತವೆ. ಬೇರುಗಳು ಆಳವಾಗಿ ನೆಲದಲ್ಲಿ ಪಸರಿಸಿ ಪೋಷಕಾಂಶ ಮತ್ತು ನೀರನ್ನು ಹೀರಿಕೊಳ್ಳುತ್ತವೆ.
3. ಕುಳೆ ಕಬ್ಬಿನಲ್ಲಿ ರವದಿಯ ನಿರ್ವಹಣೆ
ಒಂದು ಹೆಕ್ಟೇರಿಗೆ 8-10 ಟನ್ ಒಣ ರವದಿ ದೊರೆಯುವುದು. ಇದನ್ನು ಸುಡದೆ ಕುಳೆ ಬೆಳೆಯಲ್ಲಿ ವ್ಯವಸ್ಥಿತವಾಗಿ ಹಾಕಿದಲ್ಲಿ ಮಣ್ಣಿನ ಸಾವಯವ ಪದಾರ್ಥ ಹಾಗೂ ಪೋಷಕಾಂಶಗಳ ಮಟ್ಟ ಹೆಚ್ಚುತ್ತದೆ. ರವದಿಯಲ್ಲಿ ಶೇ. 0.35 ಸಾರಜನಕ, ಶೇ. 0.13 ರಂಜಕ ಮತ್ತು ಶೇ. 0.65 ಪೋಟ್ಯಾಷ್ ಇರುವುದು. ಕೊಳೆ ಕಬ್ಬಿನಲ್ಲಿ ರವದಿಯನ್ನು ಎರಡು ಸಾಲುಗಳ ಮಧ್ಯೆ ಹಾಕಬೇಕು. ಇದಕ್ಕೆ 50 ಕಿ.ಗ್ರಾಂ ಯೂರಿಯಾ ಮತ್ತು 50 ಕಿ.ಗ್ರಾಂ ಸೂಪರ್ ಫಾಸ್ಫೇಟ್ ಗೊಬ್ಬರವನ್ನು ರವದಿಯ ಮೇಲೆ ಹಾಕಬೇಕು. ನಂತರ 5-6 ಕಿ.ಗ್ರಾಂ ರವದಿ ಕಳಿಸುವ ಸೂಕ್ಷ್ಮಾಣುಜೀವಿ (ಟ್ರೈಕೊಡರ್ಮಾ ವಿರಿಡೆ) ಸಗಣಿ ಕಲಿಸಿದ ನೀರಿನಲ್ಲಿ ಮಿಶ್ರಣ ಮಾಡಿ ರವದಿಯ ಮೇಲೆ ಸಿಂಪರಿಸಬೇಕು. ಇದರಿಂದ ರವದಿ ಬೇಗನೆ ಕಳಿಯುವುದು. ಸಾಲು ಬಿಟ್ಟು ಸಾಲಿನಲ್ಲಿ ರವದಿ ಹೊದಿಸುವುದರಿಂದ ಮಣ್ಣಿನಲ್ಲಿ ತೇವಾಂಶ ಕಾಪಾಡುವುದರ ಜೊತೆಗೆ ಕಳೆಗಳ ನಿಯಂತ್ರಣವನ್ನು ಮಾಡಬಹುದು ಮತ್ತು ಖಾಲಿ ಇರುವ ಸಾಲುಗಳಲ್ಲಿ ಬೋದು ಏರಿಸಿ ನೀರು ಹಾಯಿಸುವುದು ಸೂಕ್ತ.

ಆ. ಕೆಳಗಿನ ಸ್ಥಿತಿಗಳಲ್ಲಿ ರವದಿ ಸುಡುವುದು ಮಹತ್ವದ್ದು

• ನಾಟಿ ಕಬ್ಬು ಕೀಟ ಮತ್ತು ರೋಗಗಳ ಬಾಧೆಗೆ ತುತ್ತಾದಾಗ. (ಉದಾ:-ಸ್ಕೇಲ್ಸ್, ಹಿಟ್ಟು ತಿಗಣೆ)
• ಗೆದ್ದಲು ಹುಳದ ಬಾಧೆ ಕಂಡು ಬಂದಲ್ಲಿ ಅಥವಾ ಇಲಿಗಳ ಮತ್ತು ಹೆಗ್ಗಣಗಳ ಕಾಟ ಇದ್ದಲ್ಲಿ.
• ನೀರು ಬಸಿಯುವ ಕೊರತೆಯಿಂದಾಗಿ ಹೆಚ್ಚುವರಿ ತೇವಾಂಶದಿಂದ ನಾಟಿ ಮಾಡಲು ಸಾಧ್ಯವಾಗದಿದ್ದಲ್ಲಿ
4. ಸಾಲೊಡೆಯುವುದು ಮತ್ತು ಮಣ್ಣನ್ನು ಮೃದುಗೊಳಿಸುವುದು
ಬೋದುಗಳ ಎರಡು ಮಗ್ಗಲಿಗೆ ಬಲರಾಮ ಅಥವಾ ತ್ರಿಶೂಲ ನೇಗಿಲ ಸಹಾಯದಿಂದ ಸಾಲುಗಳನ್ನು ಒಡೆಯುವುದರ ಮೂಲಕ ಮಣ್ಣು ಸಡಿಲವಾಗಿ ಮೇಲ್ಭಾಗದ ಹಳೆಯ ಬೇರುಗಳು ಹರಿದು ಹೊಸ ಬೇರು ಬರಲು ಅನುಕೂಲವಾಗುತ್ತದೆ. ಅಲ್ಲದೇ, ನೆಲದ ಮೇಲಿರುವ ಕಬ್ಬಿನ ಭಾಗಕ್ಕೆ ಮಣ್ಣು ಏರಿಸಿದಂತಾಗುತ್ತದೆ. ಈ ರೀತಿ ಮಾಡುವುದರಿಂದ ಕೊಳೆ ಕಬ್ಬು ಹೆಚ್ಚಿಗೆ ಮರಿ ಒಡೆಯುತ್ತದೆ.
5. ಹುಸಿ ನಾಟಿಮಾಡುವುದು
ನಾಟಿ ಕಬ್ಬು ಶಿಲೀಂಧ್ರ ರೋಗಗಳಿಗೆ, ಕೀಟಗಳಿಗೆ ತುತ್ತಾಗಿ ಸರಿಯಾಗಿ ಬೆಳೆಯದೇ ಇದ್ದಲ್ಲಿ ಶೇ. 30 ಕ್ಕಿಂತ ಹೆಚ್ಚು ಹುಸಿ ಗುಣಿಗಳು ಕೊಳೆ ಕಬ್ಬಿನಲ್ಲಿ ಕಂಡು ಬರುತ್ತವೆ. ಕೊಳೆ ಕಬ್ಬಿನ ಸಾಲಿನಲ್ಲಿ 60 ಸೆಂ.ಮೀ. ಅಂತರದಲ್ಲಿ ಯಾವುದೇ ಕಬ್ಬಿನ ಸಸಿಗಳು ಇರದೇ ಹೋದರೆ, ಅಂಥ ಸ್ಥಳಗಳಲ್ಲಿ ಹುಸಿ ತುಂಬುವುದು ಅವಶ್ಯ. ತುಂಬಿ ಒಂದು ಕಣ್ಣಿನ ಬೀಜದ ತುಂಡುಗಳನ್ನು ಕಾರ್ಬನ್‍ಡೈಜಿಮ್ ದ್ರಾವಣದಲ್ಲಿ ಅದ್ದಿ ಕಣ್ಣು ಮೇಲೆ ಬರುವಂತೆ ಅಡ್ಡಲಾಗಿ ಪಾಲಿಬ್ಯಾಗನಲ್ಲಿ ನಾಟಿ ಮಾಡಬೇಕು. ಒಂದು ತಿಂಗಳ ಸಸಿ ತಯಾರಾದ ಮೇಲೆ ಹುಸಿ ತುಂಬಲು ಉಪಯೋಗಿಸಬೇಕು. ಒಚಿಟಿ ಕಣ್ಣಿನ ಸಸಿಗಳನ್ನು ಸಸಿಮಡಿಗಳಲ್ಲಿಯೂ ತಯಾರಿಸಿಕೊಳ್ಳಬಹುದು. ಸಸಿ ನಾಟಿಮಾಡುವಾಗ ಹುಸಿ ಇರುವ ಸ್ಥಳದಲ್ಲಿ ಸಣ್ಣ ಗುಣಿ ಮಾಡಿ ಅದರಲ್ಲಿ ಸ್ವಲ್ಪ ಪ್ರಮಾಣದ ಸೂಪರ್ ಫಾಸ್ಪೇಟ್ ಹರಳನ್ನು ಹಾಕಿ ಪಾಲಿಬ್ಯಾಗನ್ನು ಹರಿದು ನಾಟಿಮಾಡಬೇಕು. ಕೊಳೆ ಬೆಳೆಯಲ್ಲಿ ರೋಗಪೀಡಿತ ಕುಳೆಗಳನ್ನು ಅಗೆದು ಹುಸಿ ಗುಣಿಗಳನ್ನು ತುಂಬುವುದು ಸೂಕ್ತ.

Nutrient management

ಆ. ಸಾವಯವ ಗೊಬ್ಬರ

25 ಟನ್ ಕೊಟ್ಟಿಗೆ ಗೊಬ್ಬರ ಅಥವಾ
2.5 ಟನ್ ಎರೆಹುಳು ಗೊಬ್ಬರ ಅಥವಾ
12.5 ಟನ್ ಮಳ್ಳಿಗೊಬ್ಬರ (ಪ್ರೆಸ್‍ಮಡ್ ಕಾಂಪೋಸ್ಟ್)
ಸೂಚನೆ: ಸಾವಯವ ಗೊಬ್ಬರದಲ್ಲಿ 10 ಕಿ.ಗ್ರಾಂ ಅಜೋಸ್ಪಿರಿಲಂ + 10 ಕಿ.ಗ್ರಾಂ ರಂಜಕ ಕರಗಿಸುವ ಸೂಕ್ಷ್ಮಾಣುಜೀವಿಗಳನ್ನು ಬೆರೆಸಿ, 2 ರಿಂದ 3 ವಾರ ಮೊದಲು ಮಣ್ಣಿಗೆ ಹಾಕುವುದು ಉತ್ತಮ.

ಇ. ಹಸಿರೆಲೆ ಗೊಬ್ಬರ

ನಾಟಿ ಮಾಡುವ ಪೂರ್ವದಲ್ಲಿ ಸಾಲು ಬಿಟ್ಟು ಸಾಲಿನ ಎರಡು ಮಗ್ಗಲು ಸಣಬನ್ನು ಅಥವಾ ಡೈಂಚಾ ಅಥವಾ ನವಧಾನ್ಯಗಳ (ಹೆಸರು, ಅಲಸಂದಿ, ಸೋಯಾಅವರೆ, ಉದ್ದು, ಕಡಲೆ, ಗುರೆಳ್ಳು, ಬಿಳಿಎಳ್ಳು, ರಾಜಗಿರಿ ಮತ್ತು ಕೋತಂಬರಿ) ಮಿಶ್ರಣವನ್ನು ಬಿತ್ತಿ, ಬೆಳೆ 45 ರಿಂದ 50 ದಿನಗಳಾದ ಮೇಲೆ ಮುರಿದು ಸಾಲಿನಲ್ಲಿ ಹಾಕಿ ಬೋದು ಹೊಡೆದು ಮುಚ್ಚಬೇಕು. ಸಾಧ್ಯವಾದರೆ ಇದೇ ರೀತಿ ಮತ್ತೊಂದು ಹಸಿರೆಲೆ ಬೆಳೆ ತೆಗೆದುಕೊಳ್ಳುವುದು ಉತ್ತಮ. ಹೆಕ್ಟೇರಿಗೆ 60 ಕಿ.ಗ್ರಾಂ ಬೀಜ ಬೇಕಾಗುತ್ತವೆ.

ಈ. ರಾಸಾಯನಿಕ ಗೊಬ್ಬರ

ಸಾರಜನಕ 250 ಕಿ.ಗ್ರಾಂ
ರಂಜಕ 75 ಕಿ.ಗ್ರಾಂ
ಪೋಟ್ಯಾಷ್ 190 ಕಿ.ಗ್ರಾಂ

ಸೂಚನೆ:

1. ಸಾರಜನಕ ಶೇ. 10 ಪೂರ್ತಿ ರಂಜಕ ಮತ್ತು ಪೋಟ್ಯಾಷ್ ಗೊಬ್ಬರವನ್ನು ನಾಟಿ ಮಾಡುವಾಗ ಸಾಲುಗಳು ಮಧ್ಯದಲ್ಲಿ ಒದಗಿಸಬೇಕು.
2. ಉಳಿದ ಸಾರಜನಕವನ್ನು ಮೇಲುಗೊಬ್ಬರವಾಗಿ ನಾಟಿಮಾಡಿದ 6ನೇ ವಾರಕ್ಕೆ ಶೇ. 20 ರಷ್ಟು 10 ನೇ ವಾರಕ್ಕೆ ಶೇ. 30, 14 ನೇ ವಾರಕ್ಕೆ ಶೇ. 40 (ಬೋದು ಒಡೆಯುವಾಗ)

ಉ. ಲಘುಪೋಷಕಾಂಶಗಳ ಬಳಕೆ

ಮಣ್ಣು ಪರೀಕ್ಷೆಗನುಸಾರವಾಗಿ ಕೊರತೆಯ ಲಕ್ಷಣ ಕಂಡುಬಂದಾಗ ಈ ಕೆಳಗಿನ ಲಘುಪೋಷಕಾಂಶಗಳನ್ನು ಒದಗಿಸಬೇಕು.

ಪೋಷಕಾಂಶ

ರಸಗೊಬ್ಬರ

ಮಣ್ಣಿಗೆಕಿ.ಗ್ರಾಂ/ಹೆ.

ಸಿಂಪರಣೆದ್ರಾವಣ

ಕಬ್ಬಿಣ

ಕಬ್ಬಿಣದ ಸಲ್ಫೇಟ್

20-25

ಶೇ.0.25-0.5

ಸತುವು

ಸತುವಿನ ಸಲ್ಫೇಟ್

20-25

ಶೇ.0.2-0.5

ತಾಮ್ರ

ತಾಮ್ರದ ಸಲ್ಫೇಟ್

10-15

ಶೇ.0.1-0.2

ಮಾಲಿಬ್ಡಿನಂ

ಅಮೋನಿಯಂ ಮೊಲಿಬ್ಡೇಟ್

1-2

ಶೇ. 0.02-0.05

ಮ್ಯಾಂಗನೀಸ್

ಮ್ಯಾಂಗನೀಸ್ ಸಲ್ಫೇಟ್

10-15

ಶೇ.0.2-0.5

ಬೋರಾನ್

ಬೋರ್ಯಾಕ್ಸ್

1-5

ಶೇ.0.1-0.2

ಕಬ್ಬಿನಲ್ಲಿ ರಸಾವರಿ

ಕಬ್ಬಿನ ಬೆಳೆಗೆ ಶಿಫಾರಸ್ಸು ಮಾಡಿದ ಶೇ. 10 ರಷ್ಟು (25 ಕಿ.ಗ್ರಾಂ/ಹೆ) ಸಾರಜನಕ ಮತ್ತು ಪುರ್ಣ ರಂಜಕ (75 ಕಿ.ಗ್ರಾಂ/ಹೆ) 25 ಕಿ.ಗ್ರಾಂ ಫೆರಸ್ ಸಲ್ಫೇಟ್ ಮತ್ತು 25 ಕಿ.ಗ್ರಾಂ ಸತುವಿನ ಸಲ್ಫೇಟ್ ಒದಗಿಸುವ ರಸಗೊಬ್ಬರವನ್ನು ಮೂಲ ಗೊಬ್ಬರವಾಗಿ ನಾಟಿ ಮಾಡುವಾಗ ಹರಿಗಳಲ್ಲಿ ಹಾಕಿ ಮಣ್ಣಿಗೆ ಸೇರಿಸಬೇಕು. ನಂತರ ಶಿಫಾರಸ್ಸು ಮಾಡಿದ ಶೇ. 90 ರಷ್ಟು ಸಾರಜನಕ (225 ಕಿ.ಗ್ರಾಂ/ಹೆ) ಮತ್ತು ಶೇ. 100 ಪೋಟ್ಯಾಷ್ (190 ಗ್ರಾಂ/ಹೆ) ಪೋಷಕಾಂಶಗಳನ್ನು ಯೂರಿಯಾ ಮತ್ತು ಮ್ಯುರೇಟ್ ಆಫ್ ರೂಪದಲ್ಲಿ ರಸಾವರಿ ಮೂಲಕ ಸಮನಾದ 30 ಕಂತುಗಳಲ್ಲಿ ವಾರಕ್ಕೊಮ್ಮೆ ಲಾವಣಿ ಮಾಡಿದ (30) ದಿನಗಳವರೆಗೆ ನೀಡಬೇಕು. ಪ್ರತಿ ಸಾರಿ ಹೆಕ್ಟೇರಿಗೆ 16.3 ಕಿ.ಗ್ರಾಂ ಯೂರಿಯಾ ಮತ್ತು 10.6 ಕಿ.ಗ್ರಾಂ ಮ್ಯುರೇಟ್ ಆಫ್ ಪೋಟ್ಯಾಷ್‍ನ್ನು ರಸಗೊಬ್ಬರ ಮಿಶ್ರಣ ಟ್ಯಾಂಕ್ ಅಥವಾ ವೆಂಚುರಿ ಬಳಸಿ ಹನಿ ನೀರಾವರಿಯಿಂದ ಬೆಳೆಗೆ ಒದಗಿಸಬೇಕು.

ಗೊಬ್ಬರದ ನಿರ್ವಹಣೆ

ಅ. ಸಾವಯವ ಗೊಬ್ಬರ: ಹೆಕ್ಟೇರಿಗೆ 25 ಟನ್ (ಬೋದು ಒಡೆಯುವ ಪೂರ್ವದಲ್ಲಿ ಸಾಲಿನ ಮಧ್ಯ ಕೊಡಬೇಕು)

ಬ. ರಾಸಾಯನಿಕ ಗೊಬ್ಬರ (ಹೆಕ್ಟೇರಿಗೆ)

ಸಾರಜನಕ

315 ಕಿ.ಗ್ರಾಂ

ರಂಜಕ

75 ಕಿ.ಗ್ರಾಂ

ಪೋಟ್ಯಾಷ್

190 ಕಿ.ಗ್ರಾಂ

ಹಾಕುವಸಮಯ

ಸಾರಜನಕ

ರಂಜಕ

ಪೋಟ್ಯಾಷ್

ಬೋದು ಒಡೆಯುವಾಗ

115

75

65

ಬೋದು ಒಡೆದ 30 ದಿವಸಕ್ಕೆ

100

-

60

ಬೋದು ಒಡೆದ 60 ದಿವಸಕ್ಕೆ

100

65

-

ಬೋದಿನ ಎರಡು ಮಗ್ಗಲಿಗೆ ರಸಗೊಬ್ಬರಗಳನ್ನು ಮಣ್ಣಿನಲ್ಲಿ ಸೇರಿಸಬೇಕು ಅಥವಾ ಕೊಳೆ ಪಕ್ಕದಲ್ಲಿ 10-12 ಸೆಂ.ಮೀ. ಆಳವಾದ ರಂಧ್ರದಲ್ಲಿ ರಸಗೊಬ್ಬರ ಹಾಕಿ ಮುಚ್ಚಬೇಕು. ಸತುವು ಮತ್ತು ಕಬ್ಬಿಣ ಲಘುಪೋಷಕಾಂಶಗಳ ಕೊರತೆಯಿದ್ದಲ್ಲಿ ಫೆರಸ್ ಸಲ್ಫೇಟ್ ಶೇ. 0.25 ದ್ರಾವಣ + ಶೇ. 0.5 ಸತುವಿನ ಸಲ್ಫೇಟ್ ದ್ರಾವಣ + ಶೇ. 1ರ ಯೂರಿಯಾ ದ್ರಾವಣವನ್ನು ಮಿಶ್ರಣಮಾಡಿ 10 ದಿನಗಳ ಅಂತರದಲ್ಲಿ 5-6 ಸಲ ಸಿಂಪರಣೆ ಮಾಡಬೇಕು. ಇಲ್ಲವಾದಲ್ಲಿ ಕಬ್ಬಿಣದ ಸಲ್ಫೇಟ್ 25 ಕಿ.ಗ್ರಾಂ + ಸತುವಿನ ಸಲ್ಫೇಟ್ 25 ಕಿ.ಗ್ರಾಂ ಪ್ರತಿ ಹೆಕ್ಟೇರಿಗೆ ಮಣ್ಣಿಗೆ ಸೇರಿಸಬೇಕು.

Water management

ನೀರಾವರಿ

 ನಾಟಿ ಮಾಡಿದ ಮೇಲೆ 8-10 ದಿನಕ್ಕೆ ಹುಳೀ ನೀರಾಗಿ ತೆಳುವಾಗಿ ನೀರು ಕೊಡಬೇಕು.
 ಹವಾಗುಣಕ್ಕೆ ಅನುಗುಣವಾಗಿ ಭೂಮಿಯ ಗುಣಮಟ್ಟ ಅನುಸರಿಸಿ ಈ ಕೆಳಗೆ ತಿಳಿಸಿದಂತೆ ನೀರು ಕೊಡುವುದು ಉತ್ತಮ.
 ಮೊಳಕೆ ಒಡೆಯುವಾಗ (8-35 ದಿನಗಳವರೆಗೆ) 7 ದಿನಕ್ಕೊಮ್ಮೆ
 ಮರಿ ಒಡೆಯುವಾಗ (36-100 ದಿನಗಳವರೆಗೆ) 10 ದಿನಕ್ಕೊಮ್ಮೆ
 ಬೆಳವಣಿಗೆ ಹಂತದಲ್ಲಿ (101-270 ದಿನಗಳವರೆಗೆ) 7 ದಿನಕ್ಕೊಮ್ಮೆ
 ಮಾಗುವಾಗ (271-365 ದಿನಗಳವರೆಗೆ) 15 ದಿನಕ್ಕೊಮ್ಮೆ
ನೀರಿನ ಸಂಗ್ರಹ ಕಡಿಮೆಯಿದ್ದಲ್ಲಿ ಸಾಲು ಬಿಟ್ಟು ಸಾಲು ನೀರು ಹಾಯಿಸುವುದರಿಂದ ನೀರಿನ ಉಳಿತಾಯವಾಗುವುದು.

ಬೇಸಿಗೆಯಲ್ಲಿ ಬರದ ನಿರ್ವಹಣೆ

 ಒಂದು ಸಾಲು ಬಿಟ್ಟು ಒಂದು ಸಾಲಿನಲ್ಲಿ ರವದಿಯನ್ನು ಹಾಕಬೇಕು ಖಾಲಿ ಇರುವ ಸಾಲುಗಳಲ್ಲಿ ನೀರು ಹಾಯಿಸಬೇಕು.
 ಒಂದು ಕಿ.ಗ್ರಾಂ ರವದಿ ಕಳಿಸುವ ಸೂಕ್ಷ್ಮಾಣುಜೀವಿಗಳನ್ನು ಪ್ರತಿ ಟನ್ ರವದಿಗೆ ಹಾಕಬೇಕು.
 ಕೊನೆಯ ನೀರು ಕೊಡುವಾಗ ಹೆಕ್ಟೇರಿಗೆ 50 ಕಿ.ಗ್ರಾಂ ಪೋಟ್ಯಾಷ್ ಗೊಬ್ಬರವನ್ನು ಕೊಟ್ಟು ಎಲ್ಲ ಸಾಲುಗಳಿಗೆ ರವದಿ ಹೊದಿಸಬೇಕು.
 ಶೇ. 2.5 ಯೂರಿಯಾ ಅಥವಾ ಶೇ. 2.5 ಮ್ಯುರಿಯೇಟ್ ಆಫ್ ಪೋಟ್ಯಾಷ್ ದ್ರಾವಣವನ್ನು ಬರದ ಸಮಯದಲ್ಲಿ ಪ್ರತಿ 15-20 ದಿನಕ್ಕೊಮ್ಮೆ ಎಲೆಗಳ ಮೇಲೆ ಸಿಂಪರಣೆ ಮಾಡಬೇಕು.

ಕಬ್ಬಿನಲ್ಲಿ ಹನಿ ನೀರಾವರಿ ಮತ್ತು ರಸಾವರಿ

ಕಬ್ಬು ಮುಖ್ಯವಾದ ವಾಣಿಜ್ಯ ಬೆಳೆಯಾಗಿರುವುದರಿಂದ ಹನಿ ನೀರಾವರಿಯನ್ನು ವಲಯ 3 ಮತ್ತು 8 ರ್ಲ್ಲಿ ಸುಲಭವಾಗಿ ಅಳವಡಿಸಿಕೊಳ್ಳಬಹುದು. ಹನಿ ನೀರಾವರಿ ಪದ್ಧತಿಯಲ್ಲಿ ನೀರನ್ನು ಉಳಿತಾಯ ಮಾಡಬಹುದಲ್ಲದೆ, ವಿದ್ಯುತ್, ರಸಗೊಬ್ಬರ ಮತ್ತು ಕೂಲಿ ಕೆಲಸದ ಕಾರ್ಮಿಕರ ವೆಚ್ಚವನ್ನು ಕಡಿಮೆ ಮಾಡಬಹುದು. ಕಬ್ಬಿನಲ್ಲಿ ಹನಿ ನೀರಾವರಿಯನ್ನು ಅಳವಡಿಸುವುದರಿಂದ ಖರ್ಚು ಹೆಚ್ಚಾದರೂ ಕೂಡ ಉಳಿತಾಯವಾದ ನೀರಿನಿಂದ ಕ್ಷೇತ್ರವನ್ನು ದ್ವಿಗುಣಗೊಳಿಸಿ ಇದರ ವೆಚ್ಚವನ್ನು 2 ರಿಂದ 3 ವರ್ಷಗಳಲ್ಲಿ ಮರಳೀ ಪಡೆಯಬಹುದು. ನೀರು, ವಿದ್ಯುತ್ ಮತ್ತು ಕೃಷಿ ಕಾರ್ಮಿಕರ ಅಭಾವ ಇದ್ದಲ್ಲಿ ಹನಿ ನೀರಾವರಿಯು ವರದಾನವಾಗಬಹುದು. ಆದ್ದರಿಂದ ಕಬ್ಬಿನಲ್ಲಿ ಹನಿ ನೀರಾವರಿ ಮತ್ತು ರಸಾವರಿ ಪದ್ಧತಿಯನ್ನು ಸೂಕ್ತವಾಗಿ ಅಳವಡಿಸಬಹುದು.
ಹನಿ ನೀರಾವರಿ ಪದ್ಧತಿಯಲ್ಲಿ ಶೇ. 40 ರಷ್ಟು ನೀರನ್ನು ಉಳಿತಾಯ ಮಾಡಬಹುದು. ಕಬ್ಬಿನಲ್ಲಿ ಹನಿ ನೀರಾವರಿ ಪದ್ಧತಿಯಲ್ಲಿ ಸಾಮಾನ್ಯ ಸಾಲುಗಳ ಪದ್ಧತಿಗೆ ಬದಲಾಗಿ 60-180-60 ಸೆಂ.ಮೀ. (2-6-2 ಅಡಿ) ಜೋಡಿ ಸಾಲು ಪದ್ಧತಿಯನ್ನು ಅಳವಡಿಸುವುದರಿಂದ ಹನಿ ನೀರಾವರಿಯ ಲ್ಯಾಟರಲ್ ಪೈಪಗಳ ಸಂಖ್ಯೆಯನ್ನು 6 ಅಡಿ ಅಂತರದಲ್ಲಿ ಒಂದು ಲ್ಯಾಟರಲ್ ಪೈಪನ್ನು ಅಳವಡಿಸಬೇಕು.

Weed management

ಕಳೆ ನಿಯಂತ್ರಣ

ನಾಟಿ ಮಾಡಿದ 2-3 ದಿನಗಳ ಒಳಗೆ ಪ್ರತಿ ಹೆಕ್ಟೇರಿಗೆ 3.3 ಗ್ರಾಂ ಅಟ್ರ್ಯಾಜಿನ್ 50 ಡಬ್ಲುಪಿ ಕಳೆನಾಶಕವನ್ನು 1 ಲೀಟರ್ ನೀರಿನಲ್ಲಿ ಬೆರೆಸಿ ಕಳೆನಾಶವನ್ನು ಮಣ್ಣಿನ ಮೇಲೆ ಸಿಂಪಡಿಸಬೇಕು. ಸಿಂಪರಿಸುವ ಸಮಯದಲ್ಲಿ ಭೂಮಿಯಲ್ಲಿ ಸಾಕಷ್ಟು ತೇವಾಂಶವಿರಬೇಕು. ಇದು ಮೊದಲ 45 ದಿನಗಳವರೆಗೆ ಕಳೆಗಳನ್ನು ನಿಯಂತ್ರಿಸುತ್ತದೆ.

• ನಾಟಿ ಮಾಡಿದ 60 ನೆಯ ದಿನಕ್ಕೆ ಎರಡು ಸಾಲುಗಳ ಮಧ್ಯ ಸ್ಟ್ರೇಹುಡ್‍ನ್ನು ಉಪಯೋಗಿಸಿ 3.3 ಗ್ರಾಂ 2,4-ಡಿ ಕಳೆನಾಶಕವನ್ನು ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪರಣೆ ಮಾಡಬೇಕು.
ಅಥವಾ
• ನಾಟಿ ಮಾಡಿದ 30, 60 ಮತ್ತು 90 ದಿನಕ್ಕೆ ಕೈಗಳೆಮಾಡಿ, ಎಡೆ ಕುಂಟೆಯಿಂದ ಕಳೆ ನಿಯಂತ್ರಣ ಮಾಡಬೇಕು. ಅಂತರ ಬೆಳೆಯಾಗಿ ಸೋಯಾಅವರೆ ಅಥವಾ ಸಣವನ್ನು ಹಾಕಿದಲ್ಲಿ ಕಳೆಯ ಪ್ರಮಾಣ ಕಡಿಮೆಯಾಗುವುದು.

ರವದಿ ಹೊದಿಕೆ ಇರುವಲ್ಲಿ ಕಳೆಯ ಪ್ರಮಾಣ ಕಡಿಮೆ ಇರುವುದು. ಕಳೆ ಬೀಜ ಮೊಳಕೆ ಒಡೆಯುವ ಪೂರ್ವದಲ್ಲಿ ಹೆಕ್ಟೇರಿಗೆ 1 ಕಿ.ಗ್ರಾಂ ಅಟ್ರಾಜಿನ್ ಕಳೆನಾಶಕವನ್ನು 1000 ಲೀ. ನೀರಿನಲ್ಲಿ ಬೆರೆಸಿ ಸಿಂಪರಿಸಬೇಕು.

Disease management

1.

ಕಾಡಿಗೆ ರೋಗ

ಸುಳಿಯಿಂದ ತೆಳ್ಳನೆಯ ಉದ್ದವಾದ ಬಿಳಿ ಪೊರೆಯಿಂದ ಮುಚ್ಚಿದ ಬಾರಕೋಲಿನಂತಹ ಹಲವಾರು ಸೆಂ.ಮೀ. ಉದ್ದವಿರುವ ಸಸ್ಯಾಂಗವು ಹೊರಬಂದು ಕ್ರಮೇಣ ಬಿಳಿಪೊರೆ ಒಡೆದು ಕಪ್ಪುಪುಡಿ ಬಾರಕೋಲಿಣಂತಿರುವ ಸಸ್ಯಾಂಗದ ಸುತ್ತಲೂ ಇರುವುದನ್ನು ಕಾಣುತ್ತೇವೆ. ಇದರಿಂದ ಕಬ್ಬಿನಲ್ಲಿ ಬ್ರಿಕ್ಸ್ ಶುದ್ಧತೆ ಮೇಲೆ ದುಷ್ಪರಿಣಾಮವಾಗಿ ಇಳುವರಿ ಕೂಡಾ ಕಡಿಮೆಯಾಗುವುದು. ರೋಗರಹಿತ ಬೀಜದ ಬಳಕೆ, ಕಾಡಿಗೆ ಗೋರಪೀಡಿತ ಪೊದೆಗಳನ್ನು ತಎಗೆದು ಹಾಕುವುದು.

ಬೀಜ ನಾಟಿ ಮಾಡುವ ಪೂರ್ವ ಶಿಲೀಂಧ್ರನಾಶಕಗಳಾದ ಕಾರ್ಬನ್‍ಡೈಜಿಮ್ 50 ಡಬ್ಲೂಪಿ. ಅಥವಾ ಬೆನೋಮಿಲ್ 50 ಡಬ್ಲೂ.ಪಿ. ಶೇ. 0.1 ಪ್ರಮಾಣದಲ್ಲಿ ಉಪಚರಿಸಬೇಕು. ರೋಗಪೀಡಿತ ಭೂಮಿಯಲ್ಲಿ ಬೆಳೆ ಪರಿವರ್ತನೆ ಮಾಡಬೇಕು. ನಾಟಿ ಮಾಡುವ ಬೀಜದ ತುಂಡುಗಳನ್ನು ಎಎಸ್‍ಟಿ ಯುನಿಟ್‍ದಲ್ಲಿ 500 ಸೆಂ.ನಲ್ಲಿ ಒಂದು ತಾಸಿನವರೆಗೆ ಶಾಖೋಪಚಾರ ಮಾಡಬೇಕು.

