Fruit Crops

ಸಪೋಟ ಉಷ್ಣವಲಯದ ಮುಖ್ಯವಾದ ಹಣ್ಣಿನ ಬೆಳೆಗಳಲ್ಲೊಂದು. ಅದರ ಕ್ಷೇತ್ರವು ನಮ್ಮ ರಜ್ಯದಲ್ಲಿ ತೀವ್ರಗತಿಯಲ್ಲಿ ಹೆಚ್ಚುತ್ತಿದೆ. ಹಣ್ಣುಗಳು ರುಚಿಕರವಾಗಿದ್ದು ಸಕ್ಕರೆ ಮತ್ತು ಖನಿಜಗಳು ಹೆಚ್ಚಾಗಿರುತ್ತವೆ. ಇದನ್ನು ಒಣಭೂಮಿ ಮತ್ತು ಜಲಾನಯನ ಪ್ರದೇಶಗಳಲ್ಲೂ ಬೆಳೆಯಬಹುದು.

Climatic Requirements

ಹವಾಗುಣ

ಒಣ ಹಾಗೂ ತೇವಾಂಶವುಳ್ಳ ಪ್ರದೇಶಗಳಲ್ಲಿ ಸಪೋಟ ಚೆನ್ನಾಗಿ ಬೆಳೆಯುತ್ತದೆ. ಇದನ್ನು ರಾಜ್ಯದ ಎಲ್ಲ ಭಾಗಗಳಲ್ಲಿಯೂ ಬೆಳೆಯಬಹುದು. ಜೂನ್-ಜುಲೈ ತಿಂಗಳುಗಳು ನಾಟಿ ಮಾಡಲು ಸೂಕ್ತ.

Soil Conditions

ಮಣ್ಣು

ಸಪೋಟ ಎಲ್ಲ ತರಹದ ಮಣ್ಣಿನಲ್ಲೂ ಬಹಳ ಚೆನ್ನಾಗಿ ಬರುತ್ತದೆ. ನೀರು ಬಸಿದು ಹೋಗುವಂತಹ ಗೋಡುಮಣ್ಣು ಮತ್ತು ಮಧ್ಯಮ ಕಪ್ಪು ಮಣ್ಣುಗಳು ಇದರ ಕೃಷಿಗೆ ಅತಿ ಸೂಕ್ತ. ಬಿರುಸಾದ ಒಳ ಪದರಗಳನ್ನು ಹೊಂದಿದ ಮತ್ತು ಜೇಡಿ ಮಣ್ಣು ಈ ಬೆಳೆಗೆ ಸೂಕ್ತವಲ್ಲ.

Varieties

ತಳಿಗಳು

ಕಾಲಿಪಟ್ಟಿ: ಗಿಡಗಳು ದಟ್ಟ ಹಸಿರು ಎಲೆಗಳಿಂದ ಕೂಡಿದ್ದು ಟೊಂಗೆಗಳು ಹೆಚ್ಚಾಗಿರುತ್ತವೆ ಹಣ್ಣುಗಳು ಮೊಟ್ಟೆ ಆಕಾರದಲ್ಲಿದ್ದು, ಕಡಿಮೆ ಬೀಜಗಳನ್ನು ಹೊಂದಿರುತ್ತವೆ. ತಿರುಳು ಸಿಹಿಯಾಗಿದ್ದು ಅತ್ಯುತ್ತಮ ಗುಣಮಟ್ಟದಾಗಿರುತ್ತದೆ.

ಕ್ರಿಕೆಟ್ ಬಾಲ್: ಹಣ್ಣುಗಳು ದೊಡ್ಡವಾಗಿದ್ದು ದುಂಡನೆಯ ಆಕಾರ ಹೊಂದಿರುತ್ತವೆ. ತಿರುಳು ಸಾಧಾರಣ ಗುಣಮಟ್ಟ ಹೊಂದಿರುತ್ತದೆ.

ಡಿ.ಎಚ್.ಎಸ್-1; ಕೃಷಿ ವಿಶ್ವವಿದ್ಯಲಯ, ಧಾರವಾಡದ ಸಂಕರಣ ತಳಿ. ಕಾಲಿಪತ್ತಿ ಮತ್ತು ಕ್ರಿಕೆಟ್ ಬಾಲ್ ತಳಿಗಳಿಗಿಂತ ಶೇ. 30-40 ರಷ್ಟು ಹೆಚ್ಚು ಇಳುವರಿ ಕೊಡುವುದು. ಹಣ್ಣಿನ ಗುಣಮಟ್ಟ ಎರಡೂ ತಳಿಗಳಿಗಿಂತ ಅತ್ಯುತ್ತಮವಾಗಿದೆ. ಹಣ್ಣುಗಳ ಗಾತ್ರ ದೊಡ್ಡದಾಗಿದ್ದು (150 ಗ್ರಾಂ) ತತ್ತಿಯಾಕಾರವನ್ನೂ ಹೋಲುತ್ತವೆ. ಹಣ್ಣಿನ ತಿರುಳು ಮೃದು ಮತ್ತು ಸಿಹಿಯಾಗಿದ್ದು (ಟಿ.ಎಸ್.ಎಸ್. ಶೇ. 25) ತಿಳಿ ಕಿತ್ತಳೆ ಬಣ್ಣ ಹೊಂದಿದೆ.

ಡಿ.ಎಚ್.ಎಸ್.-2: ಕೃಷಿ ವಿಶ್ವವಿದ್ಯಾಲಯ, ಧಾರವಾಡದ ಸಂಕರಣ ತಳಿ (ಕಾಲಿಪಟ್ಟಿ ಕ್ರಿಕೆಟ್‍ಬಾಲ್) ಇದು ಕಾಲಿಪಟ್ಟಿ ಮತ್ತು ಕ್ರಿಕೆಟ್ ಬಾಲ್ ತಳಿಗಳಿಗಿಂತ ಶೇ. 30-35 ರಷ್ಟು ಹೆಚ್ಚು ಇಳುವರಿ ಕೊಡುವುದು. ಹಣ್ಣುಗಳು ಗೋಲಾಕಾರ ಹೊಂದಿದ್ದು ಕ್ರಿಕೆಟ್ ಬಾಲ್ ತಳಿಗಿಂತ ದೊಡ್ಡದಾಗಿರುತ್ತವೆ (180 ಗ್ರಾಂ). ಹಣ್ಣಿನ ತಿರುಳು ಮೃದು ಮತ್ತು ಸಿಹಿಯಾಗಿದ್ದು (ಟಿ.ಎಸ್.ಎಸ್.) ಶೆ. 25) ಕಿತ್ತಳೆ ಕಂದು ಬಣ್ಣ ಹೊಂದಿದೆ.