2.

ಹುಲ್ಲು ನಂಜು ರೋಗ

ರೋಗಪೀಡಿತ ಕಬ್ಬು ಸಾಮಾನ್ಯ ಕಬ್ಬಿನಂತೆ ಕಾಣದೆ ಹುಲ್ಲಿನ ಪೊದೆಯಂತೆ ಕಾಣಿಸುತ್ತದೆ. ಸಸ್ಯದ ಎಲೆಗಳು ತೆಳ್ಳಗೆ ಉದ್ದವಾಗಿ ಹಳದಿ ವರ್ಣಕ್ಕೆ ತಿರುಗುತ್ತವೆ. ಕಾಂಡವು ಕೂಡಾ ತೆಳ್ಳಗೆ ಗಿಡ್ಡದಾಗಿರುತ್ತದೆ. ರೋಗಪೀಡಿತ ಕಬ್ಬನ್ನು ಮುಂದಿನ ಬೆಳೆಗೆ ಉಪಯೋಗಿಸುವುದರಿಂದ ಮೊಳಕೆ ಪ್ರಮಾಣ ಕಡಿಮೆಯಾಗಿ ರೋಗ ಮರುಕಳಿಸುವುದು.

ರೋಗ ಪೀಡಿತ ಪೊದೆಗಳನ್ನು ಕಿತ್ತು ನಾಶಪಡಿಸಬೇಕು. ಉಗಿ ಉಷ್ಣ ಉಪಚಾರ ಘಟಕದಲ್ಲಿ 500 ಸೆಂ.ನಲ್ಲಿ ಒಂದು ತಾಸಿನವರೆಗೆ ಬೀಜದ ತುಂಡುಗಳನ್ನು ಉಪಚರಿಸಿ ನಾಟಿ ಮಾಡಬೇಕು.

3.

ಸಿಡಿ ರೋಗ

ಈ ರೋಗವು ಮಾರ್ಚ್ ತಿಂಗಳಲ್ಲಿ ತೇವಾಂಶದ ಕೊರತೆಯಿಂದ ಹೆಚ್ಚು ಉಷ್ಣತೆಯಿಂದ, ಹವೆಯಲ್ಲಿ ಕಡಿಮೆ ತೇವಾಂಶ ವಿದ್ದಾಗ ಕಾಣಿಸುತ್ತದೆ. ರೋಗಪೀಡಿತ ಕಬ್ಬು ಹಗುರವಾಗಿ ಬೆಂಡಾಗಿರುತ್ತದೆ ಮತ್ತು ವಾಸನೆಯಿಂದ ಕೂಡಿರುತ್ತದೆ.

ರವದಿ ಸುಡುವುದು ಬೆಳೆ ಪರಿವರ್ತನೆ, ರೋಗರಹಿತ ಬೀಜದ ಉಪಯೋಗ ಕುಳೆ ಬೆಳೆ ತೆಗೆದುಕೊಳ್ಳದೆ ಇರುವುದು, ಬೀಜದ ತುಂಡುಗಳನ್ನು ಕಾರ್ಬನ್‍ಡೈಜಿಮ್ 50 ಡಬ್ಲೂ.ಪಿ. ಶೇ. 0.1 ರ ದ್ರಾವಣದಲ್ಲಿ ಉಪಚರಿಸಬೇಕು. ರೋಗಪಿಡಿತ ಕಬ್ಬಿಗೆ ಕಾರ್ಬನ್‍ಡೈಜಿಮ್ 50 ಡಬ್ಲೂಪಿ. ಒಂದು ಗರಾಂ ಲೀ. ನೀರಿಗೆ ಬೆರೆಸಿ ಮಣ್ಣಿಗೆ ಹಾಕಬೇಕು.

4.

ಅನಾನಸ್ ರೋಗ (ತುಂಡು ಕೊಳೆ ರೋಗ)

ರೋಗ ತಗುಲಿದ ಮೊಳಕೆ 6-8 ಅಂಗುಲ ಎತ್ರದಲ್ಲಿದ್ದಾಗಲೇ ಒಣಗಲಾರಂಭಿಸುವುದು. ಕಬ್ಬು ಸೀಳಿದಾಗ ಅನಾನಸ್ ಹಣ್ಣಿನ ವಾಸನೆ ಬರುತ್ತದೆ. ಅಲ್ಲದೇ ಕೆಂಪು ಬಣ್ಣದ ಗೆರೆಗಳಿರುತ್ತವೆ.

ನಾಟಿ ಮಾಡುವ ಜಮೀನನ್ನು ಆಳವಾಗಿ ಉಳುಮೆ ಮಾಡಿ ಸ್ವಚ್ಚತೆಯನ್ನು ಕಾಪಾಡಿಕೊಳ್ಳಬೇಕು. ಬೀಜದ ತುಂಡುಗಳನ್ನು ಟ್ರೈಕೋಡರ್ಮಾ ಹಾರ್ಜಿಯಾನಮ್ 10 ಗ್ರಾಂ ಒಂದು ಲೀ. ನೀರಿನಲ್ಲಿ ಕರಗಿಸಿ ತಯಾರಿಸಿದ ದ್ರಾವಣದಲ್ಲಿ ಅದ್ದಿ ಬಿತ್ತಬೇಕು.

5.

ಕುಳೆ ಕುಂಟಿತ ರೋಗ

ಕೂಳೆ ಕಬ್ಬಿನಿಂದ ಸಾಧಾರಣ ಕಬ್ಬು ಜಿಲ್ಲಿಗಳು ಬೆಳೆಯದೇ ಹುಲ್ಲಿ ನಂತಹ ಅನೇಕ ಗುಚ್ಚ ಕವಲು ಒಡೆದು ಕಬ್ಬು ಗಿಡ್ಡದಾಗಿದ್ದು, ಗಣಿಕೆಗಳು ಚಿಕ್ಕದಾಗಿರುತ್ತವೆ.

ರೋಗರಹಿತ ಉಗಿ ಉಷ್ಣೋಪಚಾರ ಮಾಡಿದ ಬೀಜ ಬಳಸಬೇಕು.

Insect pest management

ಕ್ರ.ಸಂ

ಪೀಡೆ

ಲಕ್ಷಣ ಮತ್ತು ಹಾನಿ

ನಿರ್ವಹಣಾ ಕ್ರಮಗಳು

1.

ಸುಳಿ ಕೊರೆಯುವ ಹುಳು

ಕಬ್ಬು 40 ರಿಂದ 60 ದಿನಗಳ ಅವಧಿಯಲ್ಲಿದ್ದಾಗ (ಮಾರ್ಚ್-ಏಪ್ರಿಲ್ ತಿಂಗಳ ನಾಟಿ) ಕೀಡೆಯು ಕಬ್ಬಿನ ಸುಳಿಯನ್ನು ಕೊರೆಯುವ ದರಿಂದ ಬಾಧೆಗೊಳಪಟ್ಟ ಸುಳಿಯು ಕ್ರಮೇಣವಾಗಿ ಒಣಗುವುದು. ಇದರಿಂದ ಸಸಿಗಳ ಸಂಖ್ಯೆ ಕಡಿಮೆಯಾಗುವುದು.

ನಾಟಿ ಮಾಡಿದ 6 ಮತ್ತು 10 ವಾರಗಳ ನಂತರ ಸಾಲಿನ ಎರಡು ಪಕ್ಕಗಳಿಂದಲೂ ಮಣ್ಣು ಏರಿಸಬೇಕು. ಸುಳಿ ಒಣಗಿದ ಕಬ್ಬನ್ನು ಕಿತ್ತು ನಾಶಪಡಿಸಬೇಕು. ಟ್ರೈಕೋಗ್ರಾಮ ಎಂಬ ಪರತಂತ್ರ ಜೀವಿಯನ್ನು 5 ಕಂತುಗಳಲ್ಲಿ ಕಬ್ಬು ನೆಟ್ಟ ನಾಲ್ಕು ವಾರಗಳ ನಂತರ ಬಿಡುಗಡೆ ಮಾಡಿ, ಪ್ರತಿ ಕಂತಿಗೆ ವಾರಕ್ಕೆ 50,000 ದಂತೆ ಒಟ್ಟು ಹೆಕ್ಟೇರಿಗೆ 2,50,000 ಪರತಂತ್ರ ಜೀವಿಕೀಟಗಳನ್ನು ಬಿಡಬೇಕು ಅಥವಾ ನಾಟಿ ಮಾಡಿದ 30 ದಿವಸಗಳ ನಂತರ 12.5 ಕಿ.ಗ್ರಾಂ ಸೆವಿಡಾಲ್ 4.4 ಜಿ. ಹರಳನ್ನು ಮಣ್ಣಿನಲ್ಲಿ ಬೆರೆಸಬೇಕು. ತಡವಾಗಿ (ಡಿಸೆಂಬರ್) ನಾಟಿ ಮಾಡಿದ ಕಬ್ಬಿನಲ್ಲಿ ಈರುಳ್ಳಿ ಕೋತಂಬರಿ ಅಥವಾ ಬೆಳ್ಳುಳ್ಳಿಗಳನ್ನು ಬೋದಿನ ಒಂದು ಬದಿಯಲ್ಲಿ ಬೆಳೆಯುವುದರಿಂದ ಕೀಟದ ಬಾಧೆ ಕಡಿಮೆಯಾಗಿ ಹೆಚ್ಚಿನ ಇಳುವರಿ ಮತ್ತು ಅದಾಯ ಬರುವುದು.

2.

ಗೊಣ್ಣೆ ಹುಳು

ವಿವಿರ ಮಾಹಿತಯನ್ನು ಈ ಪುಸ್ತಕದ ಪ್ರತ್ಯೇಕ ಅಧ್ಯಾಯದಲ್ಲಿ ಕೊಡಲಾಗಿದೆ.

3.

ಗೆದ್ದಲು

ನಾಟಿ ಮಾಡಿದ ಕಬ್ಬಿನ ತುಂಡುಗಳ ಕಾಂಡವನ್ನು ಪ್ರವೇಶಿಸಿ ತಿನ್ನುವುದು. ನಾಟಿ ಮಾಡಿದ ಕಬ್ಬು ಒಣಗಲು ಪ್ರಾರಂಭಿಸುತ್ತದೆ. ಬಾಧೆಗೊಳಗಾದ ತುಂಡುಗಳು ಮಣ್ಣಿನಿಂದ ತುಂಬಿ ಕೊಂಡಿರುತ್ತವೆ ಮೊಳಕೆ ಪ್ರಮಾಣದಲ್ಲಿ ಕಡಿಮೆಯಾಗುವುದು.

ಹತೋಟಿಗಾಗಿ ಗೆದ್ದಲು ಹುತ್ತಿನಲ್ಲಿರುವ ರಾಣಿ ಹುಳುವನ್ನು ನಾಶಪಡಿಸಬೇಕು. ನಾಟಿ ಸಮಯದಲ್ಲಿ ಸಾಲಿನಲ್ಲಿ ಕ್ಲೋರ್‍ಪೈರಿಫಾಸ್ (10 ಮಿ.ಲೀ. ಒಂದು ಲೀ. ನೀರಿಗೆ) ಕಬ್ಬಿನ ತುಂಡುಗಳ ಮೇಲೆ ಸುರಿಯುವುದು. ಅಗತ್ಯವಿರುವ ತೇವಾಂಶವನ್ನು ಕಾಪಾಡಬೇಕು.

ಕಬ್ಬಿನ ಬಿಳಿ ಉಣ್ಣೆ ಹೇನು ಕೀಟದ ಸಮಗ್ರ ನಿರ್ವಹಣೆ

ಈ ಕೀಟವು ಬೆಳಗಾವಿ ಜಿಲ್ಲೆಯಲ್ಲಿ 2002 ರ ಆಗಸ್ಟ್ ತಿಂಗಳಲ್ಲಿ ಮೊಟ್ಟ ಮೊದಲ ಬಾರಿಗೆ ಕಾಣಿಸಕೊಂಡಿದ್ದು, ಈಗ ದಕ್ಷಿಣ ಪ್ರಸ್ಥಭೂಮಿಯ ಎಲ್ಲಾ ಕಬ್ಬು ಬೆಳೆಯುವ ಪ್ರದೇಶಗಳನ್ನು ವ್ಯಾಪಿಸಿಕೊಂಡಿದೆ.

ಇ ಕೀಟದ ವೈಜ್ಞಾನಿಕ ಹೆಸರು ಸಿರಾಟೊವಾಕ್ಯುನಾ ಲ್ಯಾನಿಜೆರಾ ಎಂಬುದಾಗಿದ್ದು, ಹೊಮೊಪ್ಪೆರಾ ಗಣದ ಎಫಿಡಿಡೆ ಕುಟುಂಬಕ್ಕೆ ಸೇರಿರುತ್ತದೆ. ಈ ಕೀಟವು ನಿರ್ಲಿಂಗ ರೀತಿಯಿಂದ ಸಂತಾನೋತ್ಪತ್ತಿ ಮಾಡುವುದು ಒಂದು ಮುಖ್ಯವಾದ ಲಕ್ಷಣವಾಗಿದೆ. ಮರಿಗಳು ಹಸಿರುಯುಕ್ತ ಹಳದಿ ಬಣ್ಣದಾಗಿದ್ದು, ಬಹು ಚುರುಕಾಗಿರುತ್ತವೆ. ಪ್ರೌಢಾವಸ್ಥೆಯನ್ನು ಹೊಂದಿದ ಎರಡರಿಂದ ಮೂರು ದಿನಗಳ ಪ್ರಾಯದ ಹೆಣ್ಣು ಕೀಟವು ದಿನವೊಂದಕ್ಕೆ 15-35 ಮರಿಗಳಿಗೆ ಜನ್ಮ ನೀಡುತ್ತದೆ. ಬಾಲ್ಯಾವಸ್ಥೆಯು 20 ರಿಂದ 57 ದಿನಗಳವರೆಗೆ ಇರುತ್ತದೆ. ಒಂದು ಪ್ರೌಢ ಕೀಟವು 32 ರಿಂದ 57 ದಿನಗಳವರೆಗೆ ಬದುಕಬಲ್ಲದು. ಮೋಡ ಕವಿದ ವಾತಾವರಣ, ತಂಪಾದ ಹವೆ ಮತ್ತು ಹೆಚ್ಚಿನ ಆದ್ರ್ರತೆ ಇರುವ ವಾತಾವರಣವು ಈ ಕೀಟದ ವೃದ್ಧಿಗೆ ಮತ್ತು ಪ್ರಸರಣಕ್ಕೆ ಅನುಕೂಲಕರ.

ಈ ಕೀಟವು ಗುಂಪು ಗುಂಪಾಗಿ ಎಲೆಗಳ ಕೆಳಭಾಗದಲ್ಲಿದ್ದು ರಸ ಹಿರುವವು. ಇಂತಹ ಎಲೆಗಳು ಕ್ರಮೇಣ ತುದಿಯಿಂದ ಅಂಚುಗಳಲ್ಲಿ ಹಳದಿ ವರ್ಣಕ್ಕೆ ತಿರುಗಿ ತದ ನಂತರ ಒಣಗಲಾರಂಭಿಸುವವು. ಕೆಳಗಿನ ಎಲೆಯ ಮೇಲ್ಭಾಗದಲ್ಲಿ ಕಪ್ಪು ಬೂಷ್ಟ್ ಬೆಳೆದು ದ್ಯುತಿಸಂಶ್ಲೇಷಣಾ ಕ್ರಿಯೆಗೆ ತೊಂದರೆಯಾಗುವುದು. ಕಬ್ಬಿನ ಇಳುವರಿಯು ಶೇ. 22 ರಿಂದ 25 ರಷ್ಟು ಹಾಗೂ ಸಕ್ಕರೆಯ ಇಳುವರಿಯು ಶೇ. 24 ರಷ್ಟು ಕಡಿಮೆಯಾಗುತ್ತದೆ.

ಬಿಳಿ ಉಣ್ಣೆ ಹೇನಿನ ಸಮಗ್ರ ಹತೋಟಿಯ ಕ್ರಮಗಳು

ಈ ಕೀಟದ ಹತೋಟಿಯನ್ನು ಸಾಮೂಹಿಕವಾಗಿ ಎಲ್ಲ ರೈತರು ಕೈಗೊಳ್ಳುವುದು ಅತ್ಯವಶ್ಯಕ.
• ಬಾಧೆಗೊಳಗಾದ ಕಬ್ಬನ್ನು ನಾಟಿಗೆ ಉಪಯೋಗಿಸಬಾರದು
• ಪಟ್ಟಾ ಪದ್ಧತಿಯನ್ನು ಅನುಸರಿಸಿ ಬೆಳೆದ ಬೆಳೆಯಲ್ಲಿ ನಿರ್ವಹಣಾ ಕ್ರಮಗಳನ್ನು ಕೈಗೊಳ್ಳುವುದು ಸುಲಭ.
• ಕಬ್ಬಿನ ಗದ್ದೆಗಳಲ್ಲಿ ನೀರು ಬಸಿದು ಹೋಗುವಂತೆ ನೋಡಿಕೊಳ್ಳಬೇಕು.
• ಸಾರಜನಕಯುಕ್ತ ಗೊಬ್ಬರವನ್ನು ಹೆಚ್ಚಾಗಿ ಬಳಸೆ, ಉಳಿದ ಪೋಷಕಾಂಶಗಳೊಂದಿಗೆ ಸಮತೋಲನವಾಗಿ ಕಾಪಾಡಬೇಕು.
• ಜೈವಿಕ ವಿಧಾನದಲ್ಲಿ ಮೈಕ್ರೋಮಸ್ ಇಗೋರೇಟಸ್ (ಹೇನು ಸಿಂಹ) ಅಥವಾ ಡೈಫಾ ಎಫಿಡಿವೋರಾದ ಕೋಶ, ಮರಿಗಳನ್ನು ಬಿಡುವುದು ಸೂಕ್ತ. ಪರತಂತ್ರ ಜೀವಿ ಏನ್‍ಕಾರ್ಸೀಯಾ ಪ್ಲಾವೋಸ್ಕೂಟೇಲಂ ಪರತಂತ್ರ ಜೀವಿಗಳನ್ನು ಬಿಡುವುದು ಮತ್ತು ಅಕ್ರೀಮೋನಿಯಂ ಜೈಲಾನಿಕಂ ಶಿಲೀಂಧ್ರದ ಬಳಕೆ ಸೂಕ್ತವಾಗಿವೆ.

ಡೈಫಾ ಎಫಿಡಿವೋರಾ ಮತ್ತು ಮೈಕ್ರೋಮಸ್ ಪರಭಕ್ಷಕ ಕೀಡೆಗಳನ್ನು ಬಿಡಲು ಅನುಸರಿಸಬೇಕಾದ ಕ್ರಮಗಳು

• ಈ ಪರಭಕ್ಷಕ ಕೀಟ ಹೊಂದಿರತಕ್ಕಂತಹ ಕಬ್ಬಿನ ಎಲೆಗಳನ್ನು ಗುರುತಿಸಿ ಈ ಎಲೆಗಳನ್ನು ಪರಭಕ್ಷಕ ಕೀಟ ಸಮೇತವಾಗಿ ಇರುವಂತೆ ತುಂಡುಗಳಾಗಿ ಕತ್ತರಿಸಿಕೊಳ್ಳಬೇಕು.
• ಈ ತುಂಡುಗಳನ್ನು ಹೆಚ್ಚು ಬಿಳಿ ಉಣ್ಣೆ ಹೇನುಬಾಧಿತ ಪ್ರದೇಶದಲ್ಲಿ ಕಬ್ಬಿನ ಎಲೆಯ ಕೆಳಭಾಗದಲ್ಲಿ ಗುಂಡು ಸೂಜಿಯಿಂದ ಅಂಟಿಸಬೇಕು.
• ಪ್ರತಿ ಹೆಕ್ಟೇರ್ ಪ್ರದೇಶಕ್ಕೆ ಸುಮಾರು 1000-1500 ಮರಿ ಅಥವಾ ಕೋಶ ಬಿಡುಗಡೆ ಮಾಡಬೇಕು. ಕಟಾವಿಗೆ ಸಿದ್ಧವಾದ ಕಬ್ಬಿನ ಬೆಳೆಯಲ್ಲಿ ಪರಭಕ್ಷಕ ಕೀಟ ಬಿಡುಗಡೆ ಮಾಡಬಾರದು.
• ಪರಭಕ್ಷಕ ಕೀಟವನ್ನು ಬಿಡುಗಡೆಗೊಳಿಸುವ ಪೂರ್ವದಲ್ಲಿ ಅಥವಾ ನಂತರ ಕೀಟನಾಶಕಗಳ ಸಿಂಪರಣೆ ಅಥವಾ ಧೂಳೀಕರಣ ಮಾಡಬಾರದು.
• ಪರಭಕ್ಷಕ ಕೀಡೆಗಳನ್ನು ಬಿಟ್ಟ ಗದ್ದೆಗಳಲ್ಲಿ ಹಾಗೂ ಇವುಗಳ ಚಟುವಟಿಕೆ ಹೆಚ್ಚಾಗಿರುವ ಪ್ರದೇಶಗಳಲ್ಲಿ ಕಬ್ಬಿನ ರವದಿಯನ್ನು ಸುಡಬಾರದು.
• ಈ ಕೀಟದ ಬಾಧೆ ಗದ್ದೆಯಲ್ಲಿ ಸಾಮಾನ್ಯವಾಗಿ ಅಲ್ಲಲ್ಲಿ ಕಂಡುಬರುವುದರಿಂದ, ಆ ಕ್ಷೇತ್ರಕ್ಕೆ ಹಾಗೂ ಸುತ್ತಲಿನ 5 ಮೀಟರ್ ಸುತ್ತಳತೆವರೆಗೆ ಕೆಳಗೆ ಸೂಚಿಸಿರುವ ಯಾವುದಾದರೊಂದು ಕೀಟನಾಶಕವನ್ನು ತಾತ್ಕಾಲಿಕ ಹತೋಟಿಗಾಗಿ ಸಿಂಪಡಿಸಬೇಕು.
• ಒಂದು ಗ್ರಾಂ ಅಸಿಫೇಟ್ 75 ಡಬ್ಲೂ.ಪಿ ಅಥವಾ 2 ಮಿ.ಲೀ. ಕ್ಲೋರ್‍ಫೈರಿಫಾಸ್ 20 ಇ.ಸಿ. ಅಥವಾ 2.00 ಮಿ.ಲೀ. ಮೆಲಾಥಿಯಾನ್ 50 ಇ.ಸಿ. ಅಥವಾ 1.5 ಮಿ.ಲೀ. ಮೆಟಾಸಿಸ್ಟಾಕ್ಸ್ 25 ಇ.ಸಿ ಅಥವಾ 1 ಮಿ.ಲೀ. ಮೊನೋಕ್ರೊಟೋಫಾಸ್ 36 ಎಸ್.ಎಲ್. ಅಥವಾ 0.26 ಗ್ರಾಂ ಥಯಾಮಿಥಾಕ್ಸಾಮ್ 25 ಡಬ್ಲೂ.ಜಿ. ಒಂದು ಲೀ. ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು. ಪ್ರತಿ ಹೆಕ್ಟೇರಿಗೆ 1000 ಲಿ. ಸಿಂಪರಣಾ ದ್ರಾವಣ ಬೇಕಾಗುವುದು. ಅಥವಾ ಶೇ.5ರ ಮೆಲಾಥಿಯಾನ್ ಧೂಳು ಪ್ರತಿ ಹೆಕ್ಟೇರಿಗೆ 25 ಕಿ.ಗ್ರಾಂ ಅಥವಾ ಶೇ. 10ರ ಫೊರೇಟ್ ಹರಳು 25 ಕಿ.ಗ್ರಾಂ ಪ್ರತಿ ಹೆಕ್ಟೇರಿಗೆ ಬೇಕಾಗುವುದು.
• ಕೀಟನಾಶಕ ಸಿಂಪಡಿಸುವವರು ರಕ್ಷಾ ಕವಚಗಳನ್ನು ಧರಿಸಬೇಕು.
• ಸಿಂಪರಣೆ ಮಾಡಿದ ಕಬ್ಬನ್ನು ದನಕರುಗಳಿಗೆ ಮೇವಿಗಾಗಿ ಉಪಯೋಗಿಸಬಾರದು.
• ಬಿಳಿ ಉಣ್ಣೆ ಹೇನು ನಿರೋಧಕ ತಳಿ ಎಸ್‍ಎನ್‍ಕೆ-044 ನ್ನು ಬೆಳೆಯುವುದು ಸೂಕ್ತ.

Yield

ಇಳುವರಿ

ಚೆನ್ನಾಗಿ ನಾಟಿ ಕಬ್ಬಿನ ನಿರ್ವಹಣೆ ಹಾಗೂ ಮೇಲೆ ತಿಳಿಸಿದ ಬೆಳೆಯ ನಿರ್ವಹಣೆಯಿಂದ ಹೆಕ್ಟೇರಿಗೆ 80-100 ಟನ್ ಕೊಳೆ ಕಬ್ಬಿನ ಇಳುವರಿ ಪಡೆಯಬಹುದು.

ಕಬ್ಬು ತಳಿಗನುಗುಣವಾಗಿ ನಾಟಿ ಮಾಡಿದ 10-14 ತಿಂಗಳುಗಳಲ್ಲಿ ಕಟಾವಿಗೆ ಸಿದ್ದವಾಗುತ್ತದೆ. ಕಬ್ಬನ್ನು ಸೂಲಂಗಿ (ಹೂವು) ಬಂದ ಎರಡು ತಿಂಗಳೊಳಗಾಗಿ ಕಟಾವು ಮಾಡಬೇಕು. ತಳೀ ಮತ್ತು ನಾಟಿ ಮಾಡಿದ ಕಾಲಕ್ಕನುಗುಣವಾಗಿ ಪಡೆಯಬಹುದಾದ ಇಳುವರಿ (ಟನ್ ಪ್ರತಿ ಹೆಕ್ಟೇರಿಗೆ) ಈ ಕೆಳಗಿನಂತಿವೆ

ಇಳುವರಿ (ಟನ್/ಹೆ.)

ತಳಿ

ಜುಲೈ-ಅಗಸ್ಟ್ ನಾಟಿ

ತಳಿ ನಾಟಿ

ಜುಲೈ-ಅಗಸ್ಟ್ ನಾಟಿ

ಸಿಓ-740

-

113-125

88-113

ಸಿಓಸಿ-671

-

-

110-115

ಸಿಓ-8014

-

130-140

115-130

ಸಿಓ-86032

220-240

200-220

180-200

ಸಿಓ-94012

220-240

140-160

-

ಎಸ್‍ಎನ್‍ಕೆ-044

210-240

140-160

-

Login to post comments
5018 reads

Package of practices of Sapota

Submitted by naipagropediaraichur on Wed, 02/01/2013 - 12:14

Posted in

Introduction

ಸಪೋಟ

ಸಪೋಟ ಉಷ್ಣವಲಯದ ಮುಖ್ಯವಾದ ಹಣ್ಣಿನ ಬೆಳೆಗಳಲ್ಲೊಂದು. ಅದರ ಕ್ಷೇತ್ರವು ನಮ್ಮ ರಜ್ಯದಲ್ಲಿ ತೀವ್ರಗತಿಯಲ್ಲಿ ಹೆಚ್ಚುತ್ತಿದೆ. ಹಣ್ಣುಗಳು ರುಚಿಕರವಾಗಿದ್ದು ಸಕ್ಕರೆ ಮತ್ತು ಖನಿಜಗಳು ಹೆಚ್ಚಾಗಿರುತ್ತವೆ. ಇದನ್ನು ಒಣಭೂಮಿ ಮತ್ತು ಜಲಾನಯನ ಪ್ರದೇಶಗಳಲ್ಲೂ ಬೆಳೆಯಬಹುದು.

Climatic Requirements

ಹವಾಗುಣ

ಒಣ ಹಾಗೂ ತೇವಾಂಶವುಳ್ಳ ಪ್ರದೇಶಗಳಲ್ಲಿ ಸಪೋಟ ಚೆನ್ನಾಗಿ ಬೆಳೆಯುತ್ತದೆ. ಇದನ್ನು ರಾಜ್ಯದ ಎಲ್ಲ ಭಾಗಗಳಲ್ಲಿಯೂ ಬೆಳೆಯಬಹುದು. ಜೂನ್-ಜುಲೈ ತಿಂಗಳುಗಳು ನಾಟಿ ಮಾಡಲು ಸೂಕ್ತ.

Soil Conditions

ಮಣ್ಣು

ಸಪೋಟ ಎಲ್ಲ ತರಹದ ಮಣ್ಣಿನಲ್ಲೂ ಬಹಳ ಚೆನ್ನಾಗಿ ಬರುತ್ತದೆ. ನೀರು ಬಸಿದು ಹೋಗುವಂತಹ ಗೋಡುಮಣ್ಣು ಮತ್ತು ಮಧ್ಯಮ ಕಪ್ಪು ಮಣ್ಣುಗಳು ಇದರ ಕೃಷಿಗೆ ಅತಿ ಸೂಕ್ತ. ಬಿರುಸಾದ ಒಳ ಪದರಗಳನ್ನು ಹೊಂದಿದ ಮತ್ತು ಜೇಡಿ ಮಣ್ಣು ಈ ಬೆಳೆಗೆ ಸೂಕ್ತವಲ್ಲ.

Varieties

ತಳಿಗಳು

ಕಾಲಿಪಟ್ಟಿ: ಗಿಡಗಳು ದಟ್ಟ ಹಸಿರು ಎಲೆಗಳಿಂದ ಕೂಡಿದ್ದು ಟೊಂಗೆಗಳು ಹೆಚ್ಚಾಗಿರುತ್ತವೆ ಹಣ್ಣುಗಳು ಮೊಟ್ಟೆ ಆಕಾರದಲ್ಲಿದ್ದು, ಕಡಿಮೆ ಬೀಜಗಳನ್ನು ಹೊಂದಿರುತ್ತವೆ. ತಿರುಳು ಸಿಹಿಯಾಗಿದ್ದು ಅತ್ಯುತ್ತಮ ಗುಣಮಟ್ಟದಾಗಿರುತ್ತದೆ.

ಕ್ರಿಕೆಟ್ ಬಾಲ್: ಹಣ್ಣುಗಳು ದೊಡ್ಡವಾಗಿದ್ದು ದುಂಡನೆಯ ಆಕಾರ ಹೊಂದಿರುತ್ತವೆ. ತಿರುಳು ಸಾಧಾರಣ ಗುಣಮಟ್ಟ ಹೊಂದಿರುತ್ತದೆ.

ಡಿ.ಎಚ್.ಎಸ್-1; ಕೃಷಿ ವಿಶ್ವವಿದ್ಯಲಯ, ಧಾರವಾಡದ ಸಂಕರಣ ತಳಿ. ಕಾಲಿಪತ್ತಿ ಮತ್ತು ಕ್ರಿಕೆಟ್ ಬಾಲ್ ತಳಿಗಳಿಗಿಂತ ಶೇ. 30-40 ರಷ್ಟು ಹೆಚ್ಚು ಇಳುವರಿ ಕೊಡುವುದು. ಹಣ್ಣಿನ ಗುಣಮಟ್ಟ ಎರಡೂ ತಳಿಗಳಿಗಿಂತ ಅತ್ಯುತ್ತಮವಾಗಿದೆ. ಹಣ್ಣುಗಳ ಗಾತ್ರ ದೊಡ್ಡದಾಗಿದ್ದು (150 ಗ್ರಾಂ) ತತ್ತಿಯಾಕಾರವನ್ನೂ ಹೋಲುತ್ತವೆ. ಹಣ್ಣಿನ ತಿರುಳು ಮೃದು ಮತ್ತು ಸಿಹಿಯಾಗಿದ್ದು (ಟಿ.ಎಸ್.ಎಸ್. ಶೇ. 25) ತಿಳಿ ಕಿತ್ತಳೆ ಬಣ್ಣ ಹೊಂದಿದೆ.