Seed & Sowing

ಕಸಿ ಗಿಡಗಳು / ಮೆದುಕಾಂಡ ಕಸಿಗಿಡಗಳು ಪ್ರತಿ ಹೆಕ್ಟೇರಿಗೆ
ಅಂತರ 10 ಮೀ. x 10 ಮೀ. (ಪೂರ್ಣಬೆಳೆ) 100
13 ಮೀ. x 13 ಮೀ. (ಮಿಶ್ರ ಬೆಳೆ) 68

Transplanting

Transplanting:

ನಾಟಿ ಮಾಡುವುದು

ಬೆಳೆ ಪ್ರದೇಶವನ್ನು ಉಳುಮೆ ಮಾಡಿ ಸಿದ್ಧಪಡಿಸಿಕೊಳ್ಳಬೇಕು. ಫಲವತ್ತಾದ ಭೂಮಿಯಿದ್ದಲ್ಲಿ 13 ಮೀ. x 13 ಮೀ. ಅಂತರದಲ್ಲಿ ಮತ್ತು ಸಾಧಾರಣ ಫಲವತ್ತತೆಯ ಭೂಮಿಯಿದ್ದಲ್ಲಿ 10 ಮೀ. x 10 ಮೀ. ಅಂತರದಲ್ಲಿ ಒಂದು ಘಣ ಮೀಟರ್ ಅಳತೆ ಗುಣಿಗಳನ್ನು ತೆಗೆಯಿರಿ. ಈ ಗುಣಿಯನ್ನು ಮೇಲ್ಮಣ್ಣು ಮತ್ತು ಕಾಂಪೋಸ್ಟ್ ಮಿಶ್ರಣ ಹಾಕಿ ಮುಚ್ಚಬೇಕು. ಗುಣಿಯ ಮಧ್ಯದಲ್ಲಿ ಕಸಿ ಗಿಡಗಳನ್ನು ಕಸಿ ಭಾಗ ಭೂಮಿಯ ಮೇಲಿರುವಂತೆ ಇಟ್ಟು ನಾಟಿ ಮಾಡಿ ಕೋಲನ್ನು ಕಟ್ಟಿ ಗಿಡಕ್ಕೆ ಆಸರೆ ಕೊಡಬೇಕು. ಬೇರು ಸಸಿಯ ಮೇಲೆ ಚಿಗುರುಗಳು ಕಂಡುಬಂದಾಗ ತೆಗೆದುಹಾಕಬೇಕು. ಮೊದಲೆರಡು ವರ್ಷಗಳ ಬೇಸಿಗೆಯಲ್ಲಿ ರಕ್ಷಣಾತ್ಮಕ ನೀರು ಕೊಡಬೇಕು. ಇದರಿಂದ ಗಿಡಗಳು ಚೆನ್ನಾಗಿ ಬರುತ್ತವೆ.

Nutrient management

ಸಾವಯವ ಗೊಬ್ಬರ/ ಕೊಟ್ಟಿಗೆ ಗೊಬ್ಬರ

ಸಾವಯವ ಗೊಬ್ಬರ/ ಕೊಟ್ಟಿಗೆ ಗೊಬ್ಬರ
ನಾಟಿ ಮಾಡುವ ಮೊದಲು ಮತ್ತು ಪ್ರತಿ ವರ್ಷ 50 ಕಿ.ಗ್ರಾಂ ಪ್ರತಿ ಗಿಡಕ್ಕೆ

ರಸಗೊಬ್ಬರಗಳು

ಗಿಡದ ವಯಸ್ಸು (ವರ್ಷ)	ಪೋಷಕಾಂಶ	ಪ್ರತಿ ಗಿಡಕ್ಕೆ (ಗ್ರಾಂ)
1-3	ಸಾರಜನಕ	100
	ರಂಜಕ	75
	ಪೊಟ್ಯಾಷ್	100
4-6	ಸಾರಜನಕ	200
	ರಂಜಕ	100
	ಪೊಟ್ಯಾಷ್	200
7-10	ಸಾರಜನಕ	275
	ರಂಜಕ	80
	ಪೊಟ್ಯಾಷ್	275
11 ಮತ್ತು ನಂತರ	ಸಾರಜನಕ	400
	ರಂಜಕ	160
	ಪೊಟ್ಯಾಷ್	450

ಸಸ್ಯಾಭಿವೃದ್ಧಿ : ಅಂಟು ಅಥವಾ ಮೃದುಕಾಂಡ ಕಸಿ ಗಿಡಗಳು ನಾಟಿ ಮಾಡಲು ಯೋಗ್ಯ. ಖಿರ್ನಿ ಗಿಡಗಳನ್ನು ಬೇರು ಸಸಿಗಳಾಗಿ ಉಪಯೋಗಿಸುವುದು ಸೂಕ್ತ.

Weed management

ನಾಟಿ ನಂತರದ ಬೇಸಾಯ: ಮಳೆಗಾಲದ ಪ್ರಾರಂಭಕ್ಕೆ ಗಿಡಗಳಿಗೆ ಗೊಬ್ಬರ ಒದಗಿಸಬೇಕು. ಗಿಡದ ಬುಡದಿಂದ 60 ಸೆಂ.ಮೀ. ದೂರದಲ್ಲಿ ರಸಗೊಬ್ಬರಗಳನ್ನು ಹಾಕಬೇಕು. ನಿಯಮಿತವಾಗಿ ಕಳೆ ತೆಗೆದು ಬೆಳೆ ಕ್ಷೇತ್ರವನ್ನು ಸ್ವಚ್ಛವಾಗಿಡಬೇಕು. ಪ್ರಾರಂಭದಲ್ಲಿ 7-8 ವರ್ಷಗಳ ತನಕ ಗಿಡಗಳು ಇಡೀ ಪ್ರದೇಶವನ್ನು ಆಕ್ರಮಿಸಿಕೊಳ್ಳುವವರೆಗೆ ಅಂತರ ಬೆಳೆಗಳನ್ನು ಬೆಳೆಯಬಹುದು. ನೆಲದಿಂದ ಒಂದು ಮೀಟರ್ ಎತ್ತರದವರೆಗೆ ಮುಖ್ಯ ಕಾಂಡದ ಮೇಲೆ ಯಾವುದೇ ಕವಲುಗಳು ಬೆಳೆಯದಂತೆ ನೋಡಿಕೊಳ್ಳಬೇಕು.

Disease management

ರೋಗಗಳು

ಎಲೆಚುಕ್ಕೆ ರೋಗ ಮತ್ತು ಕಪ್ಪು ಶಿಲೀಂದ್ರ ರೋಗ (ಸೂಟಿ ಮೌಲ್ಡ್)

ಹತೋಟಿ ವಿಧಾನ:

ರೋಗ ಬಾಧೆ ಕಂಡು ಬಂದಾಗ 2 ಗ್ರಾಂ ಜೈನಬ್ ಅಥವಾ ಕ್ಲೋರೋಥಲೋನಿಲ್ ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪರಣೆ ಮಾಡಬೇಕು. ಕಪ್ಪು ಶಿಲೀಂದ್ರ ರೋಗಕ್ಕೆ ನೀರನ್ನು ಸಿಂಪರಣೆ ಮಾಡಿ ನಂತರ 3 ಗ್ರಾಂ ಮ್ಯಾಂಕೋಜೆಬ್ 1 ಲೀಟರ್ ನೀರಿನಲ್ಲಿ ಕರಗಿಸಿ ಸಿಂಪರಿಸಬೇಕು ಅಥವಾ ಶೇ. 2ರ ಸ್ಟಾರ್ಚ್ (ಗಂಜಿಯನ್ನು) ಉಪಯೋಗಿಸಿ.

Insect pest management

ಕೀಟಗಳು: ಮೊಗ್ಗು ಮತ್ತು ಹಣ್ಣು ಕೊರಕ, ಹಿಟ್ಟು ತಿಗಣೆ, ಶಲ್ಕ ಕೀಟ, ಥ್ರಿಪ್ಸ್ ನುಶಿ, ತೊಗಟೆ ಮತ್ತು ಕಾಂಡ ಕೊರಕ.

ಹತೋಟಿ ವಿಧಾನ:
1. ಹಣ್ಣು ಕೊರಕ: ಹಣ್ಣು ಕೊರಕದ ಬಾಧೆ ಇದ್ದಲ್ಲಿ 4 ಗ್ರಾಂ ಕಾರ್ಬಾರಿಲ್ ಅಥವಾ ಮೆಲಾಥಿಯಾನ್ 2 ಮಿ.ಲೀ./ ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಿ.
2. ಹಿಟ್ಟು ತಿಗಣೆ/ ಶಲ್ಕ ಕೀಟಗಳ ಹತೋಟಿಗೆ 40 ಮಿ.ಲೀ. ಬೇವಿನೆಣ್ಣೆ ಅಥವಾ ಹೊಂಗೆ ಎಣ್ಣೆಯನ್ನು, 5 ಮಿ.ಲೀ. ಸಾಬೂನಿನ ದ್ರಾವಣದೊಂದಿಗೆ ಪ್ರತಿ ಲೀಟರ್ ನೀರಿನಲ್ಲಿ ಬೆರೆಸಿ ಸಿಂಪಡಿಸಿ.
3. ತೊಗಟೆ ಕೊರಕ ಕಂಡು ಬಂದಲ್ಲಿ ಪೂರ್ತಿ ಒಣಗಿದ ಟೊಂಗೆಗಳನ್ನು ಕತ್ತರಿಸಿ ನಾಶ ಪಡಿಸಬೇಕು. ಕೊರೆದ ತೊಗಟೆಯನ್ನು ಕೆರೆದು 2 ಮಿ.ಲೀ. ಕ್ಲೋರ್‍ಪೈರಿಫಾಸ್ 1 ಲೀ. ನೀರಿನಲ್ಲಿ ಬೆರಸಿ ಪೂರ್ತಿ ಭಾಗ ತೊಯ್ಯುವಂತೆ ಸಿಂಪಡಿಸಿ.
4. ಕಾಂಡ ಕೊರಕದ ಬಾಧೆ ನಿಯಂತ್ರಿಸಲು ಕಾಂಡದ ಮೇಲಿನ ರಂಧ್ರಗಳನ್ನು ಗುರುತಿಸಿ 3-4 ಹನಿ ಡೈಕ್ಲೋರ್‍ವಾಸ್‍ನ್ನು ಇಂಕ್‍ಫಿಲ್ಲರ್ ಮುಖಾಂತರ ಹಾಕಿ ರಂಧ್ರವನ್ನು ಹಸಿ ಮಣ್ಣಿನಿಂದ ಮುಚ್ಚಬೇಕು.

Harvesting & Threshing

ಹೂ ಮತ್ತು ಹಣ್ಣು ಬಿಡುವುದು: ಸಪೋಟ ಗಿಡಗಳು ನಾಟಿ ಮಾಡಿದ ನಾಲ್ಕನೇ ವರ್ಷದಿಂದ ಹೂ ಮತ್ತು ಹಣ್ಣು ಬಿಡಲು ಪ್ರಾರಂಭಿಸುತ್ತವೆ. ಆದರೆ ಆರ್ಥಿಕ ಇಳುವರಿ ಎಂಟನೇ ವರ್ಷದಿಂದ ದೊರಕುತ್ತದೆ. ಸಪೋಟ ವರ್ಷವಿಡೀ ಹೂ ಬಿಡುತ್ತದೆಯಾದರೂ ಮುಖ್ಯವಾಗಿ ಮಾರ್ಚ್-ಮೇ ಮತ್ತು ಸೆಪ್ಟೆಂಬರ್-ಅಕ್ಟೋಬರ್‍ಗಳಲ್ಲಿ ಎರಡು ಸಲ ಅತ್ಯಧಿಕ ಇಳುವರಿ ಕೊಡುತ್ತದೆ. ಬೇಸಿಗೆಯಲ್ಲಿ ಕೊಯ್ಲಿಗೆ ಬಂದ ಹಣ್ಣುಗಳು ಸಮಾನ್ಯವಾಗಿ ಹೆಚ್ಚು ಸಿಹಿಯಾಗಿರುತ್ತವೆ.

Yield

ಇಳುವರಿ

ಹಣ್ಣುಗಳು ಕಂದು ಆಲೂಗಡ್ಡೆ ಬಣ್ಣಕ್ಕೆ ತಿರುಗಿದಾಗ ಕೊಯ್ಲು ಮಾಡಬೇಕು. ಹತ್ತು ವರ್ಷದ ಗಿಡದಿಂದ ಸಾಮಾನ್ಯವಾಗಿ 1000-1500 ಹಣ್ಣುಗಳ ಇಳುವರಿ (10-15 ಟನ್ ಪ್ರತಿ ಹೆಕ್ಟೇರಿಗೆ) ದೊರೆಯುತ್ತದೆ.

Login to post comments
1892 reads

Package of Practices of Grapes

Submitted by naipagropediaraichur on Thu, 12/07/2012 - 16:52

Posted in

Introduction

ದ್ರಾಕ್ಷಿ

ದ್ರಾಕ್ಷಿ ಹೆಚ್ಚು ರುಚಿಕರವಾದ, ಪುನಶ್ಚೇತನ ನೀಡುವ ಮತ್ತು ದೇಹಪೋಷಣೆಗೆ ಬೇಕಾದ ವಸ್ತುಗಳನ್ನು ಒದಗಿಸಬಲ್ಲ ಹಣ್ಣಿನ ಬೆಳೆ. ಇದು ಸುಲಭವಾಗಿ ಜೀರ್ಣವಾಗುತ್ತದೆ. ಇದರಲ್ಲಿ ಹೆಚ್ಚಿನ ಪ್ರಮಾಣದ ಸಕ್ಕರೆ, ಸುಣ್ಣ, ರಂಜಕ ಮತ್ತು ಕಬ್ಬಿಣ ಮುಂತಾದ ಖನಿಜಾಂಶಗಳು ಇವೆ.

Climatic Requirements

ಹವಾಗುಣ

ದ್ರಾಕ್ಷಿ ಉಷ್ಣವಲಯದ ಬೆಳೆ. ಸಮಶೀತೋಷ್ಣ ವಲಯದ ಪ್ರದೇಶಗಳಲ್ಲೂ ಸಹ ಇದನ್ನು ಯಶಸ್ವಿಯಾಗಿ ಬೆಳೆಯಲಾಗುತ್ತಿದೆ. ದ್ರಾಕ್ಷಿ ಬೆಳೆಯಲ್ಲಿ ಹವಾಗುಣ ಬಹು ಮುಖ್ಯಪಾತ್ರ ವಹಿಸುತ್ತದೆ. ಹಣ್ಣು ಬಿಡುವ ಕಾಲದಲ್ಲಿ ಇದಕ್ಕೆ ಮಳೆ ಇಲ್ಲದೆ ಇರುವ ಶುಷ್ಕ ಹವಾಗುಣ ಅಗತ್ಯ. ಹೂವ್ರ ಬಿಟ್ಟ ನಂತರ ಹಣ್ಣು ಆಗುವವರೆಗಿನ ಕಾಲದಲ್ಲಿ ಮಳೆಯಾದರೆ ಇದನ್ನು ಬಾಧಿಸುವ ರೋಗಗಳು ವೃದ್ಧಿಯಾಗುತ್ತವೆ.