ಡಿ.ಎಚ್.ಎಸ್.-2: ಕೃಷಿ ವಿಶ್ವವಿದ್ಯಾಲಯ, ಧಾರವಾಡದ ಸಂಕರಣ ತಳಿ (ಕಾಲಿಪಟ್ಟಿ ಕ್ರಿಕೆಟ್‍ಬಾಲ್) ಇದು ಕಾಲಿಪಟ್ಟಿ ಮತ್ತು ಕ್ರಿಕೆಟ್ ಬಾಲ್ ತಳಿಗಳಿಗಿಂತ ಶೇ. 30-35 ರಷ್ಟು ಹೆಚ್ಚು ಇಳುವರಿ ಕೊಡುವುದು. ಹಣ್ಣುಗಳು ಗೋಲಾಕಾರ ಹೊಂದಿದ್ದು ಕ್ರಿಕೆಟ್ ಬಾಲ್ ತಳಿಗಿಂತ ದೊಡ್ಡದಾಗಿರುತ್ತವೆ (180 ಗ್ರಾಂ). ಹಣ್ಣಿನ ತಿರುಳು ಮೃದು ಮತ್ತು ಸಿಹಿಯಾಗಿದ್ದು (ಟಿ.ಎಸ್.ಎಸ್.) ಶೆ. 25) ಕಿತ್ತಳೆ ಕಂದು ಬಣ್ಣ ಹೊಂದಿದೆ.

Seed & Sowing

ಕಸಿ ಗಿಡಗಳು / ಮೆದುಕಾಂಡ ಕಸಿಗಿಡಗಳು ಪ್ರತಿ ಹೆಕ್ಟೇರಿಗೆ
ಅಂತರ 10 ಮೀ. x 10 ಮೀ. (ಪೂರ್ಣಬೆಳೆ) 100
13 ಮೀ. x 13 ಮೀ. (ಮಿಶ್ರ ಬೆಳೆ) 68

Transplanting

Transplanting:

ನಾಟಿ ಮಾಡುವುದು

ಬೆಳೆ ಪ್ರದೇಶವನ್ನು ಉಳುಮೆ ಮಾಡಿ ಸಿದ್ಧಪಡಿಸಿಕೊಳ್ಳಬೇಕು. ಫಲವತ್ತಾದ ಭೂಮಿಯಿದ್ದಲ್ಲಿ 13 ಮೀ. x 13 ಮೀ. ಅಂತರದಲ್ಲಿ ಮತ್ತು ಸಾಧಾರಣ ಫಲವತ್ತತೆಯ ಭೂಮಿಯಿದ್ದಲ್ಲಿ 10 ಮೀ. x 10 ಮೀ. ಅಂತರದಲ್ಲಿ ಒಂದು ಘಣ ಮೀಟರ್ ಅಳತೆ ಗುಣಿಗಳನ್ನು ತೆಗೆಯಿರಿ. ಈ ಗುಣಿಯನ್ನು ಮೇಲ್ಮಣ್ಣು ಮತ್ತು ಕಾಂಪೋಸ್ಟ್ ಮಿಶ್ರಣ ಹಾಕಿ ಮುಚ್ಚಬೇಕು. ಗುಣಿಯ ಮಧ್ಯದಲ್ಲಿ ಕಸಿ ಗಿಡಗಳನ್ನು ಕಸಿ ಭಾಗ ಭೂಮಿಯ ಮೇಲಿರುವಂತೆ ಇಟ್ಟು ನಾಟಿ ಮಾಡಿ ಕೋಲನ್ನು ಕಟ್ಟಿ ಗಿಡಕ್ಕೆ ಆಸರೆ ಕೊಡಬೇಕು. ಬೇರು ಸಸಿಯ ಮೇಲೆ ಚಿಗುರುಗಳು ಕಂಡುಬಂದಾಗ ತೆಗೆದುಹಾಕಬೇಕು. ಮೊದಲೆರಡು ವರ್ಷಗಳ ಬೇಸಿಗೆಯಲ್ಲಿ ರಕ್ಷಣಾತ್ಮಕ ನೀರು ಕೊಡಬೇಕು. ಇದರಿಂದ ಗಿಡಗಳು ಚೆನ್ನಾಗಿ ಬರುತ್ತವೆ.

Nutrient management

ಸಾವಯವ ಗೊಬ್ಬರ/ ಕೊಟ್ಟಿಗೆ ಗೊಬ್ಬರ

ಸಾವಯವ ಗೊಬ್ಬರ/ ಕೊಟ್ಟಿಗೆ ಗೊಬ್ಬರ
ನಾಟಿ ಮಾಡುವ ಮೊದಲು ಮತ್ತು ಪ್ರತಿ ವರ್ಷ 50 ಕಿ.ಗ್ರಾಂ ಪ್ರತಿ ಗಿಡಕ್ಕೆ

ರಸಗೊಬ್ಬರಗಳು

ಗಿಡದ ವಯಸ್ಸು (ವರ್ಷ)	ಪೋಷಕಾಂಶ	ಪ್ರತಿ ಗಿಡಕ್ಕೆ (ಗ್ರಾಂ)
1-3	ಸಾರಜನಕ	100
	ರಂಜಕ	75
	ಪೊಟ್ಯಾಷ್	100
4-6	ಸಾರಜನಕ	200
	ರಂಜಕ	100
	ಪೊಟ್ಯಾಷ್	200
7-10	ಸಾರಜನಕ	275
	ರಂಜಕ	80
	ಪೊಟ್ಯಾಷ್	275
11 ಮತ್ತು ನಂತರ	ಸಾರಜನಕ	400
	ರಂಜಕ	160
	ಪೊಟ್ಯಾಷ್	450

ಸಸ್ಯಾಭಿವೃದ್ಧಿ : ಅಂಟು ಅಥವಾ ಮೃದುಕಾಂಡ ಕಸಿ ಗಿಡಗಳು ನಾಟಿ ಮಾಡಲು ಯೋಗ್ಯ. ಖಿರ್ನಿ ಗಿಡಗಳನ್ನು ಬೇರು ಸಸಿಗಳಾಗಿ ಉಪಯೋಗಿಸುವುದು ಸೂಕ್ತ.

Weed management

ನಾಟಿ ನಂತರದ ಬೇಸಾಯ: ಮಳೆಗಾಲದ ಪ್ರಾರಂಭಕ್ಕೆ ಗಿಡಗಳಿಗೆ ಗೊಬ್ಬರ ಒದಗಿಸಬೇಕು. ಗಿಡದ ಬುಡದಿಂದ 60 ಸೆಂ.ಮೀ. ದೂರದಲ್ಲಿ ರಸಗೊಬ್ಬರಗಳನ್ನು ಹಾಕಬೇಕು. ನಿಯಮಿತವಾಗಿ ಕಳೆ ತೆಗೆದು ಬೆಳೆ ಕ್ಷೇತ್ರವನ್ನು ಸ್ವಚ್ಛವಾಗಿಡಬೇಕು. ಪ್ರಾರಂಭದಲ್ಲಿ 7-8 ವರ್ಷಗಳ ತನಕ ಗಿಡಗಳು ಇಡೀ ಪ್ರದೇಶವನ್ನು ಆಕ್ರಮಿಸಿಕೊಳ್ಳುವವರೆಗೆ ಅಂತರ ಬೆಳೆಗಳನ್ನು ಬೆಳೆಯಬಹುದು. ನೆಲದಿಂದ ಒಂದು ಮೀಟರ್ ಎತ್ತರದವರೆಗೆ ಮುಖ್ಯ ಕಾಂಡದ ಮೇಲೆ ಯಾವುದೇ ಕವಲುಗಳು ಬೆಳೆಯದಂತೆ ನೋಡಿಕೊಳ್ಳಬೇಕು.

Disease management

ರೋಗಗಳು

ಎಲೆಚುಕ್ಕೆ ರೋಗ ಮತ್ತು ಕಪ್ಪು ಶಿಲೀಂದ್ರ ರೋಗ (ಸೂಟಿ ಮೌಲ್ಡ್)

ಹತೋಟಿ ವಿಧಾನ:

ರೋಗ ಬಾಧೆ ಕಂಡು ಬಂದಾಗ 2 ಗ್ರಾಂ ಜೈನಬ್ ಅಥವಾ ಕ್ಲೋರೋಥಲೋನಿಲ್ ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪರಣೆ ಮಾಡಬೇಕು. ಕಪ್ಪು ಶಿಲೀಂದ್ರ ರೋಗಕ್ಕೆ ನೀರನ್ನು ಸಿಂಪರಣೆ ಮಾಡಿ ನಂತರ 3 ಗ್ರಾಂ ಮ್ಯಾಂಕೋಜೆಬ್ 1 ಲೀಟರ್ ನೀರಿನಲ್ಲಿ ಕರಗಿಸಿ ಸಿಂಪರಿಸಬೇಕು ಅಥವಾ ಶೇ. 2ರ ಸ್ಟಾರ್ಚ್ (ಗಂಜಿಯನ್ನು) ಉಪಯೋಗಿಸಿ.

Insect pest management

ಕೀಟಗಳು: ಮೊಗ್ಗು ಮತ್ತು ಹಣ್ಣು ಕೊರಕ, ಹಿಟ್ಟು ತಿಗಣೆ, ಶಲ್ಕ ಕೀಟ, ಥ್ರಿಪ್ಸ್ ನುಶಿ, ತೊಗಟೆ ಮತ್ತು ಕಾಂಡ ಕೊರಕ.

ಹತೋಟಿ ವಿಧಾನ:
1. ಹಣ್ಣು ಕೊರಕ: ಹಣ್ಣು ಕೊರಕದ ಬಾಧೆ ಇದ್ದಲ್ಲಿ 4 ಗ್ರಾಂ ಕಾರ್ಬಾರಿಲ್ ಅಥವಾ ಮೆಲಾಥಿಯಾನ್ 2 ಮಿ.ಲೀ./ ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಿ.
2. ಹಿಟ್ಟು ತಿಗಣೆ/ ಶಲ್ಕ ಕೀಟಗಳ ಹತೋಟಿಗೆ 40 ಮಿ.ಲೀ. ಬೇವಿನೆಣ್ಣೆ ಅಥವಾ ಹೊಂಗೆ ಎಣ್ಣೆಯನ್ನು, 5 ಮಿ.ಲೀ. ಸಾಬೂನಿನ ದ್ರಾವಣದೊಂದಿಗೆ ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಿ.
3. ತೊಗಟೆ ಕೊರಕ ಕಂಡು ಬಂದಲ್ಲಿ ಪೂರ್ತಿ ಒಣಗಿದ ಟೊಂಗೆಗಳನ್ನು ಕತ್ತರಿಸಿ ನಾಶ ಪಡಿಸಬೇಕು. ಕೊರೆದ ತೊಗಟೆಯನ್ನು ಕೆರೆದು 2 ಮಿ.ಲೀ. ಕ್ಲೋರ್‍ಪೈರಿಫಾಸ್ 1 ಲೀ. ನೀರಿನಲ್ಲಿ ಬೆರಸಿ ಪೂರ್ತಿ ಭಾಗ ತೊಯ್ಯುವಂತೆ ಸಿಂಪಡಿಸಿ.
4. ಕಾಂಡ ಕೊರಕದ ಬಾಧೆ ನಿಯಂತ್ರಿಸಲು ಕಾಂಡದ ಮೇಲಿನ ರಂಧ್ರಗಳನ್ನು ಗುರುತಿಸಿ 3-4 ಹನಿ ಡೈಕ್ಲೋರ್‍ವಾಸ್‍ನ್ನು ಇಂಕ್‍ಫಿಲ್ಲರ್ ಮುಖಾಂತರ ಹಾಕಿ ರಂಧ್ರವನ್ನು ಹಸಿ ಮಣ್ಣಿನಿಂದ ಮುಚ್ಚಬೇಕು.

Harvesting & Threshing

ಹೂ ಮತ್ತು ಹಣ್ಣು ಬಿಡುವುದು: ಸಪೋಟ ಗಿಡಗಳು ನಾಟಿ ಮಾಡಿದ ನಾಲ್ಕನೇ ವರ್ಷದಿಂದ ಹೂ ಮತ್ತು ಹಣ್ಣು ಬಿಡಲು ಪ್ರಾರಂಭಿಸುತ್ತವೆ. ಆದರೆ ಆರ್ಥಿಕ ಇಳುವರಿ ಎಂಟನೇ ವರ್ಷದಿಂದ ದೊರಕುತ್ತದೆ. ಸಪೋಟ ವರ್ಷವಿಡೀ ಹೂ ಬಿಡುತ್ತದೆಯಾದರೂ ಮುಖ್ಯವಾಗಿ ಮಾರ್ಚ್-ಮೇ ಮತ್ತು ಸೆಪ್ಟೆಂಬರ್-ಅಕ್ಟೋಬರ್‍ಗಳಲ್ಲಿ ಎರಡು ಸಲ ಅತ್ಯಧಿಕ ಇಳುವರಿ ಕೊಡುತ್ತದೆ. ಬೇಸಿಗೆಯಲ್ಲಿ ಕೊಯ್ಲಿಗೆ ಬಂದ ಹಣ್ಣುಗಳು ಸಮಾನ್ಯವಾಗಿ ಹೆಚ್ಚು ಸಿಹಿಯಾಗಿರುತ್ತವೆ.

Yield

ಇಳುವರಿ

ಹಣ್ಣುಗಳು ಕಂದು ಆಲೂಗಡ್ಡೆ ಬಣ್ಣಕ್ಕೆ ತಿರುಗಿದಾಗ ಕೊಯ್ಲು ಮಾಡಬೇಕು. ಹತ್ತು ವರ್ಷದ ಗಿಡದಿಂದ ಸಾಮಾನ್ಯವಾಗಿ 1000-1500 ಹಣ್ಣುಗಳ ಇಳುವರಿ (10-15 ಟನ್ ಪ್ರತಿ ಹೆಕ್ಟೇರಿಗೆ) ದೊರೆಯುತ್ತದೆ.

Login to post comments
3151 reads

Package of practice for Coconut

Submitted by naipagropediaraichur on Wed, 02/01/2013 - 11:27

Posted in

Introduction

ತೆಂಗು

ಕಲ್ಪವೃಕ್ಷ ವೆನಿಕೊಂಡಿರುವ ತೆಂಗು ರಾಜ್ಯದ ಮುಖ್ಯ ವಾಣಿಜ್ಯ ಬೆಳೆಗಳಲ್ಲೊಂದು. ಇದು ಆಹಾರ (ತಾಜ ಮತ್ತು ಒಣಕೊಬ್ಬರಿ, ಎಣ್ಣೆ), ಪಾನೀಯ ಮತ್ತು ಉರುವಲು ವಸ್ತುಗಳನ್ನು ಒದಗಿಸುವುದಲ್ಲದೇ ಹಲವಾರು ಕೈಗಾರಿಕೆಗಳಿಗೆ ಕಚ್ಚಾ ಪದಾರ್ಥಗಳನ್ನು ಒದಗಿಸುವುದು. ತೆಂಗು ಕೊಬ್ಬು ಮತ್ತು ಹಲವು ಜೀವಸತ್ವಗಳನ್ನು ಹೊಂದಿರುವುದರಿಂದ, ಪಿಷ್ಠಯುಕ್ತ ಆಹಾರ ಪದಾರ್ಥಗಳಲ್ಲಿಯ ಕೊರತೆಗಳನ್ನು ಸರಿದೂಗಿಸುತ್ತದೆ. ಎಳನೀರು ಶೇ. 95.5 ರಷ್ಟು ನೀರು, ಶೇ. 0.1 ರಷ್ಟು ಸಸಾರಜನಕ, ಶೇ. 4 ರಷ್ಟು ಶರ್ಕರಪಿಷ್ಟಗಳು, ಶೇ. 0.02 ಕ್ಯಾಲ್ಸಿಯಂ, ಶೇ. 0.01 ರಂಜಕ ಮತ್ತು 0.05 ಮಿ. ಗ್ರಾಂ (100 ಗ್ರಾಂಗೆ) ಕಬ್ಬಿಣದ ಅಂಶವನ್ನು ಒಳಗೊಂಡಿರುತ್ತದೆ. ತಾಜಾ ಕೊಬ್ಬರಿ ಶೇ. 45 ರಷ್ಟು ತೇವಾಂಶ, ಶೇ. 4 ರಷ್ಟು ಸಸಾರಜನಕ, ಶೆ. 33 ರಷ್ಟು ಕೊಬ್ಬು, ಶೇ. 4ರಷ್ಟು ಖನಿಜಾಂಶಗಳು ಮತ್ತು ಶೇ. 10 ರಷ್ಟು ಶರ್ಕರಪಿಷ್ಟ ಹೊಂದಿರುತ್ತದೆ.

Climatic Requirements

ಹವಾಗುಣ

ತೆಂಗು ಉಷ್ಣವಲಯದ ಬೆಳೆಯಾಗಿದ್ದು, ಹೆಚ್ಚು ಪ್ರಕಾಶಮಾನವಾದ ಬೆಳಕನ್ನು ಬಯಸುತ್ತದೆ. ಸಮುದ್ರ ಮಟ್ಟದಿಂದ 1000 ಮೀ. ಎತ್ತರದವರೆಗೂ, 700 ರಿಂದ 3000 ಮಿ.ಮೀ. ವರ್ಷವಿಡೀ ಸಮಾನ ಹಂಚಿಕೆಯಲ್ಲಿ ಬೀಳುವ ಮಳೆ ಮತ್ತು ಉಷ್ಣಾಂಶ 15 ರಿಂದ 350 ಸೆ. ಇರುವ ಪ್ರದೇಶಗಳಲ್ಲಿ ಉತ್ತಮವಾಗಿ ಬೆಳೆಯಬಹುದು. ಉತ್ತಮ ಇಳುವರಿಗೆ ಬೇಸಿಗೆ ಕಾಲದಲ್ಲಿ ನೀರಾವರಿ ಅತ್ಯಗತ್ಯ.

Soil Conditions

ಮಣ್ಣು

ತೆಂಗನ್ನು ವಿವಿಧ ಮಣ್ಣುಗಳಲ್ಲಿ ಬೆಳೆಯಬಹುದು. ನೀರು ಬಸಿದು ಹೋಗುವ ಆಳವಾದ ಮರಳು ಮಿಶ್ರಿತ ಗೋಡು, ಜಂಬಿಟ್ಟಿಗೆ ಮತ್ತು ಕೆಂಪು ಗೋಡು ಮಣ್ಣುಗಳು ತೆಂಗನ್ನು ಬೆಳೆಯಲು ಯೋಗ್ಯವಾಗಿವೆ. ಜೇಡಿಮಣ್ಣು ಮತ್ತು ನೀರು ನಿಲ್ಲುವ ಪ್ರದೇಶಗಳಲ್ಲಿ ತೆಂಗು ಹುಲುಸಾಗಿ ಬೆಳೆಯುವುದಿಲ್ಲ. ರಸಸಾರ 5.2 ರಿಂದ 8.0 ಇರುವ ಮಣ್ಣಿನಲ್ಲಿಯೂ ಕೃಷಿ ಮಾಡಬಹುದು.

Varieties

ತಳಿಗಳು

ಎತ್ತರ ತಳಿಗಳು: ಅರಸೀಕೆರೆ ಟಾಲ್ (ತಿಪಟುರು ಟಲ್) ಮತ್ತು ವೆಸ್ಟ್ ಕೋಸ್ಟ್ ಟಾಲ್ ಇವುಗಳು ವೈವಿಧ್ಯಮಯ ಮಣ್ಣು ಮತ್ತು ಹವಾಗುಣಗಳಿಗೆ ಹೊಂದಿಕೊಂಡು ಬೆಳೆಯುವ ಶಕ್ತಿಯನ್ನು ಹೊಂದಿವೆ. ನಾಟಿ ಮಾಡಿದ 7 ರಿಂದ 8 ವರ್ಷಗಳಲ್ಲಿ ಗಿಡಗಳು ಕಾಯಿ ಬಿಡಲು ಪ್ರಾರಂಭಿಸುತ್ತವೆ. ಪ್ರತಿ ಮರದಿಂದ ವರ್ಷವೊಂದಕ್ಕೆ ಸುಮಾರು 80-100 ಕಾಯಿಗಳನ್ನು ನಿರೀಕ್ಷಿಸಬಹುದು. ಈ ಕಾಯಿಗಳು ಉತ್ತಮ ದರ್ಜೆಯ ಕೊಬ್ಬರಿ ಜೊತೆಗೆ ಎಣ್ಣೆ ಅಂಶವನ್ನು ಹೊಂದಿರುತ್ತವೆ.
ಗಿಡ್ಡ ತಳಿಗಳು: ಗಂಗಾಬೊಂಡಂ, ಚೌಫಾಟ್ ಡ್ವಾರ್ಫ್ ಆರೆಂಜ್, ಚೌಫಾಟ್ ಡ್ವಾರ್ಫ್ ಗ್ರೀನ್, ಮಲಯನ್ ಡ್ವಾರ್ಫ್ ಆರೆಂಜ್ ಗಿಡ್ಡ ತಳಿಗಳಾಗಿದ್ದು, ನಾಟಿ ಮಾಡಿದ 3-4 ವರ್ಷಗಳಲ್ಲಿ ಹೂ ಬಿಡಲು ಪ್ರಾರಂಭಿಸುತ್ತವೆ. ಇವು ಶೀಘ್ರವಾಗಿ ಬೆಳೆದು ಹೆಚ್ಚಿನ ಇಳುವರಿ (100-150 ಕಾಯಿಗಳು) ಕೊಡಬಲ್ಲವು. ಆದರೆ ಪ್ರತಿ ವರ್ಷ ಒಂದೇ ರೀತಿಯ ಇಳುವರಿ ಬರದೆ ಇಳುವರಿಯಲ್ಲಿ ವ್ಯತ್ಯಾಸ ಕಂಡುಬರುತ್ತದೆ.
ಸಂಕರಣ ತಳಿಗಳು: ಟಾಲ್xಡ್ವಾರ್ಫ್ (ಟಿxಡಿ), ಡ್ವಾರ್ಫ್xಟಾಲ್ (ಡಿxಟಿ) ಮತ್ತು ನ್ಯಾಚುರಲ್ ಕ್ರಾಸ್‍ಡ್ವಾರ್ಫ್ (ಎನ್.ಸಿ.ಡಿ.) ಸಂಕರಣ ತಳಿಗಳು, ಬೇಗನೆ ಫಲ ಬಿಡುವ, ಹೆಚ್ಚಿನ ಇಳುವರಿ, ಉತ್ತಮ ಕೊಬ್ಬರಿ ಹಾಗೂ ಎಣ್ಣೆಯನ್ನು ನೀಡುವ ಗುಣಗಳಿಗಾಗಿ ಇತ್ತೀಚಿನ ದಿನಗಳಲ್ಲಿ ಜನಪ್ರಿಯವಾಗತೊಡಗಿವೆ. ಸಸಿಗಳನ್ನು ನೆಟ್ಟ 4-5 ವರ್ಷಗಳ ನಂತರ ಫಲಕೊಡುತ್ತವೆ.
ಚಂದ್ರ ಕಲ್ಪ: ಸುಧರಿತ ಎತ್ತರ ತಳಿಯಾಗಿದ್ದು, ಕರಾವಳಿ ಮತ್ತು ಮೈದಾನ ಪ್ರದೇಶಗಳಲ್ಲಿ ಉತ್ತಮ ಫಲಿತಾಂಶ ತೋರಿದೆ. ಪ್ರತಿ ಮರದಿಂದ 90 ರಿಂದ 100 ಕಾಯಿಗಳ ಇಳುವರಿ, ಪ್ರತಿ ಕಾಯಿಯಲ್ಲಿ 176 ಗ್ರಾಂ ಒಣಕೊಬ್ಬರಿ ಮತ್ತು ಶೇ. 70 ರಷ್ಟು ಎಣ್ಣೆ ಅಂಶ ಕೊಡುವ ಶಕ್ತಿ ಹೊಂದಿದೆ
ಪ್ರತಾಪ್: ಸುಧಾರಿತ ತಳಿಯಾಗಿದ್ದು ಕರಾವಳಿ ಪ್ರದೇಶಕ್ಕೆ ಸೂಕ್ತ. ಪ್ರತಿ ಮರದಿಂದ 1.50 ಕಾಯಿಗಳ ಇಳುವರಿ, ಪ್ರತಿ ಕಾಯಿಯಿಂದ 152 ಗ್ರಾಂ ಒಣಕೊಬ್ಬರಿ ಮತ್ತು ಶೇ. 68 ರಷ್ಟು ಎಣ್ಣೆ ಅಂಶ ಕೊಡುವ ಶಕ್ತಿ ಹೊಂದಿದೆ.
ಚಂದ್ರ ತಾರಾ: ಸುಧಾರಿತ ಎತ್ತರ ತಳಿಯಾಗಿದ್ದು ಕರಾವಳಿ ಪ್ರದೇಶಕ್ಕೆ ಸೂಕ್ತ. ಪ್ರತಿಮರದಿಂದ 110 ಕಾಯಿಗಳ ಇಳುವರಿ, ಪ್ರತಿ ಕಾಯಿಯಿಂದ 198 ಗ್ರಾಂ ಒಣ ಕೊಬ್ಬರಿ ಮತ್ತು ಶೇ. 65 ರಷ್ಟು ಎಣ್ಣೆ ಅಂಶ ಹೊಂದಿರುತ್ತದೆ.
ಕೇಂದ್ರೀಯ ಪ್ಲಾಂಟೇಶನ್ ಬೆಳೆಗಳ ಸಂಶೋಧನಾ ಸಂಸ್ಥೆ, ಕಾಸರಗೋಡುನಿಂದ ಬಿಡುಗಡೆ ಹೊಂದಿದ ಚಂದ್ರ ಸಂಕರ (ಡಿxಟಿ), ಮತ್ತು ಲಕ್ಷ ಗಂಗಾ (ಡಿxಟಿ) ಸಂಕರಣ ತಳಿಗಳು 100 ರಿಂದ 110 ಕಾಯಿಗಳ ಇಳುವರಿ, 195 ರಿಂದ 215 ಗ್ರಾಂ ಕೊಬ್ಬರಿ ಹಾಗೂ ಶೇ. 69 ರಿಂದ 70 ರಷ್ಟು ಎಣ್ಣೆ ಅಂಶ ಕೊಡುವ ಶಕ್ತಿ ಹೊಂದಿ ಕರಾವಳಿ ಪ್ರದೇಶದಲ್ಲಿ ಜನಪ್ರಿಯವಾಗಿವೆ.

Cropping system

ಅಂತರ ಮತ್ತು ಮಿಶ್ರ ಬೆಳೆಗಳು

1. ವಾರ್ಷಿಕ ಬೆಳೆಗಳು: ಪ್ರದೇಶಕ್ಕನುಗುಣವಾಗಿ ದ್ವಿದಳ ಧಾನ್ಯಗಳು, ತರಕಾರಿ ಬೆಳೆಗಳು ಹಾಗೂ ಅರಿಶಿನ, ಶುಂಠಿ ಬೆಳೆಗಳನ್ನು ಪ್ರಾರಂಭದ ಹತ್ತು ವರ್ಷಗಳವರೆಗೆ ಬೆಳೆಯಬಹುದು.
2. ಬಹುವಾರ್ಷಿಕ ಬೆಳೆಗಳು: ಬಾಳೆ, ಪಪಾಯ, ಅನಾನಸ್, ಹಿಪ್ಪುನೇರಳೆ ಮುಂತಾದ ಬೆಳೆಗಳನ್ನು ಅಂತರ ಬೆಳೆಯನ್ನಾಗಿ ಹತ್ತು ವರ್ಷಗಳವರೆಗೆ ಬೆಳೆಯಬಹುದು.
3. ಮಿಶ್ರ ಬೆಳೆಗಳು: ನಾಟಿ ಮಾಡಿದ 15 ವರ್ಷಗಳ ನಂತರ ಕೋಕೊ, ಕರಿಮೆಣಸು, ದಾಲ್ಚಿನ್ನಿ, ಜಾಯಿಕಾಯಿ, ಲವಂಗ, ಸರ್ವ ಸಂಬಾರ, ವೆನಿಲ್ಲಾ, ನುಗ್ಗೆ, ಕರಿಬೇವು, ಪಚೋಲಿ, ಹಿಪ್ಪಲಿ ಮತ್ತು ಕಾಫಿ ಬೆಳೆಗಳನ್ನು ಮಿಶ್ರ ಬೆಳೆಗಳಾಗಿ ಬೆಳೆಯಬಹುದು.

ವಿಶೇಷ ಸೂಚನೆ:

1. ತೆಂಗಿನ ಮರದಿಂದ 1.5-2 ಮೀ. ಸುತ್ತಳತೆಯಲ್ಲಿ ಯಾವುದೇ ಅಂತರ ಅಥವಾ ಆಳವಾಗಿ ಬೇರು ಬಿಡುವ ಮಿಶ್ರ ಬೆಳೆಗಳನ್ನು ಬೆಳೆಯಬಾರದು.
2. ಪ್ರಧಾನ ಬೆಳೆಯಾದ ತೆಂಗಿನೊಂದಿಗೆ ಅಂತರ ಮತ್ತು ಮಿಶ್ರ ಬೆಳೆಗಳಿಗಿರುವ ಸುಧಾರಿತ ಬೇಸಾಯ ಕ್ರಮಗಳನ್ನು ಕಟ್ಟುನಿಟ್ಟಾಗಿ ಅನುಸರಿಸಬೇಕು.
3. ತೆಂಗಿನ ಮಧ್ಯ ಮಿಶ್ರ ಬೆಳೆಯಾಗಿ ಸಪೋಟ, ಮಾವು, ಹುಣಸೆ ಇಂತಹ ಬಹು ವಾರ್ಷಿಕ ಬೆಳೆಗಳನ್ನು ಕೃಷಿ ಮಾಡುವುದು ಸೂಕ್ತವಲ್ಲ.
ತೆಂಗಿನ ಹೀಚು ಉದುರುವಿಕೆ: ತೇವಾಂಶ ಹಾಗೂ ಪೋಷಕಾಂಶಗಳ ಕೊರತೆ ಇದ್ದು, ಸರಿಯಾಗಿ ಪರಾಗಸ್ಪರ್ಶವಾಗದೇ ಇದ್ದಾಗ ಹೀಚು ಉದುರುವಿಕೆ ಕಂಡುಬರುತ್ತದೆ.

Seed & Sowing

ನಾಟಿ ಮಾಡುವ ಕಾಲ

ಜೂನ್-ಜುಲೈ ತಿಂಗಳುಗಳು ನಾಟಿ ಮಾಡಲು ಸೂಕ್ತ.

ಉತ್ತಮ ಗುಣಮಟ್ಟದ ಸಸಿಗಳನ್ನು ಬೆಳೆಸಲು ಕೆಳಗಿನ ವಿಧಾನಗಳನ್ನು ಅನುಸರಿಸಬೇಕು.

ಅ) ಬೀಜದ ಕಾಯಿಗಳ ಆಯ್ಕೆ

1. ಮಳೆಯಾಶ್ರಯದಲ್ಲಿ ಪ್ರತಿ ವರ್ಷವೂ 80-100 ಕಾಯಿ ಬಿಡುತ್ತಿರುವ 20-40 ವರ್ಷ ವಯಸ್ಸಿನ ಆರೋಗ್ಯವಾದ ಮರಗಳಿಂದಲೇ ಗೋಲಾಕಾರದ ಮಧ್ಯಮ ಗಾತ್ರದ ಕಾಯಿಗಳನ್ನು ಬಿತ್ತನೆಗಾಗಿ ಆರಿಸಬೇಕು.
2. ಕಡಿಮೆ ನೀರುಳ್ಳ ಸಂಪೂರ್ಣ ಬಲಿತ, ಮಧ್ಯಮ ಗಾತ್ರದ ಕಾಯಿಗಳನ್ನು ಆರಿಸಬೇಕು
3. ಪ್ರತಿ ತಾಯಿ ಮರವು 12 ಗೊಂಚಲು ಮತ್ತು 30 – 40 ಗರಿಗಳನ್ನು ಹೊಂದಿರಬೇಕು.
4. ಅಕ್ಟೋಬರ್‍ನಿಂದ ಮಾರ್ಚ್ ತಿಂಗಳವರೆಗೆ ಬರುವ ಕಾಯಿಗಳನ್ನು ಬಿತ್ತನೆಗೆ ಉಪಯೋಗಿಸಬೇಕು.
5. ಆಯ್ದ ಕಾಯಿಗಳನ್ನು 2 ತಿಂಗಳು ಕಾಲ ತೊಟ್ಟು ಮೇಲ್ಮುಖವಾಗಿರುವಂತೆ ಶೇಖರಿಸಬೇಕು.

ಆ) ಸಸಿಮಡಿ ತಯಾರಿಕೆ ಮತ್ತು ಕಾಯಿ ನೆಡುವಿಕೆ

1. 7.5 ಮೀ. ಉದ್ದ x 1.5 ಮೀ. ಅಗಲದ ಅಳತೆಯ ಸಸಿಮಡಿಗಳನ್ನು ತಯಾರಿಸಿ 40 ಸೆಂ.ಮೀ. ಅಂತರದ ಸಾಲುಗಳಲ್ಲಿ, 45 ಸೆಂ.ಮೀ. ಆಳದ ಕಾಲುವೆ ಮಾಡಿ ತೆಗೆದು ಮರಳನ್ನು ತುಂಬಬೇಕು.
2. ಎರಡು ತಿಂಗಳು ಸಂಗ್ರಹಿಸಿಟ್ಟ ಬೀಜದ ಕಾಯಿಗಳನ್ನು 30 ಸೆಂ.ಮೀ. ಅಂತರದಲ್ಲಿ ನೇರವಾಗಿ ಸಸಿಮಡಿಯಲ್ಲಿ ನಾಟಿಮಾಡಬೇಕು. ಕಾಯಿಗಳ ಮೇಲೆ 5 ಸೆಂ.ಮೀ. ಗಿಂತ ಹೆಚ್ಚು ಮರಳು ಇರಬಾರದು. ಕಾಯಿಗಳನ್ನು ಅಡ್ಡಲಾಗಿಯೂ ಸಹ ನೆಡಬಹುದು.
3. ನಾಟಿ ಮಾಡಿದ ಬೀಜದ ಕಾಯಿಗಳು 3 – 4 ತಿಂಗಳುಗಳಲ್ಲಿ ಮೊಳಕೆಯೊಡೆದು ಸುಮಾರು 12 – 18 ತಿಂಗಳಲ್ಲಿ ನಾಟಿಗೆ ಸಿದ್ಧವಾಗುತ್ತವೆ. ಐದು ತಿಂಗಳುಗಳ ನಂತರ ಮೊಳಕೆ ಬಂದ ಸಸಿಗಳನ್ನು ನಾಟಿಗೆ ಉಪಯೋಗಿಸಬಾರದು.
4. ಹೆಚ್ಚು ಗರಿಗಳುಳ್ಳ (5-6), ದಪ್ಪಕಾಂಡ ಹೊಂದಿದ (10 ಸೆಂ.ಮೀ. ಗಾತ್ರ) ದೃಢವಾಗಿರುವ, ತ್ವರಿತ ಬೆಳವಣಿಗೆ ಹೊಂದಿರುವ ಸಸಿಗಳನ್ನು ಮಾತ್ರ ನಾಟಿ ಮಾಡಲು ಆರಿಸಬೇಕು.

ಸಸಿ ನಾಟಿಮಾಡುವುದು: ಭೂಮಿಯನ್ನು ಉಳುಮೆಮಾಡಿ ತಯಾರಿಸಿಡಬೇಕು. ತಳಿಗೆ ಅನುಗುಣವಾಗಿ ಶಿಫಾರಸ್ಸು ಮಾಡಿದ ಅಂತರದಲ್ಲಿ ಒಂದು ಘನ ಮೀಟರ್ ಅಳತೆಯ ಗುಣಿಗಳನ್ನು ತೆಗೆಯಬೇಕು. ಗುಣಿಗಳನ್ನು ಹಸಿರೆಲೆ, ಕೊಟ್ಟಿಗೆ ಗೊಬ್ಬರ ಮತ್ತು ಮೇಲ್ಮಣ್ಣಿನಿಂದ 0.60 ಘನ ಮೀಟರ್‍ರವರೆಗೆ ತುಂಬಬೇಕು. ಮಣ್ಣಿನ ಗುಣಧರ್ಮಕ್ಕನುಗುಣವಾಗಿ 45 ಸೆಂ.ಮೀ. ಆಳದಲ್ಲಿ ಸಸಿಗಳನ್ನು ನಾಟಿ ಮಾಡಿ ಕೋಲಿನಿಂದ ಆಧಾರವನ್ನು ಕೊಡಬೇಕು. ಬೇಸಿಗೆಯಲ್ಲಿ ಸ್ವಲ್ಪ ಪ್ರಮಾಣದಲ್ಲಿ ನೆರಳನ್ನು ಒದಗಿಸಬೇಕು. ಗೆದ್ದಲಿನ ಹತೋಟಿಗೆ ಪ್ರತಿ ಗುಣಿಗೆ 10 ಗ್ರಾಂ ಪೋರೇಟ್ ಹರಳುಗಳನ್ನು ನಾಟಿ ಸಮಯದಲ್ಲಿ ಗುಣಿಗಳಿಗೆ ಹಾಕಬೇಕು.

Transplanting

Transplanting:

ಬೇಸಾಯ ಸಾಮಗ್ರಿಗಳು

ಕ್ರ.ಸಂ	ವಿವರಗಳು	ಅಂತರ			ಸಸಿಗಳು (ಪ್ರತಿ/ಹೆ.)
1.	ಸಸಿಗಳ ಸಂಖ್ಯೆ ಉದ್ದ ತಳಿಗಳು (ದಕ್ಷಿಣ ಒಣ ಪ್ರದೇಶ ಮತ್ತು ಗುಡ್ಡಗಾಡು ಪ್ರದೇಶ)	ಮೀ. x 9 ಮೀ.			123
	ಕರಾವಳಿ ಪ್ರದೇಶ	ಮೀ. 8.2 ಮೀ.			148
	ಗಿಡ್ಡ ಮತ್ತು ಸಂಕರಣ ತಳಿಗಳು ದಕ್ಷಿಣ ಒಣ ಪ್ರದೇಶ ಮತ್ತು ಮಲೆನಾಡು	ಮೀ. x 7.5 ಮೀ.			178
	ಕರಾವಳಿ ಪ್ರದೇಶ	ಮೀ. x 7 ಮೀ.			204
2.	ಕೊಟ್ಟಿಗೆ ಗೊಬ್ಬರ: ಕಾಂಪೋಸ್ಟ್ (ಮುಂಗಾರಿನಲ್ಲಿ)
	ಗಿಡ ನಾಟಿ ಮಾಡುವ ಮೊದಲು	50ಕಿ.ಗ್ರಾಂ (ಪ್ರತಿ ಗುಣಿಗೆ)
	ಪ್ರತಿವರ್ಷ	50 ಕಿ.ಗ್ರಾಂ (ಪ್ರತಿ ಗಿಡಕ್ಕೆ)
3.	ರಾಸಾಯನಿಕ ಗೊಬ್ಬರ
	ಗಿಡದ ವಯಸ್ಸು (ನಾಟಿ ಮಾಡಿದ ಮೇಲೆ)	ಗಿಡವೊಂದಕ್ಕೆ (ಗ್ರಾಂಗಳಲ್ಲಿ)
	ಗಿಡದ ವಯಸ್ಸು (ನಾಟಿ ಮಾಡಿದ ಮೇಲೆ)	ಮುಂಗಾರು (ಮೇ – ಜೂನ್)			ಹಿಂಗಾರು (ಸೆಪ್ಟೆಂಬರ್-ಅಕ್ಟೋಬರ್
		ಸಾ.	ರಂ.	ಪೊ.	ಸಾ.	ರಂ.	ಪೊ.
	ಮೊದಲನೇ ವರ್ಷ	-	-	-	50	40	135
	ಎರಡನೇ ವರ್ಷ	50	40	135	110	80	270
	ಮುರನೇ ವರ್ಷ	110	80	270	220	160	540
	ನಾಲ್ಕನೇ ವರ್ಷ ಮತ್ತು ನಂತರ ಸುಣ್ಣ (ಕರಾವಳಿ ಪ್ರದೇಶ)	170	120	400	330	200	800
		2 ಕಿ.ಗ್ರಾಂ (ಪ್ರತಿ ಗಿಡಕ್ಕೆ ಮಣ್ಣಿನ ಪರೀಕ್ಷೆ ಆಧಾರದ ಮೇಲೆ)

ಕರಾವಳಿ ಪ್ರದೇಶದಲ್ಲಿ ಫಲ ನೀಡುವ ತೆಂಗಿನ ಗಿಡಗಳಿಗೆ 0.5 ಕಿ.ಗ್ರಾಂ ಮೆಗ್ನೇಷಿಯಂ ಸಲ್ಫೇಟನ್ನು ಹಾಕಬೇಕು. ಸುಣ್ಣವನ್ನು ಸೆಪ್ಟೆಂಬರ್ – ಅಕ್ಟೋಬರ್‍ನಲ್ಲಿ ರಾಸಾಯನಿಕ ಗೊಬ್ಬರಗಳನ್ನು ಕೊಡುವ 15 ದಿವಸ ಮುಂಚೆ ಕೊಡಬೇಕು.

Water management

ನೀರಾವರಿ

ಮಣ್ಣು ಮತ್ತು ಹವಾಗುಣವನ್ನು ಅನುಸರಿಸಿ 5-10 ದಿನಗಳಿಗೊಮ್ಮೆ ನೀರು ಹಾಯಿಸಬೇಕು. ಹನಿ ನೀರಾವರಿ ಪದ್ಧತಿಯಲ್ಲಿ ಇಳುವರಿ ಕೊಡುವ ಮರಗಳಿಗೆ ದಿನಕ್ಕೆ 40 ರಿಂದ 50 ಲೀಟರ್ ನೀರು ಒದಗಿಸುವುದ ಉತ್ತಮ. ಗಿಡದ ಸುತ್ತಲೂ 1.50 ಯಿಂದ 2 ಮೀಟರ್ ಸುತ್ತಳತೆಯ ಪಾತಿಗಳನ್ನು ಮಾಡಿ, ಪಾತಿಯಲ್ಲಿ ಗೊಬ್ಬರ ಮತ್ತು ನೀರನ್ನು ಕೊಡುವುದು ಒಳ್ಳೆಯದು. ವರ್ಷದಲ್ಲಿ ಎರಡು ಬಾರಿ ಗಿಡಗಳ ಸಾಲುಗಳ ನಡುವೆ ಉಳುಮೆ ಮಾಡಬೇಕು. ಅಂತರ ಬೆಳೆ ಕೃಷಿಯಲ್ಲಿ ಸಿಂಚನ ನೀರಾವರಿ ಪದ್ಧತಿಯ ಬಳಕೆ ಸೂಕ್ತ.

Disease management

ರೋಗಗಳು: ಕಾಂಡ ಸೋರುವ ರೋಗ, ಅಣಬೆ ರೋಗ, ಸುಳಿ ಕೊಳೆ ರೋಗ ಮತ್ತು ಎಲೆ ಚುಕ್ಕೆರೋಗ.

• ಕಾಂಡ ಸೋರುವ ರೋಗದ ಬಾಧೆಯನ್ನು ತಡೆಯಲು ಆ ರೋಗದ ಬಾಧೆಯಿರುವ ಜಾಗವನ್ನು ಹರಿತವಾದ ಬಾಚಿಯಿಂದ ಕೆತ್ತಿ ಶೇ. 1ರ ಬೋರ್ಡೊ ಮುಲಾಮು ಲೇಪಿಸಬೇಕು.
• ಅಣಬೆ ರೋಗಕ್ಕೆ ತುತ್ತಾದ ಮರದ ಬುಡ ಮತ್ತು ಬೇರುಗಳನ್ನು ತೆಗೆದು ಸುಡಬೇಕು. ಅನಂತರ ಆ ಪ್ರದೇಶಕ್ಕೆ 100 ಗ್ರಾಂ ಕ್ಯಾಪ್ಟಾನ್ ಅಥವಾ 30 ಮಿ.ಲೀ. ಥೈರಾಮ್ ಅಥವಾ 10 ಮಿ.ಲೀ. ಟ್ರೈಡೆಮಾರ್ಫ್ ಅಥವಾ 20 ಗ್ರಾಂ ಕಾರ್ಬಾಕ್ಸಿನ್ ದ್ರಾವಣವನ್ನು ಸುಮಾರು 3 ಅಡಿ ಆಳದಲ್ಲಿ ಗುಂಡಾಗಿ ತೆಗೆದ ಕಂದಕದಲ್ಲಿ ಕೊಟ್ಟು, ಒಂದು ತಿಂಗಳ ನಂತರ ಮಣ್ಣು ಮುಚ್ಚಬೇಕು.
• ಅಣಬೆ ರೋಗಕ್ಕೆ ತುತ್ತಾದ ಮರಗಳಿಗೆ 5 ಮಿ.ಲೀ. ಟ್ರೈಡೆಮಾರ್ಫ್ ಅಥವಾ 3 ಮಿ.ಲೀ. ಹೆಕ್ಸಾಕೋನಜೋಲ್ ಅನ್ನು 100 ಮಿ.ಲೀ. ನೀರಿನಲ್ಲಿ ಬೆರೆಸಿ ಮೂರು ತಿಂಗಳಿಗೊಮ್ಮೆ ಬೇರಿನ ಮೂಲಕ ಕೊಡುವುದು ಬೇವಿನ ಹಿಂಡಿ (ವರ್ಷಕ್ಕೆ ಪ್ರತಿ ಗಿಡಕ್ಕೆ 5 ಕಿ.ಗ್ರಾಂ) ಮತ್ತು 50 ಗ್ರಾಂ ಟ್ರೈಕೊಡರ್ಮ ವಿರಿಡೆ ಜೈವಿಕ ಪುಡಿಯನ್ನು 10 ಕಿ.ಗ್ರಾಂ ಕೊಟ್ಟಿಗೆ ಗೊಬ್ಬರದಲ್ಲಿ ಬೆರೆಸಿ (ಪ್ರತಿ ಮರಕ್ಕೆ ಆರು ತಿಂಗಳಿಗೊಮ್ಮೆ) ಮರದ ಸುತ್ತಲೂ ಅಗೆದು ಮಣ್ಣಿಗೆ ಹಾಕಬೇಕು. ಉಪಚಾರವನ್ನು ಕನಿಷ್ಠ ಎರಡು ವರ್ಷ ಮಾಡಬೇಕು.
• ಸುಳಿ ಕೊಳೆ ರೋಗ ತಡೆಗಟ್ಟಲು ರೋಗಪೀಡಿತ ಸುಳಿಯ ಭಾಗವನ್ನು ತೆಗೆದು ಆ ಪ್ರದೇಶಕ್ಕೆ ಮೆಟಲಾಕ್ಸಿಲ್ + ಮ್ಯಾಂಕೋಜೆಬ್ 3 ಗ್ರಾಂ ಒಂದು ಲೀಟರ್ ನೀರಿನಲ್ಲಿ ಅಥವಾ ಶೇ. 1ರ ಬೋರ್ಡೊ ಮುಲಾಮನ್ನು ಲೇಪಿಸಿ, ಮಳೆಯ ನೀರು ಬೀಳದಂತೆ ರಕ್ಷಿಸಬೇಕು.
• ಎಲೆ ಚುಕ್ಕೆ ರೋಗದ ಬಾಧೆಯನ್ನು ತಡೆಯಲು 2 ಗ್ರಾಂ ಮ್ಯಾಂಕೋಜೆಬ್ ಅಥವಾ 3 ಗ್ರಾಂ ತಾಮ್ರದ ಆಕ್ಸಿಕ್ಲೋರೈಡ್ ಶಿಲೀಂದ್ರ ನಾಶಕವನ್ನು 1 ಲೀಟರ್ ನೀರಿನಲ್ಲಿ ಕರಗಿಸಿ ಎಲಗಳ ಮೇಲೆ ಸಿಂಪರಿಸಬೇಕು. ಇದೇ ದ್ರಾವಣದ ಸಿಂಪರಣೆಯಿಂದ ಸುಳಿಕೊಳೆ ರೋಗ (ಬಡ್‍ರಾಟ್) ಹತೋಟಿಯಾಗುವುದು.
• ಹಿಟ್ಟು ತಿಗಣೆ ಹಾಗೂ ಶಲ್ಕ ಕೀಟಗಳು ಕಂಡುಬಂದಲ್ಲಿ 1.7 ಮಿ.ಲೀ. ಡೈಮಿಥೋಯೇಟ್ ಅಥವಾ 2 ಮಿ.ಲೀ. ಕ್ವಿನಾಲ್‍ಫಾಸ್ 25 ಇ.ಸಿ. ಅಥವಾ 4 ಗ್ರಾಂ ಕಾರ್ಬಾರಿಲ್ ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.
• ಗೆದ್ದಲಿನ ಬಾಧೆ ಕಂಡುಬಂದಲ್ಲಿ 2 ಮಿ.ಲೀ. ಕ್ಲೋರೋಪೈರಿಫಾಸ್‍ನ್ನು ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಗಿಡದ ಸುತ್ತಲೂ ಸರಿಯಬೇಕು. ಪ್ರತಿ ಗಿಡಕ್ಕೆ ಸುಮಾರು 10 ಲೀ. ದ್ರಾವಣ ಬೇಕಾಗುವುದು.

Insect pest management

ಕೀಟಗಳು: ಗದ್ದಲು, ರೈನಾಸಿರಸ್ ದುಂಬಿ, ಕಪ್ಪು ತಲೆ ಹುಳು, ಕೆಂಪು ಮೂತಿ ಹುಳು, ನುಸಿ, ಗೊಣ್ಣೆ ಹುಳು, ಹಿಟ್ಟು ತಿಗಣೆ ಮತ್ತು ಶಲ್ಕ ಕೀಟಗಳು.

1. ರೈನೋಸೆರಸ್ ದುಂಬಿ
• ದುಂಬಿ ಕೊರೆದ ರಂಧ್ರದಲ್ಲಿ ಕಬ್ಬಿಣದ ಕೊಕ್ಕೆಯನ್ನು ತೂರಿಸಿ ದುಂಬಿಗಳನ್ನು ಹೊರ ತೆಗೆದು ಸಾಯಿಸಬೇಕು.
• ರಂಧ್ರದೊಳಗೆ ಮತ್ತು ಸುಳಿಯ 2-3 ಗರಿಗಳ ಮಧ್ಯದಲ್ಲಿ ಶೇ. 5ರ ಮೆಲಾಥಿಯಾನ್ ಅಥವಾ ಶೇ. 10ರ ಕಾರ್ಬಾರಿಲ್ ಪುಡಿಯನ್ನು ಸಮ ಪ್ರಮಾಣದ ಮರಳಿನೊಂದಿಗೆ (1:1) ಬೆರೆಸಿದ ಮಿಶ್ರಣ ತುಂಬಬೇಕು.
• ತೆಂಗಿನ ತೋಟದಲ್ಲಿರುವ ಗೊಬ್ಬರದ ಗುಂಡಿಗಳಿಗೆ ಆಗಿಂದಾಗ್ಗೆ ಕ್ಲೋರೊಪೈರಿಫಾಸ್ (1 ಲೀಟರ್ ನೀರಿಗೆ 2 ಮಿ.ಲೀ.) ಅಥವಾ ಕಾರ್ಬಾರಿಲ್ (1ಲೀ. ನೀರಿಗೆ 4 ಗ್ರಾಂ) ಸಿಂಪಡಿಸಬೇಕು. ಇಲ್ಲವೆ ಶೇ. 10ರ ಕಾರ್ಬಾರಿಲ್‍ನಿಂದ 3 ಘನ ಮೀಟರಿಗೆ 250 ಗ್ರಾಂನಂತೆ ಉಪಚರಿಸಬೇಕು.
• ಗರಿ ತಿನ್ನುವ ಹುಳುವಿನಿಂದ ಉಂಟಾಗುವ ಹಾನಿಯನ್ನು ಕಡಿಮೆ ಮಾಡಲು ಬಾಧೆಗೆ ತುತ್ತಾದ ಗರಿಗಳನ್ನು ತೆಗೆದು ಸುಡಬೇಕು. ಅನಂತರ 4 ಗ್ರಾಂ ಕಾರ್ಬಾರಿಲ್‍ನ್ನು ಪ್ರತಿ ಲೀಟರ್ ನೀರಿನಲ್ಲಿ ಕರಗಿಸಿ ಗರಿಗಳಿಗೆ ಸಿಂಪರಿಸಬೇಕು. ಈ ಕೀಟದ ಬಾಧೆ ಅಧಿಕವಾಗಿದ್ದಲ್ಲಿ ಮೊನೋಕ್ರೊಟೋಫಾಸ್ ಕೀಟನಾಶಕವನ್ನು ಬೇರುಗಳ ಮುಖಾಂತರ ಕೊಡಬಹುದು.
• ಬೇರಿನ ಮೂಲಕ ಉಪಚಾರ: 7-8 ವರ್ಷಗಳಿಗೆ ಮೇಲ್ಪಟ್ಟ ಮರಗಳಿಗೆ ಸಿಂಪರಣೆ ಕಷ್ಟಕರವಾಗಿದ್ದು, ಕೀಟನಾಶಕವು ಕೀಟಕ್ಕೆ ಸರಿಯಾಗಿ ತಲುಪುವುದಿಲ್ಲವಾದ್ದರಿಂದ ಬೇರಿನ ಮೂಲಕ ಕೀಟನಾಶಕ ಉಣಿಸಬೇಕಾಗುತ್ತದೆ. ಇದಕ್ಕಾಗಿ, ಕಿರು ಬೆರಳಿನ ಗಾತ್ರದ ಕೆಂಪಾಗಿರುವ ಒಂದು ಅನುಕೂಲಕರ ಬೇರನ್ನು ಆಯ್ಕೆ ಮಾಡಿ, ಓರೆಯಾಗಿ ಕತ್ತರಿಸಿ ಸಿದ್ಧಮಾಡಿಕೊಳ್ಳಬೇಕು. 4 ಸೆಂ.ಮೀ. ಅಗಲ ಮತ್ತು 15 ಸೆಂ.ಮೀ. ಉದ್ದದ ಪಾಲಿಥೀನ್ ಚೀಲದಲ್ಲಿ 10 ವರ್ಷದೊಳಗಿನ ಮರಗಳಾದರೆ 7.5 ಮಿ.ಲೀ. ಹಾಗೂ ನಂತರದ ಮರಗಳಾದರೆ 10 ಮಿ.ಲೀ. ಮೊನೋಕ್ರೊಟೋಫಾಸ್ ಕೀಟನಾಶಕವನ್ನು ತೆಗೆದುಕೊಂಡು, ಅದಕ್ಕೆ ಅಷ್ಟೇ ಪ್ರಮಾಣದ ನೀರಿನ್ನು ಬೆರೆಸಿ, ಕತ್ತರಿಸಿದ ಬೇರು ಔಷಧಿಯೊಳಗೆ ಸರಿಯಾಗಿ ಮುಳುಗುವಂತೆ ಇರಿಸಿ ಪಾಲಿಥೀನ್ ಚೀಲವನ್ನು ಕಟ್ಟಬೇಕು. ಸಾಮಾನ್ಯವಾಗಿ ಬೇರು ಕೀಟನಾಶಕವನ್ನು 24 ಘಂಟೆಯೊಳಗೆ ಹೀರಿಕೊಳ್ಳುತ್ತದೆ. ಹಾಗೆ ಬೇರು ಹೀರಿಕೊಳ್ಳದಿದ್ದಲ್ಲಿ, ಇನ್ನೊಂದು ಸೂಕ್ತ ಬೇರನ್ನು ಆಯ್ಕೆ ಮಾಡಿ ಮೇಲೆ ಹೇಲಿದ ರೀತಿಯಲ್ಲೇ ಉಪಚಾರ ಕೈಗೊಳ್ಳಬೇಕು. ಬೇರಿನಿಂದ ಹೀರಲ್ಪಟ್ಟ ಕೀಟನಾಶಕವು ಶೀಘ್ರವಾಗಿ ಎಲೆಗಳಲ್ಲೆಲ್ಲಾ ವ್ಯಾಪಿಸುತ್ತದೆ. ಈ ಎಲೆಗಳನ್ನು ತಿಂದ ಮರಿ ಹುಳುಗಳು ಸಾಯುತ್ತವೆ.
• ಗರಿ ತಿನ್ನುವ ತಲೆ ಹುಳುಗಳ ಹಾವಳಿ ಪ್ರತಿ ಎರಡು ಗರಿಗಳಿಗೆ ಒಂದರಂತೆ ಕಾಣಿಸಿಕೊಳ್ಳುವಾಗ ಪ್ರತಿ ಗಿಡಕ್ಕೆ 10-12 ಗೋನಿಯಾಜಸ್ ಅಥವಾ ಬ್ರಾಕಾನ್ ಪರತಂತ್ರ ಜೀವಿಗಳನ್ನು ಬಿಡಬೇಕು. ಇವು ತೋಟಗಾರಿಕೆ ಇಲಾಖೆಯಲ್ಲಿ ದೊರೆಯುತ್ತವೆ.
• ಕೆಂಪು ಮೂತಿ ಹುಳುವಿನ ಬಾಧೆ ತಡೆಯಲು, ಹುಳುವಿರುವ ಕಡೆ ಒಂದು ರಂಧ್ರವನ್ನು ಮಾಡಿ ಅದಕ್ಕೆ 4 ಗ್ರಾಂ ಕಾರ್ಬಾರಿಲ್ ಅನ್ನು ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸುರಿಯಬೇಕು.
• ರೈನಾಸಿರಸ್ ದುಂಬಿ ಮತ್ತು ಕೆಂಪು ಮೂತಿ ದುಂಬಿಗಳ ಬಾಧೆಯನ್ನು ತೋಟಗಳಲ್ಲಿ ಕಡಿಮೆ ಮಾಡಲು ಲಿಂಗಾಕರ್ಷಕ ಬಲೆಗಳನ್ನು ಬಳಸಬಹುದು.
• ನುಸಿಯ ನಿರ್ವಹಣೆ: ತೆಂಗಿನ ಮರದಲ್ಲಿ ಪ್ರತಿ ಗೊಂಚಲು ಹೊರಬಂದಾಗಲೂ ಒಂದೂವರೆಯಿಂದ ಎರಡು ತಿಂಗಳಿನ ಎಳೆ ಕಾಯಿಗಳನ್ನು ಈ ನುಸಿಯು ಪ್ರವೇಶಿಸಿ ಹಾನಿಯುಂಟು ಮಾಡುತ್ತದೆ. ತೆಂಗಿನ ಮರದಿಂದ ವರ್ಷವೊಂದಕ್ಕೆ ಹೊರಡುವ ಸರಾಸರಿ ಹನ್ನೆರಡು ಗೊಂಚಲುಗಳನ್ನು ಕಾಪಾಡಿಕೊಳ್ಳಬೇಕಾದರೆ ಪ್ರತಿ ತಿಂಗಳೂ ಮರ ಹತ್ತಿ ಒಂದೊಂದು ಗೊಂಚಲಿನ ಮೇಲೆಯೂ ಸಿಂಪರಣೆ ಮಾಡಬೇಕಾದೀತು. ಇದು ಅಸಾಧ್ಯದ ಮಾತು. ಈ ನುಸಿಯ ಸಂಪೂರ್ಣ ನಿರ್ಮೂಲನೆ ಸದ್ಯಕ್ಕಂತೂ ಸಾಧ್ಯವಿಲ್ಲ. ಆದರೆ ಇದರ ಹಾವಳಿಯನ್ನು ನಿಯಂತ್ರಿಸಿ ಇದರಿಂದಾಗುವ ಹಾನಿಯನ್ನು ತಡೆಗಟ್ಟುವುದು ಖಂಡಿತಾ ಸಾಧ್ಯವಿದೆ. ಈ ವಿಷಯವನ್ನು ಗಮನದಲ್ಲಿರಿಸಿಕೊಂಡು ಇದರ ನಿರ್ವಹಣೆಗಾಗಿ ಕೆಲವು ಕ್ರಮಗಳನ್ನು ಈ ಮುಂದೆ ಸೂಚಿಸಲಾಗಿದೆ.

ಸಿಂಪರಣೇಗಳು:
ಅ) ಬಳಸಬಹುದಾದ ನುಸಿನಾಶಕಗಳು
ಡೈಕೋಫಾಲ್ 18.5 ಇ.ಸಿ. ಪ್ರತಿ ಲೀಟರ್ ನೀರಿನಲ್ಲಿ 4 ಮಿ.ಲೀ. ನಂತೆ ಅಥವಾ ನೀರಿನಲ್ಲಿ ಕರಗುವ ಗಂಧಕ 80 ಡಬ್ಲೂ.ಪಿ. ಪ್ರತಿ ಲೀಟರ್ ನೀರಿನಲ್ಲಿ 5 ಗ್ರಾಂನಂತೆ ಅಥವಾ ಬೇವಿನ ಎಣ್ಣೆ 20 ಮಿ.ಲೀ. 30 ಗ್ರಾಂ ಬೆಳ್ಳುಳ್ಳಿಯಿಂದ ತಯಾರಿಸಿದ ರಸ ಮತ್ತು 5 ಗ್ರಾಂ ಸಾಬೂನು ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಕೆಳಗೆ ವಿವರಿಸಿರುವಂತೆ ಸಿಂಪರಣೆ ಮಾಡಬೇಕು.
ಆ) ಬಳಕೆ ವಿಧಾನ
ಒಂದು ಲೀಟರ್ ಸಾಮಾಥ್ರ್ಯವುಳ್ಳ ಗಣೇಶ ಸ್ಟ್ರೇಯರ್‍ಗೆ ಮೇಲೆ ತಿಳಿಸಿರುವ ಯಾವುದಾದರೊಂದು ನುಸಿನಾಶಕ ಮಿಶ್ರಣವನ್ನು ತುಂಬಿ ಪಂಪ್ ಮಾಡಿಕೊಳ್ಳಬೇಕು. ಅನಂತರ ಮರ ಹತ್ತಿ ಒಂದೂವರೆಯಿಂದ ಆರು ತಿಂಗಳ ವಯಸ್ಸಿನ ಎಳೆ ಕಾಯಿಗಳ ಮೇಲೆ ಪ್ರತಿ ಮರಕ್ಕೆ ಒಂದು ಲೀಟರ್‍ನಂತೆ ನುಸಿ ನಾಶಕ ಮಿಶ್ರಣವನ್ನು ಸಿಂಪಡಿಸಬೇಕು ಅಥವಾ ಕಡಿಮೆ ಎತ್ತರದ ಮರಗಳಿಗೆ ಅಂದರೆ ಸುಮಾರು 25 ಅಡಿಗಳವರೆಗಿನ ಮರಗಳಿಗೆ ಗಟಾರ್ ಸ್ಟ್ರೇಯರ್ ಬಳಸಿ ಸಿಂಪಡಿಸಬಹುದು. 20 ರಿಂದ 25 ಅಡಿ ಉದ್ದನೆಯ ಕೋಲು ಅಥವಾ ಗಳುವಿನ ತುದಿಗೆ ಸ್ಟ್ರೇಯರ್‍ನ ನಾಝಲ್ ಅಳವಡಿಸಿರುವ ಕಡ್ಡಿಯನ್ನು ಕಟ್ಟಿ ಒಂದೂವರೆಯಿಂದ ಆರು ತಿಂಗಳ ವಯಸ್ಸಿನ ಎಳೆಕಾಯಿಗಳ ಮೇಲೆ ಸಿಂಪರಣೆ ಮಾಡಬೇಕು. ಈ ರೀತಿ ಸಿಂಪರಣೆ ಮಾಡಲು ಸುಮಾರು ಎರಡು ಲೀಟರ್ ಸಿಂಪರಣಾ ದ್ರಾವಣ ಪ್ರತಿ ಮರಕ್ಕೆ ಬೇಕಾಗುತ್ತದೆ.
ತೆಂಗಿನ ಮರಗಳಿಗೆ ಶಿಫಾರಸಸು ಮಾಡಿರುವಂತೆ ಸಾವಯವ ಹಾಗೂ ರಸಗೊಬ್ಬರಗಳನ್ನು ನೀಡಿದಾಗ ಮರಗಳಲ್ಲಿ ನುಸಿ ನಿರೋಧಕ ಶಕ್ತಿ ವೃದ್ಧಿಸುವುದರಿಂದ ಮೇಲೆ ತಿಳಿಸಿದ ಕ್ರಮಗಳು ನುಸಿ ನಿರ್ವಹಣೆಯಲ್ಲಿ ಇನ್ನಷ್ಟು ಪರಿಣಾಮಕಾರಿಯಾಗಿರುತ್ತವೆ.

Harvesting & Threshing

ಕೊಯ್ಲು

ತಳಿಗೆ ಅನುಗುಣವಾಗಿ ನಾಟಿ ಮಾಡಿದ 4-7 ವರ್ಷಗಳಲ್ಲಿ ಗಿಡಗಳು ಕಾಯಿ ಬಿಡಲು ಪ್ರಾರಂಭಿಸುತ್ತವೆ. ಗಿಡ್ಡ ತಳಿಗಳು 3-4 ವರ್ಷಕ್ಕೆ ಫಲಕ್ಕೆ ಬರುತ್ತವೆ.