Soil Conditions

ಮಣ್ಣು

ದ್ರಾಕ್ಷಿಯನ್ನು ಹಲವಾರು ತರಹದ ಮಣ್ಣಿನಲ್ಲಿ ಬೆಳೆಯಬಹುದು. ಇದಕ್ಕೆ ಚೆನ್ನಾಗಿ ನೀರು ಬಸಿದು ಹೋಗುವಂತಹ ಗೋಡುಮಣ್ಣು ಅತ್ಯುತ್ತಮ. ಕಡಿಮೆ ಆಳದ ಮಧ್ಯಮ ಕಪ್ಪುಗೋಡು ಮಣ್ಣು ಮುಂತಾದವ್ರಗಳಲ್ಲಿ ಸ್ವಲ್ಪ ಭಾಗ ಸುಣ್ಣದ ಅಂಶ ಇದ್ದರೂ, ದ್ರಾಕ್ಷಿಯನ್ನು ಬೆಳೆಯಬಹುದು. ಆಳವಾದ ಮರಳು ಮಿಶ್ರಿತ ಗೋಡು ಮಣ್ಣು ಕೂಡ ಈ ಬೆಳೆಗೆ ಸೂಕ್ತ.

Varieties

ತಳಿಗಳು

ದ್ರಾಕ್ಷಿಯಲ್ಲಿ ಅನೇಕ ತಳಿಗಳಿದ್ದು, ಈ ಕೆಳಗಿನವ್ರ ಜನಪ್ರಿಯವಾಗಿವೆ

1. ಬೆಂಗಳೂರು ಬ್ಲೂ: ಈ ತಳಿಯ ಹಣ್ಣುಗಳು ಕಪ್ಪು ಮಿಶ್ರಿತ ನೀಲಿ ಬಣ್ಣ ಹೊಂದಿದ್ದು ಗುಂಡಗಿರುತ್ತವೆ. ಇದರ ರುಚಿ ಸ್ವಲ್ಪ ಹುಳಿ. ಇದರ ರಸ ಕಂದು ಬಣ್ಣದಿಂದ ಕೂಡಿದ್ದು ಬಹುಕಾಲ ಶೇಖರಿಸಿಡಬಹುದು. ಇದರ ಗೊಂಚಲುಗಳು ಸಾಧಾರಣ ಗಾತ್ರವಾಗಿದ್ದು ಹಣ್ಣುಗಳು ಒತ್ತಾಗಿರುತ್ತವೆ. ವರ್ಷದಲ್ಲಿ ಎರಡು ಬೆಳೆಗಳನ್ನು ಯಶಸ್ವಿಯಾಗಿ ಪಡೆಯಬಹುದು. ಈ ತಳಿಗೆ ಬೆಳೆಯನ್ನು ಬಾಧಿಸುವ ಹಲವಾರು ರೋಗಗಳನ್ನು ಸಹಿಸಿಕೊಳ್ಳುವ ಶಕ್ತಿ ಇದೆ.

2. ಅನಾಬ್‌-ಇ-ಷಾಹಿ : ಈ ತಳಿಯ ಹಣ್ಣುಗಳು ಅಂಡಾಕಾರದಲ್ಲಿರುತ್ತವೆ. ಹಣ್ಣುಗಳೂ ತಿಳಿ ಹಳದಿಯಿಂದ ಕೂಡಿರುತ್ತವೆ. ಇವ್ರ ಸಿಹಿಯಾಗಿರುವ್ರದೇ ಅಲ್ಲದೆ ಮಾರುಕಟ್ಟೆಗೆ ಉತ್ತಮವೆನ್ನಿಸಿವೆ. ಅತಿ ಹೆಚ್ಚು ಇಳುವರಿ ಕೊಡಬಲ್ಲದು. ಗೊಂಚಲುಗಳೂ ದೊಡ್ಡವಾಗಿದ್ದು ಹಣ್ಣುಗಳೂ ಒತ್ತಾಗಿರುತ್ತವೆ.

3. ದಿಲ್‌ಕುಷ್‌: ಇದನ್ನು ಅನಾಬ್‌-ಇ-ಷಾಹಿ ತಳಿಯಿಂದ ಆಯ್ಕೆ ಮಾಡಲಾಗಿದೆ. ಈ ತಳಿಯ ಹಣ್ಣುಗಳು ಬಹಳ ಉದ್ದವಾಗಿದ್ದು, ಅತಿ ಆಕರ್ಷಣೆಯಿಂದ ಕೂಡಿರುತ್ತವೆ ಹಾಗೂ ಅಧಿಕ ಇಳುವರಿ ಕೊಡಬಲ್ಲದು.

4. ಥಾಮ್‌ಸನ್‌ ಸೀಡ್‌ಲೆಸ್‌ ಇದು ಸಣ್ಣದಾದ, ಗುಂಡನೆಯ ಹಳದಿ ಮಿಶ್ರಿತ ಬಿಳಿ ಬಣ್ಣದ ಹಣ್ಣುಗಳುಳ್ಳ ತಳಿ. ಹಣ್ಣುಗಳಲ್ಲಿ ಬೀಜ ಇರುವ್ರದಿಲ್ಲ. ತಿನ್ನಲು ಬಹಳ ಅತ್ಯುತ್ತಮವಾದ ತಳಿ. ಗೊಂಚಲುಗಳು ಸಾಧಾರಣ ಗಾತ್ರವಿದ್ದು ಹಣ್ಣುಗಳು ಬಹಳ ಒತ್ತಾಗಿರುತ್ತವೆ. ಇತರ ತಳಿಗಳಷ್ಟು ಹೆಚ್ಚು ಇಳುವರಿ ಕೊಡಲಾರದು. ಇದರ ಹಣ್ಣುಗಳು ಒಣ ದ್ರಾಕ್ಷಿ ಮಾಡುವ್ರದಕ್ಕೂ ಅತ್ಯುತ್ತಮ.

5. ಸೊನಾಕಾ: ಇದು ಥಾಮ್ಸನ್‌ ಸೀಡ್‌ಲೆಸ್‌ ತಳಿಯಿಂದ ಅಭಿವೃದ್ಧಿಪಡಿಸಿದ ಬೀಜರಹಿತ ತಳಿಯಾಗಿದ್ದು ಅಧಿಕ ಇಳುವರಿ ಕೊಡಬಲ್ಲದು. ಈ ತಳಿಯ ಹಣ್ಣುಗಳು ಉದ್ದವಾಗಿದ್ದು, ಜಿಬ್ಬರ್ಲಿಕ್‌ ಆಮ್ಲದ ಸಿಂಪಡಿಕೆಯಿಂದ ಉತ್ತಮ ಗುಣಮಟ್ಟವನ್ನು ಹೊಂದಬಲ್ಲವ್ರ.

6. ಶರದ್‌ ಸೀಡ್‌ಲೆಸ್‌: ಕಡುನೀಲಿ ಬಣ್ಣ ಹೊಂದಿದ, ಬೀಜರಹಿತ ತಳಿ. ಉತ್ತಮ ಗುಣಮಟ್ಟದ ಹಣ್ಣುಗಳನ್ನು ಕೊಡಬಲ್ಲದಾಗಿದ್ದು ಮಾರುಕಟ್ಟೆಯಲ್ಲಿ ಹೆಚ್ಚಿನ ಬೇಡಿಕೆಯಲ್ಲಿದೆ.