Yield

ಇಳುವರಿ

ಪ್ರತಿ ಮರದಿಂದಲೂ ವರ್ಷಕ್ಕೆ ಸರಾಸರಿ ಕಾಯಿಗಳ ಇಳುವರಿ ಈ ಕೆಳಗಿನಂತಿರುತ್ತದೆ.
ಉದ್ದ ತಳಿಗಳು - 80-100 ಕಾಯಿಗಳು
ಗಿಡ್ಡ ತಳಿಗಳು - 100-150 ಕಾಯಿಗಳು
ಸಂಕರಣ ತಳಿಗಳು - 100-150 ಕಾಯಿಗಳು
ತೆಂಗು ಸಂಸ್ಕರಣೆ ಮತ್ತು ಕೊಬ್ಬರಿ ತಯಾರಿಸುವುದು
ತೆಂಗಿನಕಾಯಿಯಿಂದ ಉಂಡೆ ಕೊಬ್ಬರಿ ಮತ್ತು ಹೋಳು ಕೊಬ್ಬರಿಯನ್ನು ತಯಾರಿಸಬಹುದು.
ಉಂಡೆ ಕೊಬ್ಬರಿ: ಚೆನ್ನಾಗಿ ಬಲಿತ ತೆಂಗಿನಕಾಯಿಗಳನ್ನು ಹವೆಯಾಡುವ ಎತ್ತರದ ಜಾಗದಲ್ಲಿ 8 ರಿಂದ 12 ತಿಂಗಳುಗಳ ಕಾಲ ಶೇಖರಿಸಿಡಬೇಕು. ತೊಟ್ಟು ಮೇಲ್ಮುಖ ಮಾಡಿ ಶೇಖರಿಸುವುದು ಅಪೇಕ್ಷಣೀಯ. ಈ ಅವಧಿಯಲ್ಲಿ ಕಾಯಿಯ ಒಳಗಿರುವ ನೀರು ಇಂಗಿ ತಿರುಳು ಒಣಗುತ್ತದೆ. ಹೀಗೆ ಒಣಗಿದ ಕಾಯಿಯನ್ನು ಅಲುಗಾಡಿಸಿದರೆ ಒಳಗಿನ ಕೊಬ್ಬರಿಯ ಕಟ ಕಟ ಸದ್ದು ಕೇಳಿಸುತ್ತದೆ. ಅನಂತರ ಸಿಪ್ಪೆಯನ್ನು ಸುಲಿದು, ಕವಚವನ್ನು ಒಡೆದು ಉಂಡೆ ಕೊಬ್ಬರಿಯನ್ನು ಹೊರ ತೆಗೆಯಬಹುದು.
ಹೋಳು ಕೊಬ್ಬರಿ: ಚೆನ್ನಾಗಿ ಬಲಿತ ತೆಂಗಿನಕಾಯಿಗಳ ಸಿಪ್ಪೆಯನ್ನು ಸುಲಿದು ಎರಡು ಹೋಳುಗಳಾಗಿ ಮಾಡಬೇಕು. ಈ ಹೋಳುಗಳನ್ನು ಬಿಸಿಲಿನಲ್ಲಿ ಅಥವಾ ಡ್ರೈಯರ್‍ನಲ್ಲಿ ಒಣಗಿಸಬೇಕು. ಒಣಗಿದ ಕೊಬ್ಬರಿಯಿಂದ ಕವಚ ತಂತಾನೆ ಬೇರ್ಪಡುತ್ತದೆ. ಹೆಚ್ಚಾಗಿ ಇದನ್ನು ಎಣ್ಣೆ ತೆಗೆಯಲು ಉಪಯೋಗಿಸುತ್ತಾರೆ.

Login to post comments
4870 reads

Package of Practices of gerbera

Submitted by naipagropediaraichur on Wed, 02/01/2013 - 11:02

Posted in

Introduction

ಜರ್ಬೆರಾ

ಇದು ಪ್ರಮುಖ ಕತ್ತರಿಸಿದ ಹೂ ಬೆಳೆಗಳಲ್ಲಿ ಒಂದು. ಇದನ್ನು ಹೂದಾನಿಗಳಲ್ಲಿ ಜೋಡಿಸಲು ಮತ್ತು ಹೂ ಗುಚ್ಛಗಳನ್ನು ತಯಾರಿಸಲು ಉಪಯೋಗಿಸುತ್ತಾರೆ. ಈ ಬೆಳೆಯನ್ನು ಉತ್ತಮ ಗುಣಮಟ್ಟದ ಹಾಗೂ ಅಧಿಕ ಹೂಗಳ ಇಳುವರಿ ಪಡೆಯಲು ಹಸಿರು ಮನೆಗಳಲ್ಲಿ ಬೆಳೆಯುವುದು ಒಳ್ಳೆಯದು. ಕುಂಡಗಳಲ್ಲಿ ಪುಷ್ಪಮಡಿಗಳಲ್ಲಿ ಹಾಗೂ ಸಾಲುಗಳಲ್ಲಿ ಅಲಂಕಾರಕ್ಕಾಗಿ ಬೆಳೆಯಬಹುದು.

Climatic Requirements

ಹವಾಗುಣ

ತಂಪಾದ ಹವಾಗುಣದಲ್ಲಿ ಈ ಬೆಳೆ ಚೆನ್ನಾಗಿ ಬೆಳೆಯುತ್ತದೆ. ಈ ಬೆಳೆಯು 200 ರಿಂದ 250 ಸೆ. ವರೆಗೂ ಉಷ್ಣಾಂಶವನ್ನು ತಡೆದುಕೊಲ್ಳುತ್ತದೆ. ಬೇಸಿಗೆಯಲ್ಲಿ ಬಿಸಿಲಿನ ತಾಪಕ್ಕೆ ತುತ್ತಾಗದಂತೆ ನೆರಳನ್ನು ಒದಗಿಸಬೇಕು. ಈ ಬೆಳೆಯನ್ನು ನಾಟಿ ಮಾಡಲು ಜೂನ್-ಜುಲೈ ತಿಂಗಳುಗಳು ಉತ್ತಮವಾದ ಕಾಲ.

Soil Conditions

ಮಣ್ಣು
ನೀರು ಬಸಿದು ಹೋಗುವಂತಹ ಕೆಂಪು ಮರಳೂ ಮಿಶ್ರಿತ ಗೋಡುಮಣ್ಣು ಇದರ ಬೇಸಾಯಕ್ಕೆ ಸೂಕ್ತ. ಮಣ್ಣಿನ ರಸಸಾರ 5.5 ರಿಂದ 6.5ರ ವರೆಗೆ ಇರಬೇಕು.

Varieties

ತಳಿಗಳು
ಸೆಮಿಡಬಲ್ ಮತ್ತು ಡಬಲ್ ಬಗೆಗಳ ತಳಿಗಳನ್ನು ಆಯ್ಕೆ ಮಾಡಬಹುದು.

Seed & Sowing

ಬೇಸಾಯ ಸಾಮಗ್ರಿಗಳು
ಕ್ರ.ಸಂ ವಿವರಗಳು ಪ್ರತಿ ಹೆಕ್ಟೇರಿಗೆ
1. ಗಿಡಗಳು 10-12

Nursery Preparation

ಬೇಸಾಯ ಕ್ರಮಗಳು
ಭೂಮಿಯನ್ನು ಮೂರು ನಾಲ್ಕು ಸಲ ಉಳುಮೆ ಮಾಡಿ ಹದಗೊಳಿಸಬೇಕು. ನಂತರ 1 ಮೀ. ಅಗಲ, 30 ಸೆಂ.ಮೀ. ಎತ್ತರ ಮತ್ತು ಅನುಕೂಲಕ್ಕೆ ತಕ್ಕಂತೆ ಉದ್ದದ ಮಡಿಗಳನ್ನು ಮಾಡಬೇಕು. ಚೆನ್ನಾಗಿ ಕಳಿತ ಕೊಟ್ಟಿಗೆ ಗೊಬ್ಬರ, ಮರಳು ಮತ್ತು ಕಳಿತ ತೆಂಗಿನ ನಾರು ಹುಡಿ 2:1:1 ಪ್ರಮಾಣದಲ್ಲಿ ಮಣ್ಣಿಗೆ ಬೆರೆಸಬೇಕು. ಇದರಿಂದ ನೀರು ಚೆನ್ನಾಗಿ ಬಸಿದು ಹೋಗುತ್ತದೆ.

Transplanting

Transplanting:

ಮಡಿ ಸಿದ್ದವಾದ ಮೇಲೆ ಸಸಿಗಳನ್ನು ಸಾಲಿನಿಂದ ಸಾಲಿಗೆ ಮತ್ತು ಸಸಿಯಿಂದ ಸಸಿಗೆ 30x30 ಸೆಂ.ಮೀ. ಅಂತರದಲ್ಲಿ ತುಂಬಾ ಆಳವಾಗಿ ನೆಡದೆ, ಮಣ್ಣಿನಲ್ಲಿ ಮುಚ್ಚದಂತೆ ಜೂನ್-ಜುಲೈ ತಿಂಗಳಲ್ಲಿ ನಾಟಿ ಮಾಡಬೇಕು.

Nutrient management

ಬೇಸಾಯ ಸಾಮಗ್ರಿಗಳು
ಕ್ರ.ಸಂ      ವಿವರಗಳು              ಪ್ರತಿ ಹೆಕ್ಟೇರಿಗೆ
1.       ಕೊಟ್ಟಿಗೆ ಗೊಬ್ಬರ        10-15 ಕಿ.ಗ್ರಾಂ
2.   ರಾಸಾಯನಿಕ ಗೊಬ್ಬರ (ಚದರ ಮೀಟರ್‍ಗೆ ತಿಂಗಳಿಗೆ)
   ಸಾರಜನಕ               20 ಗ್ರಾಂ
       ರಂಜಕ                   10 ಗ್ರಾಂ
   ಪೊಟ್ಯಾಷ್              15 ಗ್ರಾಂ

ಗಿಡ ನೆಟ್ಟ ಮೂರು ತಿಂಗಳವರೆಗೆ ಶಿಫಾರಸ್ಸು ಮಾಡಿದ ಗೊಬ್ಬರವನ್ನು 30 ದಿನಗಳ ಅಂತರದಲ್ಲಿ ಕೊಡಬೇಕು. ನಂತರ ನಾಲ್ಕನೇ ತಿಂಗಳಲ್ಲಿ ಅಂದರೆ ಹೂ ಬಿಡುವ ಸಮಯದಲ್ಲಿ 25:12:25 ಗ್ರಾಂ ಪ್ರಮಾಣದಲ್ಲಿ ಸಾರಜನಕ, ರಂಜಕ, ಪೊಟ್ಯಾಷ್ ಗೊಬ್ಬರವನ್ನು ಪ್ರತಿ ಚದರ ಮೀಟರ್‍ಗೆ 30 ದಿನದ ಅಂತರದಲ್ಲಿ ನೀಡಬೇಕು.

Water management

ನೀರಾವರಿ: ಹನಿ ನೀರಾವರಿ ಪದ್ಧತಿಯಿಂದ ಹೆಚ್ಚು ಇಳುವರಿಯನ್ನು ಪಡೆಯಬಹುದು. ನಾಟಿ ಮಾಡಿದ ನಂತರ ಪ್ರತಿ ಗಿಡಕ್ಕೆ ಪ್ರತಿ ದಿನಕ್ಕೆ ಅರ್ಧ ಲೀಟರ್ ನೀರಿನಂತೆ ನೀರು ಹಾಯಿಸಬೇಕು.

Weed management

ಕಳೆ ಹತೋಟಿ: ಬೆಳೆಯ ಅವಧಿಯಲ್ಲಿ ಮೂರು ನಾಲ್ಕು ಸಾರಿಯಾದರೂ ಕಳೆ ತೆಗೆಯಬೇಕು.

Disease management

ಸಸ್ಯ ಸಂರಕ್ಷಣೆ

ರೋಗಗಳು: ಬೇರು ಕೊಳೆಯುವ ರೋಗ, ಎಲೆ ಚುಕ್ಕೆ ರೋಗ, ಬೂದಿ ರೋಗ.

ಹತೋಟಿ ವಿಧಾನ

1.ಬೇರು ಕೊಳೆಯುವ ರೋಗ ಕಂಡುಬಂದಲ್ಲಿ 2 ಗ್ರಾಂ ಮೆಟಲಾಕ್ಸಿಲ್ + ಮ್ಯಾಂಕೊಜೆಬ್ 72 ಅಥವಾ 2 ಗ್ರಾಂ ಕ್ಯಾಪ್ಟಾನ್ 80 ಡಬ್ಲ್ಯೂ.ಪಿ. ಪ್ರತಿ ಲೀಟರ್ ನೀರಿನಲ್ಲಿ ಕಲಸಿ ಗಿಡದ ಸುತ್ತಲೂ ನೆನೆಸಬೇಕು.
2.ಬೂದಿರೋಗದ ನಿಯಮತ್ರಣಕ್ಕೆ 3 ಗ್ರಾಂ ಶೇ. 80ರ ನೀರಿನಲ್ಲಿ ಕರಗುವ ಗಂಧಕವನ್ನು ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.
3.ಎಲೆ ಚುಕ್ಕೆ ರೋಗ ನಿಯಂತ್ರಣಕ್ಕೆ 2 ಗ್ರಾಂ ಮ್ಯಾಂಕೋಜೆಬ್ ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.

Insect pest management

ಸಸ್ಯ ಸಂರಕ್ಷಣೆ
ಕೀಟಗಳು: ಥ್ರಿಪ್ಸ್, ನುಸಿ, ಸಸ್ಯ ಹೇನು ರಸ ಹೀರುವ ಕೀಟಗಳು.

ಹತೋಟಿ ವಿಧಾನ

ಥ್ರಿಪ್ಸ್ ಅನ್ನು ಹತೋಟಿ ಮಾಡಲು 2 ಮಿ.ಲೀ. ಆಕ್ಸಿಡೆಮೆಟಾನ್ ಮೀಥೈಲ್ ಮತ್ತು ನುಸಿಯನ್ನು ಹತೋಟಿ ಮಾಡಲು 2.5 ಮಿ.ಲೀ. ಡೈಕೋಫಾಲ್ 20 ಇ.ಸಿ. ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.

Yield

ಇಳುವರಿ
ನಾಟಿ ಮಾಡಿದ ಮೂರು ತಿಂಗಳ ನಂತರ ಜರ್ಬೆರಾ ಹೂ ಬಿಡಲು ಪ್ರಾರಂಭಿಸುತ್ತವೆ. ಹೂಗಳ ಇಳುವರಿ ಒಂದು ಚದರ ಮೀಟರ್‍ಗೆ ಒಂದು ವರ್ಷಕ್ಕೆ ಸುಮಾರು 150-200 ಹೂಗಳು.
ಬೆಳೆಯನ್ನು ನಾಟಿ ಮಾಡಿದ ನಂತರ 2 ರಿಂದ 21/2 ವರ್ಷಗಳ ಕಾಲ ಇಳುವರಿ ಪಡೆಯಬಹುದು.

Login to post comments
2799 reads

Package of Practices of Tomato

Submitted by naipagropediaraichur on Tue, 01/01/2013 - 17:03

Posted in

Introduction

ಟೊಮಾಟೊ

ಟೊಮಾಟೊ ನಮ್ಮ ರಾಜ್ಯದಲ್ಲಿ ಹೆಚ್ಚಾಗಿ ಬೆಳೆಯುವ ಜನಪ್ರಿಯ ತರಕಾರಿಯಾಗಿದೆ. ಈ ತರಕಾರಿಯು ಎ, ಬಿ ಹಾಗು ಸಿ ಜೀವಸತ್ವಗಳನ್ನು ಒದಗಿಸುತ್ತದೆ.

Soil Conditions

ಮಣ್ಣು

ಇದನ್ನು ಎಲ್ಲಾ ವಿಧವಾದ ಮಣ್ಣುಗಳಲ್ಲಿ ಬೆಳೆಯಬಹುದು. ಚೆನ್ನಾಗಿ ನೀರು ಬಸಿದು ಹೋಗುವ ಮಧ್ಯಮ ಕಪ್ಪು ಹಾಗೂ ಮರಳು ಮಿಶ್ರಿತ ಗೋಡುಮಣ್ಣು ಈ ಬೆಳೆಗೆ ಸೂಕ್ತ. ತಗ್ಗುಪ್ರದೇಶ, ನೀರು ನಿಲ್ಲುವ ಮತ್ತು ಅಮ್ಲಯುಕ್ತ ಮಣ್ಣಿನ ಪ್ರದೇಶ ಈ ಬೆಳೆಗೆ ಯೋಗ್ಯವಲ್ಲ. ಉತ್ತಮ ಬೆಳೆಗೆ ಮಣ್ಣಿನ ರಸಸಾರ 6 ರಿಂದ 7 ಇರಬೇಕು. ಸೊರಗು ರೋಗಪೀಡಿತ ಮಣ್ಣು ಸೂಕ್ತವಲ್ಲ.

Varieties

ತಳಿಗಳು

1.ಪೂಸಾ ರೂಬಿ: ಹಣ್ಣುಗಳು ಮಧ್ಯಮ ಗಾತ್ರದವಾಗಿದ್ದು ಕೆಂಪು ವರ್ಣವನ್ನು ಹೊಂದಿರುತ್ತವೆ. ಈ ತಳಿ ಸಾಧಾರಣ ಉತ್ತಮ ಇಳುವರಿ ಕೊಡುತ್ತದೆ. ಮಳೆಯಾಶ್ರಯದಲ್ಲಿ ಬೆಳೆಯಲು ಸೂಕ್ತ ತಳಿ.

2.ಎನ್.ಟಿ.ಡಿ.ಆರ್-1: ಕೃಷಿ ವಿಶ್ವವಿದ್ಯಾಲಯ, ಬೆಂಗಳೂರು ಅಭಿವೃದ್ಧಿಪಡಿಸಿದ ಈ ತಳಿ ಜಂತು ಹುಳುವಿನ ಬಾಧೆ ತಡೆದುಕೊಳ್ಳುವ ಶಕ್ತಿ ಹೊಂದಿದೆ ಹಾಗೂ ಉತ್ತಮ ಇಳುವರಿಯನ್ನು ಕೊಡುತ್ತದೆ.

3.ಮೇಘಾ (ಎಲ್-15) : ಕೃಷಿ ವಿಶ್ವವಿದ್ಯಾನಿಲಯ, ಧಾರವಾಡ ಎನ್.ಟಿ.ಡಿ.ಆರ್-1 ಮತ್ತು ಎ.ವಿ.ಆರ್.ಡಿ.ಸಿ. ತಳಿಗಳ ಸಂಕರಣದಿಂದ ಅಭಿವೃದ್ಧಿಪಡಿಸಲಾಗಿದೆ. ಹಣ್ಣುಗಳು ಮಧ್ಯಮ ಗಾತ್ರ, ದುಂಡನೆಯ ಆಕಾರಹೊಂದಿ, ಹೆಚ್ಚಿನ ಉಷ್ಣತೆಯಲ್ಲಿಯೂ ಕೂಡ ಕಾಯಿಕಚ್ಚುವ ಸಧ್ಯತೆಯನ್ನು ಹೊಂದಿರುತ್ತದೆ. ಪ್ರತಿ ಹೆಕ್ಟೇರಿಗೆ 25 ರಿಂದ 30 ಟನ್ ಇಳುವರಿ ಕೊಡುವ ಈ ತಳಿ, ಪೂಸಾ ರೂಬಿಗಿಂತ ಶೇ. 43 ರಷ್ಟು ಹೆಚ್ಚು ಇಳುವರಿ ಕೊಡುತ್ತದೆ. ಹಣ್ಣುಗಳನ್ನು ಕೊಯ್ಲು ಮಾಡಿದ 8 ರಿಂದ 10 ದಿನಗಳವರೆಗೆ ಕೆಡದಂತೆ ಇಡಬಹುದು.

4.ರೋಮಾ: ಇದು ಉತ್ತಮ ಇಳುವರಿ ಕೊಡುವ ತಳಿಯಾಗಿದ್ದು ಮಧ್ಯಮ ಗಾತ್ರದ ಹಣ್ಣುಗಳನ್ನು ಕೊಡುತ್ತದೆ.

5.ಅರ್ಕಾ ವಿಕಾಸ್: ಇದನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯು ಅಭಿವೃದ್ಧಿ ಪಡಿಸಿದೆ. ಗಿಡಗಳು ಮಧ್ಯಮ ಬೆಳವಣಿಗೆಯನ್ನು ಹೊಂದಿದ್ದು, 140 ದಿನಗಳಲ್ಲಿ ಬೆಳೆ ಮುಗಿಯುತ್ತದೆ. ಇದರ ಹಣ್ಣುಗಳು ಮಧ್ಯಮ ಗಾತ್ರ ಹೊಂದಿದ್ದು (80-90 ಗ್ರಾಂ) ಕಡು ಕೆಂಪು ಬಣ್ಣವನ್ನು ಹೊಂದಿರುತ್ತದೆ. ಇದನ್ನು ಮಳೆಯ ಆಶ್ರಯದಲ್ಲಿ ಹಾಗೂ ನೀರಾವರಿ ಪ್ರದೇಶಗಳಲ್ಲಿ ಬೆಳೆಯಬಹುದು. ಒಂದು ಹೆಕ್ಟೇರ್‍ನಿಂದ 35-40 ಟನ್ ಇಳುವರಿ ಪಡೆಯಬಹುದು.

6.ಅರ್ಕಾ ಸೌರಭ: ಇದನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯು ಅಭಿವೃದ್ಧಿ ಪಡಿಸಿದೆ. ಗಿಡಗಳು ಮಧ್ಯಮ ಬೆಳವಣಿಗೆಯನ್ನು ಹೊಂದಿದ್ದು, 140 ದಿನಗಳಲ್ಲಿ ಬೆಳೆ ಮುಗಿಯುತ್ತದೆ. ಇದರ ಹಣ್ಣುಗಳು ಮಧ್ಯಮ ಗಾತ್ರದವಾಗಿದ್ದು (70-80 ಗ್ರಾಂ) ಕಡು ಕೆಂಪು ಬಣ್ಣ ಹೊಂದಿರುತ್ತದೆ. ಮಾರುಕಟ್ಟೆಗೆ ಹಾಗು ಸಂಸ್ಕರಣೆ ಮಾಡಲು ಯೋಗ್ಯವಾದ ತಳಿ. ಇದು ಚಳಿಗಾಲಕ್ಕೆ ಸೂಕ್ತವಾದ ತಳಿ. ಒಂದು ಹೆಕ್ಟೇರಿಗೆ 30 ರಿಂದ 35 ಟನ್ ಇಳುವರಿ ಬರುತ್ತದೆ.

7.ಅರ್ಕಾ ಆಭಾ: ಇದನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯು ಅಭಿವೃದ್ಧಿಪಡಿಸಿದೆ. ಗಿಡಗಳು ಮಧ್ಯಮ ಬೆಳವಣಿಗೆಯನ್ನು ಹೊಂದಿದ್ದು, 140 ದಿನಗಳಲ್ಲಿ ಬೆಳೆ ಬಲಿಯುತ್ತದೆ. ಹಣ್ಣುಗಳು ಕಡು ಕೆಂಪು ಬಣ್ಣದಿಂದ ಕುಡಿದ್ದು, ಸುಮಾರು 75 ಗ್ರಾಂ. ತೂಕವಿರುತ್ತವೆ. ಇದು ದುಂಡಾಣು ಸೊರಗು ರೋಗವನ್ನು ನಿರೋಧಿಸುವ ಶಕ್ತಿಯನ್ನು ಹೊಂದಿದೆ. ಇದನ್ನು ಮಳೆಗಾಲ ಮತ್ತು ಚಳಿಗಾಲಗಳೆರಡಲ್ಲೂ ಬೆಳೆಯಬಹುದು. ಒಂದು ಹೆಕ್ಟೇರಿಗೆ 43 ಟನ್ ಇಳುವರಿ ಬರುತ್ತದೆ.

8.ಅರ್ಕಾ ಅಲೋಕ್: ಇದನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯು ಅಭಿವೃದ್ಧಿಪಡಿಸಿದೆ. ಬೆಳೆಯು 130 ದಿನಗಳಲ್ಲಿ ಮುಗಿಯುತ್ತದೆ. ಹಣ್ಣುಗಳು ಗಾತ್ರದಲ್ಲಿ ದೊಡ್ಡದಾಗಿದ್ದು (120 ಗ್ರಾಂ) ಗಟ್ಟಿಯಾಗಿರುತ್ತವೆ. ಇದಕ್ಕೆ ದುಂಡಾಣು ಸೊರಗು ರೋಗವನ್ನು ನಿರೋಧಿಸುವ ಶಕ್ತಿ ಇದೆ. ಇದನ್ನು ಮಳೆಗಾಲ ಮತ್ತು ಚಳಿಗಾಲಗಳಲ್ಲಿ ಬೆಳೆಯಬಹುದು. ಒಂದು ಹೆಕ್ಟೇರಿಗೆ 46 ಟನ್ ಇಳುವರಿ ಪಡೆಯಬಹುದು.

9.ಅರ್ಕಾ ಆಶಿಶ್: ಇದನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯು ಅಭಿವೃದ್ಧಿಪಡಿಸಿದೆ. ಬೆಳೆಯ ಅವಧಿ 130 ದಿನಗಳು. ಹಣ್ಣುಗಳು ಮೊಟ್ಟೆಯಾಕಾರದಲ್ಲಿದ್ದು, ಗಟ್ಟಿಯಾಗಿರುತ್ತವೆ ಮತ್ತು ಒಳ್ಳೆಯ ಕೆಂಪು ಬಣ್ಣವನ್ನು ಹೊಂದಿರುತ್ತವೆ. ಹಣ್ಣುಗಳು ಒಂದೇ ಸಾರಿ ಕೊಯ್ಲಿಗೆ ಸಿದ್ಧವಾಗುತ್ತವೆ ಇದು ಸಂಸ್ಕರಣೆಗೆ ಸೂಕ್ತವಾದ ತಳಿ. ಇದಕ್ಕೆ ಬೂದಿ ರೋಗವನ್ನು ನಿರೋಧಿಸುವ ಶಕ್ತಿ ಇದೆ. ಹಣ್ಣುಗಳು ಬಿರುಕು ಬಿಡುವುದಿಲ್ಲ. ಇದು ಮಳೆಗಾಲ ಹಾಗೂ ಚಳಿಗಾಲಗಳೆರಡರಲ್ಲೂ ಬೆಳೆಯಲು ಸೂಕ್ತವಾಗಿದೆ. ಒಂದು ಹೆಕ್ಟೇರಿಗೆ 38 ಟನ್ ಇಳುವರಿ ಪಡೆಯಬಹುದು.

10.ಅರ್ಕಾ ಆಹುತಿ: ಇದನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯು ಅಭಿವೃದ್ಧಿಪಡಿಸಿದೆ. ಗಿಡಗಳು ಮಧ್ಯಮ ತರದ ಬೆಳವಣಿಗೆಯನ್ನು ಹೊಂದಿದ್ದು, ಬೆಳೆ 140 ದಿವಸಗಳಲ್ಲಿ ಮುಗಿಯುತ್ತದೆ. ಹಣ್ಣುಗಳು ಸ್ವಲ್ಪ ಉದ್ದವಾಗಿದ್ದು, ಕಡು ಕೆಂಪು ಬಣ್ಣವನ್ನು ಹೊಂದಿದ್ದು ಹೆಚ್ಚು ತಿರುಳಿನಿಂದ ಕೂಡಿರುತ್ತವೆ. ಇದು ಸಂಸ್ಕರಣೆಗೆ ಸೂಕ್ತವಾದ ತಳಿ. ಇದನ್ನು ಮಳೆಗಾಲ ಮತ್ತು ಚಳಿಗಾಲ ಎರಡರಲ್ಲೂ ಬೆಳೆಯಬಹುದು. ಒಂದು ಹೆಕ್ಟೇರಿಗೆ 42 ಟನ್ ಇಳುವರಿ ಪಡೆಯಬಹುದು.

11.ಅರ್ಕಾ ಮೇಘಾಲಿ : ಇದನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯು ಅಭಿವೃದ್ಧಿ ಪಡಿಸಿದೆ. ಗಿಡಗಳು ಮಧ್ಯಮ ಬೆಳೆವಣಿಗೆಯನ್ನು ಹೊಂದಿದ್ದು, ಬೆಳೆ 125 ದಿನಗಳಲ್ಲಿ ಮುಗಿಯುತ್ತದೆ. ಹಣ್ಣುಗಳು ಮಧ್ಯಮ ಗಾತ್ರದವಾಗಿದ್ದು (65 ಗ್ರಾಂ) ಕಡು ಕೆಂಪು ಬಣ್ಣವನ್ನು ಹೊಂದಿರುತ್ತವೆ. ಇದು ಮಳೆ ಆಶ್ರಯದಲ್ಲಿ ಬೆಳೆಯಲು ಸೂಕ್ತವಾದ ತಳಿ. ಒಂದು ಹೆಕ್ಟೇರಿಗೆ 18 ಟನ್ ಇಳುವರಿ ಪಡೆಯಬಹುದು.

ಎಲೆ ಮುದುಡು ನಂಜುರೋಗ ನಿರೋಧಕ ತಳಿಗಳು : ಮೂರು ಅರೆ ನಿರ್ಧಾರಿತ ಟೊಮಾಟೊ ತಳಿಗಳಾದ ಸಂಕ್ರಾಂತಿ, ನಂದಿ ಮತ್ತು ವೈಭವ್ ಟೊಮಾಟೊ ಎಲೆ ಮುದುಡು ನಂಜುರೋಗ ನಿರೋಧಕ ತಳಿಗಳನ್ನು ಕೃಷಿ ವಿಶ್ವವಿದ್ಯಾನಿಲಯ, ಬೆಂಗಳೂರು ಅಭಿವೃದ್ಧಿಪಡಿಸಿದೆ. ಈ ತಳಿಗಳು ಬೇಸಿಗೆಯಲ್ಲಿ ಬೆಳೆಯಲು ಸೂಕ್ತವಾಗಿವೆ.

12.ಸಂಕ್ರಾಂತಿ: ಹಣ್ಣುಗಳು ಮಧ್ಯಮ ಗಾತ್ರದಿಂದ ಕೂಡಿದ್ದು ದುಂಡನೆಯ ಆಕಾರ ಹೊಂದಿವೆ. ಇದೊಂದು ಮಧ್ಯಮ ಅವಧಿಯ ತಳಿ (95-105 ದಿನಗಳು). ಇದು ಎಲೆ ಮುದುಡು ನಂಜು ರೋಗಕ್ಕೆ ನಿರೋಧಕ ಶಕ್ತಿ ಪಡೆದಿದೆ. ಹೆಕ್ಟೇರಿಗೆ 40-45 ಟನ್ ಇಳುವರಿ ಪಡೆಯಬಹುದು.

13.ನಂದಿ: ಹಣ್ಣುಗಳು ಮಧ್ಯಮ ಗಾತ್ರದ್ದಾಗಿರುತ್ತವೆ. ಇದು ಅಧಿಕ ಇಳುವರಿ ಕೊಡುತ್ತದೆ. ಇದು ಕೂಡ ಎಲೆ ಮುದುಡು ನಂಜು ರೋಗಕ್ಕೆ ನಿರೋಧಕ ಶಕ್ತಿ ಪಡೆದಿದೆ. ಪ್ರತಿ ಹೆಕ್ಟೇರಿಗೆ 40-45 ಟನ್ ಇಳುವರಿ ಪಡೆಯಬಹುದು.

14.ವೈಭವ್: ಇದೂ ಕೂಡ ಮಧ್ಯಮ ಗಾತ್ರದ ಹಣ್ಣುಗಳನ್ನು ಕೊಡುತ್ತದೆ. ಈ ತಳಿಯ ಹಣ್ಣುಗಳು ದೂರ ಸಾಗಾಣಿಕೆಗೆ ಸೂಕ್ತವಾದ ಗುಣಗಳನ್ನು ಹೊಂದಿರುತ್ತವೆ. ಹೆಕ್ಟೇರಿಗೆ 45-50 ಟನ್ ಇಳುವರಿ ಕೊಡುವ ಸಾಮಥ್ರ್ಯವನ್ನು ಹೊಂದಿದ್ದು ಎಲೆ ಮುದುಡು ನಂಜು ರೋಗ ನಿರೋಧಕ ಶಕ್ತಿ ಪಡೆದಿದೆ. ಈ ತಳಿಯು ದುಂಡಾಣು ಸೊರಗುರೋಗ ಹಾಗೂ ಅಧಿಕ ಉಷ್ಣತೆ ತಡೆಯುವ ಶಕ್ತಿಯನ್ನು ಸಹ ಹೊಂದಿರುತ್ತದೆ.

ಟೊಮಾಟೊ ಸಂಕರಣ ತಳಿಗಳು

1.ಅರ್ಕಾ ವಿಶಾಲ್: ಈ ಸಂಕರಣ ತಳಿಯನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯು ಅಭಿವೃದ್ಧಿಪಡಿಸಿದೆ. ಗಿಡಗಳು ಹೆಚ್ಚಾಗಿ ಬೆಳೆಯುತ್ತವೆ. ಬೆಳೆಯ ಅವಧಿ 165 ದಿನಗಳು. ಹಣ್ಣುಗಳು ದೊಡ್ಡ ಗಾತ್ರವಾಗಿದ್ದು (140 ಗ್ರಾಂ) ಕಡು ಕೆಂಪು ಬಣ್ಣವನ್ನು ಹೊಂದಿರುತ್ತವೆ. ಕಾಯಿಗಳು ಬಿರುಕು ಬಿಟ್ಟು ಹಾಳಾಗುವುದಿಲ್ಲ. ಇದನ್ನು ಮಳೆಗಾಲ ಹಾಗೂ ಚಳಿಗಾಲಗಳೆರಡರಲ್ಲೂ ಬೆಳೆಯಬಹುದು. ಗಿಡಗಳಿಗೆ ಊರುಗೋಲು ಕೊಟ್ಟು ಬೆಳೆಸಬೇಕು. ಒಂದು ಹೆಕ್ಟೇರಿಗೆ 75 ಟನ್ ಇಳುವರಿ ಬರುತ್ತದೆ.