7. ಫ್ಲೇಮ್‌ಸೀಡ್‌ಲೆಸ್‌: ಅಮೇರಿಕಾದ ಕ್ಯಾಲಿಫೋರ್ನಿಯಾದಲ್ಲಿ ಅಭಿವೃದ್ಧಿ ಪಡಿಸಿದ ತಳಿ. ಇದು ಮಧ್ಯಮ ಗಾತ್ರದ ಗೊಂಚಲುಗಳನ್ನು ಹೊಂದಿದ್ದು, ಕೆಂಪು ಬಣ್ಣದ, ಅತ್ಯಾಕರ್ಷಕ ಹಣ್ಣುಗಳನ್ನು ಕೊಡುತ್ತದೆ. ಹಣ್ಣುಗಳು ದುಂಡಾಕಾರದಲ್ಲಿದ್ದು ತಿರುಳು ಗಟ್ಟಿಯಾಗಿರುತ್ತದೆ. ಈ ತಳಿ ಬೇರೆ ಎಲ್ಲ ತಳಿಗಳಿಗಿಂತ ಬೇಗ ಮಾಗುವ್ರದು.

8. ಗುಲಾಬಿ: ಕಂದು ಬಣ್ಣದ ದುಂಡನೆಯ ಹಣ್ಣುಗಳನ್ನು ಬಿಡುತ್ತದೆ. ಹಣ್ಣಿನ ಸಿಪ್ಪೆ ದಪ್ಪ. ಹಣ್ಣು ಸಿಹಿಯಾಗಿರುವ್ರದೇ ಅಲ್ಲದೆ ಒಂದು ವಿಧವಾದ ಗುಲಾಬಿ ಹೂವಿನ ವಾಸನೆ ಇರುತ್ತದೆ. ಸಮಾನ್ಯ ಗಾತ್ರವ್ರಳ್ಳ ಗೊಂಚಲುಗಳನ್ನು ಹೊಂದಿರುತ್ತದೆ. ಗೊಂಚಲುಗಳಲ್ಲಿ ಹಣ್ಣುಗಳು ವಿರಳವಾಗಿರುತ್ತವೆ. ಇದು ಅಲ್ಪಾವಧಿಯಲ್ಲಿ ಕೊಯ್ಲಿಗೆ ಬರುವ ತಳಿ. ಉತ್ತಮ ಇಳುವರಿ ಕೊಡಬಲ್ಲದು, ವರ್ಷದಲ್ಲಿ ಎರಡು ಬೆಳೆಗಳನ್ನು ತೆಗೆಯಬಹುದು. ಈ ತಳಿಯಲ್ಲಿ ಗೊಂಚಲಿನಲ್ಲಿರುವ ಎಲ್ಲಾ ಕಾಯಿಗಳು ಒಟ್ಟಿಗೆ ಮಾಗುವ್ರದಿಲ್ಲ.

9. ಬ್ಲಾಕ್‌ ಚಂಪ: ಇದು ಇತೀಚಿಗೆ ಬೆಂಗಳೂರಿನ ಸುತ್ತಮುತ್ತಲಿರುವ ಪ್ರದೇಶಗಳಲ್ಲಿ ಬಳಕೆಗೆ ಬರುತ್ತಿರುವ ಹೊಸ ತಳಿ. ಇದರ ಹಣ್ಣುಗಳು ಸಣ್ಣದಾಗಿರುವ್ರದೇ ಅಲ್ಲದೆ ಕಪ್ಪು ಮಿಶ್ರಿತ ನೀಲಿ ಬಣ್ಣದಿಂದ ಕೂಡಿರುತ್ತವೆ. ಇದೂ ಸಹ ಹೆಚ್ಚು ಇಳುವರಿ ಕೊಡಬಲ್ಲದು.

Seed & Sowing

ಬೇಸಾಯ ಸಾಮಗ್ರಿಗಳು

1. ತಳಿಗಳು	ನಾಟಿ ಅಂತರ	ಹೆಕ್ಟೇರಿಗೆ ಗುಣಿಗಳ ಸಂಖ್ಯೆ
ಅ) ಥಾಮ್ಸನ್‌ ಸೀಡ್‌ಲೆಸ್‌ ಬಿಟ್ಟು ಮಿಕ್ಕ ತಳಿಗಳು	7.5 ಮೀ. x 3.75 ಮೀ.	450
	4.5 ಮೀ. x 3.0 ಮೀ.	725
	3.6 ಮೀ. x 3.6	755
ಆ) ಥಾಮ್ಸನ್‌ ಸೀಡ್‌ಲೆಸ್‌	3.0 ಮೀ. x 1.8 ಮೀ.	1090
	3.5 ಮೀ. x 1.8 ಮೀ.	1760
	3 ಮೀ. x 2 ಮೀ.	1737

ಸಸ್ಯಾಭಿವೃದ್ಧಿ

1. ಕಡ್ಡಿಗಳಿಂದ: ಸುಮಾರು 6 ತಿಂಗಳು ಕಾಲ ಬೆಳೆದು, ಬಲಿತ, 4 ರಿಂದ 6 ಕಣ್ಣುಗಳುಳ್ಳ ಕಡ್ಡಿಯನ್ನು ಸಸ್ಯಾಭಿವೃದ್ಧಿಗಾಗಿ ಬಳಸುವ್ರದು. ಎರಡು ಗೆಣ್ಣುಗಳ ನಡುವೆ ಕಡಿಮೆ ಅಂತರವಿರುವ ಬಲಿತ ಕಡ್ಡಿಗಳನ್ನು ಆರಿಸಬೇಕು. ಎರಡು ಗೆಣ್ಣುಗಳನ್ನು ಮಣ್ಣಿನಲ್ಲಿ ಇರುವಂತೆ ಪಾತಿಗಳಲ್ಲಿ ನಾಟಿ ಮಾಡಿ. ಚೆನ್ನಾಗಿ ಬೇರು ಬಿಡಲು, ಥಾಮ್ಸನ್‌ ಸೀಡ್‌ಲೆಸ್‌ ತಳಿಯ ಕಡ್ಡಿಯ ಕೆಳಭಾಗವನ್ನು 12 ಗಂಟೆಗಳ ಕಾಲ 250 ಪಿಪಿಎಂ ಇಂಡೋಲ್‌ ಬ್ಯುಟೆರಿಕ್‌ ಆಮ್ಲ ದ್ರಾವಣದಲ್ಲಿ ಅದ್ದಿ ನಾಟಿಗೆ ಉಪಯೋಗಿಸಬೇಕು.

2. ಕಣ್ಣು ಕಸಿ ವಿಧಾನ: ಇತ್ತೀಚಿನ ದಿನಗಳಲ್ಲಿ ಬೀಜರಹಿತ ತಳಿಗಳನ್ನು ತೋಟದಲ್ಲೇ ಕಣ್ಣು ಕಸಿ ವಿಧಾನ ಅನುಸರಿಸಿ ಗಿಡಗಳನ್ನು ಬೆಳೆಯುತ್ತಿದ್ದಾರೆ. ಇದರಿಂದ ಅನೇಕ ಉಪಯೋಗಗಳಿವೆ.