2.ಅರ್ಕಾ ವರದಾನ್: ಈ ಸಂಕರಣ ತಳಿಯನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯು ಅಭಿವೃದ್ಧಿಪಡಿಸಿದೆ. ಗಿಡಗಳು ಹೆಚ್ಚಾಗಿ ಬೆಳೆಯುತ್ತವೆ. ಬೆಳೆಯ ಅವಧಿ 160 ದಿವಸಗಳು. ಕಾಯಿಗಳ ಗಾತ್ರ ದೊಡ್ಡದು (140 ಗ್ರಾಂ). ಹಣ್ಣುಗಳು ಗುಂಡಾಗಿದ್ದು, ಕಡು ಕೆಂಪು ಬಣ್ಣವನ್ನು ಹೊಂದಿರುತ್ತವೆ. ಕಾಯಿಗಳು ಬಿರುಕು ಬಿಡುವುದಿಲ್ಲ. ಈ ತಳಿಯು ಗಂಟು ಬೇರು ಜಂತು ಹುಳುಗಳಿಗೆ ನಿರೋಧಕ ಶಕ್ತಿಯನ್ನು ಹೊಂದಿರುತ್ತದೆ. ಇದನ್ನು ಮಳೆಗಾಲ ಮತ್ತು ಚಳಿಗಾಲದಲ್ಲಿ ಬೆಳೆಯಬಹುದು. ಗಿಡಗಳಿಗೆ ಊರುಗೋಲು ಕೊಟ್ಟು ಬೆಳೆಸಬೇಕು. ಒಂದು ಹೆಕ್ಟೇರಿಗೆ 75 ಟನ್ ಇಳುವರಿ ಪಡೆಯಬಹುದು.

3.ಅರ್ಕಾ ಶ್ರೇಷ್ಠ : ಈ ಸಂಕರಣ ತಳಿಯನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆಯು ಅಭಿವೃದ್ಧಿ ಪಡಿಸಿದೆ. ಗಿಡಗಳು ಮಧ್ಯಮ ಬೆಳವಣಿಗೆಯನ್ನು ಹೊಂದಿದ್ದು, ಬೆಳೆಯ ಅವಧಿ 140 ದಿನಗಳು. ಹಣ್ಣುಗಳು ಮಧ್ಯಮ ಗಾತ್ರವಾಗಿದ್ದು (70-75 ಗ್ರಾಂ) ಗುಂಡಾಗಿದ್ದು, ಕಡು ಕೆಂಪು ಬಣ್ಣವನ್ನು ಹೊಂದಿದೆ. ಹಣ್ಣುಗಳು ಮೃದುವಾಗಿರುವುದಿಲ್ಲ. ಇದನ್ನು ಚಳಿಗಾಲದಲ್ಲಿ ಬೆಳೆಯಬಹುದು. ಈ ಸಂಕರಣ ತಳಿಗೆ ದುಂಡಾಣು ಸೊರಗು ರೋಗವನ್ನು ತಡೆದುಕೊಳ್ಳುವ ಶಕ್ತಿ ಇದೆ. ಹಣ್ಣುಗಳು ಮಾರುಕಟ್ಟೆಗೆ ಮತ್ತು ಸಂಸ್ಕರಣೆಗೆ ಯೋಗ್ಯವಾಗಿರುತ್ತವೆ. ಒಂದು ಹೆಕ್ಟೇರಿಗೆ 76 ಟನ್ ಇಳುವರಿ ಬರುತ್ತದೆ.

4.ಅರ್ಕಾ ಅಭಿಜಿತ್: ಈ ಸಂಕರಣ ತಳಿಯನ್ನು ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ ಅಭಿವೃದ್ಧಿಪಡಿಸಿದೆ. ಗಿಡಗಳು ಮಧ್ಯಮ ಬೆಳವಣಿಗೆಯನ್ನು ಹೊಂದಿದ್ದು, ಬೆಳೆಯ ಅವಧಿ 140 ದಿನಗಳು. ಹಣ್ಣುಗಳು ಮಧ್ಯಮ ಗಾತ್ರವಾಗಿದ್ದು, (65-70 ಗ್ರಾಂ) ಗುಂಡಾಗಿದ್ದು, ಕಡು ಕೆಂಪು ಬಣ್ಣವನ್ನು ಹೊಂದಿರುತ್ತವೆ. ಹಣ್ಣುಗಳು ಮೃದುವಾಗಿರುವುದಿಲ್ಲ. ಈ ತಳಿಗೆ ದುಂಡಾಣು ಸೊರಗು ರೋಗವನ್ನು ನಿರೋಧಿಸುವ ಶಕ್ತಿ ಇದೆ. ಒಂದು ಹೆಕ್ಟೇರಿಗೆ 65 ಟನ್ ಇಳುವರಿ ಪಡೆಯಬಹುದು.

5.ಅರ್ಕಾ ಅನನ್ಯ : ಇದನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನ ಸಂಸ್ಥೆಯು ಅಭಿವೃದ್ಧಿಪಡಿಸಿ, ಬಿಡುಗಡೆ ಮಾಡಿದೆ. ಅಧಿಕ ಇಳುವರಿ ಕೊಡುವ ಸಂಕರಣ ತಳಿಯಾಗಿದ್ದು, ಎಲೆ ಮುದುಡು ಹಾಗೂ ದುಂಡಾಣು ಸೊರಗು ರೋಗ ನಿರೋಧಕ ಶಕ್ತಿಯನ್ನು ಪಡೆದಿದೆ. ಹಣ್ಣುಗಳು ಗುಂಡಾಗಿದ್ದು ಗಟ್ಟಿಯಾಗಿರುತ್ತವೆ. ಕಾಯಿಗಳು ಹಣ್ಣಾದಾಗ ಕಡು ಕೆಂಪು ಬಣ್ಣಕ್ಕೆ ತಿರುಗುತ್ತವೆ. 140 ದಿನಗಳಲ್ಲಿ ಸುಮಾರು 76 ಟನ್ ಪ್ರತಿ ಹೆಕ್ಟೇರಿಗೆ ಇಳುವರಿ ಕೊಡಬಲ್ಲದು.

Seed & Sowing

ಬೇಸಾಯ ಸಾಮಗ್ರಿಗಳು

ಕ್ರ.ಸಂ ವಿವರಗಳು ಸಂಕರಣ ತಳಿ ಇತರೆ ತಳಿಗಳು

1. ಬಿತ್ತನೆ ಬೀಜ 75-100 ಗ್ರಾಂ 250-375 ಗ್ರಾಂ

ಮಳೆಯಾಶ್ರಿತ ಬೆಳೆ ಪ್ರತಿ ಹೆಕ್ಟೇರಿಗೆ

2. ಬಿತ್ತನೆ ಬೀಜ 250-375

ಬಿತ್ತನೆ ಕಾಲ

ಇದನ್ನು ವರ್ಷದ ಮೂರು ಮುಖ್ಯ ಕಾಲಗಳಲ್ಲಿ ಅಂದರೆ, ಜೂನ್-ಜುಲೈ ಅಕ್ಟೋಬರ್-ನವೆಂಬರ್ ಮತ್ತು ಜನವರಿ-ಫೆಬ್ರುವರಿಯಲ್ಲಿ ಬೆಳೆಯಬಹುದು. ಹೆಚ್ಚು ಮಳೆ ಬೀಳುವ ಹಾಗೂ ಮಲೆನಾಡು ಪ್ರದೇಶದಲ್ಲಿ ಈ ಬೆಳೆ ಉತ್ತಮ ಇಳುವರಿ ಕೊಡುವುದಿಲ್ಲ. ಜನವರಿ-ಫೆಬ್ರುವರಿಯ ಬೆಳೆ ಎಲೆ ಮುದುಡು ರೋಗಕ್ಕೆ ತುತ್ತಾಗುವುದರಿಂದ ಅವಶ್ಯವಿರುವ ಸಸ್ಯ ಸಂರಕ್ಷಣಾ ಕ್ರಮಗಳನ್ನು ಸಸಿಮಡಿಯಿಂದಲೇ ಪ್ರಾರಂಭಿಸಬೇಕು. ಮಳೆಯಾಶ್ರಿತ ಬೆಳೆಯಲ್ಲಿ ಸಸಿಗಳನ್ನು ನಾಟಿ ಮಾಡಲು ಜುಲೈ ಮಧ್ಯದಿಂದ ಆಗಸ್ಟ್ ಮಧ್ಯದವರೆಗೂ ಉತ್ತಮ ಕಾಲ. ವಾರ್ಷಿಕ ಮಳೆ ಪ್ರಮಾಣ 75 ರಿಂದ 90 ಸೆಂ.ಮೀ. ಇರುವಲ್ಲಿ ಹಾಗೂ ಜುಲೈನಿಂದ ಅಕ್ಟೋಬರ್ ವರೆಗೆ ನಿರ್ದಿಷ್ಟ ಮಳೆ ಬೀಳುವ ಪ್ರದೇಶಗಳಲ್ಲಿ ಈ ಬೆಳೆಯನ್ನು ಫಲಪ್ರದವಾಗಿ ಬೆಳೆಯಬಹುದು.

Nursery Preparation

ಸಸಿಮಡಿ ತಯಾರಿಕೆ:

ಒಂದು ಹೆಕ್ಟೇರ್ ಪ್ರದೇಶಕ್ಕೆ ಬೇಕಾಗುವ ಸಸಿಗಳನ್ನು ತಯಾರಿಸಲು 7.5 ಮೀ. ಉದ್ದ, 1-2 ಮೀ. ಅಗಲ ಮತ್ತು 10 ಸೆಂ.ಮೀ. ಎತ್ತರದ 10 ಮಡಿಗಳನ್ನು ತಯಾರಿಸಬೇಕು. ಈ ಮಡಿಗಳಿಗೆ 15 ರಿಂದ 20 ಕಿ.ಗ್ರಾಂ (3 ರಿಂದ 4 ಬುಟ್ಟಿ) ಕೊಟ್ಟಿಗೆ ಗೊಬ್ಬರವನ್ನು ಹಾಗೂ ಆರ್ಧ ಕಿ.ಗ್ರಾಂ 15:15:15 ಸಂಯುಕ್ತ ರಾಸಾಯನಿಕ ಗೊಬ್ಬರವನ್ನು ಪ್ರತಿ ಮಡಿಗೂ ಕೊಟ್ಟು ಚೆನ್ನಾಗಿ ಮಣ್ಣಿನಲ್ಲಿ ಬೆರೆಸಬೇಕು. ಬಿತ್ತುವ ಮೊದಲು ಬೀಜಗಳನ್ನು 1.25 ಗ್ರಾಂ ಪಾದರಸ ಸಂಯುಕ್ತ ರಾಸಾಯನಿಕ ವಸ್ತು ಅಥವಾ 1.25 ಗ್ರಾಂ ಥೈರಾಮ್‍ನಿಂದ ಉಪಚರಿಸಿ, 7.5 ಸೆಂ.ಮೀ. ಅಂತರದ ಸಾಲುಗಳಲ್ಲಿ ಬಿತ್ತನೆ ಮಾಡಿ ಅಥವಾ ಮಡಿಗಳಲ್ಲಿ ಬೀಜಗಳನ್ನು ಹರಡಿ ತೆಳುವಾಗಿ ಮಣ್ಣಿನಿಂದ ಮುಚ್ಚಬೇಕು. ಬೇಸಿಗೆ ಸಮಯದಲ್ಲಿ ಮೊಳಕೆ ಬರುವವರೆಗೆ ಮಡಿಗಳಿಗೆ ನೆರಳನ್ನು ಒದಗಿಸಬೇಕು. ಹಾಗೂ ಪ್ರತಿ ದಿನ ಸಾಯಂಕಾಲ ನೀರನ್ನು ಒದಗಿಸಬೇಕು. ಹೀಗೆ ಮಾಡಿದ ಸಸಿಗಳು ಒಂದು ವಾರದಲ್ಲಿ ಮೊಳಕೆ ಒಡೆದು 3-4 ವಾರಗಳಲ್ಲಿ 13 ರಿಂದ 16 ಸೆಂ.ಮೀ. ಎತ್ತರ ಬೆಳೆದು ನಾಟಿಗೆ ಸಿದ್ಧವಾಗುತ್ತದೆ.

Transplanting

Transplanting:

ನಾಟಿ ಮಾಡುವುದು

ನೀರಾವರಿ ಬೆಳೆ: ಭೂಮಿಯನ್ನು ಆಳವಾಗಿ ಉಳುಮೆ ಮಾಡಿ, ಹೆಂಟೆಗಳನ್ನು ಒಡೆದು, ಭೂಮಿಯನ್ನು ಹದ ಮಾಡಿ, ನಿರ್ದಿಷ್ಟಪಡಿಸಿದ ಪೂರ್ಣ ಪ್ರಮಾಣದ ಕೊಟ್ಟಿಗೆ / ಕಾಂಪೋಸ್ಟ್ ಗೊಬ್ಬರವನ್ನು ಮಣ್ಣಿನಲ್ಲಿ ಚೆನ್ನಾಗಿ ಬೆರೆಸಬೇಕು. ನಂತರ 90 ಸೆಂ.ಮೀ. ಅಂತರದಲ್ಲಿ ಬೋದು ಹರಿಗಳನ್ನು ಮಾಡಿ ಶಿಫಾರಸ್ಸು ಮಾಡಿದ ಶೇ. 50 ರಷ್ಟು ಸಾರಜನಕ ಹಾಗೂ ಪೂರ್ತಿ ಪ್ರಮಾಣದ ರಂಜಕ, ಪೊಟ್ಯಾಷ್ ಗೊಬ್ಬರವನ್ನು ಮನ್ಣಿನಲ್ಲಿ ಹಾಕಿ ಚೆನ್ನಾಗಿ ಬೆರೆಸಬೇಕು. ನಂತರ ತೆಳುವಾಗಿ ನೀರನ್ನು ಒದಗಿಸಿ 45 ಸೆಂ.ಮೀ. ಅಂತರದಲ್ಲಿ ಬೋದಿನ ಒಂದು ಪಕ್ಕದಲ್ಲಿ ಪ್ರತಿ ಗುಣಿಗೆ ಒಂದು ಸಸಿಯಂತೆ ನಾಟಿ ಮಾಡಬೇಕು.

ಮಳೆಯಾಶ್ರಿತ ಬೆಳೆ : 1.0 ಮೀ. ಅಂತರದ ಸಾಲುಗಳಲ್ಲಿ 60 ಸೆಂ.ಮೀ.ಗೆ ಒಂದರಂತೆ 45 ಸೆಂ.ಮೀ. ವ್ಯಾಸದ ಪಾತಿಗಳನ್ನು ತಯಾರಿಸಿ. ಪಾತಿಗೆ ಪೂರ್ತಿ ಪ್ರಮಾಣದ ಕೊಟ್ಟಿಗೆ ಗೊಬ್ಬರವನ್ನು ಹಾಕಿ ಮಣ್ಣಿನಲ್ಲಿ ಬೆರೆಸಬೇಕು. ಶಿಫಾರಸ್ಸು ಮಾಡಿದ ಶೇ. 50 ರಷ್ಟು ಸಾರಜನಕ ಮತ್ತು ಪೂರ್ತಿ ಪ್ರಮಾಣದ ರಂಜಕ ಮತ್ತು ಪೊಟ್ಯಾಷ್‍ಗಳನ್ನು ನಾಟಿ ಮಾಡುವುದಕ್ಕೆ ಮೊದಲು ಮಣ್ಣಿನಲ್ಲಿ ಹಾಕಿ ಚೆನ್ನಾಗಿ ಬೆರೆಸಬೇಕು. ನಂತರ ಸಸಿಗಳನ್ನು ಪಾತಿಗಳ ಒಂದು ಮೂಲೆಯಲ್ಲಿ ನಾಟಿಮಾಡಬೇಕು. ನಾಟಿಯ ನಂತರ ತೆಳುವಾಗಿ ನೀರು ಹಾಯಿಸಬೇಕು. ನಾಟಿ ಮಾಡಿದ ನಾಲ್ಕು ವಾರಗಳ ನಂತರ ಉಳಿದ ಶೇ. 50 ರಷ್ಟು ಸಾರಜನಕವನ್ನು ಮೇಲುಗೊಬ್ಬರವಾಗಿ ಕೊಟ್ಟು ಮಣ್ಣನ್ನು ಏರಿಸಬೇಕು. ಮಳೆ ಬೀಳುವ ಸಮಯ ಮತ್ತು ಮೇಲುಗೊಬ್ಬರ ಕೊಡುವ ಸಮಯಗಳು ಒಂದಕ್ಕೊಂದು ಹೊಂದುವುದು ಸೂಕ್ತ.

Nutrient management

ಬೇಸಾಯ ಸಾಮಗ್ರಿಗಳು

ಕ್ರ.ಸಂ ವಿವರಗಳು ಸಂಕರಣ ತಳಿ ಇತರೆ ತಳಿಗಳು

1. ಕೊಟ್ಟಿಗೆ ಗೊಬ್ಬರ 38 ಟನ್ 25 ಟನ್

2. ರಾಸಾಯನಿಕ ಗೊಬ್ಬರಗಳು

ಸಾರಜನಕ 250 ಕಿ.ಗ್ರಾಂ 115 ಕಿ.ಗ್ರಾಂ

ರಂಜಕ 250 ಕಿ.ಗ್ರಾಂ 100 ಕಿ.ಗ್ರಾಂ

ಪೊಟ್ಯಾಷ್ 250 ಕಿ.ಗ್ರಾಂ 60 ಕಿ.ಗ್ರಾಂ

ಮಳೆಯಾಶ್ರಿತ ಬೆಳೆ ಪ್ರತಿ ಹೆಕ್ಟೇರಿಗೆ

1. ಕೊಟ್ಟಿಗೆ ಗೊಬ್ಬರ 25 ಟನ್

2. ರಾಸಾಯನಿಕ ಗೊಬ್ಬರಗಳು

ಸಾರಜನಕ 60 ಕಿ.ಗ್ರಾಂ

ರಂಜಕ 50 ಕಿ.ಗ್ರಾಂ

ಪೊಟ್ಯಾಷ್ 30 ಕಿ.ಗ್ರಾಂ

Water management

ನೀರಾವರಿ ಬೆಳೆ :

ಹವಾಗುಣ ಮತ್ತು ಭೂಮಿಯ ಗುಣಧರ್ಮಕ್ಕನುಗುಣವಾಗಿ 5 ರಿಂದ 7 ದಿನಗಳಿಗೊಮ್ಮೆ ನೀರನ್ನು ಹಾಯಿಸಬೇಕು.

Disease management

ಸಸ್ಯ ಸಂರಕ್ಷಣೆ

ರೋಗಗಳು : ಸಸಿ ಮಡಿಯಲ್ಲಿ ಸಸಿ ಸಾಯುವುದು, ಬೂದಿ ರೋಗ, ಎಲೆ ಚುಕ್ಕೆ ರೋಗ, ಎಲೆ ಕೊಳೆ ರೋಗ, ಫ್ಯುಸೇರಿಯಂ ಸೊರಗು ರೋಗ, ದುಂಡಾಣು ಸೊರಗು ರೋಗ, ಗಂಟು ಬೇರು ಜಂತು, ಎಲೆ ಮುರುಟು ನಂಜು ರೋಗ, ಚುಕ್ಕೆ ಸೊರಗು ನಂಜು ರೋಗ, ಹಣ್ಣು ಕೊಳೆ ರೋಗ ಮತ್ತು ಕಾಯಿ ಚುಕ್ಕೆ ರೋಗ.

ಹತೋಟಿ ವಿಧಾನ

1.ಸಸಿ ಮಡಿಯಲ್ಲಿ ಸಸಿ ಬುಡ ಕೊಳೆ ತಡೆಯಲು, 10 ಸೆಂ.ಮೀ. ಎತ್ತರದ ಸಸಿ ಮಡಿಗಳನ್ನು ಮಾಡಬೇಕು. ಬಿತ್ತನೆಗೆ ಮೊದಲು ಬೀಜವನ್ನು 3 ಗ್ರಾಂ ಕ್ಯಾಪ್ಟನ್ ಔಷಧದಿಂದ ಉಪಚರಿಸಿ ಹಾಗೂ ದುಂಡಾಣು ಚುಕ್ಕೆ ಮತ್ತು ಬೇರು ಸೊರಗು ರೋಗ ತಡೆಯಲು ಮೊದಲಿಗೆ ಕೆ. ಸೈಕ್ಲಿನ್ ಅಥವಾ ಸ್ಟ್ರೆಪ್ಟೊಸೈಕ್ಲಿನ್ ಳಿ ಗ್ರಾಂ ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಒಂದು ಗಂಟೆಯವರೆಗೆ ಬೀಜವನ್ನು ನೆನಸಬೇಕು. ನಂತರ ಹೂ ಬಿಡುವ ಮತ್ತು ಕಾಯಿ ಬಿಡುವ ಹಂತದಲ್ಲಿ ಮೇಲೆ ತಿಳಿಸಿರುವ ಔಷಧಗಳಿಂದ ಸಿಂಪಡಿಸಬೇಕು. ರೋಗ ಕಂಡು ಬಂದಲ್ಲಿ ರೋಗ ಪೀಡಿತ ಗಿಡಗಳನ್ನು ತೆಗೆದು ನಾಶ ಮಾಡಬೇಕು ನಂತರ ಮೇಲೆ ತಿಳಿಸಿರುವ ಔಷಧಿಗಳಿಂದ ಗಿಡಗಳ ಬುಡವನ್ನು 2 ಅಥವಾ 3 ಬಾರಿ ನೆನೆಸಬೇಕು.

2. ಎಲೆ ಚುಕ್ಕೆ ರೋಗ ಮತ್ತು ಎಲೆ ಕೊಳೆ ರೋಗಗಳ ಹತೋಟಿ ಮಾಡಲು 2 ಗ್ರಾಂ ಮ್ಯಾಂಕೋಜೆಬ್ ಅಥವಾ 2 ಗ್ರಾಂ ಕ್ಲೋರೋಥಲೋನಿಲ್ ಅಥವಾ 2 ಗ್ರಾಂ ಪ್ರೊಪಿನೆಬ್ ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಬೇಕು.

3.ಫ್ಯುಸೇರಿಯಂ ಸೊರಗು ರೋಗದ ಹತೋಟಿ ಮಾಡಲು ಬಎಳೆ ಪರಿವರ್ತನೆ ಅತ್ಯಗತ್ಯ. ಬೆಳೆ ಪರಿವರ್ತನೆಗೆ ಪರ್ಯಾಯ ಬೆಳೆಯಾಗಿ ರಾಗಿ, ಜೋಳ, ಮುಸುಕಿನ ಜೋಳ ಬೆಳೆಯಬೇಕು. ರೋಗಪೀಡಿತ ಮತ್ತು ಪಕ್ಕದ ಗಿಡಗಳಿಗೆ ಒಂದು ಗ್ರಾಂ ಕಾರ್ಬೆಂಡೈಜಿಂ ನೀರಿನಲ್ಲಿ ಬೆರೆಸಿ ಬುಡದ ಸುತ್ತ ಸುರಿಯಬೇಕು. ರೋಗ ನಿರೋಧಕ ಶಕ್ತಿಯುಳ್ಳ ತಳಿಗಳಾದ ಅರ್ಕಾ ಅಭಿಜಿತ್ ಮತ್ತು ಆರ್ಕಾ ಅಲೋಕ್ ಬೆಳೆಯುವುದು.

4.ಬೂದಿರೋಗದ ಬಾಧೆ ಕಂಡು ಬಂದಲ್ಲಿ 1 ಮಿ.ಲೀ. ಡೈನೋಕ್ಯಾಪ್ ಅಥವಾ ಳಿ ಮಿ.ಲೀ. ಹೆಕ್ಸಾಕೊನಜೋಲ್ ಅನ್ನು ಪ್ರತಿ ಲೀಟರ್ ನೀರಿನಲ್ಲಿ ಕರಗಿಸಿ ಬೆಳೆಗೆ ಸಿಂಪಡಿಸಬೇಕು.

5.ಬೇರು ಗಂಟು ರೋಗ ತಡೆಗಟ್ಟಲು 12-15 ಕಿ.ಗ್ರಾಂ ಫ್ಯೂರಡಾನ್ ಅಥವಾ ಫೋರೆಟ್ ಹರಳನ್ನು ಪ್ರತಿ ಹೆಕ್ಟೇರಿಗೆ ಸಸಿ ನಾಟಿಗೆ ಮೊದಲು ಸಾಲಿನಲ್ಲಿ ಹಾಕಬೇಕು.

6.ನಂಜು ರೋಗ ಎಲೆ ಮುರುಟು ರೋಗದ ಹತೋಟಿಗೆ ಸಸಿಮಡಿಯಲ್ಲಿ 40 ಮೆಶ್ ಬಿಳಿ ಬಣ್ಣದ ನೈಲಾನ್ ಬಲೆಯನ್ನು ಉಪಯೋಗಿಸಬೇಕು. ನಾಟಿ ಮಾಡುವಾಗ ಸಸಿಗಳ ಬೇರುಗಳನ್ನು ಇಮಿಡಾಕ್ಲೊಪ್ರಿಡ್ ದ್ರಾವಣದಲ್ಲಿ (0.3 ಮಿ.ಲೀ. ಇಮಿಡಾಕ್ಲೊಪ್ರಿಡ್ ಪ್ರತಿ ಲೀ. ನೀರಿನಲ್ಲಿ ಬೆರೆಸಿ) 2-3 ನಿಮಿಷ ಅದ್ದಿ ನಾಟಿ ಮಾಡಬೇಕು. ನಂತರ ಸಸಿ ಮಡಿಯಲ್ಲಿ 2 ಮಿ.ಲೀ. ಟ್ರಯಜೋಫಾಸ್ ಅಥವಾ ಶೇ. 0.3 ಮಿ.ಲೀ. ಇಮಿಡಾಕ್ಲೊಪ್ರಿಡ್ ಅಥವಾ 0.3 ಗ್ರಾಂ ಥಯೋಮೆತೋಕ್ಸಾಮ್ ಪ್ರತಿ ಲೀಟರ್ ನೀರಿನಲ್ಲಿ ಮಿಶ್ರ ಮಾಡಿ ಸಿಂಪಡಿಸಬೇಕು.

7.ನಾಟಿ ಮಾಡಿದ ನಂತರ 15-20 ದಿನಗಳು ಆಗಿರುವಾಗ 0.3 ಮಿ.ಲೀ. ಇಮಿಡಾಕ್ಲೊಪ್ರಿಡ್ ಅಥವಾ 0.3 ಗ್ರಾಂ ಥಯೋಮೆತೋಕ್ಯಾಮ್ ಒಂದು ಲೀಟರ್ ನೀರಿನಲ್ಲಿ ಸಿಂಪಡಿಸಬೇಕು. ರೋಗ ನಿರೋಧ ತಳಿಗಳಾದ ನಂದಿ, ಸಂಕ್ರಾಂತಿ ಮತ್ತು ವೈಭವ್ ತಳಿಗಳನ್ನು ಬೆಳೆಯಬಹುದು.

ಟೊಮಾಟೊ ದುಂಡಾಣು ಸೊರಗು ರೋಗದ ಸಮಗ್ರ ಹತೋಟಿ

1.ಸೊರಗಿ ಬಾಡಿದ ಗಿಡಗಳನ್ನು ಬುಡಸಹಿತ ತೆಗೆದು ಹಾಕುವುದು.

2.ರೋಗ ಪೀಡಿತ ಗಿಡಗಳಿಂದ ನೀರು ಇತರ ಆರೋಗ್ಯಕರ ಗಿಡಗಳಿಗೆ ಹೋಗದಂತೆ ತಡೆಗಟ್ಟುವುದು.

3.ಬ್ಲೀಚಿಂಗ್ ಪೌಡರನ್ನು ಸಸಿ ನೆಡುವ ಮುಂಚೆ ಒಂದು ಎಕರೆಗೆ 8 ಕಿ.ಗ್ರಾಂ ಪ್ರಮಾಣದಲ್ಲಿ ಮಣ್ಣಿಗೆ ಬೆರೆಸುವುದು. ಮುಸುಕಿನ ಜೋಳ ಅಥವಾ ಜೋಳ ಅಥವಾ ರಾಗಿ ಪರ್ಯಾಯ ಬೆಳೆಗಳಾಗಿ ಅನುಸರಿಸುವುದರಿಂದ ಮತ್ತು ಬೇಸಿಗೆಯಲ್ಲಿ ಚೆನ್ನಾಗಿ ಉಳುವುದರಿಂದ ದುಂಡಾಣುವಿನ ಸಾಂದ್ರತೆ ಕಡಿಮೆಯಾಗುತ್ತದೆ.

4.ರೋಗದ ಹತೋಟಿಗೆ ಕೆ. ಸೈಕ್ಲಿನ್ ಅಥವಾ ಸ್ಟ್ರೆಪ್ಟೋಸೈಕ್ಲಿನ್ 1/2 ಗ್ರಾಂ ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ರೋಗ ಬಂದ ಗಿಡಗಳು ಮತ್ತು ಪಕ್ಕದ ಗಿಡಗಳ ಬುಡದ ಸುತ್ತ ಸುರಿಯಬೇಕು.

5.ರೋಗ ನಿರೋಧಕ ತಳಿಗಳ ಉಪಯೋಗ – ಅರ್ಕಾ ಅಭಿಜಿತ್, ಅರ್ಕಾ ಅಲೋಕ್

Insect pest management

ಸಸ್ಯ ಸಂರಕ್ಷಣೆ

ಕೀಟಗಳು : ಜಿಗಿಹುಳು, ಹಣ್ಣು ಕೊರೆಯುವ ಹುಳು, ಗೊಣ್ಣೆಹುಳು ಮತ್ತು ಬಿಳಿನೊಣ ನಾಗಮುದ್ರೆ ಸುರಂಗದ ಹುಳ ಮತ್ತು ನುಸಿ.

ಹತೋಟಿ ವಿಧಾನ

1. ಬಿತ್ತನೆಗೆ ಮೊದಲು ಪ್ರತಿ 200 ಗ್ರಾಂ ಬೀಜವನ್ನು 3 ಗ್ರಾಂ ಥೈರಾಮ್‍ನೊಂದಿಗೆ ಬೆರೆಸಿ ಉಪಚರಿಸಿ.

2. ಬಿಳಿ ನೊಣ, ನಾಗಮುದ್ರೆ ಸುರಂಗದ ಹುಳ ಮತ್ತು ಇತರ ರಸ ಹೀರುವ ಕೀಟಗಳ ನಿಯಂತ್ರಣಕ್ಕಾಗಿ 2 ಮಿ.ಲೀ. ಟ್ರೈಯಜೋಫಾಸ್ ಅಥವಾ ಶೇ. 4ರ ಬೇವಿನ ಬೀಜದ ಕಷಾಯ 0.5 ಮಿ.ಲೀ. ಇಮಿಡಾಕ್ಲೊಪ್ರಿಡ್ ಅಥವಾ 2 ಮಿ.ಲೀ. ಆಕ್ಸಿಡೆಮಿಟಾನ್ ಮಿಥೈಲ್ ಅನ್ನು ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪರಿಸಿ. ನುಸಿ ಹತೋಟಿಗಾಗಿ 2.5 ಮಿ.ಲೀ. ಡೈಕೊಫಾಲ್ ಅನ್ನು ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪರಿಸಿ.

3.ಹಣ್ಣು ಕೊರೆಯುವ ಹುಳದ ಹತೋಟಿಗಾಗಿ ಪ್ರತಿ 16 ಸಾಲು ಟೊಮಾಟೊ ಬೆಳೆ ನಂತರ ಒಂದು ಸಾಲು 45 ದಿನಗಳ ಅಫ್ರಿಕನ್ ಟಾಲ್ ಎಲ್ಲೋ ತಳಿಯ ಚೆಂಡು ಹೂವಿನ ಸಸಿಗಳನ್ನು ನಾಟಿ ಮಾಡಿ.

4.ಹೂ ಬಿಡುವ ಸಮಯದಲ್ಲಿ 250 ಎಲ್.ಇ.ಎನ್.ಪಿ.ವಿ. ನಂಜು ರೋಗಾಣುವನ್ನು ಪ್ರತಿ ಎಕರೆಗೆ ಸಿಂಪಡಿಸಿ. ಒಂದು ವಾರದ ಅಂತರದಲ್ಲಿ ಪುನಃ ಎರಡು ಸಾರಿ ಸಿಂಪಡಿಸಿ. ಸಾಯಂಕಾಲ ಸಿಂಪಡಿಸುವುದು ಉತ್ತಮ.
5.2 ಮಿ.ಲೀ. ಎಂಡೊಸಲ್ಫಾನ್ ಪ್ರತಿ ಲೀಟರ್ ಗೆ ಬೆರೆಸಿ ಹೂ ಹಾಗೂ ಸಣ್ಣ ಕಾಯಿ ಬಿಡುವ ಸಮಯದಲ್ಲಿ ಸಿಂಪಡಿಸಿ.