ಡಾಗ್‌ರಿಡ್ಜ್‌ (Dogridge) ಬೇರು ಸಸಿಗಳನ್ನು ತೋಟದ ಗುಂಡಿಗಳಲ್ಲಿ (ಅಕ್ಟೋಬರ್‌-ಜನವರಿ) ನಾಟಿ ಮಾಡಬೇಕು. ಒಂದು ವರ್ಷದ ನಂತರ, ಬೆಳೆದ ಬೇರು ಕಾಂಡಗಳ ಮೇಲೆ (ಭೂಮಿಯಿಂದ 1 ಅಡಿ ಎತ್ತರದಲ್ಲಿ) ಆಯ್ದ ತಳಿಗಳ ಕಣ್ಣುಗಳನ್ನು (Buds) ತಂದು ಕಣ್ಣು ಕಸಿ ಮಾಡಬೇಕು (ಸೆಪ್ಟೆಂಬರ್‌/ ಅಕ್ಟೋಬರ್‌) ಮತ್ತು ಚಿಗುರಿದ ಕಣ್ಣು ಕಸಿಯನ್ನು ಚಪ್ಪರದ ಎತ್ತರಕ್ಕೆ ಬೆಳೆಸಿಕೊಳ್ಳಬೇಕು.

ನಾಟಿ ಮಾಡುವ್ರದು: ಉತ್ತಮವಾಗಿ ಬೇರುಬಿಟ್ಟ ಮೂರು ಕಣ್ಣುಳ್ಳ ಕಡ್ಡಿಗಳನ್ನು ನಾಟಿಮಾಡಬೇಕು. ಅಕ್ಟೋಬರ್‌ ತಿಂಗಳ ಎರಡನೇ ವಾರದಿಂದ ಜನವರಿ ತಿಂಗಳವರೆಗೆ ನಾಟಿಗೆ ಸೂಕ್ತ. ಅಕ್ಟೋಬರ್‌ ತಿಂಗಳಲ್ಲಿ ನಿರ್ದಿಷ್ಟಪಡಿಸಿದ ಅಂತರದಲ್ಲಿ 90 ಘನ ಸೆಂ.ಮೀ. ಅಳತೆಯ ಗುಣಿಗಳನ್ನು 15 ದಿವಸ ಮುಂಚಿತವಾಗಿ ತಯಾರಿಸಬೇಕು. ಕಡಿಮೆ ಅಂತರದಲ್ಲಿ ನಾಟಿ ಮಾಡುವ ಪಕ್ಷದಲ್ಲಿ ಸಾಲಿನುದ್ದಕ್ಕೂ ಹರಿ/ ಕಾಲುವೆಗಳನ್ನು 60 ಸೆಂ.ಮೀ. ಆಳ ಮತ್ತು 60 ಸೆಂ.ಮೀ. ಅಗಲ ತೆಗೆಯುವ್ರದು ಒಳ್ಳೆಯದು. ಗುಣಿಗಳನ್ನು ಒಂದು ಪದರ ಹಸಿರೆಲೆ ಗೊಬ್ಬರ (ಹೊಂಗೆಸೊಪ್ಪು ಅಥವಾ ಗ್ಲಿರಿಸಿಡಿಯಾ ಎಲೆಗಳು) ಹಾಕಿ ಮೇಲುಭಾಗದಲ್ಲಿ ಒಂದು ಪದರ ಮೇಲ್ಮಣ್ಣು ಹಾಕಿ ಮುಚ್ಚಬೇಕು. ಇದೇ ಸಮಯದಲ್ಲಿ ಪ್ರತಿ ಗುಣಿಗೆ 2 ಕಿ.ಗ್ರಾಂ ಎಲುಬಿನ ಪುಡಿ ಅಥವಾ 2 ಕಿ.ಗ್ರಾಂ ಸೂಪರ್‌ ಫಾಸ್ಫೇಟ್‌ ಮತ್ತು 3 ಕಿ.ಗ್ರಾಂ ಬೇವಿನ ಹಿಂಡಿಯನ್ನು ಹಾಕಬೇಕು. ಅನಂತರ ತೆಳುವಾಗಿ ನೀರು ಹಾಯಿಸಿ ಮಣ್ಣು ಚೆನ್ನಾಗಿ ಕುಳಿತುಕೊಳ್ಳುವಂತೆ ಮಾಡಬೇಕು. ಒಂದು ವಾರದ ನಂತರ ಬೇರು ಬಂದ ಕಡ್ಡಿಗಳನ್ನು ನಾಟಿ ಮಾಡಬೇಕು.

ಬಳ್ಳಿ ಹಬ್ಬಿಸುವ್ರದು: ದ್ರಾಕ್ಷಿ ಬಳ್ಳಿಗಳು ಚಪ್ಪರ (ಪೆಂಡಾಲ್‌) ವಿಧಾನದಲ್ಲಿ ಹಬ್ಬಿಸಿದಲ್ಲಿ ಉಳಿದ ವಿಧಾನಗಳಿಗಿಂತ (ಟೆಲಿಫೋನ್‌, ನಿಫಿನ್‌, ಕಾರ್ಡಾನ್‌ ಮತ್ತು ಹೆಡ್‌) ಹೆಚ್ಚಿನ ಇಳುವರಿ ಕೊಡುತ್ತವೆ. ಹೀಗಾಗಿ ಹೆಚ್ಚಾಗಿ ಚಪ್ಪರ ವಿಧಾನದಿಂದ ದ್ರಾಕ್ಷಿಯನ್ನು ಬೆಳೆಯುವ್ರದು ರೂಢಿ.

Nutrient management

ಸಾವಯವ ಗೊಬ್ಬರ

ನಾಟಿಯ ಸಮಯದಲ್ಲಿ ಪ್ರತಿ ಬಳ್ಳಿಗೆ 100 ಕಿ.ಗ್ರಾಂ ಕೊಟ್ಟಿಗೆ ಗೊಬ್ಬರ ಮತ್ತು ನಂತರ ಪ್ರತಿ ಕತ್ತರಿಸುವ ಸಮಯದಲ್ಲಿ, ಪ್ರತಿ ಬಳ್ಳಿಗೆ 100 ಕಿ.ಗ್ರಾಂ ಕೊಟ್ಟಿಗೆ ಗೊಬ್ಬರ ಮತ್ತು ಒಂದು ಕಿ.ಗ್ರಾಂ ಬೇವಿನ ಹಿಂಡಿ ಮತ್ತು ಒಂದು ಕಿ.ಗ್ರಾಂ ಹೊಂಗೆ ಹಿಂಡಿ ಕೊಡುವ್ರದು ಸೂಕ್ತ.

ರಾಸಾಯನಿಕ ಗೊಬ್ಬರಗಳು (ಪ್ರತಿ ಬಳ್ಳಿಗೆ)

	ಬೇಸಿಗೆಯಲ್ಲಿ ಕತ್ತರಿಸುವಾಗ		ಚಳಿಗಾಲದಲ್ಲಿ ಕತ್ತರಿಸುವಾಗ
ಸಾರಜನಕ	600 ಗ್ರಾಂ		400 ಗ್ರಾಂ
ರಂಜಕ	240 ಗ್ರಾಂ		240 ಗ್ರಾಂ
ಪೊಟ್ಯಾಷ್‌	-		75 ಗ್ರಾಂ ಕತ್ತರಿಸುವಾಗ ಮತ್ತು 750 ಗ್ರಾಂ 60 ದಿನಗಳ ನಂತರ
ಅನಾಬ್‌-ಇ.ಷಹಿ			(ಕಿ.ಗ್ರಾಂ/ಹೆ.)
ಅ) 2 ರಿಂದ 5 ವರ್ಷದ ಬಳ್ಳಿಗೆ	ಸಾರಜನಕ	ರಂಜಕ	ಪೊಟ್ಯಾಷ್‌
ಏಪ್ರಿಲ್‌ನಲ್ಲಿ ಕತ್ತರಿಸುವಾಗ 35-40 ದಿವಸಗಳ ನಂತರ ಅಕ್ಟೋಬರ್‌ನಲ್ಲಿ ಕತ್ತರಿಸುವಾಗ 60 ದಿನಗಳ ನಂತರ	15	125	-
			300

Water management

ನೀರಾವರಿ

ಸವರಿದ ಮತ್ತು ರಾಸಾಯನಿಕ ಗೊಬ್ಬರಗಳನ್ನು ಪೂರೈಸಿದ ಕೂಡಲೇ ನೀರನ್ನು ಒದಗಿಸಿ, ದ್ರಾಕ್ಷಿ ಕಾಯಿಗಳು ಬಟಾಣಿ ಗಾತ್ರ ತಲುಪುವ ತನಕ 5-7 ದಿನಗಳಿಗೊಮ್ಮೆ ನೀರು ಕೊಟ್ಟು ತದನಂತರ ಪ್ರತಿ 10 ದಿನಗಳಿಗೊಮ್ಮೆ ನೀರು ಕೊಡಿ. ಕೊಯ್ಲು ಮಾಡುವ ಒಂದು ವಾರಕ್ಕೆ ಮುಂಚೆ ನೀರು ಕೊಡದೇ ಇರುವ್ರದರಿಂದ ಹಣ್ಣುಗಳು ಹೆಚ್ಚು ಸಿಹಿಯಾಗುತ್ತವೆ.

ದ್ರಾಕ್ಷಿ ಬೆಳೆಗೆ ಹನಿ ನೀರವರಿಯನ್ನು ಅಳವಡಿಸಿಕೊಂಡರೆ ಸೂಕ್ತ. ಇದರಿಂದ ನೀರಿನ ಉಳಿತಾಯವಾಗುವ್ರದಲ್ಲದೆ, ಬೇಕಾದ ಹಂತಗಳಲ್ಲಿ ನೀರನ್ನು ಸೂಕ್ತ ಪ್ರಮಾಣಗಳಲ್ಲಿ ಕೊಡಬಹುದು. ಇತೀಚಿಗೆ ಮಾರುಕೆಟ್ಟೆಗೆ ಬರಲಾರಂಭಿಸಿದರುವ ನೀರಿನಲ್ಲಿ ಕರಗಬಹುದಾದ ರಸಗೊಬ್ಬರಗಳನ್ನು ಸುಲಭವಾಗಿ ಡ್ರಿಪ್‌ ಮೂಲಕ ಕೊಡಬಹುದು.

Weed management

ಕಳೆ ಹತೋಟಿ

ಏಪ್ರಿಲ್‌ನಲ್ಲಿ ಬಳ್ಳಿ ಕತ್ತರಿಸಿದ ನಂತರ ಮೊದಲ ನೀರಾವರಿ ಕೊಟ್ಟ ಕೂಡಲೆ ಹೆಕ್ಟೇರಿಗೆ 1.25 ಕಿ.ಗ್ರಾಂ ಡೈಯುರಾನ್‌ ಶೇ. 80ರ ಪುಡಿ 750 ಲೀಟರ್‌ ನೀರಿನಲ್ಲಿ ಮಿಶ್ರಣ ಮಾಡಿ ಗಿಡದ ಬುಡದಲ್ಲಿ ಭೂಮಿಯ ಮೇಲೆ ಸಿಂಪರಿಸಿ. 45 ದಿವಸಗಳ ನಂತರ ಹೆಚ್ಚು ಕಳೆಗಳಿದ್ದಲ್ಲಿ, ಪ್ರತಿ ಲೀಟರ್‌ ನೀರಿನಲ್ಲಿ 8 ರಿಂದ 10 ಮೀ.ಲೀ. ಗ್ಲೈಪೋಸೇಟ್‌ 41 ಎಸ್‌.ಎಲ್‌. 10 -20 ಗ್ರಾಂ ಯೂರಿಯಾ ಅಥವಾ ಅಮೋನಿಯಂ ಸಲ್ಫೇಟ್‌ ಮತ್ತು ಎರಡು ತೊಟ್ಟು ನಿಂಬೆ ಹುಳಿ ರಸ ಚೆನ್ನಾಗಿ ಮಿಶ್ರಣ ಮಾಡಿ, ಕಳೆ ಗಿಡಗಳ ಮೇಲೆ ಬೀಳುವ ಹಾಗೆ ಸಿಂಪರಿಸಿ. ಸಿಂಪರಣೆಯ ದ್ರವ್ಯ ಯಾವ ಕಾರಣಕ್ಕೂ ಬೇಕಾದ ಗಿಡಗಳ ಎಲೆಯ ಮೇಲೆ ಬೀಳದಂತೆ ಎಚ್ಚರಿಕೆ ವಹಿಸಿ.

Disease management

ರೋಗಗಳು: ಬೂದಿ ರೋಗ, ತುಕ್ಕು ರೋಗ, ಚಿಬ್ಬುರೋಗ (ಅಂಥ್ರಾಕ್ನೋಸ್‌) ಬೂಜು ತುಪ್ಪಟ ರೋಗ, ದುಂಡಾಣು ಎಲೆ ಚುಕ್ಕೆರೋಗ.

ಹತೋಟಿ ವಿಧಾನ

ಏಪ್ರಿಲ್‌ ಚಾಟನಿ

ಏಪ್ರಿಲ್‌ ಸವರುವಿಕೆ ನಂತರ ಬಳ್ಳಿಗಳಿಗೆ 2 ಮಿ.ಲೀ. ಡೈಮೀಥೋಯೇಟ್‌ ಅಥವಾ 0.5 ಮಿ.ಲೀ. ಫಾಸ್ಫೋಮಿಡಾನ್‌ ಅಥವಾ 2 ಮಿ.ಲೀ. ಕ್ವಿನಾಲ್‌ಫಾಸ್‌ ಅಥವಾ 1 ಮಿ.ಲೀ. ಆಕ್ಸಿಡೆಮಿಟಾನ್‌ ಮಿಥೈಲ್‌ ಮತ್ತು 3 ಗ್ರಾಂ ತಾಮ್ರದ ಆಕ್ಸಿಕ್ಲೋರೈಡ್‌ ಅಥವಾ ಶೇ. 1ರ ಬೋರ್ಡೋ ದ್ರಾವಣವನ್ನು ಮುಖ್ಯ ಕೀಟಗಳ ಮತ್ತು ರೋಗಗಳ ನಿಯಂತ್ರಣಕ್ಕೆ ಸಿಂಪಡಿಸಬೇಕು.