Harvesting & Threshing

ಕೊಯ್ಲು

ನಾಟಿ ಮಾಡಿದ 10-12 ವಾರಗಳ ನಂತರ ಈ ಬೆಳೆಯು ಕೊಯ್ಲಿಗೆ ಸಿದ್ಧವಾಗುತ್ತದೆ. ತಳಿ ಹಾಗೂ ಕಾಲಗಳಿಗನುಸಾರವಾಗಿ 6-8 ವಾರಗಳವರೆಗೆ ಕೊಯ್ಲು ಮುಂದುವರೆಯುವುದು.

Yield

ಇಳುವರಿ

ಪ್ರತಿ ಹೆಕ್ಟೇರಿಗೆ 20,000 ದಿಂದ 25,000 ಕಿ.ಗ್ರಾಂ ಹಣ್ಣುಗಳನ್ನು ಪಡೆಯಬಹುದು. ಸಂಕರಣ ತಳಿಗಳಲ್ಲಿ 50,000 ರಿಂದ 75,000 ಕಿ.ಗ್ರಾಂ ಹಣ್ಣುಗಳನ್ನು ಪಡೆಯಲು ಸಾಧ್ಯ.

Login to post comments
6036 reads

Package of Practices of Potato

Submitted by naipagropediaraichur on Tue, 01/01/2013 - 16:02

Posted in

Introduction

ಆಲೂಗಡ್ಡೆ

ರಾಜ್ಯದಲ್ಲಿ ಆಲೂಗಡ್ಡೆಯು ಒಂದು ಮುಖ್ಯ ಆರ್ಥಿಕ ತರಕಾರಿ ಬೆಳೆಯಾಗಿದೆ. ಈ ಬೆಳೆಯನ್ನು ಮಳೆಯಾಶ್ರಿತ ಮುಂಗಾರು ಬೆಳೆಯಾಗಿ ಮತ್ತು ನೀರಾವರಿ ಸೌಲಭ್ಯವಿದ್ದಲ್ಲಿ ಹಿಂಗಾರು ಹಂಗಾಮಿನಲ್ಲಿ ಬೆಳೆಯುತ್ತಾರೆ. ಹಾಸನ ಮತ್ತು ಚಿಕ್ಕಮಗಳೂರು ಜಿಲ್ಲೆಗಳಲ್ಲಿ ಮಳೆ ಆಶ್ರಯದಲ್ಲಿ ಮತ್ತು ಕೋಲಾರ ಮತ್ತು ಬೆಂಗಳೂರು ಜಿಲ್ಲೆಗಳಲ್ಲಿ ನೀರಾವರಿಯಲ್ಲಿ ಬೆಳೆಯುತ್ತಾರೆ.

Soil Conditions

ಮಣ್ಣು

ಈ ಬೆಳೆಯನ್ನು ಫಲವತ್ತಾದ ಕಪ್ಪು ಹಾಗೂ ಮರಳು ಮಿಶ್ರಿತ ನೀರು ಬಸಿದು ಹೋಗುವಂತಹ ಕೆಂಪು ಮಣ್ಣಿನಲ್ಲಿ ಕೂಡ ಬೆಳೆಯಬಹುದಾಗಿದೆ. ಸವಳು ಮತ್ತು ಜೌಗು ಪ್ರದೇಶಗಳಲ್ಲಿ ಈ ಬೆಳೆಯನ್ನು ಬೆಳೆಯುವುದು ಯೋಗ್ಯವಲ್ಲ. ಮಣ್ಣಿನಲ್ಲಿ ರಸಸಾರ 5.5 ರಿಂದ 7.5 ಇದ್ದರೆ ಈ ಬೆಳೆಗೆ ಅನುಕೂಲ.

Varieties

ತಳಿಗಳು

1.ಕುಫ್ರಿ ಚಂದ್ರಮುಖಿ : ಇದು ಬೇಗನೆ ಕಟವಿಕೆ (85-95 ದಿವಸಗಳಲ್ಲಿ) ಬರುವ ತಳಿಗಯಾಗಿದೆ. ಗಡ್ಡೆಗಳು ದೊಡ್ಡ ಗಾತ್ರವಿದ್ದು ಮೊಟ್ಟೆ ಆಕಾರದ್ದಾಗಿರುತ್ತವೆ. ಅಡುಗೆ ತಯಾರಿಕೆಗೆ ಉತ್ತಮವೆಂದು ಕಂಡುಬಂದಿದೆ. ಈ ತಳಿ ಹೆಚ್ಚಿನ ರೋಗಗಳನ್ನು ತಡೆದುಕೊಳ್ಳಬಲ್ಲ ಶಕ್ತಿ ಹೊಂದಿದ್ದರೂ ಕೊನೆಯ ಅಂಗಮಾರಿ ರೋಗವನ್ನು ತಡೆದುಕೊಳ್ಳುವ ಶಕ್ತಿ ಇರುವುದಿಲ್ಲ.

2.ಕುಫ್ರಿ ಜ್ಯೋತಿ : ಈ ತಳಿಯು 95-100 ದಿವಸಗಳಲ್ಲಿ ಕೊಯ್ಲಿಗೆ ಬರುತ್ತದೆ. ಗಡ್ಡೆಗಳು ದೊಡ್ಡದಾಗಿದ್ದು, ಅಂಡಾಕಾರ ಹೊಂದಿದ್ದು, ಚಪ್ಪಟೆಯಾಗಿರುತ್ತವೆ. ಕೊನೆಯ ಅಂಗಮಾರಿ ರೋಗವನ್ನು ತಡೆದುಕೊಳ್ಳುವ ಶಕ್ತಿ ಹೊಂದಿದ್ದು ಕಡಿಮೆ ಮಳೆಯ ಆಶ್ರಯದಲ್ಲಿಯೂ ಸಹ ಚೆನ್ನಾಗಿ ಬರುವ ತಳಿಯಾಗಿದೆ.

3.ಫ್ರಿ ಸಿಂಧೂರಿ : ಇದು ತಡವಾಗಿ ಕಟಾವಿಗೆ ಬರುವ ತಳಿಯಾಗಿದ್ದು 120-125 ದಿವಸಗಳಲ್ಲಿ ಕಟಾವಿಗೆ ಬರುತ್ತದೆ. ಗಡ್ಡೆ ಗುಂಡಾಗಿದ್ದು ಮಧ್ಯಮ ಗಾತ್ರದ ಮತ್ತು ತಿಳಿ ಕೆಂಪು ಬಣ್ಣದ್ದಾಗಿರುತ್ತದೆ. ಇದು ಒಳ್ಳೆಯ ಶೇಖರಣಾ ಸಾಮಥ್ರ್ಯ ಹೊಂದಿದೆ ಹಾಗೂ ತಡವಾಗಿ ಬರುವ ಅಂಗಮಾರಿ ರೊಗಕ್ಕೆ ಸಾಧಾರಣ ನಿರೋಧಕ ಶಕ್ತಿ ಹೊಂದಿದೆ.

4.ಕುಫ್ರಿ ಪುಕರಾಜ್ : ಇತ್ತೀಚಿಗೆ ಕರ್ನಾಟಕಕ್ಕೆ ಬಿಡುಗಡೆ ಮಾಡಿದ ತಳಿ. ಈ ತಳಿಯನ್ನು ಹಾಸನ ಮತ್ತು ಚಿಕ್ಕಮಗಳೂರು ಜಿಲ್ಲೆಗಳಲ್ಲಿ ಬೆಳೆಯಬಹುದಾಗಿದ್ದು, ಮಧ್ಯಮಾವಧಿಯಲ್ಲಿ (75-90 ದಿನಗಳಲ್ಲಿ) ಕೊಯ್ಲಿಗೆ ಬರುತ್ತದೆ. ಈ ತಳಿಯ ಹೂಗಳು ಬಿಳಿಯ ಬಣ್ಣದ್ದಾಗಿರುತ್ತವೆ ಗಡ್ಡೆಗಳು ದೊಡ್ಡ ಗಾತ್ರವಿದ್ದು, ಆಕರ್ಷಕ ಕಂದು ಬಣ್ಣದ್ದಾಗಿವೆ ಹಾಗೂ ಹೆಚ್ಚಿನ (30-32 ಟನ್/ಹೆ.) ಇಳುವರಿ ಕೊಡುವುದಾಗಿದ್ದು ಅಂಗಮಾರಿ ರೋಗಗಳನ್ನು ತಡೆದುಕೊಳ್ಳುವ ಶಕ್ತಿ ಹೊಂದಿದೆ.

5.ಕುಫ್ರಿ ಜವಾಹರ್ : 1996 ರಲ್ಲಿ ಬಿಡುಗಡೆಯಾದ ತಳಿ. ಅಲ್ಪಾವಧಿ ತಳಿಯಾಗಿದ್ದು (75 ದಿನಗಳು), ಮಳೆಯಾಶ್ರಯದಲ್ಲಿ ಮುಂಗಾರು ಬೆಳೆಯಾಗಿ, ಹಾಸನ ಮತ್ತು ಚಿಕ್ಕಮಗಳೂರು ಜಿಲ್ಲೆಗಳಲ್ಲಿ ಬೆಳೆಯಲು ಸೂಕ್ತ. ಕುಬ್ಜಗಿಡ, ಕಡಿಮೆ ಕಾಂಡಗಳು, ತಿಳಿ ಹಸುರು ಎಲೆಗಳು, ಹೂವುಗಳ ಬಣ್ಣ ಬಿಳಿ, ಗಡ್ಡೆಗಳು ಹಾಲಿನ ಬಿಳಿ, ಮಧ್ಯಮ ಗಾತ್ರ ಕೊನೆಯ ಅಂಗಮಾರಿ ರೋಗಕ್ಕೆ ನಿರೋಧಕ ಶಕ್ತಿ ಹೊಂದಿದೆ.

6.ಕುಫ್ರಿ ಲವಕರ್ : ಅಲ್ಪಾವಧಿ ತಳಿಯಾಗಿದ್ದು 75-80 ದಿನಗಳಲ್ಲಿ ಕೊಯ್ಲಿಗೆ ಬರುತ್ತದೆ. ಹೆಚ್ಚು ಉಷ್ಣಾಂಶವಿರುವ ಪ್ರದೇಶದಲ್ಲಿ ಬೆಳೆಯಬಹುದಾಗಿದ್ದು, ಕಡಿಮೆ ಅವಧಿಯಲ್ಲಿ ಹೆಚ್ಚಿನ ಇಳುವರಿ ನೀಡುತ್ತದೆ (25-30 ಟನ್/ಹೆ.) ಗಡ್ಡೆಗಳು ಗಾತ್ರದಲ್ಲಿ ದೊಡ್ಡವಿದ್ದು, ತಿರುಳು ಬಿಳಿಯ ಬಣ್ಣದಿಂದ ಕೂಡಿರುತ್ತದೆ. ಚಿಪ್ಸ್ ತಯಾರಿಕೆಗೆ ಸೂಕ್ತ ತಳಿ.

Seed & Sowing

ಬೇಸಾಯ ಸಾಮಗ್ರಿಗಳು

ಕ್ರ.ಸಂ. ವಿವರಗಳು ಪ್ರತಿ ಹೆಕ್ಟೇರಿಗೆ

ನೀರಾವರಿ ಮಳೆಯಾಶ್ರಿತ ಬೆಳೆ

1. ಬೀಜದ ಗಡ್ಡೆಗಳು 1500-2000 ಕಿ.ಗ್ರಾಂ 1000-1250 ಕಿ.ಗ್ರಾಂ

ಬಿತ್ತನೆ ಕಾಲ

ಮಳೆಯಾಶ್ರಿತ ಬೆಳೆಯನ್ನು ಮೇ-ಜೂನ್ ತಿಂಗಳುಗಳಲ್ಲಿ ಹಾಗೂ ನೀರಾವರಿ ಸೌಲಭ್ಯವಿದ್ದಲ್ಲಿ ನವೆಂಬರ್-ಡಿಸೆಂಬರ್ ತಿಂಗಳಲ್ಲಿ ಬಿತ್ತಲು ಸೂಕ್ತ ಕಾಲ, ಮುಖ್ಯವಾಗಿ ಇದು ತಂಪು ಹವಾಗುಣ ಬಯಸುವ ಬೆಳೆಯಾಗಿದ್ದು ಸರಾಸರಿ 18-220 ಸೆಲ್ಸಿಯಸ್ ಉಷ್ಣತೆ ಇದ್ದರೆ ಮಾತ್ರ ಚೆನ್ನಾಗಿ ಗಡ್ಡೆ ಕಟ್ಟುತ್ತದೆ.

ಬಿತ್ತನೆ:

ಭೂಮಿಯನ್ನು 2 ರಿಂದ 3 ಸಾರಿ ಆಳವಾಗಿ ಉಳುಮೆ ಮಾಡಬೇಕು. ಹೆಂಟೆಗಳನ್ನು ಚೆನ್ನಾಗಿ ಒಡೆದು ಪುಡಿ ಮಾಡಬೇಕು. ಗೆದ್ದಲಿನ ಸಮಸ್ಯೆ ಕಂಡುಬಂದಲ್ಲಿ 3.3 ಮಿ.ಲೀ. ಕ್ಲೋರೋಪೈರಿಫಾಸ್ 20 ಇ.ಸಿ. 1 ಲೀಟರ್ ನೀರಿನಲ್ಲಿ ಕರಗಿಸಿ ಪ್ರತಿ ಹುತ್ತಕ್ಕೂ 18 ಲೀಟರ್ ದ್ರಾವಣದಂತೆ ಸುರಿಯಿರಿ. ನಂತರ ಮಣ್ಣಿನಲ್ಲಿ ಕೊಟ್ಟಿಗೆ ಗೊಬ್ಬರವನ್ನು ಚೆನ್ನಾಗಿ ಬೆರೆಸಬೇಕು. ಮಳೆಯಾಶ್ರಿತ ಬೆಳೆಗೆ 60 ಸೆಂ.ಮೀ. ಅಂತರದಲ್ಲಿ ಹಾಗೂ ನೀರಾವರಿ ಬೆಳೆಯಾದಲ್ಲಿ 45 ಸೆಂ.ಮೀ. ಸಾಲುಗಳ ಪಟಮಾಡಿ ಶಿಫಾರಸ್ಸು ಮಾಡಿದ ಶೇ. 50ರ ಸಾರಜನಕ ಹಾಗೂ ಪೂರ್ತಿ ಪ್ರಮಾಣದ ರಂಜಕ ಮತ್ತು ಪೊಟ್ಯಾಷ್‍ಯುಕ್ತ ರಸಗೊಬ್ಬರಗಳನ್ನು ಮಣ್ಣಿನಲ್ಲಿ ಬೆರೆಸಬೇಕು. ಗಡ್ಡೆಗಳನ್ನು 20 ಸೆಂ.ಮೀ. ಅಂತರದಲ್ಲಿ ನಾಟಿ ಮಾಡಬೇಕು ಉಳಿದ ಶೇ. 50ರಷ್ಟು ಸಾರಜನಕ ಗೊಬ್ಬರವನ್ನು ಬಿತ್ತಿದ 4 ವಾರಗಳ ನಂತರ ಮೇಲುಗೊಬ್ಬರವಾಗಿ ಕೊಟ್ಟು ಮಣ್ಣನ್ನು ಚೆನ್ನಾಗಿ ಏರಿಸಬೇಕು.

Nutrient management

ಬೇಸಾಯ ಸಾಮಗ್ರಿಗಳು

ಕ್ರ.ಸಂ. ವಿವರಗಳು ಪ್ರತಿ ಹೆಕ್ಟೇರಿಗೆ

ನೀರಾವರಿ ಮಳೆಯಾಶ್ರಿತ ಬೆಳೆ

1. ಕೊಟ್ಟಿಗೆ ಗೊಬ್ಬರ 25 ಟನ್ 25 ಟನ್

2. ರಾಸಾಯನಿಕ ಗೊಬ್ಬರಗಳು

ಸಾರಜನಕ 125 ಕಿ.ಗ್ರಾಂ 75 ಕಿ.ಗ್ರಾಂ

ರಂಜಕ 100 ಕಿ.ಗ್ರಾಂ 75 ಕಿ.ಗ್ರಾಂ

ಪೊಟ್ಯಾಷ್ 125 ಕಿ.ಗ್ರಾಂ 100 ಕಿ.ಗ್ರಾಂ

Water management

ನೀರಾವರಿ :

ಬಿತ್ತನೆಯ ನಂತರ ತೆಳುವಾಗಿ ನೀರನ್ನು ಹಾಯಿಸಬೇಕು. ಮಣ್ಣಿನ ತೇವಾಂಶ ನಿರ್ಧರಿಸಿ ವಾರಕ್ಕೊಮ್ಮೆ ನೀರು ಹಾಯಿಸಬೇಕು.

Weed management

ಕಳೆ ನಿಯಂತ್ರಣ:

ಒಪ್ಪು (ಗೆಡ್ಡೆಯ ತುಂಡುಗಳು) ನಾಟಿ ಮಾಡಿದ ದಿವಸ ಅಥವಾ ಮಾರನೆಯ ದಿವಸ 0.75 ಕಿ.ಗ್ರಾಂ ಶೇ. 70ರ ಮೆಟ್ರಿಬ್ಯೂಜಿನ್ ಪುಡಿ ಅಥವಾ 425 ಮಿ.ಲೀ. 23.5 ಇ.ಸಿ. ಅಕ್ಸಿಪ್ಲೋರೋಫೆನ್ ಅಥವಾ 3.25 ಲೀ. ಪೆಂಡಿಮಿಥಾಲಿನ್ 30 ಇ.ಸಿ. 750 ಲೀ. ನೀರಿನಲ್ಲಿ ಬೆರಸಿ ಸಿಂಪರಣೆ ಮಾಡಿ. ಸಿಂಪರಣೆ ಸಮಯದಲ್ಲಿ ಸಾಕಷ್ಟು ತೇವಾಂಶವಿರುವಂತೆ ಮತ್ತು ಹೆಂಟೆಗಳಿರದಂತೆ ಎಚ್ಚರವಹಿಸಿ. ಇದರಿಂದ ಬೀಜದಿಂದ ವೃದ್ಧಿಯಾಗುವ ಕಳೆಗಳೆಲ್ಲವನ್ನು ಹತೋಟಿ ಮಾಡಬಹುದು.

Disease management

ಸಸ್ಯ ಸಂರಕ್ಷಣೆ

ರೋಗಗಳು : ಮೊದಲ ಅಂಗಮಾರಿ ರೋಗ, ಕೊನೆಯ ಅಂಗಮಾರಿ ರೋಗ, ಬ್ಯಾಕ್ಟೀರಿಯಾ ಸೊರಗು ರೋಗ, ನಂಜುರೋಗಗಳಾದ ಎಲೆ ಸುರಳಿ ರೋಗ ಮತ್ತು ಮೊಸಾಯಿಕ್ ರೋಗಗಳಾದ ಬೇರು ಗಂಟು ಜಂತು ರೋಗ.

ಹತೋಟಿ ವಿಧಾನ

1.ರೋಗರಹಿತ ಶಿಫಾರಸ್ಸು ಮಾಡಿದ ಗಡ್ಡೆಗಳನ್ನೇ ಬಿತ್ತನೆಗೆ ಆಯ್ದುಕೊಳ್ಳಿರಿ.

2.ದುಂಡಾಣು ಕಂದುಕೊಳೆ ರೋಗ ಹಾಗೂ ಬೇರುಗಂಟು ಜಂತುಹುಳು ಪೀಡಿತ ಜಮೀನಾದಲ್ಲಿ ಬೆಳೆ ಪರಿವರ್ತನೆ ಅನುಸರಿಸಿ.

3.ಬೆಳೆ ಬದಲಾವಣೆಯಲ್ಲಿ ಜೋಳ ಅಥವಾ ಗೋವಿನ ಜೋಳ ಅಥವಾ ರಾಗಿ ಬೆಳೆಯಿರಿ.

4.ಕತ್ತರಿಸಿದ ಬೀಜದ ಗಡ್ಡೆಯನ್ನು 2.5 ಗ್ರಾಂ ಮ್ಯಾಂಕೋಜೆಬ್ 1 ಲೀಟರ್ ನೀರಿನಲ್ಲಿ ಕರಗಿಸಿ ತಯಾರಿಸಿದ ದ್ರಾವಣದಲ್ಲಿ 5 ನಿಮಿಷ ಅದ್ದಿ ಉಪಚರಿಸಿ.

Insect pest management

ಸಸ್ಯ ಸಂರಕ್ಷಣೆ

ಕೀಟಗಳು: ಹೇನು, ನುಸಿ, ಜಿಗಿಹುಳು, ಗುಲಗಂಜಿ ಹುಳು, ಕತ್ತರಿಸುವ ಹುಳು, ಗಡ್ಡೆ ಕೊರೆಯುವ ಕೀಟ ಮತ್ತು ಗೊಣ್ಣೆ ಹುಳು.

ಹತೋಟಿ ವಿಧಾನ

ಜಿಗಿ ಹುಳು ಮತ್ತು ಹೇನಿನ ಹತೋಟಿಗಾಗಿ 1.7 ಮಿ.ಲೀ. ಡೈಮಿಥೋಯೇಟ್ ಅಥವಾ 0.5 ಮಿ.ಲೀ. ಫಾಸ್ಫಾಮಿಡಾನ್ ಅನ್ನು ಪ್ರತಿ ಲೀಟರ್‍ಗೆ ಬೆರೆಸಿ ಸಿಂಪರಿಸಿ. ಗುಲಗಂಜಿ ಹುಳ ಮತ್ತು ಕತ್ತರಿಸುವ ಹುಳಗಳ ನಿಯಂತ್ರಣಕ್ಕಾಗಿ 1 ಮಿ.ಲೀ. ಮಿಥೈಲ್ ಪ್ಯಾರಾಥಿಯಾನ್ ಅಥವಾ 4 ಗ್ರಾಂ ಕಾರ್ಬಾರಿಲ್ ಅನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪರಿಸಿ. ನುಸಿ ನಿಯಂತ್ರಣಕ್ಕಾಗಿ 2.5 ಮಿ.ಲೀ. ಡೈಕೋಫಾಲ್ ಅನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪರಿಸಿ ಪ್ರತಿ ಹೆಕ್ಟೇರಿಗೆ ಸುಮಾರು 550 ಲೀಟರ್ ಸಿಂಪರಣಾ ದ್ರಾವಣ ಬೇಕಾಗುತ್ತದೆ. ಮತ್ತೆ ಹುಳುವಿನ ಬಾಧೆ ಕಂಡು ಬಂದಲ್ಲಿ ಮೇಲೆ ಸೂಚಿಸಿದ ಔಷಧಿಯನ್ನು ಮತ್ತೊಮ್ಮೆ ಸಿಂಪರಿಸಿ. ಕೊನೆಯ ಅಂಗಮಾರಿ ರೋಗವೇನಾದರೂ ಜಾಸ್ತಿಯಾಗುವ ಸಂಭವ ಕಂಡರೆ 2 ಗ್ರಾಂ ಮೆಟಲಾಕ್ಸಿಲ್ + ಮ್ಯಾಂಕೋಜೆಬ್ ಅಥವಾ 7-10 ದಿನಗಳ ಅಂತರದಲ್ಲಿ ಸೈಮಾಕ್ಸಿನಿಲ್ + ಮ್ಯಾಂಕೋಜೆಬ್ ಒಂದು ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಿ.

ಸೂಚನೆ: ಗೊಣ್ಣೆ ಹುಳು ಮತ್ತು ಬೇರು ಗಂಟು ಜಂತು ಬಾದೇ ಕಂಡುಬಂದಲ್ಲಿ ಮಣ್ಣಿನಲ್ಲಿ 20 ಕಿ.ಗ್ರಾಂ ಪೋರೇಟ್ ಅಥವಾ 25 ಕಿ.ಗ್ರಾಂ ಕಾರ್ಬೋಫ್ಯೂರಾನ್ ಹರಳುಗಳನ್ನು ಪರತಿ ಹೆಕ್ಟೇರಿಗೆ ಏಪ್ರಿಲ್-ಮೇ ನಲ್ಲಿ ಮುಂಗಾರು ಮಳೆಯ ನಂತರ ಸೇರಿಸಬೇಕು. ಅಥವಾ ಪ್ರತಿ ಲೀಟರ್ ನೀರಿಗೆ 10 ಮಿ.ಲೀ. ಕ್ಲೋರೋಪೈರಿಫಾಸ್ ಬೆರೆಸಿ ತಯಾರಿಸಿದ 500 ಲೀಟರ್ ದ್ರಾವಣವನ್ನು ಕೂಡ ಭೂಮಿಗೆ ಸಿಂಪರಿಸಬಹುದು.

Harvesting & Threshing

ಕೊಯ್ಲು

ತಳಿಗಳಿಗೆ ಅನುಸಾರವಾಗಿ ಈ ಬೆಳೆಯು 75 ರಿಂದ 125 ದಿವಸಗಳಲ್ಲಿ ಕೊಯ್ಲಿಗೆ ಬರುವುದು. ಕಾಂಡ ಮತ್ತು ಎಲೆಗಳು ಹಳದಿ ಕಂದು ಬಣ್ಣಕ್ಕೆ ತಿರುಗಿ ಒಣಗಲು ಪ್ರಾರಂಭವಾದಾಗ ಗಿಡಗಳನ್ನು ಕಟಾವಿಗೆ 10-15 ದಿನಗಳ ಮುಂಚೆ ಕತ್ತರಿಸಿ ತೆಗೆಯಬೇಕು. ಅನಂತರ ಗಡ್ಡೆಗಳನ್ನು ಕಟಾವು ಮಾಡಬೇಕು. ಮಳೆಯಾಶ್ರಿತ ಬೆಳೆ ಆಗಸ್ಟ್-ಸೆಪ್ಟೆಂಬರ್‍ನಲ್ಲಿ ಹಾಗೂ ನೀರಾವರಿ ಬೆಳೆ ಫೆಬ್ರುವರಿ ಮತ್ತು ಏಪ್ರಿಲ್ ತಿಂಗಳಲ್ಲಿ ತಳಿಗೆ ಅನುಗುಣವಾಗಿ ಕಟಾವಿಗೆ ಬರುವುದು. ಮಣ್ಣಿನ ತೇವಾಂಶ ನೋಡಿಕೊಂಡು ಗಡ್ಡೆಗಳಿಗೆ ಪೆಟ್ಟು ಬೀಳದಂತೆ ಅಗೆದು ತೆಗೆಯಬೇಕು. ಅಗೆದ ಗಡ್ಡೆಗಳನ್ನು ಚೆನ್ನಾಗಿ ಗಾಳಿಯಾಡುವಂತಹ ನೆರಳು ಪ್ರದೇಶದಲ್ಲಿ ಹರಡಬೇಕು.

Yield

ಇಳುವರಿ

ಇಳುವರಿ ಪ್ರತಿ ಹೆಕ್ಟೇರಿಗೆ (ಕಿ.ಗ್ರಾಂ ಗಳಲ್ಲಿ)

1. ಮಳೆಯಾಶ್ರಿತ ಬೆಳೆ 15,000-20,000

2. ನೀರಾವರಿ ಬೆಳೆ 20,000-25,000

Login to post comments
4621 reads

Package of Practices of Brinjal

Submitted by naipagropediaraichur on Tue, 01/01/2013 - 13:31

Posted in

Introduction

ಬದನೆ

ಈ ಬೆಳೆಯನ್ನು ವರ್ಷದಾದ್ಯಂತ ಬೆಳೆಯಬಹುದು. ಇದರಲ್ಲಿ ಹೆಚ್ಚಾಗಿ ‘ಎ’ ಮತ್ತು ‘ಬಿ’ ಜೀವಸತ್ವಗಳಿದ್ದು ಈ ತರಕಾರಿಯು ಮಧುಮೇಹ ರೋಗಗಳಿಗೆ ಒಳ್ಳೆಯದಾಗಿದೆ.

Soil Conditions

ಮಣ್ಣು

ಬದನೆಯನ್ನು ಎಲ್ಲಾ ತರನಾದ ಮಣ್ಣುಗಳಲ್ಲಿ ಬೆಳೆಯಬಹುದು. ನೀರು ಬಸಿದು ಹೋಗುವಂತಹ ಗೋಡು ಮಣ್ಣು ಈ ಬೆಳೆಗೆ ಸೂಕ್ತ. ಸೊರಗು ರೋಗ ಪೀಡಿತ ಮಣ್ಣು ಸುಕ್ತವಲ್ಲ.

Varieties

ತಳಿಗಳು

1.ಈರನಗೆರೆ : ಇದು ಬೆಂಗಳೂರು ಮತ್ತು ಮೈಸೂರು ಜಿಲ್ಲೆಗಳಲ್ಲಿ ಬಹಳ ವರ್ಷಗಳಿಂದ ಪ್ರಚಾರದಲ್ಲಿರುವ ಸ್ಥಳೀಯ ತಳಿ. ಹಸಿರು ಬಣ್ಣದ 15 ರಿಂದ 20 ಸೆಂ.ಮೀ. ಉದ್ದವಿರುವ ಕಾಯಿಗಳನ್ನು ಬಿಡುತ್ತದೆ.

2.ಕಂಗೇರಿ : ಬೆಂಗಳೂರು ಜಿಲ್ಲೆಯಲ್ಲಿ ಪ್ರಚಾರದಲ್ಲಿರುವ ಸ್ಥಳೀಯ ತಳಿ. ಕಂದು ಬಣ್ಣದ 15 ರಿಂದ 20 ಸೆಂ.ಮೀ. ಉದ್ದದ ಕಾಯಿಗಳು ಬಿಡುತ್ತವೆ.

3.ಅರ್ಕಾ ಶೀಲ್: ಈ ತಳಿಯನ್ನು ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ ಬೆಂಗಳೂರು, ಅಭಿವೃದ್ಧಿಪಡಿಸಿದೆ. ಈ ತಳಿಯ ಗಿಡಗಳು ಎತ್ತರವಾಗಿ ಬೆಳೆಯುತ್ತವೆ ಮತ್ತು ಎಲೆಗಳು ಹಸಿರು ಬಣ್ಣದಿಂದ ಕೂಡಿರುತ್ತದೆ. ಬಎಳೆಯ ಅವಧಿ 150 ರಿಂದ 160 ದಿವಸಗಳು. ಇದರ ಕಾಯಿಗಳು ಮಧ್ಯಮ ಉದ್ದನಾಗಿದ್ದು ಹೊಳೆಯುವ ಕಡು ನೇರಳೆ ಬಣ್ಣದ ಸಿಪ್ಪೆಯನ್ನು ಹೊಂದಿರುತ್ತವೆ. ಒಂದು ಹೆಕ್ಟೇರಿಗೆ 38 ಟನ್ ಇಳುವರಿ ಪಡೆಯಬಹುದು.

4.ಅರ್ಕಾ ಶಿರೀಶ್: ಈ ತಳಿಯನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ತೆ ಅಭಿವೃದ್ಧಿಪಡಿಸಿದೆ. ಈ ತಳಿಯ ಗಿಡಗಳು ಎತ್ತರವಾಗಿ ಬೆಳೆಯುತ್ತವೆ, ಎಲೆಗಳು ಹಸಿರಾಗಿದ್ದು ಹೂವುಗಳ ಬಣ್ಣ ಬಿಳುಪಾಗಿರುತ್ತದೆ. ಈ ತಳಿಯ ಕಾಯಿಗಳು ಜಾಸ್ತಿ ಉದ್ದವಾಗಿದ್ದು, ಹಸಿರು ಬಣ್ಣವನ್ನು ಹೊಂದಿರುತ್ತವೆ. ಬೆಳೆಯ ಅವಧಿ 140-150 ದಿವಸಗಳು. ಒಂದು ಹೆಕ್ಟೇರಿಗೆ 39 ಟನ್ ಇಳುವರಿ ಪಡೆಯಬಹುದು.

5. ಅರ್ಕಾ ಕುಸುಮಾಕರ್: ಈ ತಳಿಯನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ ಅಭಿವೃದ್ಧಿಪಡಿಸಿದೆ. ಈ ತಳಿಯ ಗಿಡಗಳು ಹರಡಿಕೊಂಡು ಬೆಳೆಯುತ್ತವೆ. ಎಲೆಗಳು ಮತ್ತು ಕಾಂಡದ ಭಾಗ ಹಸಿರಾಗಿರುತ್ತವೆ. ಹೂವಿನ ಬಣ್ಣ ಬಿಳುಪಾಗಿದ್ದು, ಕಾಯಿಗಳು ಹಸಿರಾಗಿದ್ದು, ಗೊಂಚಲಾಗಿರುತ್ತವೆ. ಬೆಳೆಯ ಅವಧಿ 140-150 ದಿವಸಗಳು. ಒಂದು ಹೆಕ್ಟೇರಿಗೆ 40 ಟನ್ ಇಳುವರಿ ಪಡೆಯಬಹುದು.