ಬಳ್ಳಿ ಒಣಗುವಿಕೆ ಹತೋಟಿ ಮಾಡಲು ರೋಗ ಬಂದ ಬಳ್ಳಿಯ ಒಣಗಿದ ಭಾಗದಿಂದ ಒಂದು ಅಡಿ ತಳಭಾಗಕ್ಕೆ ಕತ್ತರಿಸಿ ತೆಗೆದು ಸುಟ್ಟು ಹಾಕಬೇಕು. ನಂತರ ಕತ್ತರಿಸಿದ ಭಾಗವನ್ನು 3 ಗ್ರಾಂ ಕಾರ್ಬೆಂಡಜಿಂ ಒಂದು ಲೀಟರ್‌ ನೀರಿನಲ್ಲಿ ಮಿಶ್ರ ಮಾಡಿ ಲೇಪಿಸುವ್ರದು. 2 ರಿಂದ ೩ ವರ್ಷದ ಬೆಳೆಗೆ 1 ಗ್ರಾಂ ಕಾರ್ಬೆಂಡಜಿಂ ಒಂದು ಲೀಟರ್‌ ನೀರಿನಲ್ಲಿ ಮಿಶ್ರಮಾಡಿ ಬುಡದ ಸುತ್ತ ಮಣ್ಣಿನಲ್ಲಿ ಸುರಿಯಬೇಕು.

ಮೇ-ಜೂನ್‌ ತಿಂಗಳಲ್ಲಿ ಮಳೆ ಬಂದ ನಂತರ 1 ಗ್ರಾಂ ಕಾರ್ಬೆಂಡಜಿಂ ಅಥವಾ ಥಯೋಫಿನೇಟ್‌ ಮಿಥೈಲ್‌ ಸಿಂಪಡಿಸುವ್ರದು.

ಜುಲೈ ಮತ್ತು ಅಗಸ್ಟ್‌ ತಿಂಗಳುಗಳಲ್ಲಿ 3 ಗ್ರಾಂ ತಾಮ್ರದ ಆಕ್ಸಿಕ್ಲೋರೈಡ್‌ನ್ನು 1 ಲೀಟರ್‌ ನೀರಿನಲ್ಲಿ ಮಿಶ್ರಮಾಡಿ ಸಿಂಪರಿಸಿ.

ಬೂದಿ ರೋಗದ ಹತೋಟಿಗಾಗಿ 3 ಗ್ರಾಂ ನೀರಿನಲ್ಲಿ ಕರಗುವ ಗಂಧಕ ಅಥವಾ 0.5 ಮಿ.ಲೀ. ಟ್ರೈಡೆಮಾರ್ಫ್‌ ಅಥವಾ 1 ಗ್ರಾಂ ಕಾರ್ಬೆಂಡಜಿಂ ಒಂದು ಲೀಟರ್‌ ನೀರಿನಲ್ಲಿ ಬೆರೆಸಿ ಪ್ರತಿ 10-15 ದಿನಗಳಿಗೊಮ್ಮೆ ಸಿಂಪರಣೆ ಮಾಡಬೇಕು.

ಅಕ್ಟೋಬರ್‌ ಚಾಟನಿ

ಏಪ್ರಿಲ್‌ ಸವರುವಿಕೆಯಲ್ಲಿ ತಿಳಿಸಿದ ಹತೋಟಿ ಕ್ರಮಗಳನ್ನು ಅನುಸರಿಸಿ.

ಅಕ್ಟೋಬರ್‌ ಸವರುವಿಕೆಗೆ 3 ಗ್ರಾಂ ತಾಮ್ರದ ಆಕ್ಸಿಕ್ಲೋರಯಡ್‌ ಅಥವಾ ಶೇ. 1ರ ಬೋರ್ಡೊ ದ್ರಾವಣವನ್ನು ಸಿಂಪರಿಸಿ. ಹೊಸ ಚಿಗರು ಬಂದಾಗ 1 ಗ್ರಾಂ ಕಾರ್ಬೆಂಡೈಜಿಂ ಅಥವಾ 1 ಗ್ರಾಂ ಥಿಯೋಫಿನೇಟ್‌ ಮಿಥೈಲ್‌ ಸಿಂಪರಿಸಿ. 3 ಎಲೆ ಹಂತದಲ್ಲಿ ಮೆಟಾಲಾಕ್ಸಿಲ್‌ ಮತ್ತು ಮ್ಯಾಂಕೊಜೆಬ್‌ ಅಥವಾ ಸೈಮಾಕ್ಸಿನಿಲ್‌ ಮತ್ತು ಮ್ಯಾಂಕೊಜೆಬ್‌ ಅಥವಾ ಪೊಸೆಟಿಲ್‌-ಎ-ಎಲ್‌ 2 ಗ್ರಾಂ ಪ್ರತಿ ಲೀಟರ್‌ ನೀರಿನಲ್ಲಿ ಮಿಶ್ರ ಮಾಡಿ ಸಿಂಪರಿಸಿ. ಇದೇ ಪ್ರಮಾಣದ ಔಷಧಿಗಳನ್ನು 10 ದಿನಗಳಿಗೊಮ್ಮೆ ಸಿಂಪರಿಸಿ.

ಬೂದಿ ರೋಗದ ನಿಯಂತ್ರಣಕ್ಕೆ 2 ಗ್ರಾಂ ನೀರಿನಲ್ಲಿ ಕರಗುವ ಗಂಧಕವನ್ನು ಅಥವಾ ಳಿ ಲೀ. ಟ್ರೈಡಮಾರ್ಫ್‌ ಅಥವಾ 1 ಗ್ರಾಂ ಮೈಕ್ಲೋಬುಟನಾಲ್‌ ಪ್ರತಿ ಲೀಟರ್‌ ನೀರಿನಲ್ಲಿ ಮಿಶ್ರಮಾಡಿ 15 ರಿಂದ 20 ದಿನಗಳಲ್ಲಿ ಸಿಂಪರಣೆ ಮಾಡುವ್ರದು.

ತುಕ್ಕು ರೋಗ ನಿಯಂತ್ರಿಸಲು 1 ಗ್ರಾಂ ಬಿಟರ್‌ಟಿನಾಲ್‌ ಅಥವಾ 2 ಮಿ.ಲೀ. ಕಾರ್ಬಾಕ್ಸಿನ್‌ ಪ್ರತಿ ಲೀಟರ್‌ ನೀರಿನಲ್ಲಿ ಮಿಶ್ರ ಮಾಡಿ ಸಿಂಪರಿಸಿ

ದುಂಡಾಣು ಎಲೆ ಚುಕ್ಕೆ ರೋಗ ಕಂಡಾಗ ಕೆ.ಸೈಕ್ಲಿನ್‌ ಅಥವಾ ಸ್ಟೈಪ್ಟೋಸೈಕ್ಲಿನ್‌ ಅಥವಾ ಪೌರೋಮೈಸಿನ್‌ 0.50 ಗ್ರಾಂ ಹಾಗೂ ತಾಮ್ರದ ಆಕ್ಸಿಕ್ಲೋರೈಡ್‌ 2 ಗ್ರಾಂ ಪ್ರತಿ ಲೀಟರ್‌ ನೀರಿನಲ್ಲಿ ಮಿಶ್ರ ಮಾಡಿ ಸಿಂಪರಿಸಿ. ನಂತರ 15 ದಿನಗಳಲ್ಲಿ ಕನಿಷ್ಠ 3 ಸಿಂಪರಣೆಯನ್ನು ಕೊಡುವ್ರದು.