6.ಅರ್ಕಾ ನಿಧಿ: ಈ ತಳಿಯನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ ಅಭಿವೃದ್ಧಿಪಡಿಸಿದೆ. ಈ ತಳಿಯ ಗಿಡಗಳು ಎತ್ತರವಾಗಿ ಬೆಳೆಯುತ್ತವೆ ಮತ್ತು ಪೊದೆಯಾಕಾರಾದಲ್ಲಿರುತ್ತವೆ. ಕಾಯಿಗಳು ಮಧ್ಯಮ ಉದ್ದವಿದ್ದು ಗೊಂಚಲಾಗಿರುತ್ತವೆ. ಕಾಯಿಗಳು ಹೊಳೆಯುವ ನೀಲಿ ಮಿಶ್ರಿತ ಕಪ್ಪು ಬಣ್ಣ ಹೊಂದಿರುತ್ತವೆ. ಈ ತಳಿಯು ದುಂಡಾಣು ಸೊರಗು ರೋಗಕ್ಕೆ ನಿರೋಧಕ ಶಕ್ತಿಯನ್ನು ಹೊಂದಿದೆ. ಬೆಳೆಯ ಅವಧಿ 150 ದಿನಗಳು. ಒಂದು ಹೆಕ್ಟೇರಿಗೆ 48.5 ಟನ್ ಇಳುವರಿ ಪಡೆಯಬಹುದು.

7.ಅರ್ಕಾ ಕೇಶವ್: ಈ ತಳಿಯನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ ಅಭಿವೃದ್ಧಿಪಡಿಸಿದೆ. ಈ ತಳಿಯ ಗಿಡಗಳು ಎತ್ತರವಾಗಿದ್ದು, ಹೆಚ್ಚಿನ ಸಂಖೈಯಲ್ಲಿ ಕವಲು ರೆಂಬೆಗಳನ್ನು ಹೊಂದಿರುತ್ತವೆ. ಕಾಯಿಗಳು ಉದ್ದವಾಗಿದ್ದು, ಗೊಂಚಲಾಗಿರುತ್ತವೆ. ಕಾಯಿಗಳ ಬಣ್ಣ ಹೊಳೆಯುವ ಕೆಂಪು ಮಿಶ್ರಿತ ನೇರಳೆ ಬಣ್ಣ ಹೊಂದಿರುತ್ತದೆ. ಈ ತಳಿಗೆ ದುಂಡಾಣು ಸೊರಗು ರೋಗವನ್ನು ತಡೆದುಕೊಳ್ಳುವ ಶಕ್ತಿ ಇದೆ. ಬೆಳೆಯ ಅವಧಿ 150 ದಿವಸಗಳು, ಒಂದು ಹೆಕ್ಟೇರಿಗೆ 45 ಟನ್ ಇಳುವರಿ ಪಡೆಯಬಹುದು.

8. ಅರ್ಕಾ ನೀಲಕಂಠ್: ಈ ತಳಿಯನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ ಅಭಿವೃದ್ಧಿಪಡಿಸಿದೆ. ಈ ತಳಿಯ ಗಿಡಗಳು ಎತ್ತರವಾಗಿದ್ದು, ಪೊದೆಯಾಕಾರದಲ್ಲಿರುತ್ತವೆ ಕಾಯಿಗಳು ಚಿಕ್ಕದಾಗಿದ್ದು, ಗೊಂಚಲಾಗಿರುತ್ತವೆ. ಕಾಯಿಗಳ ಬಣ್ಣ ಹೊಳೆಯುವ ನೀಲಿ ಮಿಶ್ರಿತ ನೇರಳೆ ಬಣ್ಣವನ್ನು ಹೊಂದಿರುತ್ತವೆ. ಈ ತಳಿಗೆ ದುಂಡಾಣು ಸೊರಗು ರೋಗವನ್ನು ನಿರೋಧಿಸುವ ಶ್ಕತಿ ಇದೆ. ಬೆಳೆಯ ಅವಧಿ 150 ದಿವಸಗಳು. ಒಂದು ಹೆಕ್ಟೇರಿಗೆ 43 ಟನ್ ಇಳುವರಿ ಪಡೆಯಬಹುದು.

9.ಪಂಜಾಬ್ ಮೋತಿ: ಈ ತಳಿ ಗಿಡ್ಡವಾಗಿದ್ದು. ಪೊದೆಯಾಕಾರದಲ್ಲಿ ಬೆಳೆಯುತ್ತವೆ. ಎಲೆ, ಕಾಂಡ ಮತ್ತು ಹೂ ನೇರಲೆ ಬಣ್ಣದ್ದಾಗಿರುತ್ತವೆ. ಕಾಯಿಗಳು (ನೇರಲೆ ಬಣ್ಣ, ಮಧ್ಯಮ ಗಾತ್ರ) ಅಂಡಾಕಾರವಾಗಿದ್ದು ಗೊಂಚಲಾಗಿರುತ್ತವೆ. ಮಳೆಯಾಶ್ರಯದಲ್ಲಿ ಬೆಳೆಯ ಅವಧಿ 115 ರಿಂದ 120 ದಿವಸಗಳು. ಒಂದು ಹೆಕ್ಟೇರಿಗೆ ಸುಮಾರು 8-10 ಟನ್ ಇಳುವರಿ ಪಡೆಯಬಹುದು. ಇದನ್ನು ವಲಯ 7ಕ್ಕೆ ಮಳೆಯಾಶ್ರಯದಲ್ಲಿ ಬೆಳೆಯಲು ಶಿಫಾರಸ್ಸು ಮಾಡಿದೆ.

ಬದನೆಯಾಯಿ ಸಂಕರಣ ತಳಿಗಳು

1.ಅರ್ಕಾ ನವನೀತ್: ಈ ಸಂಖರಣ ತಳಿಯನ್ನು ಬೆಂಗಳೂರಿನ ಭಾರತೀಯ ತೋಟಗಾರಿಕಾ ಸಂಶೋಧನಾ ಸಂಸ್ಥೆ ಇಲ್ಲಿಂದ ಅಭಿವೃದ್ಧಿಪಡಿಸಿದೆ. ಗಿಡಗಳು ಎತ್ತರವಾಗಿ ಬೆಳೆಯುತ್ತವೆ. ಎಲೆಗಳೂ ಹಸಿರು ಬಣ್ಣದಿಂದ ಕೂಡಿರುತ್ತದೆ. ಕಾಯಿಗಳು ಅಂಡಾಕಾರವಾಗಿದ್ದು ಹೊಳೆಯುವ ಕಡು ನೇರಳೆ ಬಣ್ಣವನ್ನು ಹೊಂದಿರುತ್ತವೆ. ಒಂದು ಕಾಯಿಯ ಸರಾಸರಿ ತೂಕ 450 ಗ್ರಾ< ಬೆಳೆಯ ಅವದಿ 150-160 ದಿವಸಗಳು, ಒಂದು ಹೆಕ್ಟೇರಿಗೆ 65-70 ಟನ್ ಇಳುವರಿ ಬರುತ್ತದೆ.

2.ಅರ್ಕಾ ಅನಂದ್: ಮಳೆಗಾಲ ಹಾಗೂ ಚಳಿಗಾಲಕ್ಕೆ ಸೂಕ್ತ ಸಂಕರಣ ತಳಿಯಾಗಿದ್ದು, ದುಂಡಾಣು ಸೊರಗು ರೋಗ ನಿರೋಧಕ ಶಕ್ತಿಯನ್ನು ಪಡೆದಿದೆ. ಹಣ್ಣುಗಳೂ ಹಸಿರು ಬಣ್ಣದಿಂದ ಕೂಡಿದ್ದು, ಉದ್ದವಾಗಿರುತ್ತವೆ (22-24 ಸಎಂ.ಮೀ.) ಮತ್ತು ಗೊಂಚಲುಗಳಲ್ಲಿರುತ್ತವೆ. ಸುಮಾರು 60-65 ದಿನಗಳಲ್ಲಿ ಹಣ್ಣುಗಳೂ ಕೊಯ್ಲಿಗೆ ಬರುವ ಈ ತಳಿಯು ಪ್ರತಿ ಹೆಕ್ಟೇರಿಗೆ 60-65 ಟನ್ ಇಳುವರಿ ಕೊಡುತ್ತದೆ.

ಕರಾವಳಿ ಪ್ರದೇಶಕ್ಕೆ

1.ಮಟ್ಟಿಗುಳ್ಳ: ದಕ್ಷಿಣ ಕನ್ನಡ ಜಿಲ್ಲೆಗೆ ಉತ್ತಮ ತಳಿ. ಹಸಿರು ಬಣ್ಣದ ಕಾಯಿಂದ ಕೂಡಿದ್ದು, ಎಲೆಗಳ ಮೇಲೆ ಮುಳ್ಳುಗಳಿರುತ್ತವೆ.

2.ವೆಸ್ಟ್‍ಕೋಸ್ಟ್ ಗ್ರೀನ್‍ರೌಂಡ್: ಇದೂ ಕೂಡಾ ಮಟ್ಟ ಗುಳ್ಳದಂತೆ ಕಾಯಿಗಳು ಗಾತ್ರದಲ್ಲಿ ದಪ್ಪವಿದ್ದು, ಗಿಡಗಳು ಮುಳ್ಳು ರಹಿತವಾಗಿರುತ್ತವೆ. ಇದು ದುಂಡಾಣು ಸೊರಗು ರೋಗ ನಿರೋಧಕ ಶಕ್ತಿಯನ್ನು ಹೊಂದಿದೆ.

ಗುಡ್ಡಗಾಡು ಪ್ರದೇಶಕ್ಕೆ

ಅರ್ಕಾ ಶೀಲ್, ಅರ್ಕಾ ಶಿರೀಶ್, ಅರ್ಕಾ ಕುಸುಮಾಕರ್, ಅರ್ಕಾ ನವನೀತ್, ಪೂಸಕ್ರಾಂತಿ, ಮಟ್ಟುಗುಳ್ಳ ತಳಿಗಳು ಸೂಕ್ತ.

Seed & Sowing

ಬೇಸಾಯ ಸಾಮಗ್ರಿಗಳು

ಕ್ರ.ಸಂ. ವಿವರಗಳು ಪ್ರತಿ ಹಕ್ಟೇರಿಗೆ

ಕರಾವಳಿ ಪ್ರದೇಶ ಇತರೆ ಪ್ರದೇಶಗಳಿಗೆ
1. ಬಿತ್ತನೆ ಬೀಜ 250-375 ಗ್ರಾಂ 250-375 ಗ್ರಾಂ

ಬಿತ್ತನೆ ಕಾಲ

ಈ ಬೆಳೆಯನ್ನು ವರ್ಷದ ಎಲ್ಲಾ ಕಾಲದಲ್ಲಿ ಬೆಳೆಯಬಹುದು. ಬೆಳೆಯನ್ನು ಪ್ರಾರಂಭಿಸಲು ಜೂನ್-ಜುಲೈ, ಅಕ್ಟೋಬರ್-ನವೆಂಬರ್, ಜನವರಿ-ಫೆಬ್ರುವರಿ ತಿಂಗಳುಗಳು ಸೂಕ್ತ. ಗುಡ್ಡಗಾಡು ಪ್ರದೇಶಗಳಲ್ಲಿ ಅಕ್ಟೋಬರ್-ನವೆಂಬರ್ ಹಾಗೂ ಜನವರಿ-ಫೆಬ್ರುವರಿ ತಿಂಗಳಲ್ಲಿಯೂ ಬೆಳೆಯಬಹುದು. ಕರಾವಳಿ ಪ್ರದೇಶಗಳಲ್ಲಿ ಮೇ, ಸೆಪ್ಟೆಂಬರ್, ಜನವರಿ ತಿಂಗಳುಗಳು ಸೂಕ್ತ.

Nursery Preparation

ನೀರಾವರಿ ಬೆಳೆಗೆ

ಸಸಿಮಡಿ ತಯಾರಿಕೆ: 7.5 ಮೀ. ಉದ್ದ, 1.2 ಮೀ. ಅಗಲ ಮತ್ತು 10 ಸೆಂ.ಮೀ. ಎತ್ತರದ ನಾಲ್ಕು ಸಸಿಮಡಿಗಳನ್ನು ತಯಾರಿಸಿ. ಪ್ರತಿ ಮಡಿಗೆ 20 ಕಿ.ಗ್ರಾಂ (3-4 ಬುಟ್ಟಿ) ಕೊಟ್ಟಿಗೆ ಗೊಬ್ಬರವನ್ನು ಹಾಕಿ. ಅರ್ಧ ಕಿ.ಗ್ರಾಂ. 15:15:15 ಸಂಯುಕ್ತ ರಸಗೊಬ್ಬರವನ್ನು ಪ್ರತಿ ಸಸಿಮಡಿಗೆ ಹಾಕಿ, ಮಣ್ಣಿನಲ್ಲಿ ಸರಿಯಾಗಿ ಬೆರೆಸಿ. ಸಸಿ ಮಡಿಗಳಲ್ಲಿ 7.5 ಸೆಂ.ಮೀ. ಅಂತರದಲ್ಲಿ ಬಿತ್ತನೆ ಮಾಡಬೇಕು. ಪ್ರತಿದಿನ ಸಾಯಂಕಾಲ ಸಸಿಮಡಿಗಳಿಗೆ ನೀರನ್ನು ಒದಗಿಸಬೇಕು. ಸಸಿಗಳು ನಾಲ್ಕು ವಾರದಲ್ಲಿ ನಾಟಿ ಮಾಡಲು ಸಿದ್ಧವಾಗುತ್ತವೆ.

Transplanting

Transplanting:

ನಾಟಿ ಮಾಡುವುದು:

ಭೂಮಿಯನ್ನು ಆಳವಾಗಿ ಉಳುಮೆಮಾಡಿ ಹೆಂಟೆಗಳನ್ನು ಒಡೆದು ನಾಟಿ ಮಾಡಲು ಸಿದ್ಧಪಡಿಸಬೇಕು. ಪ್ರತಿ ಹೆಕ್ಟೇರಿಗೆ 25 ಟನ್ ಕೊಟ್ಟಿಗೆ ಗೊಬ್ಬರವನ್ನು ಹಾಕಿ ಚೆನ್ನಾಗಿ ಮಣ್ಣಿನಲ್ಲಿ ಬೆರೆಸಬೇಕು. ನಂತರ 75 ಸೆಂ.ಮೀ. ಅಂತರದಲ್ಲಿ ಬೋದು ಹರಿಗಳನ್ನು ಮಾಡಬೇಕು. ಶೇ. 50 ರಷ್ಟು ಸಾರಜನಕ ಮತ್ತು ಪೂರ್ಣ ಪ್ರಮಾಣದ ರಂಜಕ, ಪೊಟ್ಯಾಷ್‍ಯುಕ್ತ ಗೊಬ್ಬರಗಳನ್ನು ಮಣ್ಣಿನಲ್ಲಿ ಚೆನ್ನಾಗಿ ಬೆರಸಬೇಕು. ನಾಟಿ ಮಾಡುವ ಮೊದಲು ಭೂಮಿಗೆ ತೆಳುವಾಗಿ ನೀರನ್ನು ಹಾಯಿಸಬೇಕು. ಸಸಿಗಳನ್ನು 60 ಸೆಂ.ಮೀ. ಗೆ ಒಂದರಂತೆ ಬೋದಿನ ಒಂದು ಪಕ್ಕದಲ್ಲಿ ನಾಟಿ ಮಾಡಬೇಕು. ನಾಟಿ ಮಾಡಿದ 6 ವಾರಗಳ ನಂತರ ಶೇ. 25ರಷ್ಟು ಸಾರಜನಕವನ್ನು ಮೇಲುಗೊಬ್ಬರವಾಗಿ ಕೊಡಬೇಕು. ಉಳಿದ ಶೇ. 25 ರಷ್ಟು ಸಾರಜನಕವನ್ನು ನಾಟಿ ಮಾಡಿದ 10 ವಾರಗಳ ನಂತರ ಮೇಲುಗೊಬ್ಬರವಾಗಿ ಕೊಡಬೇಕು. ಬೆಳೆ ಹೂ ಬಿಡುವ ಹಂತದಲ್ಲಿ 2 ಪಿ.ಪಿ.ಎಂ ಸಾಮಥ್ರ್ಯದ 2, 4-ಡಿ ಎಂಬ ಸಸ್ಯ ಚೋದಕವನ್ನು 15 ದಿನಗಳ ಅಂತರದಲ್ಲಿ ಎರಡು ಸಲ ಸಿಂಪರಣೆ ಕೈಗೊಳ್ಳುವುದರಿಂದ ಇಳುವರಿಯನ್ನು ಹೆಚ್ಚಿಸಬಹುದು.

Nutrient management

ಬೇಸಾಯ ಸಾಮಗ್ರಿಗಳು

ಕ್ರ.ಸಂ. ವಿವರಗಳು ಪ್ರತಿ ಹಕ್ಟೇರಿಗೆ

                                  ಕರಾವಳಿ ಪ್ರದೇಶ           ಇತರೆ ಪ್ರದೇಶಗಳಿಗೆ
1.      ಕೊಟ್ಟಿಗೆ ಗೊಬ್ಬರ      25 ಟನ್                   25 ಟನ್
2.   ರಾಸಾಯನಿಕ ಗೊಬ್ಬರಗಳು
         ಸಾರಜನಕ               150 ಕಿ.ಗ್ರಾಂ              125 ಕಿ.ಗ್ರಾಂ
       ರಂಜಕ             50 ಕಿ.ಗ್ರಾಂ              100 ಕಿ.ಗ್ರಾಂ
        ಪೊಟ್ಯಾಷ್                 75 ಕಿ.ಗ್ರಾಂ               50 ಕಿ.ಗ್ರಾಂ

Water management

ನೀರಾವರಿ :

ಸಸಿಗಳಿಗೆ 4-5 ದಿನಗಳಿಗೊಮ್ಮೆ ನೀರನ್ನು ಹಾಯಿಸಬೇಕು.

Disease management

ಸಸ್ಯ ಸಂರಕ್ಷಣೆ

ರೋಗಗಳು: ಬೂದಿರೋಗ, ಮಡಿಯಲ್ಲಿ ಸಸಿ ಸಾಯುವುದು, ಸಣ್ಣ ಎಲೆಗಳ ನಂಜುರೋಗ, ಸ್ಕ್ಲಿರೋಷಿಯಂ ಕೊಳೆರೋಗ, ದುಂಡಾಣು ಸೊರಗು ರೋಗ, ಹಣ್ಣು ಕೊಳೆರೋಗ ಮತ್ತು ಎಲೆ ಚುಕ್ಕೆರೋಗ

ಹತೋಟಿ ವಿಧಾನ

1.ಸಸಿಮಡಿಯಲ್ಲಿ ಸಸಿ ಸಾಯುವ ರೋಗ ಕಂಡು ಬಂದಲ್ಲಿ, ಹದವರಿತು ನೀರು ಕೊಡಿ. 2 ಗ್ರಾಂ ಸಂಯುಕ್ತ ಶಿಲೀಂದ್ರನಾಶಕಗಳಾದ ಮೆಟಲಾಕ್ಸಲ್ + ಮ್ಯಾಂಕೊಜೆಬ್ ಅಥವಾ ಸೈಮಾಕ್ಲೋನಿಲ್ + ಮ್ಯಾಂಕೊಜೆಬ್ 2 ಗ್ರಾಂ ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಸಿ ಮಡಿಯನ್ನು ನೆನಸಬೇಕು.
2.ಸಣ್ಣ ಎಲೆ ರೋಗ ಕಂಡು ಬಂದಲ್ಲಿ ರೋಗ ಬಂದ ಗಿಡಗಳನ್ನು ಕಿತ್ತು ಸುಟ್ಟು ಹಾಕಿ.
3.ದುಂಡಾಣು ಸೊರಗು ರೋಗ ತಡೆಯಲು ಎರಡು ವರ್ಷಕ್ಕೊಂದು ಬಾರಿ ಬೆಳೆ ಪರಿವರ್ತಿಸಿ, ರಾಗಿ, ಮುಸುಕಿನ ಜೋಳ, ಜೋಳ ಬೆಳೆಯಿರಿ. ನಾಟಿ ಮಾಡುವ ಮೊದಲು ಹೆಕ್ಟೇರಿಗೆ 15 ಕಿ.ಗ್ರಾಂ ಚಲುವೆ (ಬ್ಲೀಚಿಂಗ್) ಪುಡಿಯನ್ನು ಮಣ್ಣಿನಲ್ಲಿ ಸೇರಿಸಿ ನೀರು ಹಾಯಿಸಿ.
4.ಹಣ್ಣು ಕೊಳೆ ಮತ್ತು ಎಲೆ ಚುಕ್ಕೆ ರೋಗ ಹತೋಟಿ ಮಾಡಲು 2 ಗ್ರಾಂ ಮ್ಯಾಂಕೊಜೆಬ್ ಅಥವಾ ಕ್ಲೋರೋಥಲೋನಿಲ್ ಪ್ರತಿ ಲೀಟರ್ ನೀರಿಗೆ ಸೇರಿಸಿ ಸಿಂಪಡಿಸಿ. ಅವಶ್ಯಕತೆ ಕಂಡು ಬಂದರೆ 15 ರಿಂದ 20 ದಿನಗಳಿಗೊಮ್ಮೆ ಸಿಂಪಡಿಸಿ.
5.ರೋಗ ನಿರೋಧಕ ತಳಿಗಳನ್ನು ಉಪಯೋಗಿಸುವುದು.

ಸೂಚನೆ

1.ಬೂದಿರೋಗದ ಲಕ್ಷಣಗಳು ಕಂಡುಬಂದಲ್ಲಿ 3 ಗ್ರಾಂ ನೀರಿನಲ್ಲಿ ಕರಗುವ ಗಂಧಕ ಅಥವಾ 1 ಗ್ರಾಂ ಬೆನೋಮಿಲ್ ಅಥವಾ 1 ಗ್ರಾಂ ಕಾರ್ಬೆಂಡೆಜಿಂ ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪರಿಸಿ. 15 ದಿವಸಗಳ ನಂತರ ಮತ್ತೊಮ್ಮೆ ಇದೇ ಔಷಧಿಯನ್ನು ಸಿಂಪರಿಸಿ. ಪ್ರತಿ ಹೆಕ್ಟೇರಿಗೆ 450 ರಿಂದ 530 ಲೀಟರ್ ಸಿಂಪರಣಾ ದ್ರಾವಣ ಬೇಕಾಗುತ್ತದೆ.
2.ಸಸಿ ಕೊಳೆ ರೋಗ ಮತ್ತು ಕಾಯಿ ಕೊಳೆ ರೋಗ ಲಕ್ಷಣಗಳು ಕಂಡುಬಂದಲ್ಲಿ 2 ಗ್ರಾಂ ಕ್ಯಾಪ್ಟಾಫಾಲ್ ಅಥವಾ 1 ಗ್ರಾಂ ಕಾರ್ಬೆಂಡೆಜಿಂ ಅಥವಾ ಮ್ಯಾಂಕೊಜೆಬ್ ಪ್ರತಿ ಲೀಟರ್‍ಗೆ ಸೇರಿಸಿ ಸಿಂಪರಿಸಿ. ರೋಗ ಹತೋಟಿ ಪೂರ್ಣ ಆಗದಿದ್ದಲ್ಲಿ 15 ದಿವಸಕ್ಕೆ ಮತ್ತೊಮ್ಮೆ ಸಿಂಪರಣೆ ಕೊಡಿ. ಪ್ರತಿ ಹೆಕ್ಟೇರಿಗೆ 450-530 ಲೀಟರ್ ಸಿಂಪರಣಾ ದ್ರಾವಣ ಬಳಸಿ.

Insect pest management

ಸಸ್ಯ ಸಂರಕ್ಷಣೆ

ಕೀಟಗಳು: ಗುಲಗಂಜಿ ಹುಳು, ಜಿಗಿಹುಳು, ಕುಡಿ ಮತ್ತು ಕಾಯಿ ಕೊರೆಯುವ ಹುಳು, ಹೇನು, ಹಿಟ್ಟುತಿಗಣೆ, ನುಸಿ, ಗೊಣ್ಣೆಹುಳು, ಜೀರುಂಡೆ ಹುಳು ಮತ್ತು ಕತ್ತರಿಸುವ ಹುಳು.

ಹತೋಟಿ ವಿಧಾನ
1.ಬಿತ್ತನೆ ಬೀಜವನ್ನು 2 ಗ್ರಾಂ ಪಾಧರಸ ಸಂಯುಕ್ತ ವಸ್ತುವಿನಿಂದ ಉಪಚರಿಸಿ.
2.ಸಸಿಮಡಿಯಲ್ಲಿ ಬಿತ್ತನೆಯಾದ 3 ವಾರಗಳ ನಂತರ 1.7 ಮಿ.ಲೀ. ಡೈಮಿಥೋಯೇಟ್ ಅಥವಾ 0.5 ಮಿ.ಲೀ. ಫಾಸ್ಫಾಮಿಡಾನ್ ಪ್ರತಿ ಲೀಟರ್ ನೀರಿಗೆ ಸೇರಿಸಿ ಸಿಂಪಡಿಸಬೇಕು.
3.ರಸ ಹೀರುವ ಪೀಡೆಗಳು ಕಂಡು ಬಂದಲ್ಲಿ ಸೂಚಿಸಿದ ಸಿಂಪರಣೆ ದ್ರಾವಣವನ್ನೇ ಬಳಸಿ ನಾಟಿ ಮಾಡಿದ 2 ಮತ್ತು 5 ವಾರಗಳ ನಂತರ ಮತ್ತೆ ಕೊಡಬೇಕು. ಪ್ರತಿ ಹೆಕ್ಟೇರಿಗೆ 500 ಲೀ. ಸಿಂಪರಣಾ ದ್ರಾವಣ ಬೇಕಾಗುತ್ತದೆ.
4.ಟೊಂಗೆ ಮತ್ತು ಕಾಯಿ ಕೊರೆಯುವ ಹುಳುವನ್ನು ನಿಯಂತ್ರಿಸಲು 4 ಗ್ರಾಂ ಕಾರ್ಬಾರಿಲ್ ಅಥವಾ 2 ಮಿ.ಲೀ. ಎಂಡೋಸಲ್ಫಾನ್ ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಿ.

ಕೀಟಗಳಿಂದ ಭಾದಿತಗೊಂಡು ಬಾಡಿರುವ ಚಿಗುರುಗಳನ್ನು ಆಗಾಗ ಕಿತ್ತು ಹುಳಗಳೊಂದಿಗೆ ನಾಶ ಮಾಡಬೇಕು.

ಪ್ರತಿ ಕಟಾವಿನಲ್ಲಿ ಕಾಯಿ ಕೊರೆತವಿರುವ ಕಾಯಿಗಳನ್ನು ಸುಟ್ಟು ನಾಶ ಮಾಡಬೇಕು.

ಉತ್ತಮ ಗುಣಮಟ್ಟದ (ಶೇ. 8 ರಷ್ಟು ಎಣ್ಣೆ ಅಂಶವಿರುವ) ಬೇವಿನ ಹಿಂಡಿ (1 ಎಕರೆಗೆ 150 ಕೆ.ಜಿ.) ಹೂ ಬಿಡುವ ಸಮಯದಲ್ಲಿ ಸಾಲಿಗೆ ಸೇರಿಸಬೇಕು. ಪುನಃ 1-2 ಸಲ ಇದೇ ರೀತಿ ಮಾಡಬೇಕು. ಮಳೆಗಾಲದಲ್ಲಿ ಬೇವಿನ ಹಿಂಡಿ ಕೊಳೆತು ಹೋಗದಂತೆ ಅಲ್ಲಲ್ಲಿ ರಾಶಿ ಹಾಕುವ ಕ್ರಮ ಮಾಡುವುದು ಉತ್ತಮ.

ಲಿಂಗಾಕರ್ಷಕ ಬೋನುಗಳನ್ನು (ಒಂದು ಹೆಕ್ಟೇರಿಗೆ 15-20) ತೋಟದಲ್ಲಿ ಇಡಬೇಕು.

ಎಂಡೋಸಲ್ಫಾನ್ 2 ಮಿ.ಲೀ. ಅಥವಾ 2 ಮಿ.ಲೀ. ಹೊಂಗೆ ಎಣ್ಣೆ ಅರ್ಧ ಮಿ.ಲೀ. ಸಾಬೂನಿನ ದ್ರಾವಣ ಮತ್ತು ಸ್ವಲ್ಪ ನೀರು ಸೇರಿಸಿ ಬಾಟಲ್‍ನಲ್ಲಿ ಹಾಕಿ ಚೆನ್ನಾಗಿ ಅಲ್ಲಾಡಿಸಿ ಮಿಶ್ರ ಮಾಡಿ ಒಂದು ಲೀಟರ್‍ನಲ್ಲಿ ಕರಗಿಸಿ ಸಿಂಪಡಿಸಬೇಕು.

5.ನುಸಿಯ ನಿಯಂತ್ರಣಕ್ಕಾಗಿ 2.5 ಮಿ.ಲೀ. ಡೈಕೋಫಾಲ್ ಅನ್ನು ಪ್ರತಿ ಲೀಟರ್ ನೀರಿಗೆ ಬೆರೆಸಿ ಸಿಂಪರಿಸಿ.

ಸೂಚನೆ
1.ಗೊಣ್ಣೆಹುಳು ಹತೋಟಿಗೆ ಬದನೆ ನಾಟಿ ಮಾಡುವಾಗ ಮತ್ತು 30 ದಿನಗಳ ನಂತರ ಒಂದು ಎಕರೆಗೆ 100 ಕೆ.ಜಿ. ಬೇವಿನ ಹಿಂಡಿಯನ್ನು ಸಾಲಿಗೆ ಸೇರಿಸಿ.
2.ಜೀರುಂಡೆ ಹುಳು ಹತೋಟಿಗೆ 2 ಮಿ.ಲೀ. ಕ್ವಿನಾಲ್‍ಫಾಸ್ ಪ್ರತಿ ಲೀಟರ್ ನೀರಿಗೆ ಸೇರಿಸಿ ಸಿಂಪರಿಸಿ.
3.ಕೀಟನಾಶಕಗಳನ್ನು ಸಿಂಪರಿಸಿದ 10 ದಿವಸಗಳ ನಂತರವೇ ಕೊಯ್ಲುಮಾಡಬೇಕು.
4.ಬದನೆ ಬೆಳೆಯ ನಂತರ ಆಲೂಗಡ್ಡೆ, ಟೊಮಾಟೊ, ಮೆಣಸಿನಕಾಯಿ ಮತ್ತು ತಂಬಾಕು ಬೆಳೆಯಬೇಡಿ. 5. ಕತ್ತರಿಸುವ ಹುಳು ಹತೋಟಿಗೆ ಪ್ರತಿ ಲೀಟರ್ ನೀರಿಗೆ 2 ಮಿ.ಲೀ. ಎಂಡೋಸಲ್ಫಾನ್ ಅಥವಾ ಕ್ವಿನಾಲ್‍ಫಾಸ್ ಬೆರೆಸಿ ಗಿಡದ ಸುತ್ತಲೂ ತೋಯಿಸಿ.

Yield

ಇಳುವರಿ

ಅರ್ಕಾ ಶೀಲ್, ಅರ್ಕಾ ಕುಸುಮಾರ್, ಅರ್ಕಾ ಶಿರೀಶ್, ಅರ್ಕಾ ನಿಧಿ, ಅರ್ಕಾ ಕೇಶವ, ಅರ್ಕಾ ನೀಲಕಂಠ್, ಅರ್ಕಾ ನವನೀತ್ ಹೆಚ್ಚು ಇಳುವರಿ ಕೊಡುವ ತಳಿಗಳಾಗಿದ್ದು, ಪ್ರತಿ ಹೆಕ್ಟೇರಿಗೆ 30,000-40,000 ಕಿ.ಗ್ರಾಂ ಇಳುವರಿ ಬರುತ್ತದೆ. ಇತರೆ ತಳಿಗಳಿಂದ ಪ್ರತಿ ಹೆಕ್ಟೇರಿಗೆ 20,000 ಕಿ.ಗ್ರಾಂ ಇಳುವರಿ ಬರುತ್ತದೆ.

Login to post comments
4416 reads

Kannada

Package of practices of Paddy

Package of practice for Urd

Package of practice for Pigeonpea

Package of practice for Sugarcane

Package of practices of Sapota

Package of practice for Coconut

Package of Practices of gerbera

Package of Practices of Tomato

Package of Practices of Potato

Package of Practices of Brinjal

Shortcuts

POP

User login

Featured User

New Releases

agropedia is developed under the sponsorship of ICAR, NAIP